PDF/HTML Page 1415 of 1906
single page version

mumukShu- ... koI adabhut alaukik kArya kiyA hai. jisake liye baDe-baDe indra, chakravartI jaise mahAn puruSh bhI naman karate haiain aur jisake binA ham pAmar prANI anAdi kAlase sansAramen paribhramaN karate hue anek dukhonko bhog rahe hain, un dukhonkA abhAv kaise ho, aisA kRupA karake vah vidhi batAIye ki jisase ham Ap jaisI dashAko prApta kar sake.

samAdhAna- ek AtmAkA svabhAv pahachAnanA. tattvako pIchhAnanA. chaitanya tattva kaisA hai? usakA svabhAv, usake dravya-guN-paryAy kaise hain, usako pahachAnanA. ye sharIrAdi to jaD tattva hai. dravya bhinna hai. usakA dravya-guN-paryAy bhinna hai, apanA dravya-guN-paryAy bhinna hai. donon tattvako bhinna pIchhAnanA. aur vikalpa jo vibhAv hotA hai, vah bhI apanA svabhAv to nahIn hai. mUl shuddha svabhAv shuddhAtmA hai usako pIchhAno. usakA bhedagnAn karanese bhItaramen-se sukh pragaT hotA hai.

Atmadravya chaitanya tattva hai us par dRuShTi, usakA gnAn, usakI lInatA, usakA abhyAs karanese yadi bhedagnAn yathArtha pragaT hove to bhItaramen-se sukh aur Ananda pragaT hotA hai. bAkI anAdi kAlase bAhya kriyAmen aur shubhabhAvamen dharma mAnatA hai to puNyabandha hotA hai. usase kahIn shuddha svabhAv pragaT nahIn hotA hai. puNya bAndhe to devalok hotA hai, bhavakA abhAv nahIn hotA hai.

bhavakA abhAv to shuddhAtmA tattva, nirvikalpa tattva usako pahachAnane-se bhavakA abhAv hotA hai. to bhedagnAn karake gnAtAdhArAkI ugratA karanI, usamen lInatA karanese jo svAnubhUti hotI hai, nirvikalpa svAnubhUti (hotI hai), usase bhavakA abhAv hotA hai. usase Ananda hotA hai, sukh hotA hai aur dukhakA abhAv hotA hai. is prakAr dukhakA abhAv apane svabhAvako pahachAnanese hotA hai.

mumukShu- mAtAjI! vachanAmRutamen AtA hai ki dravya use kahaten hai jisake kAryake liye anya sAdhanonkI rAh nahIn dekhanA paDatI. is bAtakA bhAv Apake mukhase sunanA chAhate hain.

samAdhAna- dravya svatantra hai to usakA kArya karaneke liye bAharakA sAdhan mile

PDF/HTML Page 1416 of 1906
single page version

yA bAharakA koI nimitta aisA hove to kArya ho, aisA nahIn hotA hai. jo dravyakA svabhAv hai to (usake) kAryake liye rAh nahIn dekhanI paDatI. usako nimitta apaneAp mil jAtA hai. jisako apanA svabhAvakA kArya pragaT karanA hai, jisakA apanI or puruShArtha jAtA hai ki main Atmatattva kaise pahachAnun? aur svabhAv pariNati kaise pragaT hove? usakA kArya jise karanA ho to apaneAp bAharakA nimitta bhI mil jAtA hai. aur jisakA puruShArtha pragaT hotA hai use rAg nahIn dekhanI paDatI hai. jisako bhAvanA pragaT huyI, jignAsA aur puruShArtha pragaT huA use, main kaise karun? aisA nimitta nahIn hai, aisA sanyog nahIn hai, aise rAh nahIn dekhanI paDatI ki nimitta mile to hove, yA bAhar sharIr aisA hai, koI sAdhan mile to ho, (aisA nahIn hotA).

jisako puruShArtha pragaT hotA hai, usako rAh nahIn dekhanI paDatI hai. usako apaneAp sab sanyog mil jAte hain. use rAh nahIn dekhanI paDatI hai. dravya usako kahanemen AtA hai ki jisakA kArya karaneke liye kisIkI rAh nahIn dekhanI paDatI. apanemen-se jo ugratA huyI, antar bhItaramen-se jo uchhalatA hai, usake liye koI nimittakI rAh nahIn dekhanI paDatI. bhItaramen-se gnAnakI paryAy, darshanakI paryAy, chAritra paryAy usakI jo pariNati pragaT huyI to bhItaramen bAharakA sAdhan mile to pragaT ho, aisA nahIn hotA. apane Apase svayam chaitanyakI pariNati chaitanyamen-se uchhale. gnAnarUp pariNati, darshan, chAritra apane Ap svayam pariNaman ho jAtA hai. usako nimittakI rAh nahIn dekhanI paDatI. svatantra kArya hotA hai.

mumukShu- mAtAjI! pragnAchhainI paDate hI gnAn aur rAg donon judA-judA ho jAte hain, to pragnAchhainI kyA hai aur vah kaise paDatI hai? aur kaise gnAn aur rAg judA- judA hote hain, usakA ...?

samAdhAna- pragnAchhainI, jo chaitanya svabhAv hai usako, jo sUkShma svabhAv hai usako sUkShma karake jahAn sandhi hai, vahAn pragnAchhainI usako ekadam pahachAn letI hai ki yah gnAn hai aur yah rAg hai. usako sUkShma upayog karake bhItaramen-se aise jAn letI hai, bhItaramen tIkShNatA karake, to apaneAp bhedagnAn ho jAtA hai ki main chaitanya hUn. yah (vibhAv) hai.

aisA bhedagnAn honese svayam pariNati apane Ap svayam ho jAtI hai aur svAnubhUti ho jAtI hai aur vibhAvakA bhed ho jAtA hai. aisI pragnAchhainI tIkShNa pragnAchhainI hone- se svAnubhUti pragaT ho jAtI hai. svabhAvamen dRuShTi-aisI pratIt, gnAn aur lInatA tInon sAthamen honese, sUkShma upayog honese pragnAchhainI kAm karatI hai. apane svabhAvako grahaN kar letI hai ki yah svabhAv hai, yah vibhAv hai. tIkShNa upayog karake apane (svabhAvako)

PDF/HTML Page 1417 of 1906
single page version

grahaN kar letI hai aur bhItaramen pariNati chalI jAtI hai to bhedagnAn ho jAtA hai.

mumukShu- mAtAjI! gnAnIkI ek-ek bAtamen, ek-ek shabdamen ananta Agam samAhit hai, yah kaise hai? mAtAjI!

samAdhAna- ananta Agam (is tarah hai), muktikI paryAy, antarakI paryAy jo pragaT hotI hai ki yah svabhAv hai, yah vibhAv hai, yah svAnubhUti hai, pUrNa kyA hai, alpa kyA hai, akhaNDa kyA hai, svAnubhUtimen gnAnamen sab A jAtA hai. to vah sab jAnatA hai. sAdhak kyA hai, sAdhya kyA hai, lakShaN-lakShya kyA hai, gnAnIke gnAnamen yah sab A jAtA hai. isaliye prayojanabhUt mUl tattva, mokShamArga muktikA mArga kyA hai, yah sab samyagdRuShTike gnAnamen A jAtA hai. isaliye usake shabdamen ananta Agam A jAte hain. mUl prayojanabhUt tattva Anese sab A jAtA hai.

ek jAnane-se sab jAnanemen A jAtA hai. ek chaitanyako jAnA usane sab jAnA. ek chaitanyadravyako jAnA, usakA ansh pragaT ho gayA. ek ansh jo pragaT huA to sarvako jAn letA hai. pUrNatAke lakShya se shurUAta. usamen pUrNa A jAtA hai. jo bIj pragaT hotA hai, usamen pUrNa chandra kyA hai, ansh kyA hai, sab A jAtA hai. isaliye gnAnIke gnAnamen sab A jAtA hai to shabdamen bhI A jAtA hai. usake gnAnamen sab hai to usakI vANImen sab A jAtA hai. mUl prayojanabhUt tattva sab A jAtA hai.

mumukShu- mAtAjI! shrImadajI kahate hain ki yadi yah jIv satpuruShake charaNommen sarva bhAv samarpaN kar deve aur mokShakI prApti na hove to hamase le jAy, yah kaise hai? mAtAjI! kaise sarva bhAv gnAnIke charaNommen samarpaN kar de?

samAdhAna- jo gnAnI kahate hain vah sab yathArtha hai. usane jo muktikA mArga batAyA, jo kahA, sab yathArtha hai. isaliye apane svabhAvamen use grahaN kar lenA. jo gnAnI kahate hain, sab yathArtha hai. aisI apanI pariNati pragaT karanA. sarva bhAv arpaN kar denA. jo vikalpa hai vah merA svabhAv nahIn hai. main usase bhinna hUn. vikalpa, sarva vikalpako gnAnIke charaNamen chhoD denA arthAt gnAyak ho jAnA. gnAyak ho jAnA, to mukti apaneAp ho jAtI hai. jo gnAyakakI dhArA pragaT huyI to svAnubhUti ho jAtI hai. vikalpase bhedagnAn kar denA. sab bhAv gnAnIke charaNamen chhoD denA. main isakA svAmI nahIn hUn aur main gnAyak hUn. gnAyak ho gayA to sab bhAv gnAnIke charaNamen A gaye. gnAnIko kuchh chAhiye nahIn, parantu svAmItvabuddhi chhoDakar gnAyak ho jAnA, isaliye mukti apaneAp ho jAtI hai.

mumukShu- mAtAjI! 45 vaShAse anek bahanonne-brahmachArI bahanonne aur bahut-se mumukShu bhAIonne pUjya gurudevake charaNommen aur ApashrIke charaNommen sarva bhAv arpaN kiyA hai.

PDF/HTML Page 1418 of 1906
single page version

phir bhI pariNAmamen kuchh aisA dekhane nahIn milatA jo AnA chAhiye. to usakA kAraN kyA hai? mAtAjI!

samAdhAna- pariNAmamen kyA..?

mumukShu- .. arpaN karake yahAn bahut bhAI-bahanen, brahmachArI bahanen arpaN karake to baiThe hain, to kyon nahIn milA? Ap kahate ho mere pAs-se le jAnA. 45 sAlase to karake baiThe hain.

samAdhAna- usamen kuchh kShati hotI hai isaliye. kuchh kShati rah jAtI hai.

mumukShu- to phir sarva bhAv arpaN nahIn kiyA, mAtAjI! isakA matalab huA.

samAdhAna- mUl vastu svarUpase nahIn kiyA. jaisA gnAyakabhAv pragaT karanA chAhiye vah nahIn kiyA. aise sarva bhAv arpaN kiye. jo gnAnIke ... aise to arpaN kiyA. sthUl rUpase to kar diyA. bhItaramen bhedagnAn karake karanA chAhiye vah nahIn kiyA.

mumukShu- vah nahIn kiyA, vah kamI rah gayI.

samAdhAna- vah kamI rah gayI.

mumukShu- mAtAjI! anubhav honeke pahale aur anubhavake kAlamen aur anubhavake bAdamen jo jIvAdi sAt tattva hain, unakA kis prakArase chintavan chalatA hai?

samAdhAna- anubhavamen chintavan nahIn chalatA hai. svAnubhUtimen vikalpa chhUT jAtA hai. vah to apanI ek chaitanyakI pariNati (hotI hai). chaitanya par dRuShTi aur usakI pariNati sahaj rahatI hai. svAnubhUtike kAlamen sAt tattvakA chintavan nahIn rahatA hai. bAhar upayog Ave tab bhI bhedagnAn rahatA hai. to sahaj nau tattva A jAte hain. main jIv hUn, bhedagnAnakI dhArA (chalatI hai usamen) yah ajIv hai, yah Asrav hai, jo bhAv AtA hai vah puNya hai, jo Anshik shuddha paryAy pragaT huyI vah samvar hai, usase visheSh ugratA nirjarA hai aur mokSha to Anshik mokSha hai pUrNa mokSha to jab hove tab hotA hai. aise bAhar upayog Ave tab rahatA hai. svAnubhUtimen aisA vikalpa nahIn rahatA.

mumukShu- sAt tattvonko jAnate nahIn anubhavake kAlamen? mAtAjI!

samAdhAna- sAt tattvonko nahIn jAnatA hai arthAt aise vikalparUp nahIn jAnatA hai. vikalpAtmak nahIn hai. nirvikalpa hai.

mumukShu- mAtAjI! aisA AtA hai ki jitanA kAraN deve utanA kArya hotA hai. to isakA kyA matalab hai? jitanA kAraN deve utanA kArya hotA hai.

samAdhAna- jitanA kAraN deve utanA hI kArya hotA hai. koI mAne ki mereke kyon pragaT nahIn hotA hai? to lagan, mahimA aur puruShArthakI kamI hove to nahIn pragaT hotA hai. jitanA kAraN-puruShArthakI kamI hove to kArya nahIn hotA hai. jitanA puruShArtha

PDF/HTML Page 1419 of 1906
single page version

hove utanA kArya hotA hai. jitanA kAraN de utanA kArya hotA hai, visheSh nahIn hotA hai. merI to ruchi bahut hai, main aisA karatA hUn to bhI nahIn hotA hai. to kAraN puruShArthakI kamI hai isaliye nahIn hotA hai. kAraNakI kamI hai to kArya nahIn hotA hai.

mumukShu- kAraN kaise den? mAtAjI! kAraN kaisA honA chAhiye?

samAdhAna- kAraN yathArtha honA chAhiye. jaisA svabhAv hai us svabhAvako pahachAnakarake aur yah vibhAv hai, main svabhAv hUn, aisA kAraN pragaT karanA chAhiye. puruShArtha aisA karanA chAhiye.

mumukShu- mAtAjI! dhavalamen AtA hai ki matignAn kevalagnAnako bulAtA hai. to ye kaise bulAtA hai? mAtAjI!

samAdhAna- matignAn jisako pragaT hove to usako avashya kevalagnAn pragaT hotA hI hai. matignAn aur shrutagnAn jisako pragaT ho gayA, nirvikalpa svAnubhUti (huyI) to usako avashya kevalagnAn pragaT honevAlA hai. matignAn kevalagnAnako bulAtA hai ki tU ab A jA. ananta kAl ho gayA, ab to main pragaT ho gayA, mati-shrut kahatA hai ki Ao kevalagnAna. matignAn, shrutagnAn.. apane svabhAvakI or pariNati gayI, mati- shrutane apane svabhAvako upayogamen le liyA to kevalagnAnako bulAte hain, Ao, jaldI Ao. ab main tumako bulAtA hUn. svabhAvakI or jAkar usako bulAtA hai. .. usako kevalagnAn ho jAtA hai.

mumukShu- mAtAjI! .. rAgAdi bhAvonkA kis prakArase vaman karAnavAle hain?

samAdhAna- .. nikale hue vachan hain na? to yathArtha vachan nikalatA hai ki bhedagnAn karo, ekatvabuddhi toDo. aisA gnAnIkA vachan hai to gnAnI mithyAtvako vaman kar detA hai. usake vachan koI apUrva, gnAnamen-se nikale hue vachan mithyAtvakA vaman kar dete hain. jignAsuko mithyAtvakA vaman kar detA hai.

mumukShu- ... kuTumbase pahale yA sanyogase pahale yA sharIrase yA rAgase, shurU kahAn- se karanA chAhiye?

samAdhAna- shurU to aise hotA hai, ye sab to sthUl hai. kuTumbase bhinna karanA, sharIrase bhinna karanA vah sab to sthUl hai. bhItaramen yathArtha to vikalpase bhinna karanA vah yathArtha hotA hai. aise kuTumbase to mAn le ki ye judA hai, main bhinna hUn. aisA to mAn le. sharIr bhI sthUl hai. ekakShetrAvagAh hai to bhI aisA to AtA hai ki pratham sudRuShTi so sharIrarUp kIje bhinna, sUkShma sharIr bhinna jAne. pahale yah sharIr bhinna hai, sthUl hai, sUkShma sharIr kArmaN sharIr bhI AtmAkA nahIn hai. vibhAvase bhI bhinna jAnIye.

vikalpa jo AtA hai usase bhI, subuddhiko vilAs bhinna jAnIye. usameen prashasta

PDF/HTML Page 1420 of 1906
single page version

bhAv AtA hai vah bhI AtmAkA mUl svabhAv nahIn hai, vah to shubhabhAv hai. aise bhI bhinna hai. usamen bhed paDatA hai ki main gnAn hUn, darshan hUn, chAritra hUn, yah hUn ye sab bhAv to Ate hain to bhI vikalpa mishrit hai. vah bhI AtmAkA mUl svabhAv to nahIn hai.

jaise siddha bhagavAn nirvikalpa Anandamen virAjate hain, aisA AtmAkA svarUp hai. aisI shraddhA karanA. bIchamen vikalpa to AtA hai. parantu shraddhA aisI karanA ki sabamen main bhinna hUn. merA svabhAv sabase bhinna, gnAyak svabhAv-gnAn svabhAv aisA merA svabhAv hai. gnAnasvabhAvako grahaN kar lenA. ye jo jAnanevAlA gnAnasvabhAv hai vah main hUn. paryAyamAtra, kShaNik paryAyamAtra main (nahIn hUn). main akhaNDa shAshvat jo anAdiananta tattva hUn, jo gnAyakakA astitva hai vahI main hUn. usako grahaN kar lenA.

usakI pratIti dRuDh karanA, usakA gnAn dRuDh karanA, usamen lInatA karanI aise bhedagnAn hotA hai. parantu bhedagnAn karaneke liye usakI mahimA, usakI lagan, bArambAr usakA vichAr, manan kare to hove. upayog to sthUl ho rahA hai. usako sUkShma karake gnAnasvabhAv kaun hai? aur vikalpa kaun hai? ye bhed paDate hain, gnAn, darshan, chAritra. vah bhed to guNakA bhed hai. koI vAstavaki TUkaDe nahIn hai. ye to jAnanemen AtA hai. isaliye bhed paDatA hai vah bhI mUl svarUp to nahIn hai. main akhaNDa tattva hUn. aise sUkShma upayog karake usako grahaN karanA.

parantu grahaN karaneke liye taiyArI karanI paDatI hai. usako rAt-din lagan lage, bArambAr usakA vichAr, manan hove tab hove. usake liye shAstrakA chintavan, shubhabhAvamen dev-guru-shAstra aur bhItaramen shuddhAtmA mujhe kaise pragaT hove? usakA dhyey rakhanA. nirvikalpa tattva AtmA, usamen Ananda hai, usamen gnAn hai, sab usamen hai. usakI bArambAr pratIti, bhedagnAn, bArambAr nahIn hove tab tak bArambAr-bArambAr nahIn hove, bhUl jAy to bhI bArambAr usako grahaN karanA chAhiye. bhUl jAy to bhI bArambAr karanA. rAt-din kaise pragaT hove?

mumukShu- AtmAkI lagan bArambAr laganI chAhiye?

samAdhAna- hAn, bArambAra.

mumukShu- usIkI mahimA AnI chAhiye.

samAdhAna- hAn, usakI mahimA AnI chAhiye.

mumukShu- vikalponse, sanyogase haTAkarake AtmAkI laganI laganI chAhiye.

samAdhAna- hAn, AtmAkI laganI laganI chAhiye. paramen ekatvabuddhi hai use toDanA chAhiye. svamen ekatvabuddhi karanI chAhiye. bArambAr abhyAs dRuDh hove, bArambAr-bArambAr usamen

PDF/HTML Page 1421 of 1906
single page version

dRuDhatA hone-se bhedagnAn hotA hai.

mumukShu- bAharamen ... AtmAmen hI sukh hai. andarase to AtmA javAb nahIn detA hai ki sukh yahIn hai. shAstrake nyAyase AtmAke andar santuShTi nahIn hotI.

samAdhAna- shAstramen to AtA hai, lekin apane antaramen aisA dRuDh karanA chAhiye. shAstramen AtA hai ki AtmAmen sukh hai. to vichAr... gurudev bhI kahate the, bahut kahate the ki AtmAmen sukh hai. shAstramen AtA hai. to bhItaramen aisA nakkI karanA chAhiye. vichArase, yuktise nakkI karanA ki ye sab AkulatA hai. bhItaramen yadi upayog sUkShma karake dekhe to sab vikalpa-vikalpa AkulatA hai. jo shubhabhAv hai to bhI AkulatArUp hai. sab AkulatA hai. sukh to AtmAmen hai.

sukh-sukh, sukh to ichchhatA hai, to bAhar sukh to milatA nahIn hai. to sukh jo tattvamen hai, vah tattva main hUn. sukh AtmAmen hai, bAharamen nahIn hai. aisA bhItaramen yathArtha nakkI karanA chAhiye aur pratIt dRuDh karane-se bhItaramen-se sukh pragaT hotA hai. AtmAmen- se hotA hai. jo sukhakA bhaNDAr bharA hai, AnandakA bhaNDAr hai. AnandakA sAgar AtmA bharA hai, parantu vah bhUl gayA hai. isaliye bAharamen sukh-sukh lagatA hai.

jo tattva, jisakA svabhAv hai Ananda, usamen koI maryAdA nahIn hotI. aisA ananta AnandakA sAgar hai. ananta gnAnakA sAgar hai. aisA AtmA hai. usakI pratIti karanA chAhiye. pratIti karane-se pariNati bhI us or jAtI hai. laganI lagAnI, pratIti karanI, pariNati bhI usakI or le jAnI chAhiye. ananta Ananda, ananta-ananta svabhAv- se AtmA bharA hai. jisakA svabhAv hai, usamen maryAdA nahIn hai. ananta svabhAvase bharA hai. parantu vah apanI dRuShTimen aur pratItamen AnA chAhiye.