स्वागतम्............अभिनन्दनम्
અનેક સ્થળે ભગવાન જિનેન્દ્રદેવની પ્રતિષ્ઠા કરીને, અને
સિદ્ધિધામ સમ્મેદશિખરજી વગેરે તીર્થોની યાત્રા કરીને પુન:
સૌરાષ્ટ્રભૂમિમાં પધારતા પૂ. ગુરુદેવનું સ્વાગત કરીએ છીએ...અને
બોટાદ શહેરમાં જેમનો ૭૮મો મંગલ જન્મોત્સવ ઉજવાયો એવા
ગુરુદેવને હૃદયના ઉમંગથી અભિનંદીએ છીએ.
હે ગુરુદેવ! આપની શીતળ છત્રછાયામાં જે વીતરાગી શાંતિ
વર્તે છે ને અધ્યાત્મરસભીનું જે વૈરાગ્યમય વાતાવરણ વર્તે છે તેની
હવા ચાખનાર મુમુક્ષુજીવોને સહેજે આત્મહિતની સ્ફૂરણા જાગે છે,
આત્મહિત સિવાયના અન્ય કાર્યોમાંથી તેનો રસ ઊડી જાય છે.
અતિશય રસપૂર્વક જે આત્મતત્ત્વનો મહિમા આપ સંભળાવો છો તે
આત્મતત્ત્વની પ્રાપ્તિ માટે અમારા જેવા અનેક બાળકો આપના
ચરણોમાં જીવન વીતાવી રહ્યા છે. આપ જે પરમ તત્ત્વ બતાવી રહ્યા
છો તેને અત્યંત ઉદ્યમપૂર્વક ઉપાસીએ અને આપની મંગલછાયામાં
પરમ પદને પામીએ એવી ભાવના સાથે અત્યંત ભક્તિપૂર્વક આપનું
સ્વાગત કરીએ છીએ........અભિનંદન કરીએ છીએ.
બોટાદ: વૈશાખ સુદ ૨ – સંપાદક