ATMADHARMA Regd. No. B. 4787
___________________________________________________________________________________
वैराग्य समाचार
श्री हुकमीचंदजी शेठनो स्वर्गवास
जैनसमाजना सुप्रसिद्ध महान नेता, पू. गुरुदेवना खास भक्त
अने सोनगढ–संस्था प्रत्ये विशेष प्रेम धरावनार सर शेठ हुकमीचंदजी
साहेब (ईन्दोर) गत महा वद त्रीजना रोज ८प वर्षनी वये ईंदोरमां
स्वर्गवास पाम्या छे. जैनधर्मनी उन्नति माटे तेमने घणो प्रेम हतो; ने
पू. श्री कानजीस्वामी द्वारा थई रहेली जैनधर्मनी महान प्रभावना
देखीने तेओ खूब ज उत्साहित अने प्रभावित थया हता, एटलुं ज
नहि त्रण वखत सोनगढ आवीने तेमणे पोतानो उत्साह अने गुरुदेव
प्रत्येनी भक्ति व्यक्त कर्या हता, तथा सोनगढ संस्थाने ७प००० रूा.
उपरांतनी सहाय करी हती. तेमना स्वर्गवासथी साराय जैनसमाजमां
तेमज आखी ईंदोरनगरीमां आघातनी लागणी फेलाई गई हती,
तेमना मानमां ईंदोरमां संपूर्ण हडताल पडी हती. तेमना स्वर्गवासना
समाचार यात्रासंघने मूळबिद्री मुकामे मळ्या हता. ते समाचारथी
संघना यात्रिकोमां आघात अने वैराग्यनी लागणी छवाई गई हती.
विद्वानो साथे तत्त्वचर्चानो तेमज शास्त्रस्वाध्यायनो तेमने घणो प्रेम
हतो. जैनसमाजनी प्रीतिना संस्कार तेमने आत्महितना पंथमां आगळ
वधारीने, तेमने आत्मानुं शाश्वतसुख पमाडो.......एवी जिनेन्द्रदेव पासे
प्रार्थना करीए छीए.
स्व. शेठ श्री हुकमीचंदजी साहेबना सुपुत्र भैयासाहब श्री
राजकुमारसिंहजी पण तत्त्व समजवाना रसिक छे अने पू गुरुदेव प्रत्ये
खास भक्तिभाव धरावे छे.....तेमना पिताजीनी माफक तेओ पण
सद्धर्मनी रुचिमां आगळ वधीने जैन शासनने शोभावो–एवी
भावना भावीए छीए.
संसारनी स्थिति ज संयोग–वियोगरूप छे, संयोगोनो वियोग
थया वगर रहे ज नहि. आवा संयोग–वियोगरूप अस्थिर संसारमां
एक जिनशासन ज शरण छे; ए जिनशासननी प्रीतिना वशे
चिदानंदस्वरूपनी आराधना करवी ते ज आ अस्थिर संसारभ्रमणथी
छूटीने ध्रुवसिद्धपद पामवानो उपाय छे....ने ए ज मनुष्य अवतारमां
कर्तव्य छे. बाकी तो–
“राजा राणा छत्रपति हाथिन के अवसार,
सब को जाना एक दिन, अपनी अपनी वार”
–आम समजीने, अने उपराउपरी बनता आवा प्रसंगो देखीने
आत्मार्थी जीवोए पोताना आत्मानुं हित शीघ्र साधी लेवा माटे कटिबद्ध
थईने निरंतर तेना प्रयत्नमां उद्यमवंत रहेवुं जोईए.
___________________________________________________________________________________
श्री दिगंबर जैन स्वाध्याय मंदिर ट्रस्टवती मुद्रक अने
प्रकाशकः हरिलाल देवचंद शेठः आनंद प्री. प्रेस–भावनगर