मुंबईमां श्री दिगम्बर जैन मुमुक्षु मंडळ
तरफथी अति उत्साहपूर्वक उजवाएल
(श्रावण वद १२ थी भादरवा वद १ सुधीनी संक्षिप्त नोंध)
स्थळ: – सी. पी. टेंक रोड उपर आवेल हीराबाग होल.
श्रावण वद १२ सवारे :– श्री भूलेश्वर दिगंबर जैन मंदिरमांथी भगवानश्री महावीर प्रभुनां प्रतिमाजीनो
वरघोडो वाजते गाजते नीकळ्यो हतो मुमुक्षु भाईओ तथा बेनोनो उत्साह अत्यंत भक्तिभावपूर्वकनो हतो.
बेनोए तो एक कलाक अगाउथी श्री भूलेश्वर मंदिरमां आवीने प्रभुजी पधारवा विषेनां स्तवनो गाईने मंदिर
गजावी मूकयुं हतुं. वरघोडामां सौथी मोखरे नेशनल हिंदु बेन्ड सुंदर सरोद वगाडतुं चालतुं हतुं. जाणे के ते
प्रभुजी पधारता होवानी जाहेरात करतुं हतुं. तेनी पाछळ बाळको वावटा फरकावता चालता हता. ते जाणे एम
कहेता हता के जेओ परमात्माने ओळखे छे तेमनो विजयध्वज आ जगतमां फरके छे. त्यारपछी मुमुक्षु भाईओ
स्तवनो गाता चालता हता. साथे दिगंबर प्रतिष्ठित भाईओ हता. जेमां श्री भूलेश्वर जिनमंदिरना ट्रस्टीओ
तरफथी पधारेल शेठश्री सुंदरलालजी तथा शेठ पन्नालालजी तेम ज शेठ लक्ष्मीचंदजी, ईन्दोरवाळा शेठ
महेन्द्रकुमारजी, शेठ अमुलखजी, शेठ मानमलजी अने श्री गुलालवाडी जिनमंदिरना ट्रस्टी शेठश्री चंदुलाल
कस्तुरचंद वगेरेनी हाजरी खास ध्यान खेंचती हती. त्यारपछी प्रभुजीनी पालखी हती. तेनी पाछळ बहेनो
मांगळिक गीतो हर्षपूर्वक गातां हतां. वरघोडो एक कलाके हीराबाग होल पहोंच्यो हतो. होल प्रसंगने
अनुसरीने सुशोभित रीते शणगारवामां आव्यो हतो. प्लेटफोर्म उपर वेदी बनाववामां आवी हती. तेमां
सिंहासन उपर श्री जिनेश्वर भगवाननां प्रतिमाजीने बिराजमान करीने अभिषेक करवामां आव्यो हतो.
त्यारपछी पूजा करवामां आवी हती. ते वखते लगभग पांचसो उपरांत भाईबहेनोनी हाजरी हती.
बपोरे श्री समयसारजीनी १४मी गाथानुं प्रवचन वांचन
थयुं हतुं. श्रावण वद १२ थी भादरवा सुद ४ सुधी नीचे मुजब कार्यक्रम हतो.
सवारे ७।। थी ८। श्री जिनेश्वर भगवाननी पूजा.
८।। थी ९।। श्री समयसारजीनी गाथा १४ उपरनां प्रवचनोमांथी वांचन.
बपोरे २।। थी ३।। श्री सत्तास्वरूपना पहेला भागमांथी
वांचन ३।। थी ४ श्री जिनेश्वर भगवाननी भक्ति.
रात्रे ७ थी ७।। श्री देव–गुरु–शास्त्रजीनी आरती (त्रण)
७।। थी ८।। श्री प्रतिक्रमण.
८।। थी ९।। भक्ति–भावना.
श्रावण वद १२ रात्रे. जुदी जुदी भावनामां एक बाळा देवपरी थई हती ने तेणे उल्लासपूर्वक भक्ति
करी हती. बीजी बाळाए लाख लाख दीवडाथी प्रभुश्रीनी आरती उतारी हती.
भादरवा सुद २. भाईओए प्रतिक्रमणनो संवाद कर्यो हतो.
,, सुद प. भाईओए गृहीतमिथ्यात्वनो संवाद तथा बाळाओए अस्तित्वगुण तथा तप उपर संवाद
करेल हता. भादरवा सुद प. दशलक्षणी पर्वनो पहेलो दिवस. पांचसोथी छसो भाईओ तथा बेनोनी हाजरी
हती. सवारना वांचन पछी श्री समयसारजी शास्त्रनी ज्ञानपूजा करवामां आवी हती. आरतीना घीनी उछामणी
घणा उत्साहपूर्वक थई हती पांचे आरतीनुं कुल घी ३९७ मण थयुं हतुं.
दररोजना कार्यक्रम उपरांत बपोरे १।। थी २।। बे दिवस श्री समयसारजी (हरिगीत), एक दिवस श्री
प्रवचनसारजी (हरिगीत) तथा एक दिवस श्री आत्मसिद्धिनी स्वाध्याय करवामां आवी हती.
भादरवा सुद पथी सुद १४. सवारना वांचनमां श्री पद्मनन्दि पंचविंशतिकामांथी उत्तम क्षमा, मार्दव,
आर्जव, सत्य, शौच, संयम, तप, त्याग, आकिंचन्य तथा ब्रह्मचर्य–ए दश लक्षणी धर्ममांथी दररोज एक एक धर्म
उपर परम पूज्य गुरुदेवे करेल प्रवचन के जे ‘आत्मधर्म’ मां प्रसिद्ध थयेल, तेनुं वांचन राखवामां आव्युं हतुं.
धुपदशमी. हीराबाग होलमां दर्शनार्थेपांचसो उपर दिगंबर भाईओ तथा बहेनोनी अवरजवर चालु
हती. अनंतचतुर्दशी सवारे श्री पद्मनंदि पंचविंशतिकामांथी उत्तम ब्रह्मचर्य उपर वांचन थयुं हतुं.
बपोरे. श्री तत्त्वार्थसूत्रना पहेला अध्यायना परिशिष्ट त्रीजामांथी ‘जिज्ञासुओए धर्म केवी करवो?’ तेनुं वांचन.
रात्रे. सर्वसामान्य प्रतिक्रमण पूरुं. त्यारपछी भावना.
क्षमावणी दिन सवारे पूजामां घणा भाईबहेनो आवेल