જેઠ : ૨૪૭૪ આત્મધર્મ : ૧૪૫ :
દુનિયાનો ભાણ
(વૈશાખ સુદ બીજની સવારે વ્યાખ્યાન પછી ગવાયેલું)
ઉગ્યો સૂર્ય આ ભારતનાં ભાગ્યનો જનમ્યાં એ
લાડીલા કાન
ભક્તના ભગવાન કે પંથ દેખાડનાર,
હૃદયના આધાર
તેનું જીવન અમર રહેજો જ્યોત અખંડ રહેજો
એમ રહેજો એ કાનનો જય...
ત્યાગીઓની મંડળીમાં પંડિતોની હારમાં
કાનનું જ્ઞાન આબાદ
ધરતી ખુંદી અમે ઠેર ઠેર જોયું
કાન દુનિયાનો “ભાણ”
જેણે હલાવ્યું હિંદને, જગાડયું જગને
એ ઉજાળ્યું જૈન શાસન.........
એની વાણીના સૂરે ભક્તોના વૃંદ ઝુલે
નયનોના નૂર પૂરે
જનમ જનમના ઉતરતા થાક ત્યાં
મોક્ષના મંડપ રોપાય
સહુ ચાલો નિહાળવા ચાલોને વંદવા
એ ચાલો ગુરુને પૂજવા........
સ્વાધીન સ્વતંત્ર તુજ અમર સંદેશો
સીમંધર સભામાં વખણાય
આવ્યા એ કાન વિદેહ ક્ષેત્રથી
આનંદ આનંદ થાય
જેણે પ્રકાશ્યો માર્ગને, સમજાવ્યા ષટ્ દ્રવ્યને
એ ઓળખાવ્યો આતમારામ...
ઉગ્યો સૂર્ય આ ભારતના ભાગ્યનો જનમ્યાં એ
લાડીલા કાન....
બહુ તારા ઉપકાર....
(કોઈનો લાડકવાયો–એ રાગ)
(વૈશાખ સુદ બીજને દિવસે સવારમાં ગવાયેલું)
ગુરુજી બહુ તારા ઉપકાર પ્રભુજી બહુ તારા ઉપકાર
તારા ગુણનો નાવે પાર.................. ગુરુજી.
જન્મ જન્મના દુઃખીયા જીવો તારી શરણમાં આવે,
ભવ દુઃખીયાનો તું વિસામો શાંતિ રસ પાન કરાવે;
એવા ભવદુઃખભંજનહાર........ગુરુજી.
ટળવળતાં અંધકારમાં ન્હોતું અમને ભાન,
જ્ઞાન જ્યોતિ પ્રગટાવીને ઉગાર્યો ભગવાન;
એવા અમ અંધતણા આધાર.......ગુરુજી.
ભવ્ય જીવોની ભીડ ભાંગવા ભેટયા છો ભગવાન,
આત્મ સ્વરૂપનો ભેટો કરાવી દૂર કરે અજ્ઞાન,
એવા જ્ઞાનામૃત પાનાર.......ગુરુજી.
અજબ શૌર્યતાથી ભરેલી અદ્ભુત વાણી તારી,
આત્મ તૃષિત જીવોને માટે અપૂર્વ મંગલકારી:
એવા શ્રુતજ્ઞાન ધરનાર.......ગુરુજી.
અધ્યાત્મ રસથી વહે ઉછરતું આંતર જીવન તારું,
આત્માર્થીને અર્પે જીવન આત્મહિત કરનારું
એવા આત્મ જીવન દેનાર.........ગુરુજી.
શુદ્ધાત્મ સ્વરૂપે મસ્ત બન્યો તું ક્ષાયક ભક્તિ અપાર,
જૈનશાસનનો ડંકો ગજાવી વરતાવ્યો જયકાર;
એવા શ્રેષ્ઠ ગુણ ભંડાર........ગુરુજી.
સ્વરૂપ સ્થિત “શ્રી કહાન ગુરુની” જગમાં ન મળે જોડ,
એવા યોગી અમ આંગણે આજે પૂર્ણ થશે અમ કોડ;
એવા સ્વરૂપ જીવન જીવનાર..........ગુરુજી.
પ્રભુ તુલ્ય માની ગુરુને વર્તું આજ્ઞાધાર,
શુદ્ધાત્મ સ્વરૂપનું ભાન કરાવ્યું મુક્ત થવા સંસાર;
એવા સ્વરૂપ દાન દાતાર......ગુરુજી.
દેવપરી
(વૈશાખ સુદ બીજને દિવસે બાલિકાએ નૃત્ય વખતે ગાયેલું)
દેવ પરીરે હું તો દેવપરી
ગગન મંડળમાં રમતી ઘુમતી
માણેક મોતીના થાળ ભરી નીસરી..........દેવપરી
સીમંધર પ્રભુ ને, કુંદ–કાન દેવના
દેશ વિદેશે સંદેશ પૂછતી
કહો મને કિહા (મારા) સીમંધર પ્રભુજી....દેવપરી
ભરત ભૂમિનાં સુવર્ણપુરમાં
જિનમંદિર ત્યાં નયને નીરખી
હર્ષ ભરી જિન દ્વારે ઉતરી..............દેવપરી
અહો, અદ્ભૂત પ્રભુ મુદ્રા તારી!
ભક્તિ ભાવે તુજ વંદન (પૂજન) કરતી
વિધ–વિધ ભાવે હું તો નૃત્યો કરતી.......દેવપરી
સ્વાધ્યાય મંદિરે ગુરુવંદન ચલી
વંદન કરીને મીઠી વાણી સુણી
વાણી સુણીને હું તો ઘેલી બની
ઘેલી બનીરે હું ઘેલી બની................. દેવપરી.
પ્રભુ ચરણે નમી શરણું લેતી
કુંદ–કાન દેવના ચરણોમાં નમતી
સંતોના મંગળ ગીત ગાતી
ગુરુ ચરણે હું તો નમીરે નમી...............દેવપરી.