૩૫૬
રાગભાવ તો અનાદિથી જીવ કરે જ છે;
તેનું ફળ સંસાર છે. રાગ કરવો તેમાં
કાંઈ શૂરવીરતા નથી; શૂરવીરતા તો રાગથી ભિન્ન
એવા વીતરાગી ચૈતન્યભાવમાં છે; ભેદજ્ઞાન વડે
આનંદમય ચૈતન્યપરિણતિ થવી તે જ સાચો
પુરુષાર્થ છે, તે જ મોક્ષ માટેનું સાચું પરાક્રમ છે.
સમકિતી ધર્માત્મા શૂરવીરપણે વીતરાગમાર્ગને
સાધે છે. એની જ્ઞાનચેતના રાગથી કોઈ જુદું જ
કામ કરે છે. એ બહારથી ન દેખાય. પણ બીજા
એને દેખે કે ન દેખે એની અપેક્ષા જ્ઞાનીને ક્યાં છે?
એ તો જગતની અપેક્ષા છોડીને પોતે પોતામાં
એકલો–એકલો જ્ઞાનચેતનાના આનંદને વેદે છે...
આનંદનો સ્વાદ લેતો લેતો ભગવાનના માર્ગે
ચાલ્યો જાય છે.
તંત્રી: પુરુષોત્તમદાસ શિવલાલ કામદાર * સંપાદક: બ્ર. હરિલાલ જૈન
વીર સં. ૨૪૯૯ જેઠ (લવાજમ: ચાર રૂપિયા) વર્ષ ૩૦: અંક ૮