: ४० : आत्मधर्म : चैत्र : २४९९
अमे तो जिनवरनां संतान..... जिनवरपंथे विचरशुं.
गातां प्रभुजीनां गुणगान....... उजवल आत्माने वरशुं.
संपादकनो पत्र–
धर्मप्रेमी बालबंधुओ! पत्र द्वारा आ वखते घणा दिवसे मळीए छीए. आजना
युवानोमां ने बाळकोमां दिवसे दिवसे धार्मिकसंस्कार वधता जाय छे ते देखीने आनंद
थाय छे. बंधुओ, आपणे तो वीरनां संतान छीए. आपणा वीरप्रभुना जन्मनो
मंगलदिवस चैत्रसुद तेरसे आवी रह्यो छे; प्रभुए आत्मानी आराधनावडे पोतानो
अवतार सफळ कर्यो, तेमना उत्तम जीवनमांथी आत्महितनी प्रेरणा लईने आपणे पण
आत्मानी आराधना करीए–ते माटे आपणे तेमना जन्मदिवसने याद करीने ऊजवीए
छीए. हवे तो तमारी सौनी परीक्षाओ पूरी थई गई हशे, एटले लौकिक भणतरनो
बोजो ऊतरी गयो हशे. तो हवे भवनो बोजो पण उतारी नांखे एवा वीतराग–
विज्ञाननो वधु अभ्यास करवामां चित्तने परोवजो. सारा मुमुक्षुजीवोना संगे धर्मचर्चा,
उत्तम जैनसाहित्यनुं वांचन, तीर्थंकर वगेरे महापुरुषोनां जीवनचरित्र, आपणा तीर्थोनो
परिचय, वगेरे द्वारा तमारा जीवनमां आत्मज्ञान अने वैराग्यना उत्तम संस्कार जरूर
लेजो. ए ज खरुं लाभकारी छे. रजाना दिवसोने ज्यांत्यां हरवाफरवामां के
रमतगमतमां वेडफी न देशो. आ वखते शिक्षणवर्ग सोनगढमां खुलवानो नथी. परंतु
तमारा गाममां तमे सौ विद्यार्थीओ हळीमळीने वडीलोनी दोरवणीपूर्वक खूब ज होंशथी
नवो नवो धार्मिक अभ्यास करीने, ‘रजामां धर्मनी मजा’ करजो.–ए ज जीवननी साची
मजा छे. रजा दरमियान तमारी सौनी धार्मिक प्रवृत्ति जणावशो तो आनंद थशे.
– जय जिनेन्द्र ली. तमारो भाई हरि.