Atmadharma magazine - Ank 119 (Original language). Page: 2.

PDF/HTML Page 21 of 21
single page version

Atmadharm Regd. No. B. 4787

______________________________________________________________________________

* શાંતિનું સ્થાન *

જુઓ ભાઈ! શાંતિ તે આત્માના સ્વભાવમાં

છે; આત્માનો સ્વભાવ ત્રણેકાળ શાંતિથી ભરપૂર
છે, તેની પ્રતીત કરીને તેના અવલંબને જ શાંતિનો
અનુભવ થાય છે, એ સિવાય બહારના બીજા લાખો
ઉપાયથી પણ જીવને સાચી શાંતિ મળતી નથી, કેમકે
આત્માની શાંતિ આત્માથી દૂર નથી, શાંતિનું સ્થાન
આત્મામાં જ છે. જ્ઞાની તો આમ જાણે છે તેથી
નિજસ્વભાવનું બહુમાન ચૂકીને તેમને પરનું
બહુમાન નથી આવતું. ને અજ્ઞાની તો સ્વભાવની
શાંતિને જાણતો નથી તેથી બહારના પદાર્થોનો
મહિમા કરવામાં તે એવો એકાકાર થઈ જાય છે કે
જાણે ત્યાં જ આત્માની શાંતિ ભરી હોય, ને
આત્મામાં તો જાણે કાંઈ હોય જ નહિ! પણ અરે
ભાઈ! તારી શાંતિ તો અહીં છે કે ત્યાં છે? જ્યાં
શાંતિનો સમુદ્ર ભર્યો છે એવા પોતાના સ્વરૂપને
ભૂલીને એકલા પરના બહુમાનમાં રોકાઈ જાય ને
તેમાં જ સંતોષ માની લ્યે તો તેને આત્માની
શાંતિનો જરાપણ લાભ થાય નહિ, ને
સંસારપરિભ્રમણ મટે નહિ. માટે અહીં તો આત્માની
અપૂર્વ સમજણની વાતને મુખ્ય રાખીને જ બધી
વાત છે, આત્માની સમજણ તે જ શાંતિનું મૂળ છે.

(–માનસ્તંભ–પ્રતિષ્ઠા–મહોત્સવના પ્રવચનમાંથી)

પ્રકાશકઃ શ્રી જૈન સ્વાધ્યાય મંદિર ટ્રસ્ટ વતી જમનાદાસ માણેકચંદ રવાણી, વલ્લભવિદ્યાનગર, (ગુજરાત)

મુદ્રકઃ જમનાદાસ માણેકચંદ રવાણી, અનેકાન્ત મુદ્રણાલયઃ વલ્લભવિદ્યાનગર, (ગુજરાત)

< Previous Page