Atmadharma magazine - Ank 272 (Original language). Page: 48.

: જેઠ : ૨૪૯૨ આત્મધર્મ : ૪૩ :

षट्खंडागमના રચનાર શ્રી પુષ્પદંત તથા ભૂતબલી સ્વામી છે. વર્દ્ધમાન

તીર્થંકરની દિવ્ય વાણીમાંથી ઈન્દ્રભૂતિ ગણધરે જે બાર અંગની રચના કરી તેમાંથી
દ્રષ્ટિવાદ અંગનો એક અંશ ષટ્ખંડાગમરૂપે ગુંથાયેલો છે. તેના ઉપર વીરસેન સ્વામીએ
૭૨૦૦૦ (બોંતેર હજાર) શ્લોક પ્રમાણ ટીકા રચી. જે સેંકડો વર્ષોથી તાડપાત્ર ઉપર
લખેલી મૂડબિદ્રિમાં સુરક્ષિત છે ને હવે થોડા વર્ષોથી હિંદી અનુવાદ સહિત છપાઈને ૧૬
પુસ્તકોરૂપે પ્રસિદ્ધ થયેલ છે.

कषायप्राभृत ના રચનાર શ્રી ગુણધરસ્વામી છે; યતિવૃષભસ્વામીએ ચૂર્ણિસૂત્રો

વડે તેની સ્પષ્ટતા કરી છે, અને વીરસેન તથા જિનસેન સ્વામીએ તેના ઉપર જયધવલા
ટીકા (૬૦૦૦૦) સાઈઠ હજાર શ્લોકપ્રમાણ રચી છે. જે સેંકડો વર્ષોથી તાડપાત્ર ઉપર
લખેલી મૂડબિદ્રિમાં સુરક્ષિત છે ને હવે થોડા વર્ષોથી તે હિંદી અનુવાદ સહિત છપાઈને
પ્રસિદ્ધ થાય છે. (નવ પુસ્તકો છપાયા છે, બીજા કેટલાક બાકી છે.)

षट्खंडागम છખંડ (છઅધિકાર) છે, તેમાં છઠ્ઠા ખંડનું નામ महाबंध છે, તે ખૂબ

વિસ્તૃત છે અને તે જ મહાધવલ તરીકે પ્રસિદ્ધ છે. આ મહાબંધની પણ તાડપાત્ર ઉપર
લખેલ પ્રતિ મૂડબિદ્રિના શાસ્ત્રભંડારોમાં સુરક્ષિત છે, ને હાલમાં હિંદી અનુવાદ સહિત
પ્રકાશિત થઈ ગયેલ છે. તેના સાત પુસ્તકો છે. આ ધવલ મહાધવલ જયધવલરૂપ
જિનવાણીની મૂળ પ્રતિ તાડપત્ર ઉપર છે, તેનાં દર્શન તો દક્ષિણદેશના મુડબિદ્રિ નગરમાં
મહાભાગ્યે થાય છે; અને તેની છાપેલી પ્રતિનાં દર્શન તો હવે સોનગઢમાં સૌરાષ્ટ્ર ને
દેશભરમાં ઠેરઠેર સુલભ બન્યા છે તે પણ આપણા મહાભાગ્ય છે. આત્મધર્મના આ
અંકમાં આપ તેનાં દર્શન કરી શકશો.

જેઠ સુદ પાંચમે શ્રુતપંચમી છે. શ્રુતપંચમી એટલે

શ્રુતજ્ઞાનની આરાધનાનું મહાન પર્વ વીતરાગી; સંતો
જિનવાણીનો જે અમૂલ્ય વારસો આપણને આપી ગયા
છે તેની આરાધનાનો અને પ્રભાવનાનો સન્દેશ
આપણને શ્રુતપંચમી આપે છે; આવા શ્રુતપંચમી પર્વને
શ્રુતભક્તિપૂર્વક ઉજવીએ.

< Previous Page Next Page >