PDF/HTML Page 1080 of 1906
single page version

mumukShu- karma kAraNabhUt ho sakate hain? pUrva karma is vastumen Age baDhaneke liye kAraNabhUt ho sakate hain?

samAdhAna- kAraN to nimittamAtra hai. apane puruShArthakA kAraN hai. puruShArthake abhAvase Age nahIn baDh sakatA hai.

samAdhAna- .. vahAn sAkShAt to jA nahIn sakate, ye to sAmanese padhAre. tInon bAr aShTAhnikA yahAn hotI hai isaliye.. usakA artha aisA hotA hai. bhAvase aisA hI artha liyA jAtA hai. bhagavAn padhAre isaliye usI mandiramen aShTAhnikA ho jAy na. ek phAlgun mahineke jo ATh din ho usamen paramAgamakA din AtA hai, phAlgun shukla- 13. yahAn mAnDalA hotA hai. nandIshvar aur merumen dev vahAn khAs nandishvaramen jAte hain na. phAlgun aur... bhagavAn sAmanese padhArate hain.

samAdhAna- .. AtmA par dRuShTi rakhe to usamense, jisamen hai usamense pragaT hotA hai. usamen gnAn hai, darshan hai, chAritra hai. jisamen hai usamense AtA hai. bAharase nahIn AtA hai. bAhar to sab shubh pariNAm hai. shubh pariNAm bhI AtmAkA svabhAv nahIn hai. vah Age baDhe usamen bIchamen shubh pariNAm Ate hain. dev-guru-shAstrakI mahimA, panch mahAvrat, aNuvrat Adi pariNAm hote hain, parantu muktikA mArga to antaramen hai. nirvikalpa svabhAvamen nirvikalpa svAnubhUti vahI muktikA mArga hai.

jaise siddha bhagavAn hain vaisA AtmAkA svarUp hai. svAnubhUtikA ansh samyagdRuShTiko pragaT hotA hai aur usamen Age baDhate-baDhate usamen chAritradashA AtI hai. munion antarmuhUrta- antarmuhUrtamen AtmasvarUpamen jhulate hain, aisA karate-karate kevalagnAn pragaT ho jAtA hai. AtmAmense hI dharma pragaT hotA hai. bAhya dRuShTi aur bAhya kriyAommen dharma usamen nahIn hai. shubh pariNAm hain, usase puNya bandha hotA hai aur shuddhAtmAkA svarUp pahichAne to hI mukti milatI hai. to hI mukti antaramense hI pragaT hotI hai.

vah nirNay svayam hI vichAr karake karanekA hai. vah koI nahIn kar detA. svayamko hI karanA hai. gurudevane svatantratAkA mArga batAyA hai ki tU svayam hI andar nirNay kara. koI nahIn kar detA, svayamko karanA hai. is panchamakAlamen gurudev padhAre, unhonne apUrva

PDF/HTML Page 1081 of 1906
single page version

mArga batAyA. kitane jIvonko taiyAr kiyA hai.

mumukShu- yahIn sunA aur AtmAkI svatantratAkA DhinDhorA gurudevake sivA kisIne pITA nahIn hai.

samAdhAna- koI nahIn. vah to nakkI hai. gurudevane hI svatantratA batAyI. muktikA mArga unhonne hI batAyA hai. koI AtmA samajhatA hI nahIn the. kriyAmen hI dharma mAnate the. svatantra apaneAp hotA hai. gurudevane svayamne kahA hai. svatantra hai phir nimitta upAdAnakA aisA sambandha hai ki gurukI vANI, devakI vANI mile tab jIv antaramen apane upAdAnase taiyAr hotA hai.

mumukShu- ..ApakI deshanA Aj hamen milI, hamArA ahobhAgya!

samAdhAna- nakkI svayamko karanA hai. svayamko nakkI karanA bAkI rahatA hai. andaramen gnAyak hUn, yah nakkI karanA, pratIt karanA svayamko hai. abhI to pahale satya kyA hai, yah nakkI kare. phir main yah gnAyak hI hUn, yah vibhAv main nahIn hUn, svabhAvako grahaN karanA aur usakI pratIti karanA alag bAkI rahatA hai. puna antaramen Utarakar svAnubhUti karanI, vah usase bhI visheSh karanA bAkI rahatA hai.

mumukShu- ananta-ananta ApakA upakAr hai.

samAdhAna- Ruddhi AtmAmen bharI hai, bAhar kahIn nahIn hai.

mumukShu- ..

samAdhAna- panchamakAlamen padhAre aur aisI vANI barasAyI, sabako mArga milA. prabhu suvarNapurI mAnhI, achintya gnAn khIlave, sUkShma nyAyo prakAshe, gnAnajyoti ... rAg bhUl jAte hain. mukhathI chhUTe chhe dhvani, amRut samI...

mumukShu- vartamAnamen to sanyog hai, gnAnIkA yog hai. shAstra, dev-guru-shAstrakA yog hai aur usase ho. ye jo vichAranA hai, aisA vichAr to sUjhatA hai. lekin us vichAramen, gnAyakakA abhyAs karanA chAhiye, aisA jo Ap kahate ho, to usakI pUrvataiyArI kaisI- kaisI hotI hai?

samAdhAna- pUrvataiyArI, usIkI mahimA, usakI lagan laganI chAhiye na. use ras Utar jAy, vibhAvakA ras Utar jAya. ye sab jo hai, vibhAv hai vah sArabhUt nahIn hai. sArabhUt aur sarvasva ho to AtmA hI hai. aisI ruchi, mahimA, lagan aisA honA chAhiye. apanA svabhAv kaise pahachAnamen Aye? usakA gaharA manthan, aisA sab pahale honA chAhiye.

PDF/HTML Page 1082 of 1906
single page version

vartamAnamen to gurudevake pratApase sab sanyog mile aur kaise AtmAkA kalyAN karanA, vah sab use yog banA hai. to usamen gnAyak kaise bhinna hai? gnAyak tattva bhinna hai vah kaise pahachAnamen Aye? usakA bArambAr prayatna karanA chAhiye. usakI mahimA, usakI lagan sab usakA laganA chAhiye. vibhAv-orakA ras TUT jAnA chAhiye.

bAharamen vah ekamek-ekamek ho rahA hai. usase bhinna hokar, main chaitanyatattva bhinna hI hUn, kisIke sAth koI sambandha nahIn hai. is sharIrake sAth sambandha nahIn hai to phir bAhya sanyogake sAth kahAn sambandha hI hai? AchAryadev kahate hain, tujhe kisIke sAth nAtA yA sambandha nahIn hai. tU to atyanta bhinna hai. isaliye aise bhinna AtmAko jAnanekA prayatna karanA chAhiye. sharIr bhI apanI ichchhAnusAr pariNamatA nahIn, to phir bAhya sanyog to kahAn usakI ichchhAnusAr pariNamenge? sarva dravya svatantra hain. isaliye apanI svatantratA pahichAnakar us orakA prayAs karanA chAhiye.

mumukShu- pahichAnaneke liye jo andarakA prayAs, ki meeremen yah gnAn hai. vah gnAn kaise ho rahA hai? aise usakA avalokan karake usakI svatantratA, us parase Age vichAr langAtA hogA? yA kaise hotA hai?

samAdhAna- lambe vichAr to anek prakArase ho sakatA hai ki main yah gnAyak svabhAv svatantra hI hUn. mere sab svabhAv svatantra hain. kisIke AdhArase mere svabhAv nahIn hain. jo paryAy pragaT hotI hai vah bhI kisIke AdhArase nahIn hai. pratyek dravya svayam apane guN-paryAyase svatantra hain. isaliye usake vichAr us or (chalane chAhiye). us or vichAr, manthan, apanI or kharI lagan lage to vichAr lambAye. usakI svatantratA pahichAnakara.

.. kuchh kar nahIn sakatA. svayam apane kArya kar sakatA hai. paradravyake kartA, kriyA aur karma usake apane svatantra hain. svayam apane svabhAvakA kartA, svabhAvakI kriyA, svabhAvakA karma, sab svayam svatantra hokar kar sakatA hai. lekin utanI lagan andar lage to svayam usamen gaharAImen jAkar apanI svatantratAko apanI buddhise jAne, lekin us rUp pariNati karanI vah apane visheSh puruShArthakA kArya hai.

mumukShu- matalab usamen use jAtakI lagan, josh, athavA to garaj jise kahen...

samAdhAna- hAn, usakI garaj laganI chAhiye. usakI lagan, vahI sarvasva sArabhUt hai, aisA laganA chAhiye.

mumukShu- bhAvanAmen bhI use tulanA ho jAnI chAhiye ki is jagatake padArthakI or jo jhukanA hotA hai, usake bajAy merI or jhukanA ho, vahI mujhe sArarUp hai.

samAdhAna- sArarUp hai, sukharUp hai. bAhya padArthakI or lambAtA hai-vichAr lambAte

PDF/HTML Page 1083 of 1906
single page version

hain, kuchh sArarUp nahIn hai. vah to vRuthA hai. vah koI apanI ichchhAnusAr hotA nahIn hai, phir bhI us or doDA jAtA hai. usakI mehanat karanemen, usakI vyavasthA karanemen vah bAhyamen (doDatA hai). lekin svayam apanA kar sakatA hai. aur vahI sArarUp, sukharUp, AnandarUp aur shAntirUp (hai). jo antarase shAnti pragaT hotI hai vah sadAke liye pragaT hotI hai.

ye bAharakA to sab kShaNik hai. apanI ichchhAkI bAt bhI nahIn hai, vah to paradravya hai. isaliye apanemen hI sukh aur shAnti hai, aisA nirNay karake apanI or jAy to jA sakatA hai. lekin vah apanI laganase jA sakatA hai. ek dishA bAhyakI aur ek dishA antaramen hai. palaTanA apane hAthakI bAt hai. gnAyakakI gnAyakarUp pariNati kaise karanI vah apane puruShArthakI-hAthakI bAt hai. paradravyakI or jAy vah to anAdikA abhyAs hai isaliye jAtA hai.

mumukShu- vAstavamen use par-or jAnekI koI AvashyakatA nahIn hai, koI kAraN bhI nahIn hai.

samAdhAna- anAdi abhyAsake kAraN us jAtakA rAg hai, ata rAgake kAraN jAtA hai. .. ho ki meremen hI sab sarvasva hai, to apanI or A jAya. aur nakkI kiyA us anusAr puruShArtha pragaT ho to hI vah apanI or AtA hai.

mumukShu- vishvAs AnA chAhiye.

samAdhAna- apanI svabhAv jAtimen hI sab hai. ye vibhAvakI jAt hai, kisI bhI jAtakA merA svabhAv usamense nahIn pragaT hogA, vah to vibhAvajAt hai, vilakShaN hai. mere svabhAvakI jAt nahIn hai, dukharUp hai. usamense nahIn pragaT hogA, lekin mere svabhAvakI jo jAt hai, us jAtamense hI merI jo jAt hai vah pragaT honevAlI hai. usamensehI-svabhAvamense hI svabhAv AyegA. vibhAvamense nahIn AyegA. itanI use pratIti Aye to hI apanI or puruShArtha karatA hai.

... apane svabhAvamense AtA hai. gnAn, darshan, chAritra sab apanemen hI hai, apanemen se pragaT hotA hai. bAharake sAdhan hote hain, lekin vah svayam pragaT hotA hai andar svabhAvamense abhyAs karanese pragaT hotA hai. nishchay sAdhan svayam apanA hI hotA hai.

.. antaramen jo tattva hai usamense pragaT hogA. anAdikA anajAnA mArga hai, guru mArga darshAte hain. vah mArga gurudevane batAyA hai ki terA tattva bhinna hai, tere dravya-guN-paryAy teremen, bAharamen nahIn hai. tere kartA, kriyA, karma teremen, sab teremen hai. gurudevane yah mArga batAyA. anAdikA parakA abhyAs ho rahA hai. mArga guru darshAte hain, lekin karanA to svayamko paDatA hai. samajhanA, pratIt karanA sab svayamko karanA hai. anajAnA mArga apane

PDF/HTML Page 1084 of 1906
single page version

Ap apanA svabhAv pahichAnanA sab kaThin paDatA hai. mArga batAnevAle guru mile tab antaramense svayamko grahaN hotA hai, aisA nimitta-upAdAnakA sambandha hai.

mumukShu- gurukI orase najar vApas moDanI, aisA guru kahanA chAhate hain?

samAdhAna- guru aisA kahate hain ki tU svatantra tujhamen dekh, aisA kahate hain. terI dRuShTi badala. tU svatantra hai. tU apaneAp terI or dRuShTi kara. guru aisA kahate hain. lekin Age jAnevAleko aisA bhaktibhAv AtA hai ki guru Apane hI mArga darshAyA hai. dRuShTi apanI or karatA hai, upAdAn apanA hai, lekin use aisI bhakti Aye binA nahIn rahatI.

(gurune) dishA batAyI, gurune AtmA batAyA, gurune sab svatantratA (batAyI), sab gurudevane batAyA. svAnubhUtikA mArga batAyA, nirvikalpa dashA pragaT ho tab muktikA mArga pragaT hotA hai. aise is AtmAkI svAnubhUti ho, vedan ho, sab gurune batAyA. karanA svayamko paDatA hai. hotA hai upAdAnase, mArga guru batAte hain. aise panchamakAlamen gurudev mile to unhonne aisA mArga batAyA.

mumukShu- vachanAmRutamen AtA hai ki guru batAte hain, lekin de nahIn dete.

samAdhAna- karanA svayamko hai. usakA bArambAr abhyAs, dRuShTiko palaTanI, dRuShTi chaitanya par sthir karanI ki yah main chaitanya hI hUn, yah vibhAv main nahIn hUn. bIchamen jo alpa asthiratA rahatI hai, vah khaDI rahatI hai, ekatvabuddhi TUT jAtI hai. bhedagnAn ho jAy aur chaitanya par dRuShTi hotI hai.

nyUnatA hai isaliye dev-guru-shAstrakI mahimA Adi sab sAthamen rahatA hai. dRuShTi palaT jAtI hai. usakI pariNatikI pUrI dishA palaT jAtI hai. jo pariNati ekatvabuddhimen jAtI thI, vah pariNati-bhedagnAnakI pariNati chaitanya par ekatvarUp dRuShTi karake pariNati palaT jAtI hai.

mumukShu- main chaitanya hUn, aise jIne lagatA hai.

samAdhAna- usakA pUrA jIvan palaT jAtA hai. vibhAv par dRuShTi mat karanA, vibhAvako mat dekhanA, sharIrako mat dekhanA, ek chaitanyakI or dRuShTi (karake) chaitanyako dekhatA hai. gnAn sab hotA hai ki yah sharIr, vibhAv Adi jab tak khaDA hai, to use khyAlamen hai. lekin vah kahIn najar karake apane svabhAvako-chaitanyako dRuShTi dekhatI hai. chaitanya par dRuShTiko sthApit karatA hai. usakI jIvanakI pUrI gati badal jAtI hai.

mumukShu- akele chaitanyako dekhanekA use ullAs hai.

samAdhAna- pariNati bas, chaitanyakI or chalI jAtI hai.

mumukShu- anubhavamen AtA hai, aisA kahanemen AtA hai. pIchhalI bAr apanI bAt

PDF/HTML Page 1085 of 1906
single page version

huyI thI ki svabhAv to aisA hai ki gupta nahIn hai. apanI jAtako..

samAdhAna- use vAstavik vedan ho gayA hai aisA to nahIn hai. lekin usakA svarUp hai, usake gnAnasvabhAvarUp vah svayam pariNaman kar rahA hai. gnAnasvabhAvarUpa. vah jaisA hai vaisA anubhUtimen A rahA hai aur us rUp ho rahA hai. us rUp pariNaman kar rahA hai. usake svabhAvarUp arthAt use pragaT vedan hai aisA artha nahIn hai. us rUp svayam pariNaman kar rahA hai, usakA jo svabhAv hai us rUpa. kyonki bAdamen to aisA kahate hain na ki aisA hone par bhI use pratItamen AtA nahIn, nahIn jAne huekA shraddhAn gadheke sIngake barAbar hai. AchAryako vahAn pragaT anubhUti to kahanA nahIn hai. lekin jo apane svabhAvakA astitva hai, gnAyak svabhAv hai us rUp svayam ho rahA hai. us rUp pariNaman kar rahA hai. jaisA hai vaisA. lekin svayam usakI pratIt karatA nahIn, gnAn karatA nahIn. tU apane rUp hai, AchAryadev karuNA karate hain ki tU tere rUp hai. tU tere rUp ho rahA hai, lekin tU tujhe dekhatA nahIn, usakA vedan nahIn karatA hai. tU tere rUp pariNaman kar rahA hai. lekin tU tujhe dekhatA nahIn. aisA anAdiananta jaisA hai vaisA tU anubhavamen A rahA hai. anubhUtikA artha pragaT vedan nahIn hai. lekin us rUp ho rahA hai, apane svabhAvarUpa.

mumukShu- astitva mAtra utanA hI yA dashAke dRuShTikoNase dashAmen gupta samvedan hai, aisA kuchh kahanA hai?

samAdhAna- nahIn, nahIn. gupta samvedan nahIn hai. vedan nahIn hai, samvedan nahIn hai. lekin usakA svabhAv us rUp pariNaman kar rahA hai. us rUp jo svabhAv hai, us rUp vah hai, usakA astitva hai. vedan ho rahA hai, aise vedanake arthamen nahIn hai. us rUp pariNamatA hai. vedan pragaT vedanake arthamen nahIn hai. vah koI jaD nahIn hai. us rUp, tere svabhAvarUp, tere gnAnasvabhAvarUp tU anubhavamen A rahA hai aur us rUp tU ho rahA hai. us rUp tU hai, aise.

anubhUtikA artha hI aisA hai ki us rUp honA, us rUp pariNamanA, jaisA svabhAv hai vaise. pragaT vedan (nahIn hai). usakA astitva us rUp pariNaman kar rahA hai. gnAyak svabhAvakA astitva hai, aisA kahanekA Ashay hai. astitva us rUp pariNaman kar rahA hai. pratibhAs, use pratibhAs nahIn hai. gnAn gnAnarUp hai, gnAn gnAnarUp hai, lekin use usakI pratIt nahIn hai, anubhUti nahIn hai. anubhUti, pragaT anubhUti-vedan nahIn hai us apekShAse. vedanakI anubhUti nahIn hai, lekin usakA svabhAv svabhAvarUp anAdiananta hai, jaisA hai vaisA anAdiananta hai. gnAnasvabhAv hai, gnAnasvabhAv gnAnasvabhAvarUp pariNaman kar rahA hai. usakI use mahimA nahIn AtI hai. gnAn gnAnasvabhAvarUp (pariNamatA hai).

PDF/HTML Page 1086 of 1906
single page version

usakI mahimA Aye to-to apanI or muD jAtA hai. vAstavik mahimA Aye to- to jhuk jAtA hai. gnAn gnAnasvabhAvarUp hai. gnAn gnAn hai, yah jaD hai, yah gnAn hai, aise. usakI mahimA Aye to apanI or muD jAya.