PDF/HTML Page 1660 of 1906
single page version
samādhānaḥ- .. palaṭanā to svayaṁko (paḍatā hai), pariṇati svayaṁko palaṭanī hai. apanī or ānā, svasanmukh honā, apanī or dr̥ṣṭi karanī, apanī or jñān aur apanī or līnatā karanī, vah svayaṁko hī karanā hai, svayaṁko ho palaṭanā hai.
mumukṣuḥ- usakā koī kram, vidhi?
samādhānaḥ- vidhi aur kram ek hī hai. usakī laganī, usakī mahimā. gurudevane jo mārga batāyā use aṁtar-se yathārtha samajhanā, yathārtha jñān karanā. gurudevakā kyā āśay thā? svabhāv grahaṇ karanekā prayatna karanā.
mumukṣuḥ- svarūpakī mahimā nahīṁ ānekā kāraṇ upayog utanā aṁtar taraph muḍatā nahīṁ hogā aur par viṣayameṁ ruci hai, isaliye nahīṁ ātī hogī?
samādhānaḥ- ruci par taraph jātī hai, aṁtarameṁ parakī mahimā hai. apanī svakī mahimā kam hai aur dūsarekī mahimā lagatī hai. sva taraph prayatna nahīṁ jātā hai. pramād hai, mahimā kam hai, ruci kam hai. use jarūrat lage to cāhe jaise bhī vah prayatna kiye binā nahīṁ rahatā. mujhe yah karanā hī hai (aisā ho) to svayaṁ aṁtarameṁ-se palaṭe binā rahatā hī nahīṁ. parantu utanī svayaṁkī mandatā hai isaliye palaṭatā nahīṁ hai.
mumukṣuḥ- mandatāmeṁ-se tīvratā honeke liye bhī svayaṁ usakī ruci baḍhāye. ruci baḍhāneke liye kyā karanā?
samādhānaḥ- svayaṁ hī ruci (kare ki) svabhāvameṁ hī sarvasva hai, bāhar kahīṁ nahīṁ hai. jo ananta bharā hai vah svabhāvameṁ hai. bāhar-se kuch nahīṁ ātā. bāhar lene jātā hai, lekin bāhar-se kuch prāpta nahīṁ hotā. jisameṁ bharā hai, jisameṁ svabhāv bharā hai usameṁ-se pragaṭ hotā hai. jisameṁ hai usameṁ-se pragaṭ hotā hai. jisameṁ apanā astitva hai, usameṁ sab hai. usameṁ-se hī pragaṭ hogā. aisā svayaṁ dr̥ḍh nirṇay kare. aisī dr̥ḍh pratīt kare to apanī taraph apanā puruṣārtha jhukatā hai.
ananta kāl-se bāhar-se prāpta karaneke liye vyartha prayatna kiye, kriyāen̐ kī, sab kiyā. śāstrameṁ ātā hai na? vrat, niyam dhāre, tap, śīl ādare parantu paramārtha-se bāhya hai isaliye svayaṁko mokṣa ... sab kiyā. munivrat dhāre, sab kiyā parantu aṁtarameṁ palaṭā
PDF/HTML Page 1661 of 1906
single page version
nahīṁ. meremeṁ-se hī sab ānevālā hai. aisī pratīt aur aisā jñān svayaṁne nahīṁ kiyā. us jātakā apane svabhāvakī mahimā nahīṁ āyī hai. śubhameṁ karake saṁtuṣṭa ho gayā hai. śubhabhāvameṁ saṁtuṣṭa ho jātā hai. aśubhameṁ-se śubhameṁ palaṭā kiyā, parantu jo tīsarī bhūmikā hai, usameṁ nahīṁ jātā hai. jo śuddhātmākī bhūmikā hai, us taraph nahīṁ jātā hai. in donoṁkī or palaṭatā rahatā hai, tīsaremeṁ nahīṁ jātā hai.
mumukṣuḥ- tīsarī bhūmikā ātmā..
samādhānaḥ- andar bhūmikā hai usameṁ nahīṁ jātā hai. bāraṁbār usakā abhyās, usīkī ādat, bāraṁbār karatā rahe to usameṁ-se ugra puruṣārtha jāgr̥t hotā hai, tab vah palaṭatā hai. par taraph jāy, parantu bāraṁbār apanī or prayatna karatā rahe, bāraṁbār usakī ādat, raṭan, prayatna karatā rahe to us or palaṭanekā use avakāś hai.
mumukṣuḥ- apūrvatā lage to sahaj hai. parantu usake pahale jo apūrvatā laganī cāhiye ki jisase puruṣārtha parasanmukh-se haṭakar svasanmukh ho. vah kis prakārakī apūrvatā hai aur vah kaise lage?
samādhānaḥ- jo gurukā upadeś āve, guru koī apūrva bāt karate ho ki ātmākā svarūp aisā hai, kuch alag hai, aisā jo upadeś gurudevakī vāṇīmeṁ āve, us vāṇīkī apūrvatākā bhās svayaṁko lage ki ye kuch apūrva kahate haiṁ aur ātmākā svarūp koī apūrva hai. aisī apūrvatā (lage). use gurukī vāṇīmeṁ-se koī apūrvatā use grahaṇ ho, apanī ruci-se, yah vibhāv hai vah to ākulatārūp hai, parantu ātmā koī apūrva hai. gurudevakī vāṇīmeṁ-se aisī apūrvatā use grahaṇ ho. apūrva pragaṭ nahīṁ huā hai, parantu pratyakṣa gurukī vāṇīmeṁ jo ātā hai, usakī apūrvatā aṁtarameṁ (lage). svayaṁkī pātratā ho use aisī pratīt ho jātī hai apragaṭapane ki ātmā koī apūrva hai. aisī use ruci aur pratīt (ho jātī hai).
samyagdarśanakī pratīti alag bāt hai. parantu pahale use aisī ruci, apūrvatākī ruci ho jātī hai ki ye ātmā vastu koī apūrva hai. yah bāt apūrva hai, parantu ātmā vastu hī apūrva hai. dev-gurukī vāṇīmeṁ-se use apūrvatā (lagatī hai), nimitta-upādānakā aisā sambandha hai. use apūrvatā aisī bhāsit ho jātī hai ki ye koī apūrva vastu hai aur apūrva puruṣārtha karane taraph use aṁtarameṁ ruci pragaṭ hotī hai. dekhā nahīṁ hai, kiyā nahīṁ hai, parantu jise pragaṭ huā aise pratyakṣa guru batāte haiṁ aur use apūrvatā bhāsit ho jātī hai.
mumukṣuḥ- dev-gurukā nimitta aisā hai ki jisameṁ use apūrvatā bhāsit hotī hai.
samādhānaḥ- apūrvatā bhāsit hotī hai. deśanā labdhi pragaṭ hotī hai, is prakāra.
PDF/HTML Page 1662 of 1906
single page version
upādān-nimittakā aisā sambandha hai.
mumukṣuḥ- koī bār mātājī! (aisā lagatā hai ki) śuruātameṁ gurudevako sunate to tab atyanta ānanda aur ullāsapūrvak (sunate the). usake bād itane nirlaj ho gaye haiṁ. ek bār nirlajja ho jāneke bād vah śabda asar nahīṁ karate. aisī sthiti ho gayī ho aisā lagatā hai. vahī śabda bār-bār sunate ho, isaliye pahale vahī śabda sunate vakta jo apūrvatā lagatī thī, (vah apūrvatā nahīṁ lagatī hai).
samādhānaḥ- apūrvatā lagatī thī. apanā puruṣārtha utanā calatā nahīṁ, isaliye aisā ho ki sunate rahate haiṁ. puruṣārtha āge gati kare nahīṁ, isaliye aisā ho jātā hai ki pahale sunate vakta ekadam āścarya laganeke bajāy madhyam jaisā ho jātā hai.
mumukṣuḥ- usakā matalab yah hai ki sunate hī usakā puruṣārtha andar cālū rahe to us jātakī apūrvatā lage aur apūrvatā-se viśeṣ ullās āye.
samādhānaḥ- viśeṣ ullās āye. apanā puruṣārtha āge nahīṁ baḍhatā hai, isaliye vah madhyam prakār-se sunatā rahatā hai. aisā ho jātā hai.
mumukṣuḥ- pratyek samay sunate vakta āścaryacakit ho jāy, to aisā kahā jāy ki isameṁ navīn-navīn (lagatā hai).
samādhānaḥ- to apanī viśeṣ taiyārī honekā kāraṇ bane. puruṣārtha adhik jāgr̥t hotā hai.
mumukṣuḥ- āpane kahā na ki āśay nahīṁ grahaṇ kiyā. sunane par bhī usakā āśay grahaṇ nahīṁ karatā hai.
samādhānaḥ- unheṁ gaharāīmeṁ kyā kahanā hai? yā guruedav kyā kahate haiṁ? vah āśay grahaṇ karake phir prayatna nahīṁ kiyā hai. pahale to vah āśay grahaṇ nahīṁ karatā hai. āśay grahaṇ karake phir jo puruṣārtha apanā calanā cāhiye, vah puruṣārtha uṭhatā nahīṁ. gurudevane mārga batāyā ki mārga yah hai. use buddhimeṁ grahaṇ huā, parantu aṁtarameṁ use ūtārakar āge baḍhanā cāhiye, vah āge nahīṁ baḍhatā. to aise hī madhyamameṁ khaḍā rahatā hai. jis jātakī ruci hai usameṁ viśeṣ āge nahīṁ baḍhatā hai, isaliye aise hī khaḍā rahatā hai.
anādi kāl-se to kuch sunane nahīṁ milā. koī bār milā to usane grahaṇ nahīṁ kiyā. aur grahaṇ kare to puruṣārtha nahīṁ karatā hai. āśay grahaṇ kare to bhī āge nahīṁ baḍhatā. use buddhimeṁ aisā nakkī hotā hai ki gurudevane yah mārga kahā hai. vikalpa-se ātmā bhinna hai, ātmā śāśvat hai, ātmākā svabhāv is vibhāv-se bhinna hai. guṇabhed, paryāyabhed vah bhed bhī vāstavikarūp-se ātmāmeṁ nahīṁ hai. vah to akhaṇḍa svarūp hai. ye sab lakṣaṇabhed hai. aisā buddhimeṁ grahaṇ karatā hai, parantu aṁtarameṁ jo pariṇati
PDF/HTML Page 1663 of 1906
single page version
karanī cāhiye vah nahīṁ karatā hai. mātra buddhi-se nirṇay karatā hai. āge nahīṁ baḍhatā. use utanemeṁ saṁtoṣ ho jātā hai ki kareṁge-kareṁge, aisā andar pramādabhāv rahatā hai, isaliye āge nahīṁ baḍhatā.
mumukṣuḥ- vah apūrvatā pūrī-pūrī bhāsit nahīṁ huyī hai.
samādhānaḥ- vāstavameṁ aisā le sakate haiṁ. parantu use sthūl dr̥ṣṭi-se apūrvatā lage to bhī puruṣārtha nahīṁ karatā hai. aur yadi saccī apūrvatā lage to use cain paḍe nahīṁ ki ye sab apūrva nahīṁ hai, parantu aṁtarameṁ apūrva hai. isaprakār vāstavik aṁtarameṁ jyādā dr̥ḍh ho to jyādā āge baḍhe. sthūlarūp-se aisā kah sakate haiṁ ki use apūrvatā bhāsī hai, parantu puruṣārtha nahīṁ karatā hai. buddhi-se nirṇay kiyā vah bhī satya nirṇay kab kahā jāy? ki pariṇati ho to. parantu pahale usane amuk prakār-se nirṇay kiyā hai, jijñāsākī bhūmikā anusāra.
mumukṣuḥ- saccā nirṇay bhāvabhāsanarūp nahīṁ hotā hai. saccā nirṇay yānī ki maiṁ jñāyakamātra hūn̐, aisā ho jānā cāhiye, usameṁ bhāvabhāsanarūp jis prakār honā cāhiye ki ye caitanya so maiṁ, aisā (nahīṁ hotā hai).
samādhānaḥ- saccā nirṇay hove to andar pariṇati hue binā nahīṁ rahatī. vah buddhi-se nirṇay (karatā hai). aur apūrvatā buddhi-se lagatī hai. andar sacamūcameṁ apūrvatā lage to vah use pragaṭ hue binā nahīṁ rahatā. aṁtarameṁ bhāvabhāsan ho to usakī pariṇati pragaṭ hue binā nahīṁ rahatī.
mumukṣuḥ- itane puruṣārtha paryaṁt bhī nahīṁ pahun̐catā hai.
samādhānaḥ- puruṣārta paryaṁt nahīṁ pahun̐catā hai.
mumukṣuḥ- bahinaśrī! āpane vacanāmr̥tameṁ 47 naṁbarake bolameṁ ek dr̥ṣṭānta diyā hai ki "makaḍī apanī lārameṁ ban̐dhī hai vah chūṭanā cāhe to chūṭ sakatī hai, jaise gharameṁ rahanevālā manuṣya anek kāyāmeṁ, upādhiyoṁme, jaṁjālameṁ phan̐sā hai parantu manuṣyarūpase chūṭā hai'. is dr̥ṣṭānta par-se siddhānta jo āpane kahā ki trikālī dhruv dravya kabhī ban̐dhā nahīṁ hai. yah dr̥ṣṭānta hī samajhameṁ nahīṁ ā rahā hai. manuṣyarūp-se chūṭā hai aur upādhimeṁ ban̐dhā hai, isameṁ kaise ūtāranā?
samādhānaḥ- dr̥ṣṭānta sarva prakār-se lāgū nahīṁ paḍatā. usakā āśay grahaṇ karanā. manuṣya to ekadam chūṭā hai. upādhimeṁ ban̐dhā hai, vah dr̥ṣṭānta to sthūl hai. bāhar-se ban̐dhā hai, anyathā nahīṁ ban̐dhā hai. dr̥ṣṭānta yahān̐ tak sīmit hai ki caitanyadravya vāstavikarūp- se paradravyake sāth ban̐dhā nahīṁ hai. dravya apekṣāse chūṭā hī hai. caitanyadravya is pudagaladravyake sāth ban̐dhanameṁ nahīṁ āyā hai. pudagal to jaḍ hai aur svayaṁ caitanya hai. caitanya caitanyarūp-
PDF/HTML Page 1664 of 1906
single page version
se chūṭā hai aur pudagal pudagalarūp-se chūṭā hai. donoṁ bhinna dravya haiṁ. phir bhī svayaṁ bhramaṇā-se vikalpakī pariṇatimeṁ mān liyā hai ki maiṁ ban̐dh gayā hū̃n. maiṁ śarīrarūp ho gayā, maiṁ vikalparūp ho gayā, aisā svayaṁne mān liyā hai. parantu vāstavik dravya kahīṁ paradravyarūp nahīṁ huā hai, bhinna hai.
bhinna hai, us bhinnako tū bhinna jān le. aur jo kalpanā ho gayī hai ki maiṁ isameṁ ban̐dh gayā hūn̐, śarīrarūp ho gayā, vikalparūp ho gayā, aisā ho gayā, usameṁ- se terī mānyatā-bhramaṇā choḍakar, tū bhinna hī hai, us bhinnako grahaṇ kar le. bhinna hai vah baṁdhanameṁ ā gayā ho to use baṁdhan kaise toḍun̐ aisā ho, lekin tū vāstavikarūp- se ban̐dhā hī nahīṁ hai. isaliye tū bhinna hī hai. aisā āśay usameṁ-se grahaṇ karanā.
tū vāstavikarūp-se bhinna hai. bhinnako bhinnarūp grahaṇ kara. pariṇatimeṁ bandhanameṁ aisī bhramaṇā-se usakī mānyatā aisī ho gayī hai. isaliye terī mānyatāko badal de ki maiṁ chūṭā hū̃n. ye jo pariṇati hotī hai vibhāvameṁ, lekin us vibhāv taraph dr̥ṣṭi nahīṁ dekar maiṁ bhinna hūn̐, use grahaṇ karanā. paryāyameṁ jo pariṇati ho, us paryāyako gauṇ karake maiṁ dravya apekṣā-se bhinna hūn̐, aise grahaṇ kar le.
makaḍī makaḍīrūp-se bhinna hai. terī paryāyakī jo pariṇati ho... parantu dravya apekṣā- se tū bhinna hī hai. isaliye dravyako grahaṇ kara. dravya nyārā hai, itanā usameṁ sābit karanā hai. tū svayaṁ bhinna hai. ataḥ tū bhinnako grahaṇ kar le. tū ban̐dhā nahīṁ hai. tū mukta hī hai to muktako grahaṇ kar le. aisā kahanā hai.
manuṣyarūp-se ban̐dhā aur chūṭā, vah sthūl hai. parantu kahanā yah hai ki tū dravya rūp-se bhinna hai. ātmāne anādi kāl-se cāhe jitane bhav kiye, cāhe so vibhāv hue, to bhī tū to dravyarūp-se śuddhātmā bhinna hī hai, isaliye tū use grahaṇ kara. us or dekh to tū dravyadr̥ṣṭi-se bhinna hai. maiṁ ban̐dh gayā, ban̐dh gayā (mānatā hai). kham̐bheko gale lagākar kahatā hai, mujhe choḍa. tūne hī use grahaṇ kiyā hai, tū choḍ de. vaise svayaṁne pariṇati-paryāyakī pariṇatimeṁ bhramaṇā-se, apanī pariṇati puruṣārthakī mandatā-se vibhāvakī pariṇati svayaṁne kī hai. ab tū mujhe choḍa. parantu tū chūṭā hī hai, tū choḍ de. terī ekatvabuddhiko tū hī toḍ de to tū chūṭā hī hai.
ek dr̥ṣṭi badalanemeṁ vah dr̥ṣṭi nahīṁ badal sakatā hai. usameṁ bāhar-se kuch karanā nahīṁ hai. use dūsare kisī bhī prakārakī mahenat nahīṁ hai. parantu andar sthūlatāmeṁ-se sūkṣma upayog karake andar dr̥ṣṭi badalanemeṁ use itanī dikkat ho jātī hai. sthūl upayog ho gayā hai. sthūl pariṇatimeṁ use sab grahaṇ hotā hai. vikalpa, śarīr ādi. usameṁ-se sūkṣma dr̥ṣṭi karake diśā badalanemeṁ use muśkil ho jātā hai. bāharakā sab karane jātā
PDF/HTML Page 1665 of 1906
single page version
hai. sab sthūl-sthūla. upavās karanā ho to kar de, bāhar-se mahenat karanī ho to vah karaneko taiyār hai, parantu aṁtarameṁ dūsarā kuch nahīṁ karanā hai, dr̥ṣṭi badalakar nij caitanyako grahaṇ karanā hai, vah muśkil paḍ jātā hai. upayog sūkṣma karake, sūkṣma pariṇati karake aṁtarameṁ jānā muśkil ho gayā hai. usameṁ usakā ananta kāl calā gayā. diśā nahīṁ badalatā hai.
mumukṣuḥ- ek dr̥ṣṭi badalanemeṁ ananta parāvartan ho gaye.
samādhānaḥ- hān̐, ananta parāvartan kiye.
mumukṣuḥ- itanā kiyā to bhī use dr̥ṣṭi badalanā nahīṁ āyā.
samādhānaḥ- hān̐, dr̥ṣṭi badalanā nahīṁ āyā. śubhabhāvakī rucimeṁ kahīṁ-kahīṁ aṭak jātā hai. śubhabhāv-se kuch lābh ho, gaharī-gaharī rucimeṁ, koī pravr̥ttike rasameṁ, koī kriyāke rasameṁ, binā pravr̥tti kaise rahanā? vikalpa binā kaise rahanā? aise kahīṁ-kahīṁ rucimeṁ aṭak jātā hai. parantu aṁtarameṁ dr̥ṣṭi nahīṁ badalatā hai.
mumukṣuḥ- itanā saral mārga āp batāte ho, itanā saral batāte ho ki aisā hotā hai ki itanā āsān hai? itanā āsān hai? aur itanā kāl aise hī (vyatīt kar diyā).
.. bolameṁ āpane pharamāyā hai ki pūjya gurudevake vacanāmr̥takā vicārakā prayog karanā. vicārakā prayog, usakā artha kyā?
samādhānaḥ- gurudevake vacan...?
mumukṣuḥ- vacanāmr̥take vicārakā prayog karanā.
samādhānaḥ- gurudev jo kahate haiṁ, gurudevakī jo vāṇī hai, gurudevane jo vacan kahe, gurudevane jo upadeś diyā use tū andar ūtār, prayog karakā (artha yah hai). gurudev jo upadeś dekar mārga batāte haiṁ, jo gurudevake vacan hai, gurudevane jo upadeś diyā aur gurudevane jo ājñā kī ho, usakā tū andar prayog kar arthāt tū tere puruṣārthameṁ ūtāra. to tujhe pariṇati pragaṭ hogī.
gurudev jo kahate haiṁ use mātra sun lenā, aise nahīṁ. parantu usakā tū aṁtarameṁ prayog kara. gurudevane aisā kahā ki tū bhinna śuddhātmā hai. ye śubhāśubh bhāv-se bhinna andar caitanya hai, ye jo gurudevane upadeś diyā, us anusār tū prayog kar, usakā puruṣārtha kara. andar terī pariṇatimeṁ ūtāra.
mumukṣuḥ- ise śraddhākā prayog kaheṁ yā cāritrakā bhī?
samādhānaḥ- śraddhākā prayog hai. abhī usane vikalpa-se śraddhā kī hai. aṁtarameṁ yathārtha śraddhā kab kahe? ki jab nyārī pariṇati ho to śraddhākā prayog (kahe). cāritrakā
PDF/HTML Page 1666 of 1906
single page version
prayog kis kahate haiṁ? jo pratīt ho usake sāth, jo yathārtha pratīt ho usake sāth amuk jātakī pariṇati to sāthameṁ hotī hai. svarūpācaraṇ cāritra sāthameṁ hotā hai. use cāritrameṁ ginā nahīṁ jātā. viśeṣ līnatā ho use cāritra kahate haiṁ. isaliye yah śraddhākā hī prayog hai. andar pariṇati pragaṭ karanī vah śraddhākī pariṇati pragaṭ karanī hai.
śraddhā arthāt yathārtha jo ātmākā svarūp hai, usakī andar yathārtha pariṇati, jñāyakakī jñāyakarūp pariṇati kaise pragaṭ ho, vah śraddhākī hī pariṇati hai-pratītakī pariṇati hai. us pratītake sāth amuk jātakī līnatā sāthameṁ hotī hai. use cāritrakī koṭimeṁ nahīṁ kahate haiṁ.
mumukṣuḥ- śraddhākā aisā prayog hai. samādhānaḥ- hān̐, aisā prayog hai. mumukṣuḥ- dr̥ḍhatā baḍhatī jātī ho. samādhānaḥ- hān̐, dr̥ḍh kar ki maiṁ caitanya hī hūn̐, yah maiṁ nahīṁ hū̃n. is prakār usakī dr̥ḍhatā karanī.