PDF/HTML Page 1247 of 1906
single page version

mumukShu- ... svAdhyAyamen bhI bAr-bAr sunate hain ki ... gnAtA-dRuShTApanA rakhanA chAhiye. to gnAtA-dRuShTApanA kaise rakhanA?

samAdhAna- svAdhyAyamen na? gnAtA-dRuShTA to andar gnAyakakI pariNati pragaT huyI ho to gnAtA-dRuShTApanA rahatA hai. jise gnAyakapanA pragaT nahIn huA hai, use gnAtApan rahanA mushkil hai. gnAyakako pahachAne, bhedagnAn kare aur esI gnAtAkI bhedagnAnakI pariNati pragaT huyI ho to use pratyek shubhabhAvake koI bhI vikalpa ho, shubhAshubh pratyek bhAvamen use gnAtApan sahajarUpase rahatA hai. shubhake vikalpa ho to bhI gnAtA rahatA hai. shubhAshubh pratyek bhAvamen, sarva vikalpamen use gnAtApanA, bhedagnAnakI dhArA pragaT ho gayI, Uchchase Uchcha shubhabhAv ho to bhI use bhedagnAn sahajapane, usakI puruShArthakI gati kShaN-kShaNamen main gnAyak hUn, main gnAyak hUn aise sahajapane gnAtAke astitvamen usakI pariNati us or rahatI hI hai. koI bhI vikalpa Aye use bhedagnAnakI dhArA chalatI hai. use shrutakA chintavan ho, shAstrakA abhyAs ho to bhI use gnAtApanA sahaj rahatA hai.

lekin jise ekatvabuddhi hai, jignAsukI bhUmikA hai, use gnAtApanA rahe aisA hotA nahIn. use to mAtra bhAvanA rahatI hai ki main gnAyak hUn, aise. bhAvanA karanI rahatI hai, vah pariNati pragaT karanI rahatI hai.

parantu jise gnAyakakI dashA pragaT huyI hai, svAnubhUtikI dashA pragaT huyI hai, vah phir savikalpamen Aye tab use bhedagnAnakI dhArA rahatI hai. chAhe jaise shubhake vikalpa ho to bhI use bhedagnAnakI (chAlU rahatA hai). bhagavAnakA darshan kare, pUjA kare, shAstra abhyAs kare, kuchh bhI kare to bhI use bhedagnAnakI dhArA chAlU hI rahatI hai. shubhabhAvamen use ekatvabuddhi nahIn hotI. use bAharase bhagavAnakI bahut bhakti dikhe, shrutakA chintavan bahut dikhe to bhI use ekatvabuddhi nahIn hotI, use gnAyakakI dhArA bhinna hI rahatI hai. use amuk prakArakA ras dikhe, lekin ekatvabuddhi nahIn hai. use sthiti alpa paDatI hai, ras bahut paDatA hai, parantu use bhedagnAnakI dhArA hai, use sthiti lambI nahIn paDatI. vah bhinna rahatA hai, nyArA hI rahatA hai. sahaj dashA bhedagnAnakI dhArA rahatI hai.

mumukShu- utanA hI satya AtmA hai, jitanA yah gnAn hai.

PDF/HTML Page 1248 of 1906
single page version

samAdhAna- vah bAt AyI.

mumukShu- gnAnase jyAdA lenemen mukhya hetu koI hai?

samAdhAna- pahale apanI or muDatA hai. utanA nishchay kar ki jitanA yah gnAn hai. nishchay karanemen to bIchamen gnAn AtA hai na. mukhya to dRuShTi hai. anAdiananta AtmA hai us par tU dRuShTi kara. parantu dRuShTike sAth gnAn to hotA hI hai. jignAsAkI bhUmikAse Age baDhanA ho to itanA nishchay kara. nishchayake sAth dRuShTi hotI hai. dRuShTi pragaT nahIn huyI hai, nishchay to pahale karanA hotA hai ki jitanA yah gnAn hai, utanA tU hai. itanA jo gnAn dikhatA hai vah gnAyak hai. use tU grahaN kar, usamen ruchi kar, usamen santuShTa ho. kahanekI shailImen, Age baDhanekI shailImen use vichArommen to sab gnAn AtA hai. dRuShTi to us par sthir karanI. dRuShTikA viShay to ek abhed hai.

dRuShTi to mukhya hai, aisA kahakar yah kahanA hai ki tU dRuShTi AtmA par kara. AtmA aisA hai aur vahI grahaN karane jaisA hai. use tU grahaN kara. vah anAdiananta AtmA, use abhedarUpase ek chaitanya AtmA vahI main hUn, us par dRuShTi sthApit kara. dRuShTi pragaT karanekI dRuShTi hai. parantu use nishchay karanemen to bIchamen gnAn AtA hai.

mumukShu- jitanA yah gnAn hai utanA hI AtmA hai.

samAdhAna- guN aur guNI abhed hai. jo yah gnAn dikhatA hai-gnAnalakShaN utanA AtmA hai. gnAnake alAvA jo bhI hai vah sab vibhAv, sab par hai. ek gnAnalakShaN jo dikhatA hai, gnAnalakShaNase pahachAn le. vah jo lakShaN dikhatA hai vah gnAnalakShaN hai utanA hI AtmA hai. utanA hI guNI hai. lakShaN aur lakShya donon ek hI hai, use tU grahaN kara. pUrA gnAyak grahaN kar le.

mumukShu- grahaN karavAnekA vahAn hetu hai.

samAdhAna- hAn, grahaN karavAnekA hetu hai. jitanA yah gnAn hai utanA AtmA hai. jitanA gnAnasvabhAv jisake lakShyamen Aye, gnAnasvabhAv lakShaN hai vah AtmA hai. bAkI sab jo dikhe vah sab vibhAv hai. ek gnAnalakShaN AtmAko pahachAn le arthAt ek gnAyakako pahachAn le. us par dRuShTi kara. guN aur guNI abhed hai. us par dRuShTi sthApit kara.

usamen tRupta ho, usamen ruchi kar, usImen sarvasva hai. bAkI bAhar kuchh nahIn hai. aur us par tU dRuShTi sthApit karake usakA gnAn kara. usImen santuShTa hogA, tRupti hogI, sab usImen hai. apUrva sukh usamen pragaT hogA. sab gnAnasvarUp AtmAmen hI sab bharA hai. gnAyakamen hI sab bharA hai. aisA ho ki akele gnAnamen kyA hai? parantu akele gnAnamen ananta bharA hai. jitanA yah gnAn hai, vah AtmA hai, use grahaN kara.

PDF/HTML Page 1249 of 1906
single page version

mumukShu- bahut bhed na paDe, parantu abhed hI mukhya hai na?

samAdhAna- grahaN abhedako karanekA hai. grahaN to ek AtmAko (karanA hai). bhed parase dRuShTi uThA le. grahaN kare ek abhedako. parantu usakA gnAn bIchamen A jAtA hai. bhed par dRuShTi nahIn rakhanI hai. dRuShTi ek abhed par kara. bAkI sabakA gnAn kara. dRuShTi ek abhed par kara. dRuShTi usamen sthApit kI isaliye usamense shuddha paryAy pragaT hogI, svayam pragaT hogI. pahale tU yathArtha nishchay kar ki yah gnAnasvarUp AtmA hai vahI main hUn. aise nishchay kar usakA aur yathArtha dRuShTi pragaT kara. dRuShTi mukhya hai, parantu gnAn sAthamen AtA hai. bhed parase dRuShTi uThA le, dRuShTi ek AtmA par kara.

mumukShu- .. usake pahale gnAnase AtmAke svarUpako bhedapUrvak vichAratA hai ki main aisA gnAn sAmarthyakA piNDa hUn, aise sukh sAmarthyakA piNDa hUn, aisI prabhutA .. hUn.

samAdhAna- usake vichAramen aisA nishchay bIchamen Aye binA nahIn rahatA. nishchay kiye binA... vah bIchamen AtA hai. bhedake vichAr (Ate hain), parantu dRuShTi ek abhed par karanI hai. dRuShTi abhed par gayI aur usamen lIn huA to vikalpa chhUT jAtA hai. to usamense use svAnubhUti pragaT hotI hai. parantu pahale vah nishchay kare tab bhedake vikalpa Ate hain.

mumukShu- .. bhedake grahaNapUrvak hI use yathArtha nishchay hotA hai aur phir bhedako chhoDakar abhedako grahaN karatA hai?

samAdhAna- abhedako grahaN karatA hai. (bIchamen) vyavahAr Aye binA rahatA nahIn. vikalpa dvArA nakkI karake phir mati-shrutakI buddhionko sameTakar svayam nirvikalpa hotA hai. aisA gAthAmen AtA hai, usakI TIkAmen. .. hai use thoDA-thoDA javAb detI hUn. us prashnake javAb lagabhag kaiseTomen vahI Aye hain. vahI hotA hai. kaise karanA? kyA karanA? vahI prashna bahubhAg sabake hote hain.

.. bahut sunanekA hai. binA pUchhe kitane hI UtArakar le gaye haiain. mujhe to mAlUm nahIn hai, kaun UtArakar le gayA hai. pIchhese bolUn use UtArA hai. pahale main vAnchan karatI thI, usakI to main spaShTa nA kahatI thI. kisIne UtArA nahIn hai. bahut samay bAd UtArA to aise Dhakakar UtArA. abhI bhI sabhI bahanonko UtAranekI nA hI kahatI hUn. sab bahanen nahIn UtAratI hai. sab bahanen nahIn UtAratI. yahAn koI lekar baiThA hotA hai. bAkI sab bahanen nahIn UtAratI hai. sabake pAs nahIn hai.

... akelI baiThI hoUn tab dhUnamen kuchh bolanA hotA hai. shAstrake arthamen kuchh dhUnamen hI dhUnamen us din bolatI thI. vikalpa tum bhAg jAo aisA saba. ab sab jAIye, aisA sab bolatI thI. shAstrake sAth koI mel nahIn ho, aisA kuchh bolatI hUn.

PDF/HTML Page 1250 of 1906
single page version

mumukShu- vahI shAstra hai, usase Uchcha shAstra kaun-sA hogA? mastIkI to sabase jyAdA kImat hai na.

samAdhAna- tan-man-dhana. gurudevake charaNamen man-vikalpako chhoD diye. gurudevake charaNamen ab tumhArA yahAn sthAn nahIn hai, main to gnAyak hUn. vikalpa gurudevake charaNamen rakh diye. ab chale jAo. guruke charaNamen.. usakA artha koI pUchhe ki gurudevake charaNamen vikalpa, vah kyA? vah to bhAvamen hI bolanA hotA hai. gurudevako kahAn vikalpa chAhiye? aur kisIko kahAn chAhiye?

mumukShu- shabdonke artha karane jAy to takarAr ho jAya.

samAdhAna- aisA hI hai. gnAyakamen vikalpa nahIn hai. mere hRudayamen ek gnAyak hai. vikalpa ab chale jAo, mujhe nahIn chAhiye. vikalpako khaDe rahanekA sthAn nahIn rahatA hai. yA gnAyak yA guru. mere hRudayamen guru hain. dUsarA koI sthAn nahIn hai. tum ab chale jAo. tan to gurudevake charaNamen, man kaise? vikalpa jAo, ab mere gurudevake charaNommen jAo, aisA sab bolatI thI. aisA ho ki yah sab UtArakar usakA artha kyA karanA? aisA ho jAtA hai koI bAra.

mumukShu- apane kahAn artha karake samajh lenA hai?

samAdhAna- chale gaye. ... sab ThIk karake denA paDe na. sab bhinna-bhinna ho use ekaTThA karake denA paDe.

mumukShu- achchhA AtA hai.

mumukShu- kis prakAr..

samAdhAna- shuddhAtmA, aisA hai na?

mumukShu- shirShak aisA hai.

samAdhAna- dhruv anAdiananta hai. dhruv hai vah to shuddha hI hai, shuddhAtmA shuddha hai. bAkI shabdonkA mel to shAstra... pravachanasAramen bahut jagah gnAn apekShAse kahate hain, koI jagah dRuShTi apekShAse kahate hain. dRuShTi aur gnAnamen sAthamen hote hain. vahAn do dravyako bhinna kiyA aur yahAn dRuShTi aur gnAn sAthamen rakhe. svadharmase ekatva svayamse aur parase bhinna hai-vibhakta. paradharmase bhinna aur svadharmamen ekatva. apanemen ek hai isaliye shuddha hai. isaliye vah upalabdha karane yogya hai. vah dhruv hai. isaliye dRuShTi to tU aisI kara. aur parase bhinna isaliye usamen gnAn sAthamen AyA, dRuShTi sAthamen AtI hai. isaliye dRuShTi aur gnAn sAthamen rakhate hain.

AchAryadev bahut jagah dRuShTi mukhya karake gnAnako sAthamenn rakhate hain. aur gnAnakA viShay ho to yahAn dRuShTi aur gnAn donon sAthamen rakhe. isaliye aisA lage ki yah dRuShTi

PDF/HTML Page 1251 of 1906
single page version

hai yA gnAn hai? koI jagah dRuShTi aur gnAn dononkI sAthamen bAt karate hain. dhruvatvake kAraN vah upalabdha karane yogya hai. vah ek hai, parase bhinna hai. paradharmase bhinna aur svadharmase ekatva hai. yah vibhAv hai, usase tU bhinna kara. svadharmamen ek hai, apanemen ek hai, dhruv hai, aisA kahakar yahAn dRuShTi sAbit karate hain ki tU apanI or dekha. aur parase bhinna hotA hai isaliye usamen gnAn bhI sAthamen A jAtA hai.

mumukShu- donon bAt..

samAdhAna- donon bAt ekamen A jAtI hai. tU dRuShTi yathArtha kar, usake sAth gnAn bhI sAthamen A jAtA hai. parase bhinna aur svamen tU ekatva hai. apanemen ekatva sAbit karatA hai. tU dRuShTiko mukhya kara. gnAn sAthamen rakhatA hai. .. gnAnako gauN karate hain aur yahAn pravachanasAramen bahut jagah dRuShTi-gnAn sAthamen hote hain. aisA hai. kamar kasI hai, aisA sab AtA hai. usI gAthAmen kahIn par AtA hai. pravachanasArameen Age A gayA hai. 80vIn gAthAmen aisA AyA ki yah dravya hai, guN hai, paryAy hai. aisA manase nakkI karake phir svayammen sankShep karake vikalpako toD de. kartA-karmakA vibhAg vilay ho jAtA hai aur svayam apanemen ekatva ho jAy, nirvikalpa ho jAya. usamen aise liyA hai. usamen dRuShTi aur gnAn donon sAthamen le liyA ki aisI dRuShTi kara. phir gnAnase nakkI karatA hai. vikalpa toDakar apanemen lIn ho jAtA hai.

mumukShu- ek hI gAthAmen do bAt lI hai.

samAdhAna- hAn, ek gAthAmen do bAt lI hai.

mumukShu- yathArtha nirNay hotA hai, anubhav pUrva yathArtha nirNay hotA hai aur us yathArtha nirNayamen ek dhAraNArUp nirNay hotA hai aur ek bhAvabhAsanarUp nirNay hotA hai. savikalpa dashAkI bAt karatA hUn. dhAraNArUp nirNayamen to keval shAstrase, Agamase usane nakkI kiyA hotA hai ki AtmA aisA hai, AtmA aisA hai. aur bhAvabhAsanarUp nirNayamen to antar sanmukh jhukakar lakShaNase kuchh AbhAs hotA ho ki aisA gnAnamay AtmA andaramen hai aur vah main hUn. us nirNayakA phal, us nirNayake bAd Age baDhane par us nirNayakA abhAv hokar nirvikalpatA ho, vah barAbar hai?

samAdhAna- bhAvabhAsanakA nirNay yathArtha ho to us nirNayakI visheSh dRuDhatA vah pariNatirUp ho to nirvikalpa dashA hotI hai. sahajarUpase ho to nirvikalpa dashA ho.

mumukShu- pariNatirUp honemen to keval abhyAs hI mukhyarUpase (hotA hai)?

samAdhAna- bArambAr usakA abhyAs kare. usamen jyAdA tadAkAr ho jAya. bhAvabhAsan hai use jyAdA dRuDhatArUp karatA jAya. jyAdA dRuDhatArUp karake us rUp pariNamatA jAy to vikalpa chhUTanekA prasang Ave.

PDF/HTML Page 1252 of 1906
single page version

mumukShu- dhAraNArUp nirNayakI to kImat hI nahIn hai. vah to keval shAstrase aur..

samAdhAna- shAstrase nirNay kiyA hai. muumukShu- dhAraNA kar lI hai.

samAdhAna- dhAraNA kI hai. utanA ki kuchh jAnatA nahIn thA, vah usane kuchh jAnA hai, utanA. bAkI antar bhAvabhAsanamen to alag hI hotA hai.

mumukShu- bhAvabhAsanamen shuddhAtmAkA svarUp jaisA hai vaisA AtA jAtA hai. phir bhI nirNay na ho aisA bhI banatA hogA? nirNay, vikalpAtmak nirNay na ho. bhAvabhAsanamen svarUp khyAlamen AtA ho, phir bhI nirNayarUp na ho sake.

samAdhAna- bhAvabhAsan ho to use nirNay to hotA hai. dononkA avinAbhAvI sambandha hai. bhAvabhAsanamen Aye ki yah bhAv hai, to nirNay bhI sAthamen hotA hai ki aise hI hai. nirNay na ho to bhAvabhAsanamen usakI kachAs hai. .. isaliye to nirNayamen dRuDhatA nahIn AtI hai.

mumukShu- bhAvabhAsanarUp nirNay par hI pUrA vajan hai. mukhya to usako vahI puruShArtha (karanA hai).

samAdhAna- bhAvabhAsan ho to hI vah bhAvabhAsanase Age baDhatA hai. svAnubhUtikI jo savikalpa dashA hai vah to usakI sahaj dhArArUp hai. parantu usake pahale hai vah to usane bhAvabhAsanase nirNay kiyA hai.