Atmadharma magazine - Ank 361 (Original language). Page: 36.

: કારતક : ૨૫૦૦ આત્મધર્મ : ૩૩ :

જિનમાર્ગમાં વીતરાગ–ચારિત્ર કર્તવ્ય છે

તે ન થઈ શકે તો તે માર્ગની શ્રદ્ધા જરૂર રાખજે;

રાગને મોક્ષમાર્ગ માનીશ નહિ, કુમાર્ગની શ્રદ્ધા કરીશ નહીં.

આસો વદ ત્રીજના રોજ પૂ. બેનશ્રીના મંગલ સુહસ્તે

પરમાગમમંદિરમાં દરવાજા મુકવાના મંગલપ્રસંગે ગુરુદેવનું
પ્રવચન પરમાગમ–મંદિરમાં થયું હતું; તે તથા આસો વદ ચોથના
મંગલ દિવસનું પ્રવચન અહીં આપ્યું છે. પરમાગમ–મંદિરમાં
પ્રવચન કરતાં જૈનદર્શનના અગાધ મહિમાને પ્રસિદ્ધ કરીને પ્રમોદ–
પૂર્વક ગુરુદેવ કહે છે કે–અહો, જૈનદર્શન! અને તેમાં પણ
સમ્યગ્દર્શનનો મહિમા! એની શી વાત? જ્યાં આત્માનો પ્રેમ થયો
ત્યાં આખા જગતના બધા પદાર્થોમાંથી એનો રસ ઊડી જાય, ને
અંદર ચૈતન્યસ્વરૂપનો અતીન્દ્રિય સ્વાદ આવે.

[અષ્ટપ્રાભૃત–દર્શનપ્રાભૃત ગાથા ૨૧–૨૨]

આ સમ્યગ્દર્શનની વાત જૈનદર્શનમાં આચાર્યદેવે પ્રસિદ્ધ કરી છે. તીર્થંકરદેવે

કેવળજ્ઞાન પ્રગટ કર્યા પછી જે ઉપદેશ કર્યો તેને અનુસરીને જ વીતરાગ સંતોએ ઉપદેશ
કર્યો છે. તીર્થંકર ભગવંતો મુનિદશામાં કેવળજ્ઞાન થયા પહેલાંં ઉપદેશ દેતા નથી, મૌન જ
રહે છે; કેવળજ્ઞાન થયા પછી જ સમવસરણમાં પ્રભુનો ઉપદેશ નીકળે છે. પોતાનું કામ
પૂરું કરીને પછી પ્રભુનો ઉપદેશ નીકળ્‌યો. તે ઉપદેશને અનુસરીને સંતોએ જે વાણી રચી
તે આ સમયસારાદિ પરમાગમ છે. તેમાં સમ્યગ્દર્શનનો પ્રધાન ઉપદેશ છે.

હે જીવ! તું શુદ્ધભાવથી આવા સમ્યક્ત્વને ધારણ કર. વિકલ્પથી નહિ, રાગથી

નહિ, પણ અંતર્મુખ થઈને, રાગથી પાર, વિકલ્પથી પાર જ્ઞાનભાવવડે તારા આત્માનો
નિર્ણય કર. જેમાં મનનો, રાગનો કે ઈન્દ્રિયનો સંબંધ નથી એવા આત્માની સન્મુખ થઈને

< Previous Page Next Page >