Page 146 of 212
PDF/HTML Page 161 of 227
single page version

146

sharīrake prati rāg chhūṭ gayā hai . shāntikā sāgar umaṛā hai . chaitanyakī paryāyakī vividh taraṅgen uchhal rahī hain . gnānamen kushal hain, darshanamen prabal hain, samādhike vedak hain . antaramen tr̥upta-tr̥upta hain . munirāj mānon vītarāgatākī mūrti hon is prakār pariṇamit ho gaye hain . dehamen vītarāg dashā chhā gaī hai . jin nahīn parantu jinasarīkhe hain ..356..

is sansāramen jīv akelā janmatā hai, akelā maratā hai, akelā paribhramaṇ karatā hai, akelā mukta hotā hai . use kisīkā sāth nahīn hai . mātra bhrāntise vah dūsarekī oṭ aur āshray mānatā hai . is prakār chaudah brahmāṇḍamen akele bhaṭakate hue jīvane itane maraṇ kiye hain ki usake maraṇake duḥkhamen usakī mātākī ān̐khonse jo ānsū bahe unase samudra bhar jāyen . bhavaparivartan karate-karate baṛī mushkilase tujhe yah manuṣhyabhav prāpta huā hai, aisā uttam yog milā hai, usamen ātmākā hit kar lene jaisā hai, bijalīkī chamakamen motī piro lene jaisā hai . yah manuṣhyabhav

Page 147 of 212
PDF/HTML Page 162 of 227
single page version

aur uttam sanyog bijalīkī chamakakī bhān̐ti alpa kālamen vilīn ho jāyeṅge . isaliye jaise tū akelā hī duḥkhī ho rahā hai, vaise akelā hī sukhake mārga par jā, akelā hī mukti ko prāpta kar le ..357..

gurudev mārgako atyanta spaṣhṭa batalā rahe hain . āchāryabhagavantonne mukti kā mārga prakāshit kiyā hai aur gurudev use spaṣhṭa kar rahe hain . jaise ek-ek mān̐gamen tel ḍālate hain usīprakār sūkṣhmatāse spaṣhṭa karake sab samajhāte hain . bhedagnānakā mārga hathelīmen dikhāte hain . māl masalakar, taiyār karake de rahe hain ki ‘le, khā le’ . ab khānā to apaneko hai ..358..

sahajatattvakā kabhī nāsh nahīn hotā, vah malin nahīn hotā, usamen nyūnatā nahīn ātī . sharīrase vah bhinna hai, upasarga use chhūte nahīn hain, talavār use chhedatī nahīn hai, agni use jalātī nahīn hai, rāg-dveṣh use vikārī nahīn banāte . vāh tattva ! anant kāl bīt gayā ho to bhī tū to jyoṅkā tyon hī hai . tujhe koī pahichāne yā na

Page 148 of 212
PDF/HTML Page 163 of 227
single page version

148

pahichāne, tū to sadā aisā hī rahanevālā hai . munike evan samyagdraṣhṭike hr̥udayakamalake sinhāsanamen yah sahaj- tattva nirantar virājamān hai ..359..

samyagdraṣhṭiko puruṣhārthase rahit koī kāl nahīn hai . puruṣhārtha karake bhedagnān pragaṭ kiyā tabase puruṣhārthakī dhārā chalatī hī hai . samyagdraṣhṭikā yah puruṣhārtha sahaj hai, haṭhapūrvak nahīn hai . draṣhṭi pragaṭ honeke bād vah ek or paṛī ho aisā nahīn hai . jaise agni ḍhan̐kī paṛī ho aisā nahīn hai . antaramen bhedagnānakā — gnātr̥utvadhārākā pragaṭ vedan hai . sahaj gnātr̥utvadhārā chal rahī hai vah puruṣhārthase chal rahī hai . param tattvamen avichalatā hai . pratikūlatāke samūh āye, sāre brahmāṇḍamen khalabalī mach jāy, tathāpi chaitanyapariṇati na ḍole — aisī sahaj dashā hai ..360..

tū gnāyakasvarūp hai . anya sab tujhase alag paṛā hai, mātra tūne usake sāth ekatvabuddhi kī hai .

‘sharīr, vāṇī ādi main nahīn hūn̐, vibhāvabhāv merā

Page 149 of 212
PDF/HTML Page 164 of 227
single page version

svarūp nahīn hai, jaisā siddhabhagavānakā svarūp hai vaisā hī merā svarūp hai’ aisī yathārtha shraddhā kar .

shubh bhāv āyan̐ge avashya . parantu ‘shubh bhāvase kramashaḥ mukti hogī, shubh bhāv chale jāyan̐ge to sab chalā jāyagā aur main shūnya ho jāūn̐gā’ — aisī shraddhā chhoṛ .

tū agādh anant svābhāvik shakti yonse bharā huā ek akhaṇḍa padārtha hai . usakī shraddhā kar aur āge barḥ . anant tīrthaṅkar ādi isī mārgase mukti ko prāpta hue hain ..361..

jis prakār agnānīko ‘sharīr hī main hūn̐, yah sharīr merā hai’ aisā sahaj hī rahā karatā hai, ghokhanā nahīn paṛatā, yād nahīn karanā paṛatā, usīprakār gnānīko ‘gnāyak hī main hūn̐, anya kuchh merā nahīn hai’ aisī sahaj pariṇati vartatī rahatī hai, ghokhanā nahīn paṛatā, yād nahīn karanā paṛatā . . sahaj puruṣhārtha vartatā rahatā hai ..362..

munirāj āshcharyakārī nij r̥uddhise bhare hue

Page 150 of 212
PDF/HTML Page 165 of 227
single page version

150

chaitanyamahalamen nivās karate hain; chaitanyalokamen anant prakārakā darshanīy hai usakā avalokan karate hain; atīndriy-ānandarūp svādiṣhṭa amr̥utabhojanake thāl bhare hain vah bhojan karate hain . samarasamay achintya dashā hai !363..

gurudevane shāstroṅke gahan rahasya sulajhākar satya ḍhūn̐rḥ nikālā aur hamāre sāmane spaṣhṭarūpase rakhā hai . hamen kahīn satya ḍhūn̐rḥaneko jānā nahīn paṛā . gurudevakā koī adbhut pratāp hai . ‘ātmā’ shabda bolanā sīkhe hon to vah bhī gurudevake pratāpase . ‘chaitanya hūn̐’, ‘gnāyak hūn̐’ — ityādi sab gurudevake pratāpase hī jānā hai . bhedagnānakī bāt sunaneko milanā durlabh thī, usake badale unakī sātishay vāṇī dvārā usake hameshā jharane bah rahe hain . gurudev mānon hāth pakaṛakar sikhā rahe hain . svayam puruṣhārtha karake sīkh lene jaisā hai . avasar chūkanā yogya nahīn hai ..364..

kāl anādi hai, jīv anādi hai, jīvane do prāpta

Page 151 of 212
PDF/HTML Page 166 of 227
single page version

nahīn kiye — jinarājasvāmī aur samyaktva . jinarājasvāmī mile parantu unhen pahichānā nahīn, jisase milanā vah na milaneke barābar hai . anādi kālase jīv antaramen jātā nahīn hai aur navīnatā prāpta nahīn karatā; ekake ek viṣhayakā — shubhāshubh bhāvakā — piṣhṭapeṣhaṇ karatā hī rahatā hai, thakatā nahīn hai . ashubhamense shubhamen aur phi ra shubhamense ashubhamen jātā hai . yadi shubh bhāvase mukti milatī hotī, tab to kabakī mil gaī hotī ! ab, yadi pūrvamen ananta bār kiye hue shubh bhāvakā vishvās chhoṛakar, jīv apūrva navīn bhāv kare — jinavarasvāmī dvārā upadiṣhṭa shuddha samyak pariṇati kare, to vah avashya shāshvat sukhako prāpta ho ..365..

jisane ātmāko pahichānā hai, anubhav kiyā hai, usako ātmā hī sadā samīp vartatā hai, pratyek paryāyamen shuddhātmadravya hī mukhya rahatā hai . vividh shubh bhāv āyen tab kahīn shuddhātmā vismr̥ut nahīn ho jātā aur ve bhāv mukhyatā nahīn pāte .

munirājako pañchāchār, vrat, niyam, jinabhakti

Page 152 of 212
PDF/HTML Page 167 of 227
single page version

152

ityādi sarva shubh bhāvoṅke samay bhedagnānakī dhārā, svarūpakī shuddha chāritradashā nirantar chalatī hī rahatī hai . shubh bhāv nīche hī rahate hain; ātmā ūn̐chākā ūn̐chā hī — ūrdhva hī — rahatā hai . sab kuchh pīchhe rah jātā hai, āge ek shuddhātmadravya hī rahatā hai ..366..

jinendrabhagavānakī vāṇīmen atishayatā hai, usamen anant rahasya hote hain, us vāṇī dvārā bahut jīv mārga prāpta karate hain . aisā hone par bhī sampūrṇa chaitanyatattva us vāṇīmen bhī nahīn ātā . chaitanyatattva adbhut, anupam evan avarṇanīy hai . vah svānubhavamen hī yathārtha pahichānā jātā hai ..367..

pañchendriyapanā, manuṣhyapanā, uttam kul aur satya dharmakā shravaṇ uttarottar durlabh hai . aise sātishay gnānadhārī gurudev aur unakī puruṣhārthaprerak vāṇīke shravaṇakā yog anant kālamen mahāpuṇyodayase prāpta hotā hai . isaliye pramād chhoṛakar puruṣhārtha karo . sab suyog prāpta ho gayā hai, usakā lābh le lo .

Page 153 of 212
PDF/HTML Page 168 of 227
single page version

sāvadhān hokar shuddhātmāko pahichānakar bhavabhramaṇakā anta lāo ..368..

chaitanyatattvako pudgalātmak sharīr nahīn hai, nahīn hai . chaitanyatattvako bhavakā parichay nahīn hai, nahīn hai . chaitanyatattvako shubhāshubh pariṇati nahīn hai, nahīn hai . usamen sharīrakā, bhavakā, shubhāshubh bhāvakā sannyās hai .

jīvane anant bhavommen paribhramaṇ kiyā, guṇ hīnarūp yā viparītarūp pariṇamit hue, tathāpi mūl tattva jyoṅkā tyon hī hai, guṇ jyoṅke tyon hī hain . gnānaguṇ hīnarūp pariṇamit huā usase kahīn usake sāmarthyamen nyūnatā nahīn āyī hai . ānandakā anubhav nahīn hai isaliye ānandaguṇ kahīn chalā nahīn gayā hai, naṣhṭa nahīn ho gayā hai, ghis nahīn gayā hai . shakti rūpase sab jyoṅkā tyon rahā hai . anādi kālase jīv bāhar bhaṭakatā hai, ati alpa jānatā hai, ākulatāmen ruk gayā hai, tathāpi chaitanyadravya aur usake gnān-ānandādi guṇ jyoṅke tyon svayamev surakṣhit rahe hain, unakī surakṣhā nahīn karanī paṛatī .

Page 154 of 212
PDF/HTML Page 169 of 227
single page version

154

— aise paramārthasvarūpakī samyagdraṣhṭi jīvako anubhavayukta pratīti hotī hai ..369..

jise ātmākā karanā ho use ātmākā dhyey hī sanmukh rakhane yogya hai . ‘kāryon’kī ginatī karanekī apekṣhā ek ātmākā dhyey hī mukhya rakhanā vah uttam hai . pravr̥uttirūp ‘kārya’ to bhūmikāke yogya hote hain .

ātmāko mukhya rakhakar jo kriyā ho use gnānī dekhate rahate hain . unake sarva kāryommen ‘ātmā samīp jise rahe’ aisā hotā hai . dhyeyako ve bhūlate nahīn hain ..370..

jaise svapnake laḍḍuonse bhūkh nahīn miṭatī, jaise marīchikāke jalase pyās nahīn bujhatī, vaise hī par padārthonse sukhī nahīn huā jātā . ‘isamen sadā rativant ban, isamen sadā santuṣhṭa re . isase hi ban tū tr̥upta, uttam saukhya ho jisase tujhe ..’’ ’’’

Page 155 of 212
PDF/HTML Page 170 of 227
single page version

— yahī sukhī honekā upāy hai . vishvās karo ..371..

jaise pātālakuān̐ khodane par, pattharakī ākhirī parta ṭūṭakar usamen chhed ho jāne par pānīkī jo ūn̐chī pichakārī uṛatī hai, use dekhanese pātālake pānīkā andarakā bhārī jor khyālamen ātā hai, usī prakār sūkṣhma upayog dvārā gaharāīmen chaitanyatattvake tal tak pahun̐ch jāne par, samyagdarshan pragaṭ honese, jo ānshik shuddha paryāy phū ṭatī hai, us paryāyakā vedan karane par chaitanyatattvakā andarakā anant dhruv sāmarthya anubhavamen — spaṣhṭa khyālamen ātā hai ..372..

sab tāloṅkī kuñjī ek — ‘gnāyakakā abhyās karanā’ . isase sab tāle khul jāyan̐ge . jise sansārakārāgr̥uhase chhūṭanā ho, mukti purīmen jānā ho, use moh-rāg-dveṣharūp tāle kholaneke liye gnāyakakā abhyās karanerūp ek hī kuñjī lagānī chāhiye ..373..

Page 156 of 212
PDF/HTML Page 171 of 227
single page version

156

shubh rāgakī ruchi vah bhī bhavakī ruchi hai, mokṣhakī ruchi nahīn hai . jo mandakaṣhāyamen santuṣhṭa hotā hai, vah akaṣhāyasvabhāvī gnāyakako jānatā nahīn evan pātā nahīn . gurudev pukār-pukārakar kahate hain ki gnāyakakā āshray karake shuddha pariṇati pragaṭ kar; vahī ek pad hai, sheṣh sab apad hai ..374..

is chaitanyatattvako pahichānanā chāhiye . chaitanyako pahichānanekā abhyās karanā, bhedagnānakā abhyās karanā — vahī kartavya hai . vah abhyās karate-karate ātmākī rāgādise bhinnatā bhāsit ho to ātmākā svarūp prāpta ho jāy . ātmā chaitanyatattva hai, gnāyakasvarūp hai — use pahichānanā chāhiye . jīvako aisā bhram hai ki paradravyakā main kar sakatā hūn̐ . parantu svayam parapadārthamen kuchh nahīn kar sakatā . pratyek dravya svatantra hai . svayam gnātā hai, gnāyak hai . parapadārthamen usakā gnān jātā nahīn hai aur paramense kuchh ātā nahīn hai . yah samajhaneke liye dev-shāstra-guru ādi bāhya nimitta hote hain, parantu darshan-gnān-chāritra ādi

Page 157 of 212
PDF/HTML Page 172 of 227
single page version

jo pragaṭ hotā hai, vah sab apanemense hī pragaṭ hotā hai . us mūlatattvako pahichānanā vahī kartavya hai . dūsarā bāharakā to anant kālamen bahut kiyā hai . shubhabhāvakī sab kriyāen̐ kīn, shubhabhāvamen dharma mānā, parantu dharma to ātmāke shuddhabhāvamen hī hai . shubh to vibhāv hai, ākulatārūp hai, duḥkharūp hai, usamen kahīn shānti nahīn hai . yadyapi shubhabhāv āye binā nahīn rahate, tathāpi vahān̐ shānti to nahīn hai . shānti ho, sukh ho — ānanda ho aisā tattva to chaitanya hī hai . nivr̥uttimay chaitanyapariṇatimen hī sukh hai, bāhyamen kahīn sukh hai hī nahīn . isaliye chaitanyatattvako pahichānakar usamen sthir honekā prayās karanā vahī yathārtha shreyarūp hai . vah ek hī manuṣhya jīvanamen karaneyogya — hitarūp — kalyāṇarūp hai ..375..

pūrṇa guṇonse abhed aise pūrṇa ātmadravya par draṣhṭi karanese, usīke ālambanase, pūrṇatā pragaṭ hotī hai . is akhaṇḍa dravyakā ālamban vahī akhaṇḍa ek paramapāriṇāmikabhāvakā ālamban hai . gnānīko us

Page 158 of 212
PDF/HTML Page 173 of 227
single page version

158

ālambanase pragaṭ honevālī aupashamik, kṣhāyopashamik aur kṣhāyikabhāvarūp paryāyoṅkā — vyakta honevālī vibhūtiyoṅkā — vedan hotā hai parantu unakā ālamban nahīn hotā — un par jor nahīn hotā . jor to sadā akhaṇḍa shuddha dravya par hī hotā hai . kṣhāyikabhāvakā bhī āshray yā ālamban nahīn liyā jātā kyoṅki vah to paryāy hai, visheṣhabhāv hai . sāmānyake āshrayase hī shuddha visheṣh pragaṭ hotā hai, dhruvake ālambanase hī nirmal utpād hotā hai . isaliye sab chhoṛakar, ek shuddhātmadravyake prati — akhaṇḍa paramapāriṇāmikabhāvake prati — draṣhṭi kar, usīke ūpar nirantar jor rakh, usīkī or upayog ḍhale aisā kar ..376..

svabhāvamense visheṣh ānanda pragaṭ karaneke liye munirāj jaṅgalamen base hain . us hetu unako nirantar paramapāriṇāmikabhāvamen līnatā vartatī hai, — din-rāt romaromamen ek ātmā hī ram rahā hai . sharīr hai kintu sharīrakī koī chintā nahīn hai, dehātīt jaisī dashā hai . utsarga evan apavādakī maitrīpūrvak rahanevāle

Page 159 of 212
PDF/HTML Page 174 of 227
single page version

hain . ātmākā poṣhaṇ karake nij svabhāvabhāvoṅko puṣhṭa karate hue vibhāvabhāvoṅkā shoṣhaṇ karate hain . jis prakār mātākā pallā pakaṛakar chalatā huā bālak kuchh aṛachan dikhane par adhik jorase pallā pakaṛ letā hai, usī prakār muni parīṣhah-upasarga āne par prabal puruṣhārthapūrvak nijātmadravyako pakaṛ lete hain . ‘aisī pavitra munidashā kab prāpta kareṅge !’ aisā manorath samyagdraṣhṭiko vartatā hai ..377..

jise svabhāvakī mahimā jāgī hai aise sachche ātmārthīko viṣhay-kaṣhāyoṅkī mahimā ṭūṭakar unakī tuchchhatā lagatī hai . use chaitanyasvabhāvakī samajhamen nimittabhūt dev-shāstra-gurukī mahimā ātī hai . koī bhī kārya karate hue use nirantar shuddha svabhāv prāpta karanekā khaṭakā lagā hī rahatā hai .

gr̥uhasthāshramamen sthit gnānīko shubhāshubh bhāvase bhinna gnāyakakā avalamban karanevālī gnātr̥utvadhārā nirantar vartatī rahatī hai . parantu puruṣhārthakī nirbalatāke kāraṇ asthiratārūp vibhāvapariṇati banī huī hai

Page 160 of 212
PDF/HTML Page 175 of 227
single page version

160

isaliye unako gr̥uhasthāshram sambandhī shubhāshubh pariṇām hote hain . svarūpamen sthir nahīn rahā jātā isaliye ve vividh shubhabhāvommen yukta hote hain : — ‘mujhe dev-gurukī sadā samīpatā ho, guruke charaṇakamalakī sevā ho’ ityādi prakārase jinendrabhakti -stavan-pūjan evan gurusevāke bhāv hote hain tathā shāstrasvādhyāyake, dhyānake, dānake, bhūmikānusār aṇuvrat evan tapādike shubhabhāv unake haṭh binā āte hain . in sab bhāvoṅke bīch gnātr̥utva-pariṇatikī dhārā to satat chalatī hī rahatī hai .

nijasvarūpadhāmamen ramanevāle munirājako bhī pūrṇa vītarāgadashākā abhāv honese vividh shubhabhāv hote hain : — unake mahāvrat, aṭṭhāīs mūlaguṇ, pañchāchār, svādhyāy, dhyān ityādi sambandhī shubhabhāv āte hain tathā jinendrabhakti -shrutabhakti -gurubhakti ke ullāsamay bhāv bhī āte hain . ‘he jinendra ! āpake darshan honese, āpake charaṇakamalakī prāpti honese, mujhe kyā nahīn prāpta huā ? arthāt āp milanese mujhe sab kuchh mil gayā .’ aise anek prakārase shrī padmanandī ādi munivaronne jinendrabhakti ke srot bahāye

Page 161 of 212
PDF/HTML Page 176 of 227
single page version

hain . — aise aise anek prakārake shubhabhāv munirājako bhī haṭh binā āte hain . sāth hī sāth gnāyakake ugra ālambanase muniyogya ugra gnātr̥utvadhārā bhī satat chalatī hī rahatī hai .

sādhakako — muniko tathā samyagdraṣhṭi shrāvakako — jo shubhabhāv āte hain ve gnātr̥utvapariṇatise viruddha- svabhāvavāle honeke kāraṇ unakā ākulatārūpase — duḥkharūpase vedan hotā hai, heyarūp gnāt hote hain, tathāpi us bhūmikāmen āye binā nahīn rahate .

sādhakakī dashā ekasāth tripaṭī ( – tīn visheṣhatāomvālī) hai : — ek to, use gnāyakakā āshray arthāt shuddhātmadravyake prati jor nirantar vartatā hai jisamen ashuddha tathā shuddha paryāyānshakī bhī upekṣhā hotī hai; dūsarā, shuddha paryāyānshakā sukharūpase vedan hotā hai; aur tīsarā, ashuddha paryāyānsh — jisamen vrat, tap, bhakti ādi shubhabhāvoṅkā samāvesh hai usakā — duḥkharūpase, upādhirūpase vedan hotā hai .

sādhakako shubhabhāv upādhirūp lagate hain — isakā aisā artha nahīn hai ki ve bhāv haṭhapūrvak hote hain .

Page 162 of 212
PDF/HTML Page 177 of 227
single page version

162

yon to sādhakake ve bhāv haṭharahit sahajadashāke hain, agnānīkī bhān̐ti ‘ye bhāv nahīn karūn̐gā to parabhavamen duḥkh sahan karanā paṛeṅge’ aise bhayase jabaran kaṣhṭapūrvak nahīn kiye jāte; tathāpi ve sukharūp bhī gnāt nahīn hote . shubhabhāvoṅke sāth-sāth vartatī, gnāyakakā avalamban lenevālī jo yathochit nirmal pariṇati vahī sādhakako sukharūp gnāt hotī hai .

jis prakār hāthīke bāharake dān̐t — dikhāneke dān̐t alag hote hain aur bhītarake dān̐t — chabāneke dān̐t alag hote hain, usī prakār sādhakako bāhyamen utsāhake kārya — shubh pariṇām dikhāyī den ve alag hote hain aur antaramen ātmashāntikā — ātmatr̥uptikā svābhāvik pariṇaman alag hotā hai . bāhya kriyāke ādhārase sādhakakā antar nahīn pahichānā jātā ..378..

jagatamen sarvotkr̥uṣhṭa vastu terā ātmā hī hai . usamen chaitanyaras aur ānanda bhare hain . vah guṇ- maṇiyoṅkā bhaṇḍār hai . aise divyasvarūp ātmākī divyatāko tū nahīn pahichānatā aur paravastuko

Page 163 of 212
PDF/HTML Page 178 of 227
single page version

mūlyavān mānakar use prāpta karanekā parishram kar rahā hai ! paravastu tīn kālamen kabhī kisīkī nahīn huī hai, tū vyartha bhramaṇāse use apanī banānekā prayatna karake apanā ahit kar rahā hai ! 379..

jis prakār suvarṇako jaṅg nahīn lagatī, agniko dīmak nahīn lagatī, usī prakār gnāyakasvabhāvamen āvaraṇ, nyūnatā yā ashuddhi nahīn ātī . tū use pahichānakar usamen līn ho to tere sarva guṇaratnoṅkī chamak pragaṭ hogī ..380..

jīv bhale hī chāhe jitane shāstra parḥ le, vādavivād karanā jāne, pramāṇ-nay-nikṣhepādise vastukī tarkaṇā kare, dhāraṇārūp gnānako vichārommen visheṣh-visheṣh phe re, kintu yadi gnānasvarūp ātmāke astitvako na pakaṛe aur tadrūp pariṇamit na ho, to vah gneyanimagna rahatā hai, jo-jo bāharakā jāne usamen tallīn ho jātā hai, mānon gnān bāharase ātā ho aisā bhāv vedatā rahatā hai . sab parḥ gayā, anek

Page 164 of 212
PDF/HTML Page 179 of 227
single page version

164

yukti -nyāy jāne, anek vichār kiye, parantu jānanevāleko nahīn jānā, gnānakī asalī bhūmi draṣhṭigochar nahīn huī, to vah sab jānanekā phal kyā ? shāstrābhyāsādikā prayojan to gnānasvarūp ātmāko jānanā hai ..381..

ātmā utpād-vyay-dhrauvyasvarūp hai; vah nitya rahakar palaṭatā hai . usakā nityasthāyī svarūp rītā nahīn, pūrṇa bharā huā hai . usamen anant guṇaratnoṅke kamare bhare hain . us adbhut r̥uddhiyukta nitya svarūp par draṣhṭi de to tujhe santoṣh hogā ki ‘main to sadā kr̥utakr̥utya hūn̐’ . usamen sthir honese tū paryāyamen kr̥utakr̥utya ho jāyagā ..382..

gnāyakasvabhāv ātmākā nirṇay karake, mati- shrutagnānakā upayog jo bāhyamen jātā hai use antaramen sameṭ lenā, bāhar jāte hue upayogako gnāyakake avalamban dvārā bārambār antaramen sthir karate rahanā, vahī shivapurī pahun̐chanekā rājamārga hai . gnāyak

Page 165 of 212
PDF/HTML Page 180 of 227
single page version

ātmākī anubhūti vahī shivapurīkī saṛak hai, vahī mokṣhakā mārga hai . dūsare sab us mārgakā varṇan karaneke bhinnabhinna prakār hain . jitane varṇanake prakār hain, utane mārga nahīn hain; mārga to ek hī hai ..383..

tere ātmāmen nidhān ṭhasāṭhas bhare hain . anant- guṇanidhānako rahaneke liye anant kṣhetrakī āvashyakatā nahīn hai, asaṅkhyāt pradeshoṅke kṣhetramen hī anant guṇ ṭhasāṭhas bhare hain, tujhamen aise nidhān hain, to phi ra tū bāhar kyon jātā hai ? tujhamen hai use dekh na ! tujhamen kyā kamī hai ? tujhamen pūrṇa sukh hai, pūrṇa gnān hai, sab kuchh hai . sukh aur gnān to kyā parantu koī bhī vastu bāhar lene jānā paṛe aisā nahīn hai . ek bār tū antaramen pravesh kar, sab antaramen hai . antaramen gahare utarane par, samyagdarshan hone par, tere nidhān tujhe dikhāyī deṅge aur un sarva nidhānake pragaṭ anshako vedakar tū tr̥upta ho jāyagā . pashchāt puruṣhārtha karate hī rahanā jisase pūrṇa nidhānakā bhoktā hokar tū sadākāl param tr̥upta-tr̥upta rahegā ..384..