PDF/HTML Page 1673 of 1906
single page version
mumukṣuḥ- ... ek-ek śakti ananta śaktiyoṁmeṁ vyāpak ... ek-ek śakti ananta śaktiyoṁmeṁ nimitta hai. to .. spaṣṭa samajhāīye.
samādhānaḥ- ātmā akhaṇḍa hai to usameṁ ananta śakti ekadūsaremeṁ vyāpak hai. ātmākī śakti hai. ātmā akhaṇḍa ek dravya, ek dravya ātmā hai ek dravya hai, usameṁ ananta śakti hai. to pratyek śaktikā svabhāv bhinna-bhinna hai. isaliye bhinna-bhinna kahanemeṁ ātā hai. parantu pratyek ātmāmeṁ hai. bhinna-bhinna, judā-judā dravya nahīṁ hai. pratyek śakti, ananta śakti ek ātmāmeṁ hai. isaliye abhinna hai. pratyek śakti pratyekameṁ vyāpak hai. ek dravyameṁ sab hai. ekameṁ ananta śakti hai. isaliye ananta dharmātmak vastu, ananta śaktiyoṁ-se bharapūr ātmā akhaṇḍa abhinna hai.
pratyek śaktikā svabhāv bhinna-bhinna hai. isaliye bhinna-bhinna kahanemeṁ ātā hai. apekṣā- se bhinna aur apekṣā-se abhinna hai. jñān jñān, darśan, cāritra ādi saba. jñapti, darśi śakti ādi ātī hai na? sab ekadūsaremeṁ vyāpak hai. to bhī sabakā svabhāv bhinna- bhinna hai. isaliye svabhāv apekṣā-se bhinna-bhinna haiṁ. ek dravyakī apekṣā-se abhinna hai.
dr̥ṣṭi akhaṇḍa par jāy to ek akhaṇḍa ātmāko grahaṇ karatī hai. usameṁ ananta śakti ā jātī hai. ananta dharmātmak vastu ek caitanya jñāyakako grahaṇ kare to usameṁ ananta śakti ā jātī hai. bhinna-bhinna dr̥ṣṭi nahīṁ karanī paḍatī hai. ātmā ananta svabhāv- se bharapūr hai. aisī mahimā jñān sab jān letā hai.
mumukṣuḥ- gurudev aisā bhī lete the ki ek guṇameṁ ananta guṇakā rūp hai.
samādhānaḥ- vah to caitanya akhaṇḍa hai, isaliye ekadūsarekā ekadūsaremeṁ rūp hai. bākī vah carcā to bahut bār gurudev samakṣa calatī thī.
mumukṣuḥ- jñānameṁ sat-astitvapanā, jñānameṁ astipanā aisā kahakar astitvaguṇakā rūp usameṁ hai.
samādhānaḥ- hān̐, usameṁ hai. ek astitva guṇ hai to jñān astitva, cāritra astitva is prakār paraspar ekadūsaremeṁ rūp hai. jñān bhī astitvarūp hai, cāritra astitvarūp hai, bal bhī astitvarūp hai. jñān bhī balavān hai, jñān bhī sāmānya, viśeṣ hai. is prakār
PDF/HTML Page 1674 of 1906
single page version
jñānameṁ, darśanameṁ. abhed hai isaliye ekadūsarekā ekadūsaremeṁ rūp hai. jñānameṁ ānanda hai, jñān ānandarūp hai. ānanda guṇ bhinna bhī hai, parantu jñānameṁ ānanda hai. ānandameṁ jñān hai.
mumukṣuḥ- amuk spaṣṭīkaraṇ gurudev karate the aur amuk spaṣṭīkaraṇ karanemeṁ aisā kahate the, aisā .. ghaṭit hotā hai, parantu aise nahīṁ ghaṭatā hai. aise donoṁ prakār-se bāt karate the.
samādhānaḥ- hān̐, aisā kahate the. usameṁ sādhanāmeṁ to dr̥ṣṭi ek ātmā par kare, usameṁ sab ā jātā hai. ātmā kaisā śaktivān? kaisā ananta mahimāvaṁt, ananta dharmātmak kaisā hai, vah jānaneke liye (ātā hai). usakī mahimā, ātmā kaisā mahimāvaṁt hai, vah jānaneke liye hai. ananta guṇoṁ-se bharā huā, anantameṁ anantakā rūp hai. ananta anantarūp pariṇamatā hai. usakī mahimā kaisī hai (vah jānaneke liye hai).
vah pustakameṁ ātā hai. ekadūsarekā ekadūsaremeṁ rūp hai. ek pradeś is rūp, is rūp, aise usakī mahimā, ek caitanyakī mahimā (karanī hai).
mumukṣuḥ- cidavilāsameṁ dīpacandajī (kahate haiṁ).
samādhānaḥ- hān̐, cidavilāsameṁ ātā hai.
mumukṣuḥ- gurudev bāraṁbār ādhār dete the.
samādhānaḥ- aciṁtya śaktivān ātmā, kaisā caitanya dravya hai. usameṁ buddhi-se kām karane jāy to amuk yukti-se baiṭhe, bākī to svānubhav gamya hai. amuk yukti-se baiṭhe ki ananta guṇameṁ anantakā rūp hai. anantameṁ ek ānandaras vede, yah vede, vah vede, aisā karake kitane prakār liye haiṁ.
aciṁtya dravya-guṇ-paryāyakā svarūp hai. aur cetanakā svarūp kaisā mahimāvaṁt hai, vah usameṁ jānanā hai. apūrvatā bhāse ki ātmā kaisā mahimāvaṁt hai. agurulaghukī bātameṁ aisā hai. vah agurulaghu svabhāv kaisā hai! hānivr̥ddhi rūp pariṇamatā hone par bhī jyoṁkā tyoṁ hai. vāstavik hānivr̥ddhi nahīṁ hotī, usameṁ tāratamyatāmeṁ jyoṁkā tyoṁ rahatā hai, usakī pariṇaman śakti kaisī hai! ananta anantarūp pariṇame phir bhī jyoṁkā tyoṁ. to bhī usameṁ kuch kam nahīṁ hotā, kuch baḍhatā nahīṁ. phir bhī pariṇaman us prakār hāni-vr̥ddhirūp hotā hai.
mumukṣuḥ- vah bhī gurudev bādameṁ kevalīgamya kahakar nikāl dete the.
samādhānaḥ- hān̐, kevalīgamya kahate the. tattvakā svarūp kaisā sūkṣma svarūp hai! kevalīke kevalajñānameṁ āye. cetanāguṇameṁ jñān-darśan koī apekṣā-se kahanemeṁ ātā hai. aur jñān-darśan guṇako alag bhī kahate haiṁ. cetanāguṇake andar sāmānya aur viśeṣ donoṁ sāthameṁ (kahate haiṁ). koī apekṣā-se jñān, darśanako alag kahanemeṁ ātā hai.
PDF/HTML Page 1675 of 1906
single page version
mumukṣuḥ- nirṇay yathārtha hai, vah kaise mālūm karanā? yathārtha nirṇayameṁ aisā kyā hotā hai ki jo anubhavako lātā hai?
samādhānaḥ- pahale jo buddhipūrvak nirṇay hotā hai, vah gurudevane jo apūrva mārga batāyā, usakā nirṇay vah ruci-se sthūlatā-se karatā hai vah alag hai. aṁtar-se jo nirṇay karatā hai, vah nirṇay svayaṁko hī khyālameṁ ā jātā hai ki yah nirṇay aisā yathārtha hai ki usake pīche avaśya svānubhūti hogī. vah svabhāvako pahacānakar aṁtarameṁ nirṇay hotā hai ki ye jo caitanya svabhāv hai vah maiṁ hūn̐, yah jñāyak svabhāv hai vah maiṁ hūn̐, yah vibhāv maiṁ nahīṁ hū̃n.
usakā svabhāv, andar-se apanā bhāv-svabhāv pahacānakar nirṇay hotā hai. vah nirṇay aisā hotā hai ki use khyāl ātā hai ki yah kāraṇ aisā hai ki avaśya kārya ānevālā hai. vikalpa-se aṁśataḥ bhinna hokar, svānubhūtikī bāt alag hai, parantu use aṁtar-se aisī pratīt hotī hai ki yah jñāyak hai vahī maiṁ hū̃n. yah vibhāv maiṁ nahīṁ hū̃n. ye jo śāśvat caitanya svabhāv, usakā astitva use yathārthapane aṁtarameṁ-se grahaṇ ho jātā hai. vah bhale hī abhī nirvikalpa nahīṁ hai, to bhī buddhimeṁ use aisā grahaṇ ho jātā hai.
bākī sthūlatā-se nirṇay kare vah alag bāt hai. svayaṁko ruci ho ki mārga yahī hai, dūsarā mārga nahīṁ hai, yah vastu koī apūrva hai. aisī ruci ho vah alag bāt hai. parantu aṁtarameṁ-se jo nirṇay hotā hai vah svabhāvako pahicānakar hotā hai ki ye jo caitanya jñāyak hai, jitanā yah jñān hai utanā hī maiṁ hūn̐, yah vibhāv maiṁ nahīṁ hū̃n. aisā aṁtarameṁ-se use nirṇay hotā hai. aur bāraṁbār use usakī dr̥ḍhatā hotī hai. bāraṁbār usakī pariṇati us taraph muḍatī hai ki yah hai vahī maiṁ hūn̐, yah maiṁ nahīṁ hū̃n. is prakār use svabhāvako pahacānakar nirṇay hotā hai.
jo svabhāvako pahacānakar nirṇay hotā hai, usake pīche use avaśya svānubhūti hue binā nahīṁ rahatī. usakā aṁtar hī kah detā hai ki yah nirṇay aisā hai ki yah svabhāv- jñāyak svabhāv hī maiṁ hūn̐, dūsarā kuch maiṁ nahīṁ hū̃n. ye nirvikalpa svabhāv hai vahī maiṁ hū̃n. usakī līnatākī kṣatike kāraṇ abhī nirvikalpa honemeṁ der lagatī hai. to bhī vah nirṇay aisā hotā hai ki avaśya usameṁ use svānubhūti hue binā nahīṁ rahatī.
mati-śrutajñānakī buddhi jo bāhar jā rahī thī. vah svayaṁ apanā nirṇay karatā hai ki yah jñānasvabhāv hai vahī maiṁ hū̃n. anya kuch maiṁ nahīṁ hū̃n. aisā nirṇay karake phikṣar apanī taraph, upayog apanī taraph muḍakar usameṁ līnatā kare to svānubhūti hotī hai. pahale jñānasvabhāvako pahacānakar nirṇay kare ki yah jo jñān hai vahī maiṁ hū̃n.
PDF/HTML Page 1676 of 1906
single page version
śāstrameṁ aisā ātā hai, gurudev bhī aisā hī kahate the ki yathārtha nirṇay, yathārtha kāraṇ ho to yathārtha kārya āye binā nahīṁ rahatā. aisā śuddhātmākā aṁtarameṁ-se use nirṇay hotā hai. usakā aṁtar hī kah detā hai ki isameṁ avaśya svānubhūti hogī hī.
mumukṣuḥ- mātājī! āpakā vajan svabhāvako pahicānakar nirṇay ho, vah yathārtha nirṇay hai. aisā āpakā vajan āyā hai.
samādhānaḥ- hān̐, svabhāvako pahicānakar nirṇay hotā hai ki yah jñān hai vahī maiṁ hū̃n. ye vibhāv hai vah maiṁ nahīṁ hū̃n. aisā buddhi-se sthūlatā-se ho vah alag hai, parantu aṁtarameṁ-se use grahaṇ karake nirṇay hotā hai ki yah svabhāv hai vahī maiṁ hū̃n. aṁtarameṁ-se bhāv grahaṇ karatā hai.
mumukṣuḥ- aisā yathārtha nirṇay ho, use anubhūti usake pīche ātī hī hai?
samādhānaḥ- usake pīche ātī hī hai. phir usameṁ kitanā kāl lage usakā niyam nahīṁ hai, parantu avaśya hotī hī hai. (kyoṁki) usakā kāraṇ yathārtha hai.
mumukṣuḥ- svabhāvako pahacānakar nirṇay ho, vah yathārtha nirṇay hai. yah bāt āpane bahut sundar kahī.
samādhānaḥ- svabhāvako pahacānakar nirṇay hotā hai ki yah jñānasvabhāv hai vahī maiṁ hūn̐, anya kuch maiṁ nahīṁ hū̃n. mati aur śrut dvārā vah nirṇay karatā hai. phikṣar mati- śrutakā upayog jo bāhar pravartatā hai, use aṁtarameṁ lāye aur līnatā ho to nirvikalpa hotā hai. parantu pahale usakā yathārtha nirṇay hotā hai.
mumukṣuḥ- svabhāvakā yathārtha nirṇay hone-se pahale kyā hotā hogā?
samādhānaḥ- pahale to use svabhāv taraph muḍanekī ruci hotī hai ki ātmākā svabhāv koī apūrva hai. karane jaisā yahī hai. ye sab vibhāv hai. aisī ruci aṁtarameṁ rahatī hai ki mārga yahī hai. gurudevane batāyā vah ek hī mārga hai, dūsarā nahīṁ hai. aisā usane sthūl buddhi-se sthūlatā-se nirṇay kiyā hotā hai. parantu svabhāvako pahicānakar aṁtarameṁ-se nirṇay hotā hai, vah nirṇay abhī nahīṁ hotā, parantu ruci us taraphakī hotī hai. mārgakī ruci hotī hai. usake pahale bhī koī apūrva ruci hotī hai. parantu vah ruci hotī hai.
mumukṣuḥ- jabatak svabhāvakī pahicān nahīṁ hotī hai tabatakakā nirṇay saccā nirṇay hī nahīṁ hai. svabhāvako pahicānakar jabatak nirṇay hotā, tabatak to vah nirṇay nirṇay nahīṁ hai.
samādhānaḥ- vah nirṇay nahīṁ hai. yathārtha kāraṇ pragaṭ nahīṁ huā hai. .. aisā hai ki jise koī apūrva ruci ho to avaśya vah ruci us taraph jātī
PDF/HTML Page 1677 of 1906
single page version
hai. apūrva ruci ho to. parantu use vartamānameṁ koī saṁtuṣṭatā ho jāy, aisā vah nirṇay nahīṁ hai. vartamān saṁtoṣ kab āve? svabhāvako pahicānakar nirṇay ho to. bākī ruci hotī hai use. aṁtarameṁ-se apūrva ruci hotī hai ki mārga yahī hai. yah puruṣārtha karane par hī chūṭakārā hai aur yahī karanā hai. aisī ruci hotī hai.
mumukṣuḥ- ... aisā pudagal aur amūrta aisā jīv, usakā saṁyog kaisā hai?
samādhānaḥ- anādikā hai. rūpī aur arūpī. ātā hai na? grahe arūpī rūpīne e acarajanī vāta. ātmā to arūpī hai. ye to rūpī hai. parantu vibhāvaparyāy aisī hotī hai ki jis kāraṇ rūpī aur arūpīkā sambandha hotā hai. aisā vastukā svabhāv hai. donoṁ virodhī svabhāv hone par bhī anādikā usakā sambandha hai. virūddha svabhāv hone par bhī anādi-se usakā sambandha calā ā rahā hai. use vibhāvik bhāvake kāraṇ vah sambandha hotā hai.
mumukṣuḥ- use kam karaneke liye kuch...?
samādhānaḥ- anādikā vah hai.
mumukṣuḥ- use kam kaise karanā? abhāv kaise karanā?
samādhānaḥ- usakā upāy yah hai ki svayaṁ apane svabhāvako pahacānanā, to vah sambandha chūṭe. apane svabhāv taraph jāy, arūpīko grahaṇ kare aur rūpī taraphakī dr̥ṣṭi, rūpī taraph jo ekatvabuddhi ho rahī hai use toḍ de aur arūpī jo caitanyasvabhāv hai, us or usakī prīti, usakī ruci ho tab ho.
gurudev to bāraṁbār kahate the ki tū bhinna hai, yah śarīr bhinna hai, ye vibhāv terā svabhāv nahīṁ hai, tū andar śāśvat hai. koī bhedabhāv bhī terā mūl svarūp nahīṁ hai. aisā bāraṁbār kahate the. unakā upadeś to andar jamāvaṭ ho jāy aisā upadeś thā, parantu pariṇati to svayaṁko palaṭanī hai, puruṣārtha svayaṁko karanā hai. svayaṁ diśā na badale to kyā ho? diśā bāhya dr̥ṣṭi vah svayaṁ hī rakhatā hai. andar apūrvatā lage, ruci kare to bhī pariṇati to svayaṁko palaṭanī hai. svayaṁko hī karanā paḍatā hai.
mumukṣuḥ- ruci to svayaṁ kare, phir bhī pariṇati palaṭe nahīṁ to ruci...? samādhānaḥ- use apanī mandatā hai. rucikī mandatā. ugra ruci ho to pariṇati palaṭe binā rahe nahīṁ. parantu rucikī mandatā hai. aisī ruci ho ki bāharameṁ use kahīṁ cain paḍe nahīṁ. aisī ruci andar ugra ho to svayaṁ puruṣārtha kiye binā nahīṁ rahatā.