Atmadharma magazine - Ank 156 (Original language). Page: 34.

: આસો : ૨૪૮૨ આત્મધર્મ (‘બ્રહ્મચર્ય અંક’–બીજો.) : ૨૪૧ :

• શ્રી ગોગીદેવી દિગંબર જૈન શ્રાવિકા બ્રહ્મચર્યાશ્રમ, સોનગઢ •

[સંક્ષિપ્ત પરિચય]ં

• • •

પરમ પૂજ્ય બાલબ્રહ્મચારી મહાપ્રભાવી શ્રી કહાનગુરુદેવ અનેક વર્ષોથી મુખ્યપણે સોનગઢમાં બિરાજે છે

અને ભવ્યજીવોને આત્મહિતનો અપૂર્વમાર્ગ દર્શાવે છે. તેઓશ્રીના પરમપાવન ઉપદેશથી આકર્ષાઈને અનેક
જિજ્ઞાસુ ભાઈ–બહેનો સોનગઢમાં આવીને રહે છે.......તેમાં કુમળી વયના નાના ભાઈબહેનો પણ આત્મહિતની
ભાવનાથી સોનગઢમાં રહે છે. કેટલાક ભાઈબહેનોને એવી ભાવના પણ જાગે છે કે પોતાનું આખુંય જીવન અહીં
સંતોની છાયામાં જ વીતે........

સં. ૧૯૯૮માં મુમુક્ષુ બ્રહ્મચારીભાઈઓને માટે “સનાતન જૈન બ્રહ્મચર્યાશ્રમ”ની સ્થાપના થઈ; પૂજ્ય

બેનશ્રીબેનની પવિત્ર છાયામાં રહેતા કેટલાક કુમારિકા બહેનોને પણ બાલબ્રહ્મચારી રહીને સોનગઢમાં જ
વસવાની ભાવના હતી. તેના પરિણામે સં. ૨૦૦૫ના કારતક સુદ તેરસે છ કુમારિકા બહેનોએ આજીવન–
બ્રહ્મચર્ય પ્રતિજ્ઞા લીધી; અને તે પ્રસંગે “સનાતન જૈન કુમારિકા બ્રહ્મચર્યાશ્રમ”ની સ્થાપના થઈ, ને તેને માટે
લગભગ રૂા. ૧૨૦૦૦/–નું ફંડ થયું. પરંતુ હજી બહેનોના આશ્રમ માટે કોઈ સ્વતંત્ર મકાનનો બંદોબસ્ત ન હતો.
ત્રણચાર વર્ષ દરમિયાન બીજા પણ અનેક જિજ્ઞાસુ બહેનો તૈયાર થયા અને તેઓ પણ બ્રહ્મચર્યજીવનની ભાવના
ભાવવા લાગ્યા.....

સં. ૨૦૦૭માં શ્રી સીમંધરભગવાનના વાર્ષિક પ્રતિષ્ઠા મહોત્સવ પ્રસંગે, કલકત્તાથી શ્રીમાન્ વછરાજજી

શેઠ (લાડનુવાળા) તેમના ધર્મપત્ની મનફૃલાદેવી સહિત પહેલી જ વાર સોનગઢ આવ્યા...ત્યારે પૂ. ગુરુદેવના
અદ્ભુત પ્રવચનો સાંભળીને તથા સોનગઢમાં થતી મહાન ધર્મપ્રભાવના દેખીને, તેમજ બહેનોના મંડળનું સુંદર
વાતાવરણ દેખીને, તેઓ ઘણા ખુશી થયા, અને વિશેષ ઉલ્લાસ આવતાં શેઠાણી શ્રી મનફૂલાદેવીએ તુરત જ
સોનગઢમાં વિશાળ જમીન ખરીદીને લગભગ સવાલાખ રૂા. ના ખરચે “श्री गोगीदेबी दि. जैन श्राविका

ब्रह्मचर्याश्रम” બંધાવી આપ્યો. સં. ૨૦૦૮ ના માહ સુદ પાંચમે ઘણાજ ઉત્સાહપૂર્વક તે આશ્રમનું ઉદ્ઘાટન થયું.

હાલ પૂ. બેનશ્રીબેન જેવા પવિત્ર આત્માઓની મંગલ છાયામાં મુખ્યપણે બાલબ્રહ્મચારીબહેનો સહિત એકંદર
ત્રીસેક બહેનો આ આશ્રમમાં રહે છે.

આ આશ્રમનું વાતાવરણ ઉપશાંત અને આહ્લાદકારી છે.........શ્રીદેવ–ગુરુની નીકટ છાયામાં જ આ

આશ્રમ છે......ત્યાંથી હરતાંફરતાં દેવગુરુના દર્શન થયા કરે છે ને સંધ્યા સમયે તો માનસ્તંભસ્થ સીમંધરનાથની
છાયા આશ્રમ ઉપર છવાઈ જાય છે. આવા આ આશ્રમમાં પૂ. બેનશ્રીબેન નિવૃત્તિકાળમાં પોતાના ચિંતન–મનન
ઉપરાંત, કોઈવાર ભક્તિનો ઉમળકો આવી જતાં આશ્ચર્યકારી ભક્તિ કરાવે છે.....તો કોઈવાર વૈરાગ્યભરેલી
વાર્તાઓ પણ કહે છે, કોઈવાર ગુરુદેવનો મહિમા ગાય છે....તો કોઈવાર તીર્થયાત્રાનું ઉમંગભર્યું વર્ણન કરે છે,
કોઈવાર પ્રસંગોચિત હિતોપદેશ પણ આપે છે.....તો કોઈવાર આનંદપૂર્વક ઉલ્લાસ પ્રેરે છે..... નવાનવા શાસ્ત્રોનો
અભ્યાસ પણ કરાવે છે.....ને કોઈ વાર પરીક્ષા પણ લ્યે છે..........

બંને પવિત્ર બહેનોનું જીવન ધર્મરંગથી રંગાયેલું છે.....તેઓનું જીવન જ એવા પ્રકારનું છે કે તેમની

< Previous Page Next Page >