સુવર્ણપુરી સમાચાર
[અષાઢ વદ ૮]
* પરમ પૂજ્ય ગુરુદેવશ્રી સુખશાંતિમાં બિરાજે છે.
* ધાર્મિક દિવસો અને દસલક્ષણધર્મ: મુમુક્ષુઓની સગવડતા ખાતર,
સોનગઢમાં દર વર્ષે જે રીતે ધાર્મિક દિવસો મનાય છે તે રીતે આ વર્ષે પણ
તા. ૨૯–૮–૫૧ શ્રાવણ વદ ૧૨ ને બુધવારથી તા. ૫–૯–૫૧ ભાદરવા સુદ
૪ ને બુધવાર સુધી ધાર્મિક દિવસો ગણવામાં આવશે, તેમ જ ત્યારપછી
સનતાન જૈનધર્મના પર્યુષણ–દસલક્ષણધર્મ : પણ ભાદરવા સુદ ૪થી શરૂ
કરીને ઊજવાશે. [વચમાં એક તિથિ ઘટતી હોવાથી આ વખતે
દસલક્ષણધર્મની શરૂઆત એક દિવસ અગાઉથી થાય છે.]
* શ્રી જૈન અતિથિ સેવા સમિતિની વાર્ષિક બેઠક ભાદરવા સુદ ૨ ને
સોમવાર તા. ૩–૯–૫૧ ના રોજ સાંજે પાંચ વાગે થશે.
* હાલ સવારના પ્રવચનમાં પ્રવચનસારનું પરિશિષ્ટ બીજી વખત વંચાય છે;
થોડાક દિવસોમાં તે પૂરું થશે. ત્યારબાદ વચ્ચેના થોડા દિવસો કાંઈક અન્ય
વાંચન થશે. અને પછી નિયમસાર–ગુજરાતી પ્રસિદ્ધ થઈ જતાં તુરત તેના
ઉપર પ્રવચનો શરૂ થશે.
* બપોરના પ્રવચનમાં સમયસાર (નવમી વખત) વંચાય છે, તેમાં હાલ
બંધ–અધિકાર ચાલે છે. આ ઉપરાંત રાત્રિચર્ચા, ભક્તિ વગેરે કાર્યક્રમ હંમેશ
મુજબ ચાલે છે.
* પવિત્ર પરમાગમ શ્રી નિયમસારજીના ગુજરાતી અનુવાદનું છાપકામ
લગભગ પૂરું થયું છે; ભાદરવા સુદ પાંચમ દરમિયાન આ શાસ્ત્ર પ્રસિદ્ધ
થઈ જશે. તેની કિંમત ઘટાડવા માટે મુમુક્ષુઓ તરફથી લગભગ ૨૭૦૦
રૂપિયાની મદદ મળી છે.
* અષ્ટાહ્નિકાપર્વ અષાડ સુદ ૭થી ૧પ સુધી ઊજવાયું હતું, તેમ જ અષાડ વદ
એકમે “શ્રી વીરશાસન જયંતિ મહોત્સવ” ઊજવાયો હતો. આ પ્રસંગ
નિમિત્તે “પ્રવચનયાત્રા” નીકળી હતી.
* “પ્રૌઢ શિક્ષણવર્ગ” શ્રાવણ સુદ બીજથી શરૂ થવાનો છે, તેમાં દાખલ થવાની
ઈચ્છા હોય તેમણે ટાઈમસર આવી જવું.
બ્રહ્મચર્ય પ્રતિજ્ઞા
અષાડ સુદ બીજના રોજ સુદામડાના ભાઈ શ્રી અમૃતલાલ હંસરાજ તથા
તેમના ધર્મપત્નીએ બંનેએ સજોડે પૂ. ગુરુદેવશ્રી પાસે આજીવન બ્રહ્મચર્યપ્રતિજ્ઞા
અંગીકાર કરી છે; તે માટે તેમને ધન્યવાદ!
ધર્મક્રિયા
આત્મા કોણ છે, આત્માનો સ્વભાવ શું છે, તેની ખબર ન હોય ને
બાહ્યક્રિયાથી ધર્મ માની લ્યે તે અજ્ઞાની છે; આત્માના ધર્મની ક્રિયા કઈ છે તેનું
તેને ભાન નથી એટલે જડની ક્રિયામાં તથા વિકારી ક્રિયામાં તે ધર્મ માને છે. વ્રત
કે જાત્રા, દયા કે ભક્તિ, દાન કે તપ–એ બધામાં શુભરાગભાવ છે તે કાંઈ ધર્મની
ક્રિયા નથી, ધર્મની ક્રિયા તો આત્માના અંર્તસ્વભાવની શ્રદ્ધા, જ્ઞાન અને
સ્થિરતામાં છે. એવી ધર્મક્રિયા તે જ મોક્ષનું કારણ છે. –પ્રવચનમાંથી.