PDF/HTML Page 736 of 1906
single page version

samAdhAna- ... sab apekShAen alag AtI hai. AchAryadev kahate hain na? yah chaitanyakA vaibhav kaisA adabhut Ashcharya utpanna kare aisA hai. ek orase dekhen to ek dikhe, anek dikhe, nitya dikhe, anitya dikhe, aise virodhI dharma dikhe. to bhI vah AtmAmen aisA virodh nahIn hai. vah vastubhed nahIn hai, vah lakShaNabhed hai. vah aise virodhI dharma nahIn hai ki AtmAmen sAth nahIn rah sake.

jaise prakAsh aur andhakAr sAthamen nahIn rah sakate. jaD aur chaitanya virodhI dharma hai. aise virodhI dharma nahIn hai. AtmAkA gnAnalakShaN hai vah chetanamay hai. chetanake chetanamay guN hain. usakA nitya svabhAv aur anitya svabhAv hai. nitya to dravya apekShAse. aur paryAy apekShAse kShaN-kShaNamen palaTatA hai, parantu dravyakA nAsh nahIn hotA. aisA anitya svabhAv nahIn hai ki dravyakA nAsh ho jAya. to donommen virUddhatA Aye. dravyakA nAsh nahIn hotA, parantu paryAy palaTatI hai. svayam svayamkI apekShAse sat hai. parakI apekShAse asat hai. apanI apekShAse asat nahIn hai. aise virodhI dharma aise nahIn hai ki use aisA virodh Ave ki paraspar sAthamen rah nahIn sake. aisA nahIn hai. parantu aise anek dharma AtmAmen rahe hain ki vah dharma aise achintya aur AshcharyakArI hai. AtmA svayam ek, usamen anek dharma. vah svayam ananta dharmakI mUrti hai. ek honepar bhI ananta aur anantamen eka. nitya aur usake sAth anitya. aise anek jAtake dharmase (sampanna) AtmA aisI anekAntamay mUrti hai ki jo AshcharyakArI hai.

kitane hI dharma to vachanamen Ate nahIn. vachanase agochar (hain). kuchh vachanamen Ate hain, to bhI un sabakA virodh nahIn hai. un sabakA virodh miTAkar samyagdRuShTi sAdhanA sAdhate hain. vah aisA virodh nahIn hai ki sAdhanAmen aDachan Ave yA jisamen sAdhan kar nahIn sake. ek guN ho vahAn paryAy nahIn ho sakatI, dravya ho vahAn paryAy nahIn ho sakatI, aisA virodh nahIn hai. paryAy ansh hai aur AtmA anshI usakI apekShAen alag hain. dononkI apekShAen bhinna-bhinna samajhe to usakA virodh miT jAtA hai. isaliye vah virodh miTAkar samyagdRuShTi sAdhanA sAdhate hain. aur vah usakI sAdhanA avirUddhapane sAdhate hain. usamen virodh nahIn AtA hai.

PDF/HTML Page 737 of 1906
single page version

anekAntamay mUrti hai. svAnubhUtimen use anekAntamay mUrti usakI svAnubhUtimen AtI hai. lekin kitane hI dharma vachanamen nahIn Ate, kitane hI vachanase agochar hai ki gnAyakako, dravyako dRuShTimen liyA to usake guNabhed, paryAyabhed sab gnAn jAnatA hai. usakA virodh miTAkar sAdhanA sAdhate hain. svayam dravya par dRuShTi karake, dravya apekShAse pUrNa hai, parantu paryAyamen abhI adhurApan hai, use gnAn jAnatA hai. isaliye chAritrakI sAdhanA bAkI rahatI hai. ata chAritrakI sAdhanA bArambAr sAdhakar antaramen lIn hokar, vibhAvako TAlatA huA svarUpako sAdhato huA Age baDhatA hai. virodh miT jAtA hai. anekAnta gnAn aisA hai ki virodh miT jAtA hai.

bhagavAnakI vANI aisI syAdvAd vANI ki jo virodh miTAnevAlI hai. aisI sarasvatI devI bhagavAnakI vANI, jisase virodh miT jAtA hai. bhagavAnakI vANImen chaudah brahmANDakA svarUp AtA hai. yadi vah yathArtha samajhe aur apane svabhAvase samajhe. gnAn bhI vaisA hai aur vANI bhI vaisI hai. usase virodh miT jAtA hai. yadi yathArtha samajhe to.

vah AtA hai na? bhUtArtha svabhAvako apane dravyake samIp jAkar dekhe to bhUtArtha hai aur paryAyake samIp jAkar dekhe to (abhUtArtha hai). dravya bhUtArtha aur paryAy abhUtArtha dravyakI apekShAse. aur paryAyake samIp jAkar dekhe to paryAy bhUtArtha dikhatI hai. parantu dravyakI apekShAse vah abhUtArtha hai. usakI apekShAen samajhe to virodh miT jAtAaihai. aisA virodh miTAkar sAdhanA sAdh sakatA hai, yathArtha samajhe to.

vibhAv apanA svabhAv nahIn hai. aur yah gnAnAdi jo hain, vah apanA svabhAv hai. mAtra usamen anekatA aur ek, aisA virodh hai. parantu vah virodh aisA nahIn hai ki jahAn ek ho, vahAn anek rah na sake, aisA nahIn hai. lakShaNabhed hai. lakShaNabhed, paryAyabhed aisA bhed hai. dUsarA bhed nahIn hai. aur ek dravyake andar samA jAtA hai. dravya svayam dravya apekShAse ek aur usamen dharma ananta, guN ananta. vah to dravyakI ek vibhUti hai. usakI paryAyen ananta, vah sab dravyakI vibhUti hai. dravya aisA nahIn hotA ki jo vibhUti rahit ho. jo guN rahit dravya ho to use dravya hI nahIn kahate. aisI ananta vibhUtise bharapUr bharA huA dravya hai.

use apane vichArase nakkI kare, nayase pramANase nakkI kare. vah nakkI karatA hai vahI usakI svAnubhUtimen... yadyapi svAnubhUti apUrva hai, parantu svAnubhUtimen use pratIt karatA hai, us prakArakI svAnubhUtimen usakA nAsh nahIn hotA hai. anekAntamay mUrti svayam shAshvat hI hai. usakA virodh miTAkar sAdhanA sAdh sakate hain.

mumukShu- sab dravyake hI dharma hai? virodhI bhI dravyakA hI dharma hai.

samAdhAna- dravyake hI dharma hain. ek vastuke dharma hain. aur usamen rah sakate hain.

PDF/HTML Page 738 of 1906
single page version

mumukShu- vastuko upajAneevAle.

samAdhAna- vastuko upajAnevAle, vastuko TikAnevAle, vastu anek dharmakI mUrti hai. AshcharyakArI vastu hai.

mumukShu- ek prashna hai ki nirvikalpa anubhUtike samay gnAnaguN pariNaman to karatA hI hai, to us vakta AtmAke bandhAraNake dravya-guN-paryAy nirvikalpapane gnAt hote hain yA sabakA ekarUp anubhav hotA hai?

samAdhAna- gnAnaguN pariNaman karatA hai vah pariNati to maujUd hai. nirvikalpatAmen yadi andar jAy aur dravya, guN, paryAy nahIn rahate ho to gnAnaguNakA pariNaman bhI nahIn rahatA. parantu jo svayam vikalpa chhUTakar nirvikalpa hotA hai... pahale nay, pramANase nakkI kiyA. dravya, guN, paryAy vastumen hai. vah vikalpake sAth nakkI kiyA. andaramen jAtA hai vahAn nirvikalpamen bhI dravya-guN-paryAy sab vastumen maujUd hai. parantu ekamek yAnI dravyase vastu bhinna nahIn hai. vastu guN aur paryAy bhinna nahIn hai. bhale ekamek hai, parantu usake lakShaN, usakI paryAyen jaisA hai vaisA gnAnamen gnAt hotA hai. vastukA svarUp nirvikalpapane jaisA hai vaisA gnAt hotA hai. vah koI bhinna vastukI bhAnti gnAt nahIn hote. parantu ek hI vastukA svarUp (hai).

jaise agni aur uShNatA. uShNatA agnise bhinna nahIn hai, shItalatA pAnIse bhinna nahIn hai. vah sab dRuShTAnta hai. shakkaramen shvetapanA, mIThAs Adi hai. vah usase bhinna nahIn hai. parantu vaise guN usamen hai. vaise yah sahajapane hain. isaliye vikalpa chhUTanese pahale vikalpase nakkI kiyA parantu phir vikalpa chhUT gaye to bhI svarUp to vaisA hI rah jAtA hai aur svarUp gnAnamen gnAt bhI hotA hai.

gnAn svayamko jAnatA hai, abhedako jAnatA hai, gnAn bhedako jAnatA hai, gnAn ananta guNonko, gnAn apanI paryAyonko, sabako jAnanekA gnAnakA svabhAv hai. ekamek yAnI ek vastumen sab hai. us apekShAse ekamek hai. parantu guNabhed, paryAyabhed, lakShaNabhed aur ansh-anshIkA bhed hai, paryAy palaTatI hai, vah sab jaisA hai vaisA gnAnamen gnAt hotA hai. ekamek yAnI usamen guN aur paryAy nahIn rahate hain, aisA nahIn hai. gnAnakI jo paryAy, gnAnakA jAnanekA svabhAv aur guN jo pariNaman karate hain. AtmAmen ananta bhAv rahe hain. vah jaisA hai vaisA gnAn sabako jAnatA hai.

anubhUtike samay koI apUrva anubhUti (hotI hai). jo vikalpase nakkI kiyA usase usakI anubhUti bhale alag aur apUrva hai, to bhI guN-paryAyakA nAsh nahIn ho jAtA. us anupam anubhiUtimen usake guN-paryAy jaisA hai vaisA use adabhutarUpase jaisA hai vaisA gnAt hotA hai. ekamek hai, dravya apekShAse bhinna-bhinna nahIn hai. ekamek anubhUti honepar

PDF/HTML Page 739 of 1906
single page version

bhI usake lakShaN jaisA hai vaisA, usakA ansh-anshIkA bhed, usakI paryAyen pariNaman kShaN-kShaNamen AtmAke guNake jo tarang hote hain, vah sab jaisA hai vaisA adabhut aur AshcharyakArI use gnAnamen gnAt hotA hai. usamense vah nikal nahIn jAte. abhed yAnI usamen guN hI nahIn hai aur paryAyen nahIn hain, aisA nahIn hai.

siddha bhagavAnamen sab rahatA hai. ananta guN aur paryAya. siddha bhagavAn vItarAg ho gaye to bhI usamen ananta guN, ananta paryAy (jo hain) un sabako gnAn jAnatA hai. svAnubhUtimen bhI, usakA gnAn pUrNa nahIn hai, parantu usakI svAnubhUtimen jo AtA hai, usakI ananta agAdhatA jo hai, usake guN, paryAy jaise hain vaisA gnAt hotA hai. AkulatArUp- vikalparUp nahIn, parantu nirvikalparUpase svAnubhUtimen jaisA hai vaisA gnAt hotA hai. aisA vastukA svarUp hI hai.

mumukShu- pUjya gurudevako koTi-koTi vandana. pUjya bahinashrI! ek prashna hai. samyagdRuShTi jIvako gnAyakakI Dor hAthamen A jAneke bAd upayog bAhar jAy to samyakatvako koI hAnI pahunchatI hai? upayog bAharamen ho tab bhI kyA nirantar shAntikA vedan hotA hai? nirvikalpa avasthA nahIn hai, usakA koI khed hotA hai? upayogakI aisI aTapaTI bAt Ap samajhAnekI kRupA karen.

samAdhAna- samyagdRuShTiko jo gnAyakadashA pragaT huyI hai, vah gnAyak use grahaN huA hai. nirantar gnAyakakI dashA hI vartatI hai. vah gnAyakakI dashA jinendra devake upadeshase aur guruke upadeshake nimittase svayamke puruShArthase jo pragaT hotI hai, vah gnAyakakI dashA use nirantar vartatI hai. gnAyak jise grahaN huA, so vah grahaN ho gayA. nirantar use gnAyakakI dashA hai. upayog bAhar jAy to bhI use gnAyak chhUTatA nahIn. upayog andar jAy to bhI use gnAyak to chhUTatA hI nahIn. andar jAy tab to gnAyakakA pariNaman hai. bAhar Aye, upayog bAhar Aye to bhI gnAyak to grahaNarUp hI rahatA hai.

usakI dRuShTiko koI dikkat, usakI gnAyakatAko dikkat nahIn AtI. usakI asthiratAko dikkat AtI hai. usakI sthir pariNati, abhI sthiratA pUrNa nahIn hai isaliye asthiratAkA doSh hai. parantu use gnAyakakI jo dRuShTi pragaT huyI, us dRuShTimen use thoDA bhI doSh nahIn lagatA. aur shAntikA vedan hotA hai. jaisI ekatvabuddhikI AkulatA thI, vaisI AkulatA nahIn hai. usakI asthiratAkI AkulatAkI alag bAt hai. bAkI antaramen use shAntikA vedan hotA hai, samAdhikA vedan hai, use sukhakA vedan hotA hai. nirvikalpa dashAkA jo Ananda hotA hai, vah Ananda to alag hI hai. vah to anupam, koI apUrva, koI alag hI jAtakA hai, jise jagatakI koI upamA lAgU nahIn paDatI. vah AnandakI dashA aur chaitanyakI dashA alag hotI hai. to bhI use savikalpa dashAmen jo shAntikA

PDF/HTML Page 740 of 1906
single page version

vedan hotA hai, vah gnAyakakI shAnti evan samAdhikA vedan hotA hI rahatA hai. upayog bAhar jAy to bhI use ekatvabuddhi nahIn hotI. gnAyakatA, prati samay use gnAyakatA maujUd hI rahatI hai.

jo gnAyak grahaN huA vah use chhUTatA nahIn hai. jaise gharamen khaDA huA manuShya apane gharako chhoDe binA bAhar bAt kare, gharamen khaDe rahakar bAhar bAtachIt kare parantu apanA ghar chhUTatA nahIn hai. ghar chhoDakar bAhar jAtA hI nahIn. jo chaitanyakI Dor hAthamen AyI, vah chaitanyakI Dor use chhUTatI nahIn. usakI pariNati bAhar jyAdA nahIn jAtI hai. use maryAdA rahatI hai. maryAdAke bAhar, upayog maryAdAse bAhar jAtA hI nahIn hai.

usakI bhedagnAnakI dhArA nirantar vartatI hai. main chaitanya aur yah vibhAv hai. vibhAvamen ekamek hokar bAhar jAtA hI nahIn. chaitanyakA ghar vah chhoDatA hI nahIn. jab upayog antaramen jAy vah usake hAthamen hI hai. usakA mArga saral ho gayA hai. jab use apanI or pariNati AtI hai, to nirvikalpa dashA bhI use apane hAthamen hai. parantu asthiratAke kAraN usakI bhUmikA anusAr use nirvikalpa dashA hotI hai. ghar to usakA chhUTatA hI nahIn. chAhe jaise prasangamen gnAyak.. gnAyak.. gnAyakakA ghar use chhUTatA nahIn. chAhe jaisA vikalpa Aye yA chAhe jaise bAhya prasang, uday Ave to bhI use gnAyakakA grahaN, gnAyak to chhUTatA hI nahIn.

gharamen khaDA huA manuShya bAhar bAtachIt kare yA bAharake koI prasangamen jAy to bhI vah ghar chhoDakar bAhar nahIn jAtA hai. gharamen khaDA huA manuShya jaise bAtachIt, lenaden karatA hai, vaise vah gharamen khaDe-khaDe nirantar gharamen hI-gnAyakake gharamen hI khaDA hai. mAtra us gharamen lInatAkI, asthiratAkI kShati hai. isaliye use kisI bhI prakArakA dRuShTikA doSh nahIn lagatA hai. use gnAyakatAmen doSh nahIn AtA hai. parantu asthiratAkA doSh use hai. abhI alpatA hai. alpatAke kAraN vah samajhatA hai ki nirvikalpa dashA merI bhUmikA anusAr hotI hai. bAharakI jo vikalpAtmak dashA, jo asthiratA hai, asthiratA (chhUTakar) yadi lInatA adhik ho to nirvikalpa dashA pragaT hotI hai. arthAt jaisA apanA puruShArtha utpanna hotA hai, vaise svarUpamen jam jAtA hai. lekin use vaisA ekatvabuddhikA khed nahIn hai. use bhAvanA hotI hai, kahAn kevalagnAnIkI dashA, kahAn munionkI dashA aur kahAn yah adhUrI dashA. bAhar juDanA ho jAtA hai. kahAn chaitanyakI apUrva AnandakI dashA, vah chhUTakar bAhar jAnA hotA hai. aisI bhAvanA use hotI hai. use puruShArthakI bhAvanA hotI hai. parantu vah haTh nahIn karatA. apanI sahaj pariNati (chalatI hai), puruShArtha karatA hai, pramAd nahIn karatA hai. puruShArthakI Dor hAthamen hI hai. upayogako jyAdA bAhar nahIn jAne detA. svarUpakI or Dorako khInchatA hI rahatA hai. jyAdA bAhar jAye to bhI

PDF/HTML Page 741 of 1906
single page version

gnAyakakA jo grahaN huA, usI or apanI Dor khInchatA hI rahatA hai.

chAhe jaise bAhya prasang Ave, use bAhya uday, nokarmake uday yA bhAvakarmake uday, vah maryAdAke bAhar nahIn jAtA. use kisI prakArakA bhay nahIn hai. koI vedanAkA bhay, koI akasmAt bhay, aisA koI bhay use nahIn lagatA hai. merI gnAyakakI pariNati maujUd hai, mujhe koI nukasAn kar sake aisA nahIn hai. andar bhAvakarmamen bhI usakI jo bhUmikA hai, us prakArake vikalpa Ate hain. use maryAdA chhoDakar koI vikalpa nahIn hai. vah maryAdAke bAhar nahIn jAtA. usamen use us prakArakA bhay nahIn hai ki merA gnAyak chhUT jAyagA. kyonki usake puruShArthakI Dor hAthamen hai.

gnAyakakA ghar grahaN kiyA so kiyA, gnAyakarUp hI usakI pariNati ho gayI hai. usakI dashA sharIrake sAth yA vikalpake sAth kahIn ekatva nahIn hotI. gnAyak, gnAyak aur gnAyak, gnAyakamay hI usakI pariNati rahatI hai. kisI prakArakA use khed, ekatvabuddhikA khed nahIn hotA. bAkI vItarAg honekI, muni bananekI bhAvanA rahatI hai. parantu usakI dRuShTiko doSh nahIn lagatA hai, gnAyakatAmen doSh nahIn lagatA hai.

mumukShu- laDAImen bhI aisI hI sthiti hotI hai? samAdhAna- hAn, laDAIke vakta bhI usakI gnAyakatA maujUd hai. aise bAhya prasangamen khaDA hai ki rAjakA rAg chhUTatA nahIn hai, isaliye is laDAImen juDanA paDatA hai. to bhI nyAyakI rItase laDAIke prasangamen juDatA hai. lekin aisA kahatA hai ki, are..! yah rAjakA rAg chhUTatA nahIn hai, isaliye isamen khaDA hUn. parantu gnAyakatA chhUTatI nahIn. usake rAg-dveShake vikalpa maryAdA bAhar jAte nahIn. usakI pariNati vah svayam jAnatA hai aur jo use samajhe vah jAn sakatA hai. bAkI bAharase jo gRuhasthAshramamen rahate ho, usakI pariNati pahachAnanI mushkil paDatA hai. kyonki chakravartIkA rAj ho, laDAIke prasang ho, usamen usakI pariNati pahachAnanI mushkil paDatA hai. parantu usakI pariNati antarase bhinna hI rahatI hai.