bahinashrIke vachanAmRut

jIvan AtmAmay hI kar lenA chAhiye . bhale hI upayog sUkShma hokar kArya nahIn kar sakatA ho parantu pratItimen aisA hI hotA hai ki yah kArya karanese hI lAbh hai, mujhe yahI karanA hai; vah vartamAn pAtra hai ..46..

traikAlik dhruv dravya kabhI bandhA nahIn hai . mukta hai yA bandhA hai vah vyavahAranayase hai, vah paryAy hai . jaise makaDI apanI lAramen bandhI hai vah chhUTanA chAhe to chhUT sakatI hai, jaise gharamen rahanevAlA manuShya anek kAryommen, upAdhiyommen, janjAlamen phansA hai parantu manuShyarUpase chhUTA hai; vaise hI jIv vibhAvake jAlamen bandhA hai, phansA hai parantu prayatna kare to svayam mukta hI hai aisA gnAt hotA hai . chaitanyapadArtha to mukta hI hai . chaitanya to gnAn-AnandakI mUrti — gnAyakamUrti hai, parantu svayam apaneko bhUl gayA hai . vibhAvakA jAl bichhA hai usamen phans gayA hai, parantu prayatna kare to mukta hI hai . dravya bandhA nahIn hai ..47..

vikalpamen pUrA-pUrA dukh laganA chAhiye .