shIlapAhuD][365 kuchh rAg–dveSh kaShAy pariNAm utpanna hote hain unako karma kA uday jAne, un bhAvon ko tyAgane yogya jAne, tyAganA chAhe aisI prakRiti ho tab samyagdarshanarUp bhAv kahate hain, is samyagdarshan bhAv se gnAn bhI samyak nAm pAtA hai aur pad ke anusAr chAritra kI pravRutti ko sushIl kahate hain, isaprakAr kushIl sushIl shabdakA sAmAnya artha hai. sAmAnyarUp se vichAre to gnAn hI kushIl hai aur gnAn hI sushIl hai, isaliye isaprakAr kahA hai ki gnAnake aur shIlake virodh nahIn hai, jab sansAr–prakRiti palaT kar mokShasanmukh prakRiti ho tab sushIl kahate hain, isaliye gnAnamen aur shIl men visheSh nahIn kahA hai, yadi gnAn men sushIl na Ave to gnAnako indriyon ke viShay naShTa karate hain, gnAn ko agnAn karate hain tab kushIl nAm pAtA hai. yahAn koI pUchhe–––gAthA men gnAn–agnAn kA tathA sushIl–kushIlakA nAm to nahIn kahA, gnAn aur shIl aisA hI kahA hai, isakA samAdhAn–––pahile gAthA men aisI pratIgnA kI hai ki main shIl ke guNon ko kahUngA ata is prakAr jAnA jAtA hai ki AchArya ke Ashay men sushIl hI ke kahane kA prayojan hai, sushIl hI ko shIlanAm se kahate hain, shIl binA kushIl kahate hain. yahAn guN shabda upakAravAchak lenA tathA visheShavAchak lenA, shIlase upakAr hotA hai tathA shIlake visheSh guN hain vah kahenge. isaprakAr gnAnamen jo shIl na Ave to kushIl hotA hai, indriyon ke viShayon se Asakti hotI hai tab vah gnAn nAm nahIn prApta karatA, is prakAr jAnanA chAhiye. vyavahAramen shIlakA artha strI–sansarga varjan karane kA bhI hai, ata viShay sevan kA hI niShedh hai. par dravya mAtra kA sansarga chhoDanA, AtmAmen lIn honA vah paramabrahmacharya hai. isaprakAr ye shIl hI ke nAmAntar jAnanA.. 2..

Age kahate hain ki gnAn hone par bhI gnAn kI bhAvanA karanA aur viShayon se virakta honA kaThin hai [durlabh hai]––––