વૈશાખઃ ૨૪૮પઃ ૭ઃ
દર્શન કર્યા બાદ ભોજન કરીને યાત્રિકો જબલપુર પહોંચી ગયા. ગુરુદેવ રાત્રે સીવની રોકાયા હતા, ત્યાં પંડિત
સુમેરચંદજી દીવાકર વગેરે સાથે સુંદર તત્ત્વચર્ચા થઈ હતી....સીવનીમાં આખો દિવસ ગુરુદેવના પરિચયથી તથા
તત્ત્વચર્ચાથી પં. સુમેરચંદજી તેમજ રતનલાલજી વગેરે ઘણા પ્રસન્ન થયા હતા, ને તેમણે ભાવભીનું ભાષણ કરતાં
કહ્યું હતું કે હમ અભી તક ભ્રમમેં થે, સ્વામીજીને હમકો નઈ બાત સમઝાઈ હૈ.
જબલપુર (તા. ૧૨–૧૩ ચૈત્ર સુદ ૪–પ)
સવારે ૯ વાગે ગુરુદેવ પધારતાં જબલપુરના જૈનસમાજે શાંતિપૂર્વક સાદાઈથી સ્વાગત કર્યું. જબલપુરનો
જૈનસમાજ ખૂબ ઉત્સાહી છે ને અનેકવિધ વૈભવથી સંપન્ન છે. ગુરુદેવનું ખૂબ જ ઠાઠમાઠથી મહાન સ્વાગત
કરવાની તેમની ભાવના હતી; પરંતુ તાજેતરમાં કોઈ દુષ્ટ જીવોદ્વારા ત્યાંના એક જિનમંદિરનું ખંડન થઈ ગયું
હોવાથી જબલપુરના જૈન સમાજમાં ઉદાસી છવાઈ ગઈ છે; તેથી શાંતિથી સાદાઈપૂર્વક અધ્યાત્મગીત ગાતાં
ગાતાં ગુરુદેવનું સ્વાગત કર્યું. ખંડિત મંદિરના હાલ જોતાં ભક્તોનું હૃદય ગદગદ થઈ જતું હતું...મંદિરમાં ચારે
બાજુ વેરણછેરણ પડેલા કાચના ઢગલામાંથી પણ જાણે કે વીતરાગતાનો નાદ ગૂંજી રહ્યો હતો. ગુરુદેવના
સ્વાગતમાં અનેક પ્રતિષ્ઠિત અજૈન ભાઈઓએ પણ ભાગ લીધો હતો, પ્રવચન મંડપ પાંચેક હજાર માણસોથી
ચિક્કાર ભરાઈ ગયો હતો. સ્વાગત–પ્રવચન કરતાં એડીશનલ ડીસ્ટ્રીક જજ શ્રી ફૂલચંદજી સાહેબે કહ્યું કેઃ મૈં
સોનગઢ આ ગયા હું, શીખરજી ભી આયા થા, બમ્બઈ ભી આયા, ઔર સોનગઢકા દસ વર્ષકા સાહિત્ય મૈંને
સૂક્ષ્મતા સે પઢા હૈ; મૈં અપને અનુભવસે ઔર અધિકારસે યહ કહ સકતા હૂં કિ આજ ઈસ ભારત કે દાર્શનિકોમેં
જૈન દર્શનકા સર્વશ્રેષ્ઠ દાર્શનિક કાનજીસ્વામી હૈં, અપની અનોખી શૈલિસે આપને સમયસાર આદિકા રહસ્ય
સમઝાયા હૈ, જૈન દર્શન કી જિતની ઊંચીસે ઊંચી સેવા હો સકતી હૈ વહ સ્વામીજીને કી હૈ, ઈસલિયે જૈન સમાજ
કે ઉપર આપકા બડા ઉપકાર હૈ. જૈન સમાજ કી ઓરસે મૈં આપકો કિન શબ્દોમેં શ્રદ્ધાંજલિ દૂં! હિંદભરકે અનેક
પંડિતોંકા મુઝે સમાગમ હુઆ હૈ લેકિન મેરે આત્મામેં ગહરી તાત્ત્વિક અસર સ્વામીજીકી હૈ; અભી પ્રવચન
સુનનેપર આપકો ભી ઈસ બાતકા અનુભવ હો જાયગા. મૈં સ્વામીજી કો શ્રંદ્ધાંજલિ દે રહા હું....હમારે યહાં કુછ
ઐસી ચીજ હો ગઈ હૈ કિ હમ આપકા પૂરા સ્વાગત નહીં કર સકે, તૂટાફૂટા સ્વાગત કરકે મૈં આપસે ક્ષમા ચાહતા
હૂં.
ગુરુદેવના મંગલ પ્રવચન બાદ બપોરનો ભક્તિનો કાર્યક્રમ જાહેર કરતાં કહ્યું હતું કે, હમારે યહાં પધારી
હુઈ સોનગઢકી દો પવિત્ર બહિનેં (બેનશ્રી–બેન) તન્મયતાસે ઐસી ભક્તિ કરાયેંગી કિ વર્ષોંતક આપકો યાદ
રહ જાયેગા.
સંઘના યાત્રિકોને ભોજન માટે જુદા જુદા ભાઈઓએ ખાસ નિમંત્રણ આપીને પોતાના ઘરે
બોલાવ્યા હતા ને ખૂબ વાત્સલ્યથી અહીંના રીવાજ પ્રમાણે માળા પહેરાવીને તથા કપાળે ચંદન ચોપડીને
સ્વાગત કર્યું હતું.
અહીં ૧૩ મંદિરો છે. મંદિરો ઘણા વિશાળ છે, દરેક મંદિરમાં સ્વાધ્યાય તથા સામાયિકના ખાસ સ્થાનો
દેખીને “સામાયિકવાલે જી...” ઇત્યાદિ વર્ણન યાદ આવતું હતું. એક જિનમંદિરમાં ૮ વેદી છે, તેમાં બપોરે પૂ.
બેનશ્રીબેને અદ્ભુત ભક્તિ કરાવી હતી...ભક્તિ પ્રસંગે વિશાળ મંદિર ચિક્કાર ભરાઈ ગયું હતું તે ઉપરાંત હજારો
માણસો મંડપમાં બેસીને ભક્તિ સાંભળતા હતાં....પૂ. બેનશ્રીબેનની આશ્ચર્યકારી ભક્તિ દેખીને સૌ મુગ્ધ થયા
હતા.
અહીં તળાવકિનારે પંચાયતી મંદિર ઘણું મોટું છે, તેમા ૨૨ વેદી ઉપર જિનબિંબસમૂહ બિરાજે છે,
ઠેરઠેર સામાયિકના અને સ્વાધ્યાયનાં સ્થાનો છે. તેમાં મહાવીર ભગવાનના પ્રતિમાજી અતિપ્રાચીન અને
ઘણી સુંદર કારીગરીવાળા છે. ગુરુદેવ સાથે આવા વિશાળ જિનાલયોનાં અને જિનદરબારના દર્શન કરતાં
ભક્તોને ઘણો આનંદ થતો હતો. જિનમંદિર એટલું વિશાળ છે કે આખા મંદિરમાં દર્શન કરતાં લગભગ એક
કલાક લાગે છે.
ગુરુદેવના પ્રવચન માટે ભરબજાર વચ્ચે ચોકમાં ભવ્ય મંડપ કરેલ હતો. પાંચ–સાત હજાર
માણસોની મેદનીથી મંડપ ઊભરાઈ જતો હતો, અને આસપાસની ૨૦–૨પ મોટી મોટી દુકાનો પણ
શ્રોતાજનોથી ઠસોઠસ ભરાઈ જતી હતી...વેપાર સ્થાનને બદલે તે દુકાનો ધર્મશ્રવણનું સ્થાન બની ગઈ
હતી. ગુરુદેવના પ્રતાપે