kaI bhavya hai.n, ye sa.nsAr se nivR^itta hokar siddha hote hai.n, isaprakAr jIvo.n kI vyavasthA hai. ab inake sa.nsAr kI utpatti kaise hai vah kahate hai.nH––– jIvo.n ke j~nAnAvaraNAdi ATh karmo.n kA anAdiba.ndharUp paryAy hai, is ba.ndh ke uday ke nimitta se jIv rAgadveSh mohAdi vibhAvapariNatirUp pariNamatA hai, is vibhAv pariNati ke nimitta se navIn karmaba.ndh hotA hai, isaprakAr inake sa.ntAn paramparA se jIv ke chaturgatirUp sa.nsAr kI pravR^itti hotI hai, is sa.nsAr me.n chAro.n gatiyo.nme.n anek prakAr sukh–duHkharUp bhramaN huA karatA hai; tab koI kAl aisA Ave jab mukta honA nikaT ho tab sarvaj~na ke upadesh kA nimitta pAkar apane svarUp ko aur karmaba.ndhake svarUp ko, apane bhItarI vibhAv ke svarUp ko jAne inakA bhedavij~nAn ho, tab paradravya ko sa.nsAr kA nimitta jAnakar isase virakta ho, apane svarUp ke anubhav kA sAdhan kare––darshan–j~nAnarUp svabhAv me.n sthir hone kA sAdhan kare tab isake bAhya sAdhan hi.nsAdik pa.nch pApo.n kA tyAgarUp nirgra.nth pad, ––sab parigrah kI tyAgarUp nirgra.nth digambar mudrA dhAraN kare, pA.Nch mahAvrat, pA.Nch samitirUp, tIn guptirUp pravarte tab sab jIvo.n par dayA karanevAlA sAdhu kahalAtA hai. isame.n tIn pad hote hai.n–––jo Ap sAdhu hokar anyako sAdhupadakI shikShA–dIkShA de vah AchArya kahalAtA hai, sAdhu hokar jinasUtra ko pa.Dhe pa.DhAve vah upAdhyAy kahalAtA hai, jo apane svarUpake sAdhan me.n rahe vah sAdhu kahalAtA hai, jo sAdhu hokar apane svarUp ke sAdhan ke dhyAnake balase chAr ghAtiyA karmo.nkA nAsh kar kevalaj~nAn, kevaladarshan, anantasukh or anantavIrya ko prApta ho vah araha.nt kahalAtA hai, tab tIrtha.nkar tathA sAmAnyakevalI––jin indrAdikase pUjya hotA hai, inakI vANI khiratI hai, jisase sab jIvo.n kA upakAr hotA hai, ahi.nsA dharma kA upadesh hotA hai, sab jIvo.n kI rakShA karAte hai.n yathArtha padArtho.n kA svarUp batAkar mokShamArga dikhAte hai.n, isaprakAr araha.nt pad hotA hai aur jo chAr aghAtiyA karmo.n kA bhI nAshakar sab karmo.n se rahit ho jAte.n hai.n vah siddha kahalAte hai.n.

isaprakAr ye pA.Nch pad hai.n, ye anya sab jIvo.nse mahAn hai.n isaliye pa.nchaparameShThI kahalAte hai.n, inake nAm tathA svarUpake darshan, smaraN, dhyAn, pUjan namaskAr se anya jIvo.n ke shubh pariNAm hote hai.n isaliye pAp kA nAsh hotA hai, vartamAn vidhnakA vilay hotA hai AgAmI puNya kA ba.ndh hotA hai, isaliye svargAdik shubhagati pAtA hai.

344] [aShTapAhuD