Page 126 of 212
PDF/HTML Page 141 of 227
single page version
126
bhī āge nahīn barḥā jā sakatā . dravyadraṣhṭimen mātra shuddha akhaṇḍa dravyasāmānyakā hī svīkār hotā hai ..321..
gnānīkī draṣhṭi akhaṇḍa chaitanyamen bhed nahīn karatī . sāthamen rahanevālā gnān vivek karatā hai ki ‘yah chaitanyake bhāv hain, yah par hai’ . draṣhṭi akhaṇḍa chaitanyamen bhed karaneko khaṛī nahīn rahatī . draṣhṭi aise pariṇām nahīn karatī ki ‘itanā to sahī, itanī kachās to hai’ . gnān sabhī prakārakā vivek karatā hai ..322..
jisane shāntikā svād chakh liyā ho use rāg nahīn pusātā . vah pariṇatimen vibhāvase dūr bhāgatā hai . jaise ek or baph rkā ḍher ho aur dūsarī or agni ho to un donoṅke bīch khaṛā huā manuṣhya agnise dūr bhāgatā huā baph rkī or ḍhalatā hai, usī prakār jisane thoṛā bhī sukhakā svād chakhā hai, jise thoṛī bhī shāntikā vedan varta rahā hai aisā
Page 127 of 212
PDF/HTML Page 142 of 227
single page version
gnānī jīv dāhase arthāt rāgase dūr bhāgatā hai evan shītalatākī or ḍhalatā hai ..323..
jaise ek ratnakā parvat ho aur ek ratnakā kaṇ ho vahān̐ kaṇ to namūnerūp hai, parvatakā prakāsh aur usakā mūlya atyadhik hotā hai; usī prakār kevalagnānakī mahimā shrutagnānakī apekṣhā atyadhik hai . ek samayamen sarva dravya-kṣhetra-kāl-bhāvako sampūrṇarūpase jānanevāle kevalagnānamen aur alpa sāmarthyavāle shrutagnānamen — bhale hī vah antarmuhūrtamen sarva shrut phe ranevāle shrutakevalīkā shrutagnān ho tathāpi — bahut baṛā antar hai . jahān̐ gnān anant kiraṇonse prakāshit ho uṭhā, jahān̐ chaitanyakī chamatkārik r̥uddhi pūrṇa pragaṭ ho gaī — aise pūrṇa kṣhāyik gnānamen aur khaṇḍātmak kṣhāyopashamik gnānamen anantagunā antar hai ..324..
gnānīko svānubhūtike samay yā upayog bāhar āye tab draṣhṭi to sadā antastal par hī lagī rahatī
Page 128 of 212
PDF/HTML Page 143 of 227
single page version
128
hai . bāhyamen ekamek huā dikhāyī de tab bhī vah to (draṣhṭi-apekṣhāse) gaharī antarguphāmense bāhar nikalatā hī nahīn ..325..
jisane talako sparsha kiyā use bāhar sab thothā lagatā hai . chaitanyake talamen pahun̐ch gayā vah chaitanyakī vibhūtimen pahun̐ch gayā ..326..
devalokamen uchcha prakārake ratna aur mahal hon usase ātmāko kyā ? karmabhūmike manuṣhya bhojan pakākar khāte hain vahān̐ bhī ākulatā aur devoṅke kaṇṭhamen amr̥ut jharatā hai vahān̐ bhī ākulatā hī hai . chhah khaṇḍako sādhanevāle chakravartīke rājyamen bhī ākulatā hai . antarakī r̥uddhi na pragaṭe, shānti na pragaṭe, to bāhya r̥uddhi aur vaibhav kyā shānti deṅge ? 327..
munidashākā kyā kahanā ! muni to pramatta- apramattapanemen sadā jhūlanevāle hain ! unhen to sarvaguṇ-
Page 129 of 212
PDF/HTML Page 144 of 227
single page version
sampanna kahā jā sakatā hai ! 328..
munirāj bārambār nirvikalparūpase chaitanyanagaramen pravesh karake adbhut r̥uddhikā anubhav karate hain . us dashāmen, ananta guṇonse bharapūr chaitanyadev bhinna-bhinna prakārakī chamatkārik paryāyonrūp taraṅgommen evan āshcharyakārī ānandataraṅgommen ḍolatā hai . munirāj tathā samyagdraṣhṭi jīvakā yah svasamvedan koī aur hī hai, vachanātīt hai . vahān̐ shūnyatā nahīn hai, jāgr̥utarūpase alaukik r̥uddhikā atyanta spaṣhṭa vedan hai . tū vahān̐ jā, tujhe chaitanyadevake darshan hoṅge ..329..
aho ! munirāj to nijātmadhāmamen nivās karate hain . usamen visheṣh-visheṣh ekāgra hote-hote ve vītarāgatāko prāpta karate hain .
vītarāgatā honese unhen gnānakī agādh adbhut shakti pragaṭ hotī hai . gnānakā antarmuhūrtakā sthūl upayog chhūṭakar ek samayakā sūkṣhma upayog ho jātā hai . vah gnān apane kṣhetramen rahakar sarvatra pahun̐ch jātā
Page 130 of 212
PDF/HTML Page 145 of 227
single page version
130
hai — lokālokako jān letā hai, bhūt-vartamān- bhaviṣhyakī sarva paryāyoṅko kram paṛe binā ek samayamen vartamānavat jānate hain, svapadārtha tathā ananta parapadārthoṅkī tīnon kālakī paryāyoṅke anant-anant avibhāg pratichchhedoṅko ek samayamen pratyakṣha jānate hain . — aise achintya mahimāvant kevalagnānako vītarāg munirāj prāpta karate hain .
kevalagnān pragaṭ hone par, jaise kamal hajār paṅkhuriyonse khil uṭhatā hai tadanusār, divyamūrti chaitanyadev anant guṇoṅkī anant paṅkhuriyonse khil uṭhatā hai . kevalagnānī bhagavān chaitanyamūrtike gnān- ānandādi anant guṇoṅkī pūrṇa paryāyommen sādi-anant keli karate hain; nijadhāmake bhītar shāshvatarūpase virāj gaye hain, usamense kabhī bāhar āte hī nahīn ..330..
kahīn ruke binā ‘gnāyak hūn̐’ is prakār bārambār shraddhā aur gnānamen nirṇay karanekā prayatna karanā . gnāyakakā ghoṭan karate rahanā ..331..
Page 131 of 212
PDF/HTML Page 146 of 227
single page version
ekāntase duḥkhake balase alag ho aisā nahīn hai, parantu dravyadraṣhṭike balase alag hotā hai . duḥkh lagatā ho, suhātā na ho, parantu ātmāko pahichāne binā — jāne binā jāy kahān̐ ? ātmāko jānā ho, usakā astitva grahaṇ kiyā ho, tabhī alag hotā hai ..332..
chetakar rahanā . ‘mujhe ātā hai’ aise jānakārīke garvake mārga par nahīn jānā . vibhāvake mārga par to anādise chal hī rahā hai . vahān̐se rokaneke liye sir par guru honā chāhiye . ek apanī lagām aur dūsarī gurukī lagām ho to jīv pīchhe muṛe .
jānakārīke mānase dūr rahanā achchhā hai . bāhya prasiddhike prasaṅgonse dūr bhāganemen lābh hai . ve sab prasaṅg niḥsār hain; sārabhūt ek ātmasvabhāv hai ..333..
ātmārthīko shrī guruke sānnidhyamen puruṣhārtha sahaj hī hotā hai . main to sevak hūn̐ — yah draṣhṭi rahanā chāhiye . ‘main kuchh hūn̐’ aisā bhāv ho to sevakapanā chhūṭ jātā hai . sevak hokar rahanemen lābh hai . sevakapanekā bhāv
Page 132 of 212
PDF/HTML Page 147 of 227
single page version
132
guṇasamudra ātmā pragaṭanekā nimitta hotā hai ..334..
bāharake chāhe jaise sanyogamen dharmako nahīn chhoṛanā, chaitanyake orakī ruchi nahīn chhoṛanā . dharma yā ruchi chhūṭī to amūlya manuṣhyabhav hār gaye ..335..
karmoṅke vividh vipākamen gnāyakabhāv chalit nahīn hotā . jis prakār kīchaṛamen kamal nirlep rahatā hai, usī prakār chaitanya bhī chāhe jaise karmasanyogamen nirlep rahatā hai ..336..
dravyako grahaṇ karanese shuddhatā pragaṭ ho, chāritradashā pragaṭ ho, parantu gnānī un paryāyommen nahīn rukate . ātmadravyamen bahut paṛā hai, bahut bharā hai, us ātmadravyake ūparase gnānīkī draṣhṭi nahīn haṭatī . yadi paryāyamen ruken, paryāyamen chipak jāyan̐, to mithyātvamen ā jāyan̐ ..337..
Page 133 of 212
PDF/HTML Page 148 of 227
single page version
shubhabhāvamen shram paṛatā hai, thakān lagatī hai; kyoṅki vah ātmākā svabhāv nahīn hai . shuddhabhāv ātmākā svādhīn svabhāv honese usamen thakān nahīn lagatī . jitanā svādhīn utanā sukh hai . svabhāvake sivā sab duḥkh hī hai ..338..
yah to gutthī sulajhānā hai . chaitanyaḍoremen anādikī gutthī paṛī hai . sūtakī lachchhīmen gutthī paṛ gaī ho use dhairyapūrvak sulajhāye to sirā hāthamen āye aur gutthī sulajh jāy, usī prakār chaitanyaḍoremen paṛī huī gutthīko dhīrajase sulajhāye to gutthī dūr ho sakatī hai ..339..
‘isakā karūn̐, isakā karūn̐’ — is prakār terā dhyān bāhyamen kyon rukatā hai ? itanā dhyān tū apanemen lagā de ..340..
nij chetanapadārthake āshrayase anant adbhut
Page 134 of 212
PDF/HTML Page 149 of 227
single page version
134
ātmik vibhūti pragaṭ hotī hai . agādh shakti mense kyā nahīn ātā ? 341..
antaramen tū apane ātmāke sāth prayojan rakh aur bāhyamen dev-shāstra-guruke sāth; bas, anyake sāth tujhe kyā prayojan hai ?
jo vyavahārase sādhanarūp kahe jāte hain, jinakā ālamban sādhakako āye binā nahīn rahatā — aise dev-shāstra-guruke ālambanarūp shubh bhāv bhī paramārthase hey hain, to phi ra anya padārtha yā ashubh bhāvoṅkī to bāt hī kyā ? unase tujhe kyā prayojan hai ?
ātmākī mukhyatāpūrvak dev-shāstra-gurukā ālamban sādhakako ātā hai . munirāj shrī padmaprabhamaladhāridevane bhī kahā hai ki ‘he jinendra ! main kisī bhī sthān par hoūn̐, (parantu) punaḥ punaḥ āpake pādapaṅkajakī bhakti ho’ ! — aise bhāv sādhakadashāmen āte hain, aur sāth hī sāth ātmākī mukhyatā to satat banī hī rahatī hai ..342..
Page 135 of 212
PDF/HTML Page 150 of 227
single page version
anant jīv puruṣhārtha karake, svabhāvarūp pariṇamit hokar, vibhāvako ṭālakar, siddha hue hain; isaliye yadi tujhe siddhamaṇḍalīmen sammilit honā ho to tū bhī puruṣhārtha kar .
kisī bhī jīvako puruṣhārtha kiye binā to bhavānta honā hī nahīn hai . vahān̐ koī jīv to, jaise ghoṛā chhalān̐g māratā hai vaise, ugra puruṣhārtha karake tvarāse vastuko pahun̐ch jātā hai, to koī jīv dhīre-dhīre pahun̐chatā hai .
vastuko pānā, usamen sthir rahanā aur āge barḥanā — sab puruṣhārthase hī hotā hai . puruṣhārtha bāhar jātā hai use antaramen lāo . ātmāke jo sahaj svabhāv hain ve puruṣhārtha dvārā svayam pragaṭ hoṅge ..343..
jab tak sāmānya tattva — dhruv tattva — khyālamen na āye, tab tak antaramen mārga kahān̐se sūjhe aur kahān̐se pragaṭ ho ? isaliye sāmānya tattvako khyālamen lekar usakā āshray karanā chāhiye . sādhakako āshray to prārambhase pūrṇatā tak ek gnāyakakā hī —
Page 136 of 212
PDF/HTML Page 151 of 227
single page version
136
dravyasāmānyakā hī — dhruv tattvakā hī hotā hai . gnāyakakā — ‘dhruv’kā jor ek kṣhaṇ bhī nahīn haṭatā . draṣhṭi gnāyakake sivā kisīko svīkār nahīn karatī — dhruvake sivā kisī par dhyān nahīn detī; ashuddha paryāy par nahīn, shuddha paryāy par nahīn, guṇabhed par nahīn . yadyapi sāth vartatā huā gnān sabakā vivek karatā hai, tathāpi draṣhṭikā viṣhay to sadā ek dhruv gnāyak hī hai, vah kabhī chhūṭatā nahīn hai .
pūjya gurudevakā aisā hī upadesh hai, shāstra bhī aisā hī kahate hain, vastusthiti bhī aisī hī hai ..344..
mokṣhamārgakā svarūp saṅkṣhepamen kahen to ‘antaramen gnāyak ātmāko sādh’ . yah thoṛemen bahut kahā jā chukā . vistār kiyā jāy to anant rahasya nikale, kyoṅki vastumen anant bhāv bhare hain . sarvārthasiddhike dev tetīs-tetīs sāgaropam jitane kāl tak dharmacharchā, jinendrastuti ityādi karate rahate hain . us sabakā saṅkṣhep yah hai ki — ‘shubhāshubh bhāvonse nyārā ek gnāyakakā āshray karanā, gnāyakarūp pariṇati karanī’ ..345..
Page 137 of 212
PDF/HTML Page 152 of 227
single page version
pūjya gurudevane to sāre bhāratake jīvoṅko jāgr̥ut kiyā hai . saiṅkaṛon varṣhamen jo spaṣhṭatā nahīn huī thī itanī adhik mokṣhamārgakī spaṣhṭatā kī hai . chhoṭe- chhoṭe bālak bhī samajh saken aisī bhāṣhāmen mokṣhamārgako kholā hai . adbhut pratāp hai . abhī to lābh lenekā kāl hai ..346..
mujhe kuchh nahīn chāhiye, ek shānti chāhiye, kahīn shānti dikhāyī nahīn detī . vibhāvamen to ākulatā hī hai . ashubhase ūbakar shubhamen aur shubhase thakakar ashubhamen — aise anant-anant kāl bīt gayā . ab to mujhe bas ek shāshvat shānti chāhiye . — is prakār antaramen gaharāīse bhāvanā jāge aur vastukā svarūp kaisā hai usakī pahichān kare, pratīti kare, to sachchī shānti prāpta hue binā na rahe ..347..
ruchikī ugratāmen puruṣhārtha sahaj lagatā hai aur ruchikī mandatāmen kaṭhin lagatā hai . ruchi manda ho jāne par idhar-udhar lag jāy tab kaṭhin lagatā hai
Page 138 of 212
PDF/HTML Page 153 of 227
single page version
138
aur ruchi barḥane par saral lagatā hai . svayam pramād kare to durgam hotā hai aur svayam ugra puruṣhārtha kare to prāpta ho jātā hai . sarvatra apanā hī kāraṇ hai .
sukhakā dhām ātmā hai, āshcharyakārī nidhi ātmāmen hai — is prakār bārambār ātmākī mahimā lākar puruṣhārtha uṭhānā aur pramād toṛanā chāhiye ..348..
chakravartī, baladev aur tīrthaṅkar jaise ‘yah rājya, yah vaibhav — kuchh nahīn chāhiye’ is prakār sarvakī upekṣhā karake ek ātmākī sādhanā karanekī dhunamen akele jaṅgalakī or chal paṛe ! jinhen bāhyamen kisī prakārakī kamī nahīn thī, jo chāhen vah jinhen milatā thā, janmase hī, janma honese pūrva bhī, indra jinakī sevāmen tatpar rahate the, log jinhen bhagavān kahakar ādar dete thethe — aise utkr̥uṣhṭa puṇyake dhanī sab bāhya r̥uddhiko chhoṛakar, upasarga-pariṣhahoṅkī paravāh kiye binā, ātmākā dhyān karaneke liye vanamen chale gaye, to unhen ātmā sabase mahimāvanta, sabase visheṣh āshcharyakārī lagā hogā aur bāhyakā sab tuchchha bhāsit huā hogā
Page 139 of 212
PDF/HTML Page 154 of 227
single page version
tabhī to chale gaye hoṅge na ? isaliye, he jīv ! tū aise āshcharyakārī ātmākī mahimā lākar, apane svayanse usakī pahichān karake, usakī prāptikā puruṣhārtha kar . tū sthiratā-apekṣhāse bāharakā sab na chhoṛ sake to shraddhā-apekṣhāse to chhoṛ ! chhoṛanese terā kuchh nahīn jāyagā, ulaṭā param padārtha – ātmā – prāpta hogā .349.
jīvoṅko gnān aur kriyāke svarūpakī khabar nahīn hai aur ‘svayam gnān tathā kriyā donon karate hain’ aisī bhramaṇākā sevan karate hain . bāhya gnānako, bhaṅgabhedake prashnottaroṅko, dhāraṇāgnānako ve ‘gnān’ mānate hain aur paradravyake grahaṇ-tyāgako, sharīrādikī kriyāko, athavā adhik karen to shubh bhāvako, ve kriyā kalpate hain . ‘mujhe itanā ātā hai, main aisī kaṭhin kriyāen̐ karatā hūn̐’ is prakār ve mithyā santoṣhamen rahate hain .
gnāyakakī svānubhūtike binā ‘gnān’ hotā nahīn hai aur gnāyakake drarḥa ālamban dvārā ātmadravya svabhāvarūpase pariṇamit hokar jo svabhāvabhūt kriyā hotī hai usake sivā ‘kriyā’ hai nahīn . paudgalik
Page 140 of 212
PDF/HTML Page 155 of 227
single page version
140
kriyā ātmā kahān̐ kar sakatā hai ? jaṛake kāryarūp to jaṛ pariṇamit hotā hai; ātmāse jaṛake kārya kabhī nahīn hote . ‘sharīrādike kārya mere nahīn hain aur vibhāv kārya bhī svarūpapariṇati nahīn hai, main to gnāyak hūn̐’ — aisī sādhakakī pariṇati hotī hai . sachche mokṣhārthīko bhī apane jīvanamen aisā ghun̐ṭ jānā chāhiye . bhale pratham savikalparūp ho, parantu aisā pakkā nirṇay karanā chāhiye . pashchāt jaldī antarakā puruṣhārtha kare to jaldī nirvikalpa darshan ho, der kare to derase ho . nirvikalpa svānubhūti karake, sthiratā barḥāte-barḥāte, jīv mokṣha prāpta karatā hai . — is vidhike sivā mokṣha prāpta karanekī anya koī vidhi nahīn hai ..350..
kisī bhī prasaṅgamen ekākār nahīn ho jānā . mokṣhake sivā tujhe aur kyā prayojan hai ? pratham bhūmikāmen bhī ‘mātra mokṣha-abhilāṣh’ hotī hai .
jo mokṣhakā arthī ho, sansārase jo thak gayā ho, usake liye gurudevakī vāṇīkā prabal srot bah rahā hai jisamense mārga sūjhatā hai . vāstavamen to
Page 141 of 212
PDF/HTML Page 156 of 227
single page version
antarase thakān lage to, gnānī dvārā kuchh dishā sūjhaneke bād antar hī antaramen prayatna karanese ātmā mil jātā hai ..351..
‘dravyase paripūrṇa mahāprabhu hūn̐, bhagavān hūn̐, kr̥utakr̥utya hūn̐’ aisā mānate hone par bhī ‘paryāyamen to main pāmar hūn̐’ aisā mahāmuni bhī jānate hain .
gaṇadharadev bhī kahate hain ki ‘he jinendra ! main āpake gnānako nahīn pā sakatā . āpake ek samayake gnānamen samasta lokālok tathā apanī bhī anant paryāyen gnāt hotī hain . kahān̐ āpakā anant-anant dravya-paryāyoṅko jānanevālā agādh gnān aur kahān̐ merā alpa gnān ! āp anupam ānandarūp bhī sampūrṇatayā pariṇamit ho gaye hain . kahān̐ āpakā pūrṇa ānanda aur kahān̐ merā alpa ānanda ! isī prakār ananta guṇoṅkī pūrṇa paryāyarūpase āp sampūrṇatayā pariṇamit ho gaye ho . āpakī kyā mahimā karen ? āpako to jaisā dravya vaisī hī ek samayakī paryāy pariṇamit ho gaī hai; merī paryāy to anantaven bhāg hai’ .
Page 142 of 212
PDF/HTML Page 157 of 227
single page version
142
is prakār pratyek sādhak, dravya-apekṣhāse apaneko bhagavān mānatā hone par bhī, paryāy-apekṣhāse — gnān, ānanda, chāritra, vīrya ityādi sarva paryāyoṅkī apekṣhāse — apanī pāmaratā jānatā hai ..352..
sarvotkr̥uṣhṭa mahimākā bhaṇḍār chaitanyadev anādi- ananta paramapāriṇāmikabhāvamen sthit hai . munirājane (niyamasārake ṭīkākār shrī padmaprabhamaladhāridevane) is paramapāriṇāmik bhāvakī dhun lagāyī hai . yah pañcham bhāv pavitra hai, mahimāvant hai . usakā āshray karanese shuddhike prārambhase lekar pūrṇatā pragaṭ hotī hai .
jo malin ho, athavā jo anshataḥ nirmal ho, athavā jo adhūrā ho, athavā jo shuddha evan pūrṇa hone par bhī sāpekṣha ho, adhruv ho aur traikālik-paripūrṇa- sāmarthyavān na ho, usake āshrayase shuddhatā pragaṭ nahīn hotī; isaliye audayikabhāv, kṣhāyopashamikabhāv, aupashamikabhāv aur kṣhāyikabhāv avalambanake yogya nahīn hain .
Page 143 of 212
PDF/HTML Page 158 of 227
single page version
jo pūrā nirmal hai, paripūrṇa hai, param nirapekṣha hai, dhruv hai aur traikālik-paripūrṇa-sāmarthyamay hai — aise abhed ek paramapāriṇāmikabhāvakā hī — pāramārthik asalī vastukā hī — āshray karane yogya hai, usīkī sharaṇ lene yogya hai . usīse samyagdarshanase lekar mokṣha takakī sarva dashāen̐ prāpta hotī hain .
ātmāmen sahajabhāvase vidyamān gnān, darshan, chāritra, ānanda ityādi ananta guṇ bhī yadyapi pāriṇāmikabhāvarūp hī hain tathāpi ve chetanadravyake ek- ek ansharūp honeke kāraṇ unakā bhedarūpase avalamban lene par sādhakako nirmalatā pariṇamit nahīn hotī .
isaliye paramapāriṇāmikabhāvarūp anantaguṇ- svarūp abhed ek chetanadravyakā hī – akhaṇḍa paramātma- dravyakā hī — āshray karanā, vahīn draṣhṭi denā, usīkī sharaṇ lenā, usīkā dhyān karanā, ki jisase anant nirmal paryāyen svayam khil uṭhen .
isaliye dravyadraṣhṭi karake akhaṇḍa ek gnāyakarūp vastuko lakṣhamen lekar usakā avalamban karo . vahī, vastuke akhaṇḍa ek paramapāriṇāmikabhāvakā āshray
Page 144 of 212
PDF/HTML Page 159 of 227
single page version
144
hai . ātmā anantaguṇamay hai parantu dravyadraṣhṭi guṇoṅke bhedoṅkā grahaṇ nahīn karatī, vah to ek akhaṇḍ traikālik vastuko abhedarūpase grahaṇ karatī hai .
yah pañcham bhāv pāvan hai, pūjanīy hai . usake āshrayase samyagdarshan pragaṭ hotā hai, sachchā munipanā ātā hai, shānti aur sukh pariṇamit hotā hai, vītarāgatā hotī hai, pañcham gatikī prāpti hotī hai ..353..
tīrthaṅkarabhagavanton dvārā prakāshit digambar jain dharma hī satya hai aisā gurudevane yukti -nyāyase sarva prakār spaṣhṭarūpase samajhāyā hai . mārgakī khūb chhānabīn kī hai . dravyakī svatantratā, dravya-guṇ-paryāy, upādān- nimitta, nishchay-vyavahār, ātmākā shuddha svarūp, samyagdarshan, svānubhūti, mokṣhamārga ityādi sab kuchh unake param pratāpase is kāl satyarūpase bāhar āyā hai . gurudevakī shrutakī dhārā koī aur hī hai . unhonne hamen taranekā mārga batalāyā hai . pravachanamen kitanā math- mathakar nikālate hain ! unake pratāpase sāre bhāratamen bahut
Page 145 of 212
PDF/HTML Page 160 of 227
single page version
jīv mokṣhamārgako samajhanekā prayatna kar rahe hain . pañcham kālamen aisā suyog prāpta huā vah apanā param sadbhāgya hai . jīvanamen sab upakār gurudevakā hī hai . gurudev guṇonse bharapūr hain, mahimāvanta hain . unake charaṇakamalakī sevā hr̥udayamen basī rahe ..354..
taranekā upāy bāharī chamatkārommen nahīn rahā hai . bāhya chamatkār sādhakakā lakṣhaṇ bhī nahīn hain . chaitanyachamatkārasvarūp svasamvedan hī sādhakakā lakṣhaṇ hai . jo antarakī gaharāīmen rāgake ek kaṇako bhī lābharūp mānatā hai, use ātmāke darshan nahīn hote . nispr̥uh aisā ho jā ki mujhe apanā astitva hī chāhiye, anya kuchh nahīn chāhiye . ek ātmākī hī lagan lage aur antaramense utthān ho to pariṇati palaṭe binā na rahe ..355..
munirājakā nivās chaitanyadeshamen hai . upayog tīkṣhṇa hokar gahare-gahare chaitanyakī guphāmen chalā jātā hai . bāhar āne par murade jaisī dashā hotī hai .