: ૪૨ : આત્મધર્મ : પોષ : ૨૫૦૧
પૂ. ગુરુદેવના મંગલ પ્રવાસનો કાર્યક્રમ
એક તરફ ભારતભરમાં ભગવાન મહાવીરના નિર્વાણનો
અઢીહજારવર્ષીય મહાન ઉત્સવ ચાલી રહ્યો છે, ઠેરઠેર ધર્મચક્રનું
પ્રવર્તન થઈ રહ્યું છે; તો બીજી તરફ વીરનાથપ્રભુના
પંચકલ્યાણક તેમજ તીર્થયાત્રા વગેરે મંગલપ્રસંગ નિમિત્તે
ગુરુદેવનો મંગલ પ્રવાસ ભારતના અનેક ભાગમાં થવાનો છે,
તેમાં ગુરુદેવ ઠેરઠેર વીરનાથનો મંગલસન્દેશ સંભળાવશે. તે
પ્રવાસના કાર્યક્રમની વિગતો નીચે મુજબ છે–
* સોનગઢથી માહસુદ ૧ તા. ૧૧ ને મંગળવારે સવારમાં પ્રસ્થાન કરી તા. ૧૧–
૧૨ જેતપુર થઈને તા. ૧૩મીએ જુનાગઢ–ગીરનાર તળેટીમાં પધારશે.
* જુનાગઢ–ગીરનાર માહસુદ ૨ થી ૫ (તા. ૧૩ થી ૧૬ ફેબ્રુઆરી), તે દરમિયાન
ગીરનાર તળેટીની ધર્મશાળામાં નવનિર્મિત માનસ્તંભમાં વેદીપ્રતિષ્ઠા થશે; તથા
ગીરનારતીર્થની યાત્રા માહસુદ ૪ ને શનિવારે થશે. પ્રતિષ્ઠાનું મૂરત માહસુદ
પાંચમનું છે. ગુજરાતનો યાત્રાસંઘ પણ ધર્મચક્રસહિત તીર્થયાત્રામાં ભાગ લેશે.
* જુનાગઢ પછી ગુરુદેવ એક દિવસ માટે સોનગઢ (તા. ૧૭ મીએ) પધારશે. તા.
૧૮–૧૯ સૂરત, તા. ૨૦ મુંબઈ થઈને તા. ૨૧મીને શુક્રવારે ભોપાલ પધારશે.
* ભોપાલ–પીપલાની (તા. ૨૧ થી ૨૮) તે દરમિયાન ત્યાં પંચકલ્યાણક પ્રતિષ્ઠા
મહોત્સવનું ભવ્ય આયોજન છે. પ્રતિષ્ઠાનું મૂરત માહવદ ત્રીજ છે.
* ભોપાલ પછી તા. ૧ માર્ચે બેગમગંજ થઈને, તા. ૨–૩–૪ માર્ચ ખુરઈ પધારશે.
ત્યાં માનસ્તંભવેદીપ્રતિષ્ઠા (માહવદ સાતમે) છે.
* સનાવદ (તા. ૫ થી ૮) તે દરમિયાન સમવસરણમાં સીમંધરપ્રભુની વેદીપ્રતિષ્ઠા
(માહવદ ૧૧ ની) છે. (તા. ૯ મીએ ઇંદોર અને ભોપાલ થઈને સાગર તરફ)
* સાગર (તા. ૧૦ થી ૧૩ માર્ચ); બીના–બજરિયા (તા. ૧૪–૧૫);
* ઈન્દોર (તા. ૧૬ થી ૧૯).