ATMADHARM Regd No. 182
भरवाडमांथी भगवान
(कुंदकुंदस्वामीनो जीव गोवाळना भवमां मुनिने शास्त्रदान करे छे.)
आ गोवाळ छे ते कुंदकुंदस्वामीनो जीव छे. बे हजार वर्ष पहेलां आपणा भारत
देशना दक्षिणभागमां एक शेठ रहेता हता. तेमने त्यां एक गोवाळ हतो. ते घणो भद्र हतो.
एक वार ते गोवाळजी गाय चराववा जंगलमां गया हता. त्यां तेणे जोयुं के
आगमां आखुंय जंगल भस्म थई गयुं छे–पण वच्चे एक झाड लीलुंछम ऊभुं छे! ए
देखीने तेने अचंबो थयो. तेणे झाड पासे जईने जोयुं तो झाडनी बखोलमां एक शास्त्र
हतुं. तेने लाग्युं के आ शास्त्रना प्रभावथी ज आ झाड बची गयुं छे; एटले ते गोवाळा
घणा ज बहुमानपूर्वक ते शास्त्र पोताना घरे लई गयो.
ते शेठना घरे एकवार मोटा मुनिराज पधार्या, ने शेठे भक्तिपूर्वक आहारदान दीधुं,
आ जोईने गोवाळने पण मुनि प्रत्ये घणुं ज बहुमान आव्युं ने वनमांथी लावेल शास्त्र
घणा ज भावपूर्वक ते मुनिराजने वोराव्युं. ते वखते ज्ञानना अचिन्त्य बहुमाननी
ऊर्मिओ एना अंतरमां जागी ने मुनिराजने जोईने भावना थई के अहो, हुं पण आवो
साधु क्यारे थाउं!–आ शास्त्रदानना प्रभावथी एनुं ज्ञानावरणकर्म घणुं तूटी गयुं.
केटलाक वखत पछी ए गोवाळनो जीव मरीने ए शेठने त्यां ज पुत्र तरीके
अवतर्यो नानपणथी ज घणा वैरागी अने तीक्ष्ण बुद्धिमान एवा ते बाळके ११ वर्षनी
उमरे तो जिनचंद्र स्वामी पासे दीक्षा लीधी. ११ वर्षनो किशोर हाथमां मोरपींछी ने कमंडळ
लईने मुनिपणे वीतरागदशामां विचरवा लाग्यो. ए ज आपणा भगवान कुंदकुंदाचार्यदेव.
तेओ मुनि थया...पछी शुं थयुं? ते बहु मजानी वात आवता अंकमां कहीशुं.
श्री दिगंबर जैन स्वाध्याय मंदिर ट्रस्ट वती प्रकाशक अने
मुद्रक: अनंतराय हरिलाल शेठ, आनंद प्रिन्टींग प्रेस: भावनगर.