ATMADHARMA Regd. No. B. 4787
ત્રણકાળ ત્રણલોકમાં પોતા ઉપર પડે નહીં.
ખરેખર! આ બોધિ દુર્લભ છે. સાચી સમજણ માટે પહેલે જ ધડાકે સત્નો હકાર આવવો જોઈએ.
મુખ્ય ગતિ બે છે, એક નિગોદ, બીજી સિદ્ધ. સત્ની જો ના પાડી તો કદાચિત્ એકાદ ભવ બીજો કરીને
પણ પછી નિગોદમાં જ જાય. સત્ના વિરોધનું ફળ નિગોદ જ છે. અને એકવાર પણ સત્નો અંતરથી યથાર્થ
હકાર આવ્યો તો તેની મુક્તિ જ છે.
હકારનું ફળ સિદ્ધ–નકારનું ફળ નિગોદ. આ જે કહેવાય છે તે ત્રિકાળ પરમ સત્ય છે, ત્રણકાળ
ત્રણલોકમાં સત્ જોઈતું હોય તો જગતને આ માન્યે જ છુટકો છે.
સત્ ફરે તેમ નથી, સત્ સમજવા માટે તારે ફરવું પડશે. સિદ્ધ થવા માટે સિદ્ધ સ્વરૂપનો હકાર લાવો!
... અનુક્રમ...
જ્ઞાનાભ્યાસની જરૂરિયાત ૧૧૦
અજ્ઞાનીજીવની આડાઈ અને
પુદ્ગલની સરળતા ૧૧૦
સ્મરણમાં રાખવા યોગ્ય નિયમો ૧૧૧
સત્યનો આદર ને અજ્ઞાનનો ત્યાગ
એજ પ્રથમમાં પ્રથમ ધર્મ છે. ૧૧૨
કુદેવ, કુગુરુ અને કુધર્મનો ત્યાગ કરો ૧૧૪
શ્રી સદ્ગુરુ દેવના અંતર ઉદ્ગાર ૧૧પ
જેઠ–આષાઢ તિથિ ૧૧૬
નિશ્ચય વ્યવહારનું સ્વરૂપ ૧૧૭
શ્રીષટ્ખંડાગમ જ્યવંત રહો ૧૧૮
મફતમાં કંઈ પણ મલતું નથી ૧૧૯
અવિરત સમ્યગ્દ્રષ્ટિ જ્ઞાની છે ૧૨૦
જડ અને ચેતન ૧૨૧
સ્વરૂપનું શ્રવણ તે બુદ્ધિનો સદુપયોગ ૧૨૧
ત્રાસનું સામ્રાજ્ય ૧૨૨
અંતરથી સત્ના હકાર વગર ધર્મ સમજાશે નહીં ૧૨૩
શ્રી સ્વાધ્યાય મંદિરમાં વૈશાખ વદ ૮ ના રોજ
આત્મધર્મ માસિકના પ્રચાર માટે બપોરના વ્યાખ્યાન પછી
મહેમાનોને ઉદેશીને. શ્રી જમુ રવાણીએ કહેલ
બે બોલ
મુમુક્ષુ ભાઈઓ અને બહેનો
આજના ઉજવલ દિવસે આપણે ઉજવલતા
પ્રગટાવવા અહિં આવ્યા છીએ. એ ઉજવળતા પ્રગટવામાં
સદ્ગુરુદેવની વાણી નિમિત્ત રૂપ છે.
પરમ પૂજ્ય સદ્ગુરુદેવે અથાગ પુરુષાર્થ કરી
મેળવેલી અદ્ભુત વસ્તુ તેઓશ્રી આપણને અપૂર્વ વાણી
દ્વારા આપી રહ્યા છે.
એ અપૂર્વવાણી જ્ઞાનાભ્યાસ માટે, સ્વાધ્યાય માટે
અતિ ઉપયોગી છે. એ વાણીનો સૌ જિજ્ઞાસુ ભાઈ બહેનો
લાભ લઈ શકે તે માટે આત્મધર્મ માસિક પ્રગટ કરવામાં
આવે છે.
આ માસિકનું સંપાદન આપણા માનનીય મુરબ્બી
શ્રી રામજીભાઈ કરી રહ્યા છે કે જેઓ આત્મધર્મમાં પરમ
પૂજ્ય સદ્ગુરુદેવની વાણી ઉપરાંત સમયસાર, પ્રવચનસાર,
નિયમસાર, અને બીજાં અનેક અલૌકિક ગ્રંથોનો અભ્યાસ
કરી આપણે સહેલાઈથી સમજી શકીએ એવું લખાણ આપી
રહ્યા છે.
એથી આ માસિકનો બહોળો ફેલાવો થાય અને
મુમુક્ષુ ભાઈ બહેનો પૂરતો લાભ લે તેમ ઈચ્છું છું,
આ માસિકનો પ્રચાર તેના ગ્રાહક વધારી આપીને
તેમજ આપની નકલ બીજાને વાંચવા આપીને કરી શકાય
છે. આપની શક્તિ હોય તો સ્વજન સ્નેહીને તેમના વતી
લવાજમ ભરી આત્મધર્મ મોકલાવી શકો છો તેમ ન થઈ
શકે તો આપણા સાધર્મી બંધુઓને કે ધર્મનું રહસ્ય
સમજવા ઈચ્છતા ભાવિક જનોને આ માસિકના ગ્રાહક
થવા ભલામણ કરી શકો છો. અને તેમ પણ ન થઈ શકે તો
આ માસિકનું સમુહ વાંચન કે આપની નકલ બીજાઓને
વાંચવા આપી આત્મધર્મની પ્રભાવના કરી શકો છો. આશા
છે કે આવી રીતે આપ આ કાર્યમાં પૂરતો સહકાર આપશો.
... સુવર્ણપુરીના સમાચાર...
શ્રી સમયસાર પ્રતિષ્ઠા વાર્ષિક મહોત્સવ દિન
વૈશાખ વદ ૬–૮ ના રોજ લગભગ પ૦૦ મુમુક્ષુ ભાઈ
બહેનો સોનગઢ આવેલા. એ બન્ને દિવસોએ સદ્ગુરુદેવની
અમૃતવાણી સાંભળવાનો અપૂર્વ લાભ મળ્યો હતો.
રવિવારે તેમજ સોમવારે સવારના વરઘોડામાં
સ્થાનિક તેમજ બહારથી આવેલા તમામ ભાઈ બહેનોએ
ભાગ લીધો હતો.
બીજે દિવસે વરઘોડામાં જય સમયસાર, જય
સમયસારની સ્તુતિ આબાલ વૃદ્ધ તમામ એકી અવાજે કરી
રહ્યા હતા. ત્યારનું દ્રશ્ય શ્રી સમયસાર પ્રત્યેની ભક્તિનો
આબેહુબ ખ્યાલ આપતું હતું.
એવું જ અનેરું દ્રશ્ય સોમવારે સાંજે સનાતન જૈન
મંદિરમાં ભક્તિ માટે બેઠેલા ત્યારે હતું. પવન અને
વરસાદની સખત ઝડીઓ પડી રહી હતી ત્યારે લગભગ
તમામ ભાઈ બહેનો દેરાસરમાં સમાઈ ગયા હતા. એક તસુ
જેટલી પણ જગ્યા ખાલી ન હતી. અને તેજ વખતે બહેનશ્રી
ભક્તિભીના અવાજે જિન મંદિર અને સ્વાધ્યાય મંદિરમાં
પધારી પ્રભુપદ પ્રગટાવવાની ધૂન લેવરાવી રહ્યા હતા.
આમ બન્ને દિવસો ખૂબ આનંદથી પસાર થયા
હતા.
મુદ્રક:– ચુનીલાલ માણેકચંદ રવાણી
શિષ્ટ સાહિત્ય મુદ્રણાલય, વિજયાવાડી, મોટા આંકડિયા, કાઠિયાવાડ. તા. ૨૦–પ–૪૪
પ્રકાશક:– જૈન સ્વાધ્યાય મંદિર ટ્રસ્ટ સોનગઢ વતી જમનાદાસ માણેકચંદ રવાણી, વિજયાવાડી, મોટા આંકડિયા કાઠિયાવાડ.