સુવર્ણપુરી સમાચાર
[કુંદકુંદપ્રભુનો આચાર્યપદારોહણ મહોત્સવ, અને પ્રવચનમાં નિયમસારની શરૂઆત]
માગસર વદ આઠમ તે કુંદકુંદપ્રભુના આચાર્યપદારોહણનો મંગલ દિવસ છે, તેથી સોનગઢમાં
આચાર્યપદારોહણનો મહોત્સવ ઊજવાયો હતો. સવારમાં, સીમંધરભગવાનનાં સમવસરણમાં સ્થિત
કુંદકુંદાચાર્યદેવનું અતિશય ભક્તિપૂર્વક સમૂહપૂજન થયું હતું...
પૂ. ગુરુદેવના પ્રવચનમાં મોક્ષમાર્ગ પ્રકાશકનું વાંચન પૂરું થતાં, નિયમસારની શરૂઆત આજે થતી
હોવાથી, નિયમસારજીની ‘પ્રવચન–યાત્રા’ નીકળી હતી. અને ત્યારબાદ ભક્તજનોના ઘણા ઉલ્લાસ અને
પ્રસન્નતા વચ્ચે પૂ. ગુરુદેવે નિયમસારજી પરમાગમ ઉપરના અપૂર્વ પ્રવચનોની અદ્ભુત મંગલકારી શરૂઆત
કરી હતી. નિયમસાર તે ભગવાન શ્રી કુંદકુંદાચાર્યદેવના ‘રત્ન ચતુષ્ટય’ માંનું એક મહાન પરમાગમ રત્ન છે,
તેના ઉપર પ્રવચનોનો પ્રારંભ કરતાં શરૂઆતમાં પૂ. ગુરુદેવે, સીમંધર ભગવાન અને કુંદકુંદાચાર્ય ભગવાનના
સાક્ષાત્ ઉપકારોનું અતિશય ભક્તિપૂર્વક સ્મરણ કરીને, કુંદકુંદાચાર્યપ્રભુનું વિદેહક્ષેત્રે સીમંધરપ્રભુ પાસે ગમન
તેમજ તેમના આચાર્યપદનો પરમ મહિમા પ્રસિદ્ધ કર્યો હતો. તેમજ નિયમસારના અદ્વિતીય ટીકાકાર મહાસમર્થ
સંત ભગવાનશ્રી પદ્મપ્રભ મુનિરાજનો મહિમા પણ અતિશય ભક્તિપૂર્વક વ્યક્ત કર્યો હતો.
એક વખત હિંદી અને બીજી વખત ગુજરાતી–એમ બે વખત આ નિયમસાર શાસ્ત્ર પૂ. ગુરુદેવના
પ્રવચનમાં વંચાઈ ગયું છે, ને આ ત્રીજી વખતનાં પ્રવચનો શરૂ થયા છે. તીર્થંકર ભગવાન શ્રી મહાવીર સ્વામી,
અને ગણધરભગવાન શ્રી ગૌતમસ્વામી પછી તરતજ જેમનું નામ મંગલાચરણમાં આવે છે એવા ભગવાન શ્રી
કુંદકુંદાચાર્યદેવના નિયમસાર પરમાગમ ઉપર પરમ પૂજ્ય ગુરુદેવના પ્રવચનમાં જે અધ્યાત્મરસની ધારા છૂટે છે
તેનાથી ભક્તજનોનાં હૈયાં હર્ષથી હચમચી ઊઠે છે ને આત્મા પ્રસન્નતાથી ડોલી ઊઠે છે.
આ પ્રસંગે, કુંદકુંદપ્રભુજીના આચાર્ય પદારોહણ પ્રસંગનું દ્રશ્ય રચવાવામાં આવ્યું હતું અને પ્રવચન બાદ
નિયમસારાદિ પરમાગમોનું શ્રુતપૂજન ભક્તિ સહિત કરવામાં આવ્યું હતું બપોરે, સમવસરણમાં સ્થિત
કુંદકુંદાચાર્યદેવ સન્મુખ મહાન ભક્તિ થઈ હતી. આ રીતે આચાર્યપદારોહણનો અને નિયમસારની શરૂઆતનો
દ્વિવિધ મહોત્સવ આનંદપૂર્વક ઉજવાયો હતો.
બ્રહ્મચર્ય પ્રતિજ્ઞા
માગસર સુદ ત્રીજે ગારીયાધારવાળા ભાઈશ્રી મણિલાલ પોપટલાલ શાહ તથા તેમના ધર્મપત્ની શાન્તાબેન–
એ બંનેએ સજોડે આજીવન બ્રહ્મચર્યપ્રતિજ્ઞા પૂ. ગુરુદેવ પાસે અંગીકાર કરી છે; તે બદલ તેમને ધન્યવાદ!
ભૂલસુધાર
‘આત્મધર્મ’ ના ગતાંકમાં અશુદ્ધિઓ આપેલી છે, તે ઉપરાંત નીચે મુજબ બીજી અશુદ્ધિઓ પણ છે, –તે
પ્રમાણે વાંચકોએ સુધારી લેવું.
પાનું–કોલમ–લાઈન અશુદ્ધ શુદ્ધ
પ૭–૧–૩૨ મરેલા જીવતું મરેલાનો જીવતું
પ૭–૨–૪ માફક) છતાં
પ૯–૧–૩૩ રાજા રા’ માંડલિકને રાજા રા’ નવઘણને
પ૯–૨–૧પ રા’ માંડલિકની જેમ રા’ નવઘણની જેમ
‘આત્મધર્મ’ નું ભેટ પુસ્તક
મુંબઈ, અમદાવાદ, કલકત્તા તથા રાજકોટ–આ ચાર નગરોમાં નિવાસ કરતા ‘આત્મધર્મ’ ના ગ્રાહકોને
ભેટ પુસ્તક સંબંધી આથી સૂચિત કરવામાં આવે છે કે પ્રત્યેક ગ્રાહકે પોતાની ગ્રાહક–સંખ્યાનું નિર્દેશન કરી
નિમ્નલિખિત સ્થાનેથી પુસ્તક લઈ જવું અથવા મંગાવી લેવું.
સંવત ૨૦૧૦ના ગુજરાતી આત્મધર્મના ગ્રાહકોને પોતાના ગામમાંથી ભેટ પુસ્તક મેળવી લેવા વિનંતી છે.
પુસ્તકો મેળવવાનાં સ્થળો...
૧ શાહ મલુકચંદ છોટાલાલ ઝોબાળીઆ પાંચકુવા, કાપડ બજાર, અમદાવાદ.
૨ દિ. જૈન સ્યાદ્વાદ પ્રચારિણી સભા ઠે. વૈશાખલેન, નં ૧. કલકત્તા, ૭.
૩ શ્રી જૈન દિગમ્બર મંદિર પાલીતાણાના ઉતારા સામે, સદર, રાજકોટ.
૪ શાહ હિંમતલાલ છોટાલાલ ઝોબાળીઆ ૬૮/૭૧ સુતાર ચાલ, મુંબઈ ૨.
• મુંબઈમાં આવેલાં પરાનો પણ મુંબઈમાં જ સમાવેશ થાય છે, તેની નોંધ લેશોજી.