Atmadharma magazine - Ank 291 (Original language). Page: 19.

:૧૬: આત્મધર્મ : પોષ : ૨૪૯૪

–માટે તેને ઓળખીને તેનું શરણ કર, ને

તારી ફરજ બજાવ. હું પરનું કરી દઉં એવી
માન્યતામાં જે રોકાય છે તે પોતાની વાસ્તવિક
ફરજ ચૂકી જાય છે. માટે હે ભવ્ય! પરનું
કરવાની બુદ્ધિ તું છોડ, ને આત્મહિતમાં તારી
બુદ્ધિ જોડ. આત્માની

સંભાળ કર, તેનું શરણ કર, ને તેના શરણે
સમ્યગ્દર્શન–જ્ઞાન–ચારિત્ર પ્રગટ કરીને તારા
આત્માને ભવભ્રમણથી છોડાવ....ને એ રીતે
તારી ફરજ બજાવ. આ મનુષ્યપણું પામીને
આત્માને હવે ભવદુઃખથી છોડાવવો તે જ, હે
જીવ! તારી ફરજ છે, ને તે માટે તું તારા
આત્માને ઓળખવાનો પ્રયત્ન કર.
(આત્મપ્રસિદ્ધિ)

આત્માનું સુખ

આત્માના સ્વભાવમાં સહજ સુખ છે, બહારમાં આનંદ ન

હોવા છતાં કલ્પનાથી તેમાં જે આનંદ માને છે તે પોતે આનંદસ્વરૂપ છે.
પોતાનો આનંદ પોતામાં ભર્યો છે પણ પોતાના આનંદને ભૂલ્યો એટલે
તેનો આરોપ બીજામાં કર્યો કે ‘આમાં મારો આનંદ છે. ’ –પણ એ
આરોપ મિથ્યા છે–ખોટો છે.
‘પરમાં મારું સુખ’ –એનો અર્થ એ થયો કે આત્મા અહીં ને

તેનું સુખ ક્યાંક બીજે, એટલે આત્મા અને સુખ બંને જુદા જ ઠર્યા;
સુખ તે આત્માનો સ્વભાવ ન રહ્યો! પણ ભાઈ, એવો (સુખ
વગરનો) આત્મા ન હોય. આત્મા તો સુખસ્વરૂપ છે. આત્મા આનંદથી
ખાલી નથી, આત્મા પોતાના આનંદથી ભરેલો છે. એનું ભાન કરતાં
આનંદના સ્વાદનું વેદન થાય છે.

< Previous Page Next Page >