: ૨ : “આત્મધર્મ” : વૈશાખ : ર૪૯૪
• મ.ગ.ળ.મ.ળ •
[પૂ. ગુરુદેવનો ૭૯મો
જન્મોત્સવ વીંછીયાનગરમાં
ઉજવાયો; તે ઉત્સવ પ્રસંગના
પ્રવચનોમાંથી ૭૯ પુષ્પોની
મંગળમાળા અહીં આપવામાં
આવી છે...સં૦]
૧. અસંખ્યપ્રદેશી આત્મક્ષેત્ર એવું છે કે જેમાં અતીન્દ્રિય આનંદના
ને કેવળજ્ઞાનના પાક પાકે; આવા આત્માને શ્રદ્ધામાં–જ્ઞાનમાં–
અનુભવમાં લેવો તે મંગળ છે.
ર. આત્મામાં સર્વજ્ઞસ્વભાવ છે; તે સ્વભાવ જેમણે પૂર્ણ પ્રગટ
કર્યો તે સર્વજ્ઞદેવ છે.
૩. આ દેહમાં રહેલું આત્મતત્વ પણ એવું જ સર્વજ્ઞસ્વભાવી છે,
પણ જીવે પોતાનું સ્વરૂપ કદી જાણ્યું નથી.
૪. અનંતકાળથી નિજસ્વરૂપના ભાન વગર જ જીવ સંસારમાં
રખડ્યો છે, પણ જ્ઞાનીસંતની સાચી સેવા કદી કરી નથી.
પ. અરે જીવ! આ દેહમાં આત્મા કાયમ રહેવાનો નથી, તો એ
જડ દેહની હોંશ શી?
૬. તારું ચૈતન્ય સ્વરૂપ એ જ કાયમ રહેનાર છે, તેને દેહથી ભિન્ન
જાણીને તેનો ઉત્સાહ કર.
૭. સરખેસરખાની પ્રીતિ શોભે; ચેતનને ચેતનનો પ્રેમ શોભે;
પણ પોતે ચેતન થઈને જડનો પ્રેમ કરે છે–એ શોભતું નથી.
૮. અરે, જ્ઞાન અને રાગ પણ જુદી ચીજ છે, બંને એક નથી;
એટલે જ્ઞાનનો પ્રેમ છોડીને રાગનો પ્રેમ કરે એ જીવને શોભતું
નથી.