ઃ ૮ઃ આત્મધર્મઃ ૧૮૭
૨૦પ વર્ષ પહેલાં......
આજથી લગભગ ૨૦પ વર્ષ પહેલાં સં. ૧૮૧૧ ના ફાગણ વદ પાંચમના એક
પત્રમાં પં. ટોડરમલ્લજી લખે છે કે–
આ વર્તમાન કાળમાં અધ્યાત્મ રસના રસિક જીવો બહુ જ થોડા છે. ધન્ય છે
તેમને જે સ્વાનુભવની વાર્તા પણ કરે છે. ×××
...... પત્રમાં આગળ જતાં લખે છે કેઃ સારૂં તો એ છે કે ચૈતન્યસ્વરૂપની
પ્રાપ્તિના ઉદ્યમમાં–અનુભવમાં રહેવું. વર્તમાનકાળમાં અધ્યાત્મતત્ત્વ તો આત્મા
છે...તમે અધ્યાત્મ તથા આગમ ગ્રંથોનો અભ્યાસ રાખજો અને નિજસ્વરૂપમાં મગ્ન
રહેજો. વળી તમે કોઈ વિશેષ ગ્રંથ જાણ્યા હો તે મને લખી મોકલજો..........સ્વધર્મીને
તો પરસ્પર ચર્ચા જ જોઈએ.....
પત્રની શરૂઆતના સંબોધનમાં તેઓશ્રી લખે છે કેઃ તમને ચિદાનંદઘનના અનુભવથી
સહજાનંદની વુદ્ધિ ચાહું છું.
આખી બજારનું વાતાવરણ એક ધર્મદરબારના રૂપમાં ફેરવાઈ ગયું હતું.
મઢીયાજી (ચૈત્ર સુદ ૪)
તા. ૧૨ રાત્રે જબલપુરથી પાંચ માઈલ દૂર મઢીયાજી ક્ષેત્રના દર્શન કરવા ગયા હતા. ત્યાં નાનકડા
(૩૦૦) ફૂટ ઊંચા પર્વત ઉપર અનેક જિનાલયો વગેરેની સુંદર રચના છે. વચ્ચે બાહુબલી ભગવાનના ૯ ફૂટના
પ્રતિમા છે; એક બાજુ મંદિરમાં ઢળતી આંખોવાળા ધ્યાનસ્થ મહાવીર પ્રભુની સરસ મુદ્રા છે, બીજી તરફ
આદિનાથ ભગવાન શોભી રહ્યા છે; ને ચોકમાં ફરતી ચોવીસ દેરીઓમાં એક સરખા ૨૪ ભગવંતો (તે તે
ભગવંતોના વર્ણમાં) શોભી રહ્યા છે, તેનાથી આખા પર્વતનું વાતાવરણ ખૂબ આકર્ષક બની ગયું છે. એક
મંદિરમાં કમળાસને જિનેન્દ્રભગવાન શોભી રહ્યા છે. બીજા પણ બે મંદિરો છે, તેમજ મનોહર–શાંત ગૂફાઓ પણ
છે, એક ગૂફામાં મુનિવરોનું ચિત્ર છે, ને બીજી ગૂફામાં નાનકડા જિનબિંબ મુમુક્ષુને આત્મધ્યાનની પ્રેરણા આપી
રહ્યા છે. ‘પીસનહારી કા મંદિરમાં બે નાના જિનબિંબો અને ગૌતમગણધરના ચરણ પાદુકા છે. તળેટીમાં
મંદિરમાં સુંદર મહાવીર પ્રભુ બિરાજે છે તથા માનસ્તંભ છે. અહીં ગુરુદેવ સાથે હર્ષપૂર્વક સર્વે મંદિરોના દર્શન
કરીને બાહુબલી ભગવાન પાસે ભક્તિ કરી....
(૧) જય બાહુબલી જય બાહુબલી
જય બાહુબલી દેવા...
માતા તોરી સુનંદા ને પિતા ઋષભદેવા...
(૨) ધન્ય બાહુબલી આતમહિતમેં
છોડ દિયા પરિવાર...
કિ તુમને છોડા સબ સંસાર...
ભારત છોડા......વૈભવ છોડા.....
છોડા સબ રાજપાટ......
કિ તુમને છોડા સબ સંસાર.......
ઇત્યાદિ ખૂબ જ ભક્તિ પૂ. બેનશ્રીબેને કરાવી હતી.
અહીં અનેક મંદિરો ને ચોવીશ ભગવંતોના દર્શનથી સૌને ઘણો આનંદ થયો.....ગુરુદેવ સાથે એક નવા
તીર્થધામની નાનકડી યાત્રા થઈ.....જતાં જતાં ફરીને પણ ભક્તિ કરવાનું મન થયું....તેથી નીચે મુજબની
ભાવભીની ભક્તિ કરાવી–