PDF/HTML Page 1735 of 1906
single page version
mumukṣuḥ- jñānīko jo vāstavameṁ pahacānatā hai, vah jñānī hue binā nahīṁ rahatā.
samādhānaḥ- vāstavameṁ unakā aṁtar pahicāne to vah svayaṁ jñānī hue binā nahīṁ rahatā. aṁtar pariṇatiko pahicāne to apanī pariṇati bhī vaisī hī ho jātī hai.
mumukṣuḥ- aṁtar pariṇati yahī na? abhī jo apanī bāt huyī, bāharameṁ is prakār rāg hone par bhī aṁtar jñān to aisā hī kām karatā rahatā hai, do dravyakī bhinnatā hai isaliye rāgakā kuch kārya bāharameṁ āve yā paradravya apanemeṁ kuch karavāye aisā nahīṁ banatā.
samādhānaḥ- paradravyakā koī kārya rāgake kāraṇ nahīṁ hotā hai. usase bhinna, śarīr- se bhinna pariṇaman vartatā hai aur vibhāv apanā svabhāv nahīṁ hai, usase bhī unakā pariṇaman bhinna vartatā hai. rāg ho, us rāgake kāraṇ bāhar hotā nahīṁ hai aur rāgake kāraṇ śarīrakā kuch nahīṁ hotā hai. aur vah rāg apanā svabhāv nahīṁ hai, isaliye rāg-se bhī svayaṁ bhinna pariṇamatā hai. rāgakā bhī unheṁ svāmītva nahīṁ hai. usase bhī bhinna pariṇamatā hai, usakā unheṁ svāmītva nahīṁ hai.
usakī jñāyakakī dhārā kṣaṇ-kṣaṇameṁ, kṣaṇ-kṣaṇameṁ bhinna pariṇamatī hai. use vah bhūlatā nahīṁ hai. vah unakā aṁtar pariṇaman hai. rāg-se bāharakā to kuch hotā nahīṁ, parantu rāg-se bhī svayaṁ bhinna pariṇamatā hai. aisā karun̐, vaisā karun̐, aisā rāg āye, phir bhī vah rāg hotā hai, us samay bhī svayaṁ bhinna pariṇamate haiṁ. rāgarūp ve nahīṁ pariṇamate.
muumukṣuḥ- us vakta usakā svāmītva nahīṁ hai. samādhānaḥ- us vakta us rāgakā svāmītva bhī use nahīṁ hai. aisī kṣaṇ-kṣaṇameṁ jñāyakakī bhinna dhārā, jñātādhārā (vartatī hai). kartābuddhi nahīṁ hai aur jñātādhārā vartatī hai. āṁśik śānti dhārā, jñātā dhārā kṣaṇ-kṣaṇameṁ vartatī hī rahatī hai.
mumukṣuḥ- ye to jñānīkā alaukik aṁtar pariṇaman hai, ki jo ajñānī jīvoṁko khyālameṁ nahīṁ ātā hai aur kartābuddhikā sevan karatā hai.
samādhānaḥ- bāhar-se aisā lage ki mānoṁ karate hoṁ. mānoṁ sab karate ho aisā lage. aṁtar-se usakā bhinna jñāyakarūp pariṇaman hai. jñātā hai, bākī dikhe aisā, bole
PDF/HTML Page 1736 of 1906
single page version
aisā. parantu usakā pariṇaman andar bhinna hai.
mumukṣuḥ- isīliye ajñānīko bhram ho jātā hai.
samādhānaḥ- isīliye ajñānīko bhram ho jātā hai.
mumukṣuḥ- .. usakī kartābuddhi chūṭ jāy, aisī yah bāt hai. anyathā aisī śaṁkā ho ki itanī śarīrakī kriyā (hotī hai), usī vakta samay-samayameṁ bhedajñān calatā hogā?
samādhānaḥ- aṁtar dr̥ṣṭi-se dekh, aisā śrīmadameṁ ātā hai na? svayaṁko us jātakā khyāl nahīṁ hai, svayaṁ ekatvabuddhimeṁ pariṇamatā hai. isaliye dekhaneke liye dr̥ṣṭi kahān̐-se lāye? isaliye use aisā hotā hai ki ekatvabuddhimeṁ to yah maiṁ karun̐, yah maiṁ karũn. vaisā hī ve kahate haiṁ. unake abhiprāyameṁ kyā pharka hai, unakī pariṇatimeṁ vah kaise pakaḍanā? usako svayaṁko us jātakā anubhav hī nahīṁ hai ki bhinnatā kaise rahe? ye sab bolate haiṁ, parantu andar pariṇati bhinna kaise rahatī hai? us jātakā use anubhav nahīṁ hai, isaliye use pakaḍanā muśkil paḍatā hai.
mumukṣuḥ- jabatak anubhav nahīṁ hotā, tabatak dhāraṇājñānameṁ spaṣṭarūp-se aisā vicār kiyā hotā hai. phir bhī śaṁkā paḍe ki jñānīko aisā niraṁtar rahatā hogā?
samādhānaḥ- hān̐, niraṁtar rahatā hogā? aisā hotā hai. jaise use ekatvabuddhi niraṁtar rahatī hai, ajñān daśāmeṁ ek kṣaṇ bhī khaṇḍa nahīṁ paḍatā. ekatvabuddhi, kṣaṇ-kṣaṇameṁ jo- jo rāgakī dhārā, vibhāvakī dhārā, vikalpakī dhārāmeṁ ekatvabuddhi use niraṁtar rahatī hai. usameṁ-se vah bhinna nahīṁ paḍatā hai, śarīr-se ekatvabuddhi-se. koī bhī vikalpameṁ ekamek ekatvabuddhi jaise usakī rahatī hai, vaise hī bhedajñānakī pariṇati (jñānīkī) rahatī hai. usameṁ use khaṇḍa nahīṁ paḍatā. usameṁ use vibhāvake sāth ekatvabuddhi nahīṁ hotī. jaise (ajñān daśāmeṁ) ekatva rahatā hai, vaise hī vah bhinna rahatā hai. bhinna rahane-se jo rāgakī pariṇati hotī hai, usase bhinna rahatā hai.
rāgameṁ jo bhāv āye, usameṁ vah tanmay nahīṁ ho jātā. parantu amuk prakārake bhāv use āte haiṁ, isaliye vah bolatā hai, isakā aisā karanā, usakā vairā karanā. aisā bole. jo gr̥hasthāśramameṁ ho vah us sambandhit bole aur jo dev-guru-śāstrake prasaṁg ho, usameṁ aisā bole, bhagavānakā aisā karo, gurukā aisā karo, aisā śāstrakā karo. aisā bole. isaliye use aisā lagatā hai ki ekatvapane (bolate haiṁ). parantu unakī ekatvabuddhi nahīṁ hai. jaisī use rāgakī ekatvabuddhi calatī hai, vaise unakī bhedajñānakī pariṇati bhinna hai. parantu bīcameṁ jo rāg ātā hai, us rāgameṁ vaise bhāv āte haiṁ. us bhāvake kāraṇ us prakārakā bolanā hotā hai. parantu usī kṣaṇ vah bhinna rahatā hai.
mumukṣuḥ- aṁtar dr̥ṣṭi-se, āpane kahā ki, śrīmadajīne kahā hai ki aṁtar dr̥ṣṭi-
PDF/HTML Page 1737 of 1906
single page version
se dekha. aṁtar dr̥ṣṭi-se dekhanā to kis prakār-se dekhanekā prayatna karanā?
samādhānaḥ- amuk jātakī yukti, dalīl-se nakkī kar sake. bākī to kar nahīṁ sakatā. bākī unake paricay-se, unakī bāt-se aise nakkī kare. yukti, dalīl, nyāy- se, siddhānta-se nakkī kare. bākī use us jātakā khyāl nahīṁ hai isaliye use nakkī karanā muśkil paḍatā hai.
parantu vicār kare to use khyāl āye ki bhedajñānakī pariṇati ho sakatī hai. bhedajñānameṁ pratikṣaṇ apanā astitva grahaṇ kare to bhedajñānakī pariṇati pragaṭ ho sake aisā hai. yadi na ho to vah bhinna hī nahīṁ paḍ sakatā. vah bhinna paḍatā hai, svānubhūti hotī hai. jo siddha hote haiṁ, ve bhedavijñān-se hī hote haiṁ. ataḥ bhedavijñān aṁtarameṁ ho sakatā hai. usakī bhāvanā aisī hotī hai ki dūsareko śaṁkā paḍe ki ye sab bhāvanā aisī dikhe ki mānoṁ kartābuddhi jaisī dikhatī hai.
mumukṣuḥ- isīliye āj vicār āyā ki āpako hī pūch lū̃n.
samādhānaḥ- hān̐, dikhe vaisā. pūjāmeṁ aisā dikhe, dev-guru-śāstrake prasaṁgameṁ aisā dikhe to bhī pratikṣaṇ vah kṣaṇ-kṣaṇameṁ nyārā hī hotā hai. jaise makkhan bhinna paḍ jātā hai, phir-se vah pahalekī bhān̐ti ekamek nahīṁ ho jātā. chāchake sāth rahe to bhī vah makkhan bhinna hī tairatā hai.
mumukṣuḥ- ek bār bhinna paḍaneke bād ekamek nahīṁ hotā.
samādhānaḥ- ekamek nahīṁ hotā. .. jñān jo hai, us jñānako-jñāyakako bhinna kiyā. anādi-se jñān taraph dekhatā nahīṁ hai aur vibhāv taraph dekhatā rahatā hai. jñān- jñāyak taraph dr̥ṣṭi aur pariṇati hai. isaliye vah usī taraph dekhatā hai. vibhāv taraph usakā alpa ho gayā hai. usakī pariṇati jñāyak taraph, pūrā cakra jñāyak taraph ho gayā hai. alpa vibhāv taraph thoḍā rahā hai.
mumukṣuḥ- ajñānīko sthūl jñān hai isaliye use rāg hī dikhatā hai, jñān dikhāī nahīṁ detā.
samādhānaḥ- rāg dikhatā hai, jñān nahīṁ dikhāī detā.
mumukṣuḥ- hameṁ duḥkh ho aisī bāt hai. parantu gurudevakā itanā sunā hai ki usīse samādhān karate haiṁ. phir bhī āpake śabda sunane haiṁ.
samādhānaḥ- acānak ho jāy aur choṭī umra ho isaliye aisā lage. gurudevane kahā hai, śānti rakhane alāvā upāy nahīṁ hai. saṁsārakā svarūp (aisā hī hai). jahān̐ koī upāy nahīṁ hai, vahān̐ śānti rakhanī hī śreyarūp hai.
ananta janma-maraṇ, janma-maraṇ karate-karate bhavakā abhāv ho aisā mārga gurudevane
PDF/HTML Page 1738 of 1906
single page version
batāyā. kitanoṁke sāth sambandha karake svayaṁ āyā, svayaṁko choḍakar kitane hī cale gaye aur svayaṁ kisīko choḍakar āyā hai. aise janma-maraṇ (kiye haiṁ). kabhī lambā āyuṣya, kabhī choṭā āyuṣya, aise anek jātake janma jīvane dhāraṇ kiye haiṁ. usameṁ yah manuṣyabhav milā. is manuṣyabhavake andar ek ātmākī pahicān ho vah navīn hai. bākī janma-maraṇ, janma-maraṇ jagatameṁ calate rahate haiṁ.
rāg ho utanā duḥkh ho, to bhī badalakar andarameṁ samādhān karanā vahī śreyarūp hai. usakā dūsarā koī upāy nahīṁ hai. saṁsār aisā hai, saṁsārakā svarūp aisā hai. jīvane itane janma-maraṇ kiye haiṁ ki jitane jagatake paramāṇu hai, use svayaṁne grahaṇ karake choḍe haiṁ. itane jagatake paramāṇuko (grahā hai).
pratyek ākāś pradeśameṁ ek-ek ākāś pradeś par ananta bār janma-maraṇ kiye. jitane vibhāvake adhyavasāy haiṁ, sab ho gaye. utsarpiṇī, avasarpiṇī kālake jitane samay haiṁ, utanī bār svayaṁ ananta bār janma-maraṇ kar cūkā. ananta bār nigodameṁ gayā, ananta bār devalokake devake bhav kiye. narkameṁ ananta bhav kiye, tiryaṁke ananta bhav, manuṣyake ananta bhav kiye. itane bhav jīvane kiye haiṁ. usameṁ kitanoṁke sāth sambandha joḍā hai aur choḍā hai. jīvako aise ananta janma-maraṇ hue haiṁ.
usameṁ is paṁcam kālameṁ yah manuṣyabhav milā, usameṁ gurudevakī vāṇī milī aur gurudevane jo yah mārga batāyā, us mārgako grahaṇ karanā vahī upāy hai. vahī śānti aur sukhakā upāy hai. is jīvanameṁ kuch apūrvatā pragaṭ ho aur bhavakā abhāv ho, aise saṁskār ḍale to vah śreyarūp hai. bākī jīvane anek janma-maraṇ kiye haiṁ. naṭubhāīko bahut ruci thī. aṁtarameṁ vah ruci lekar gaye haiṁ. āp sabako ruci hai. gurudevane kahā hai vahī grahaṇ karanā hai.
jagatameṁ kuch apūrva nahīṁ hai, koī padavī apūrva nahīṁ hai. ek samyagdarśanakī padavī (prāpta nahīṁ kī). jinavarasvāmī jīvako mile haiṁ, parantu usane pahacānā nahīṁ hai. isaliye mile haiṁ vah nahīṁ milane barābar hai. ek samyagdarśan prāpta nahīṁ huā hai. ek vah apūrva hai. isaliye use prāpta karaneke liye jīvako bhedajñān kaise ho, ātmākī pahicān kaise ho (usakā prayatna karanā cāhiye).
is jagatameṁ śāśvat ātmā hai. yah śarīr bhinna aur ātmā bhinna, donoṁ bhinna- bhinna vastu hai. ātmā to śāśvat hai. ek deh choḍakar dūsarā deh dhāraṇ karatā hai. ātmākā to kahīṁ maraṇ hotā nahīṁ. janma-maraṇ ātmāke nahīṁ hai. naṭubhāīkā ātmā to śāśvat hai. ātmākā maraṇ nahīṁ hotā, ātmā to śāśvat hai. ātmā bhinna śāśvat hai, use grahaṇ kar lenā. vahī saccā hai.
PDF/HTML Page 1739 of 1906
single page version
jīvanameṁ bhedajñān kaise ho? ki yah śarīr bhinna, ātmā bhinna, ye vibhāv apanā svabhāv nahīṁ hai. usase bhinna ātmāko pahicān lenā. ek jñāyak ātmāko pahicānanā vahī śreyarūp hai. usīmeṁ ānanda hai, usīmeṁ sukh hai. ātmā śāśvat hai. use grahaṇ karane- se vah śāśvat svayaṁ hī hai. ātmākā sambandha hī saccā sambandha hai. jagatake anedar dūsare sambandhameṁ pheraphār hote rahate haiṁ.
baḍe muniśvar aur rājeśvaroṁke āyuṣya pūrṇa hotā hai. cakravartī rājā bhī aṁtameṁ munipad dhāraṇ karake is mārgako grahaṇ karate haiṁ. unakī padavīmeṁ r̥ddhikā pār nahīṁ thā, phir bhī choḍakar cale jāte haiṁ. saṁsārakā svarūp aisā hai. isaliye ek ātmāko grahaṇ karanā vahī śreyarūp hai. aur gurudevane koī apūrva mārga batāyā hai. koī kriyāmeṁ paḍe the, koī kahān̐ paḍe the. usameṁ-se ātmākā sukh kaise prāpta ho aur ātmā kaise pragaṭ ho, vah gurudevane batāyā hai.
śāstrameṁ ātā hai, maiṁ ek, śuddha, sadā arūpī, jñānadr̥g hūn̐ yathārthase, kuch anya vo merā tanik paramāṇu mātra nahīṁ are! 38. koī paramāṇumātra apanā nahīṁ hai. svayaṁ śuddha svarūp arūpī ātmā hai. śarīr apanā nahīṁ hai. ek śuddha sadā jñān-darśanase bharā huā ātmā hai, koī paramāṇu mātra apanā nahīṁ hai. kisīke sāth koī sambandha nahīṁ hai. jitanā rāg ho, vah svayaṁko yād ātā hai. rāg āye to use badalakar śānti rakhaneke alāvā koī upāy nahīṁ hai. aisā prasaṁg bane isaliye ekadam sadamā lage to bhī śānti rakhaneke alāvā koī upāy nahīṁ hai.
mumukṣuḥ- itanī sārī r̥ddhi aur aisā milatā ho to bhī unheṁ aisā kaun- sā bandhan ā gayā ki unheṁ rāstemeṁ aisā ho gayā. na dharmakā kuch sun sake, nā aur kuch kar sake.
samādhānaḥ- aisā hai ki āyuṣya kaise pūrṇa ho vah to pūrvakā hotā hai. vartamān jo ruci ho vah to is bhavameṁ pragaṭ kī. aur āyuṣyakā bandha huā vah to pūrvakā hai. isaliye pūrvakā āyuṣya bandhakā uday aisā hī thā ki isī tarah-se āyuṣya pūrṇa ho. ataḥ usameṁ to kuch (ho nahīṁ sakatā). āyuṣyakā bandha kaisā paḍā ho, usameṁ jīv pheraphār nahīṁ kar sakatā. apane bhāvako badal sakatā hai. bhāvameṁ andar rāg- dveṣakī ekatvabuddhi toḍ sakatā hai. bākī bāharake saṁyog badal nahīṁ sakatā. bāharakā, śarīrakā, rogakā yā āyuṣya kaise pūrṇa ho, koī jīv usako nahīṁ badal sakatā. pūrvakā jo uday ho vah uday āte hī rahate haiṁ. bāharakā koī kārya badal nahīṁ sakatā, vah to uday anusār hotā hai.
PDF/HTML Page 1740 of 1906
single page version
aṁtarameṁ kaise sādhanā karanī, ātmāko pahacānanā, andar-se bhedajñān karanā, vah sab apane hāthakī bāt hai. bāharakā kuch apane (hāthameṁ nahīṁ hai). unako jo ruci thī vah unake sāth lekar gaye. bākī āyuṣya kaise pūrṇa ho, vah to kisīke hāthakī bāt nahīṁ hai. āpake gharameṁ to sabako pahale-se saṁskār hai aur unako bhī saṁskār the. ve to saṁskār lekar gaye. āyuṣya usī prakār pūrā honevālā thā, vaise hī hotā hai.
mumukṣuḥ- aisī koī āśātanā kī ho yā dūsarā kuch huā ho, isaliye ākhirameṁ aisā hotā hai?
samādhānaḥ- nahīṁ, aisā kuch nahīṁ hai. vah to pūrvameṁ āyuṣyakā bandha vaise paḍā hotā hai. āyuṣya amuk prakār-se, amuk jātakā ban̐dhā ho us prakār-se āyuṣya pūrā hotā hai. koī aiese pariṇām-se āyuṣyakā ban̐dh paḍā ho. choṭā āyuṣya, laṁbā āyuṣya vah sab āyuṣyakā ban̐dh hai, pūrvakā hai. vartamānakā kuch nahīṁ hotā.
aisā hai ki kitanoṁko samyagdarśan hotā hai. āyuṣyakā bandha jugaliyākā āyuṣyakā bandha paḍ gayā ho to jugaliyāmeṁ jātā hai. isaliye āyuṣyakā bandha hai usako badalā nahīṁ jātā. aisā kahate haiṁ ki āyuṣyakā bandha aisā paḍā? unako itanī ruci thī to bhī is tarah deh chūṭā? kahā, usameṁ koī vartamānakā kāraṇ nahīṁ hai. vah to pūrvameṁ āyuṣyakā bandha us prakārakā paḍā hotā hai.
mumukṣuḥ- ....rāstemeṁ ho gayā. koī saṁyog nahīṁ mile.
mumukṣuḥ- koī sunāye to hī bhāv rahatā hai?
samādhānaḥ- koī sunāye to hī bhāv rah sake aisā nahīṁ hai, svayaṁ khud rakh sakatā hai. andar yād ā jāya. jise ruci ho use aṁtarameṁ yād hī ā jātā hai, vedanā āye isaliye.
mumukṣuḥ- itanā prem thā...
samādhānaḥ- sabako dekhā thā na, isaliye apaneko aisā lage ki ye cunibhāīke putra hai. aisā ho na. vahān̐ prāṇabhāīke ghar āte-jāte the, isaliye dekhā thā. vahān̐ jāmanagar jāte the tab in sabako choṭe the us vakta dekhā thā. sabako ruci. cunibhāīko utanī ruci thī, isaliye sab laḍakoṁko bhī (ruci huyī).
mumukṣuḥ- buddhivān the. barābar parakh kare.
samādhānaḥ- janma-se yah ruci, kyoṁki cunibhāīko ruci thī isaliye gharameṁ sabako vahī ruci.
mumukṣuḥ- ...
samādhānaḥ- pūrvakā ho us anusāra. pūrva udayakā kāraṇ hai. aise hī koī saṁyog
PDF/HTML Page 1741 of 1906
single page version
ban̐dhe the. jīvane ananta janma-maraṇ kiye. usameṁ kitane jātake karmabandha paḍā hotā hai. kisīkā koī samayameṁ uday ātā hai. anek jātake uday āte haiṁ. aṁtar ātmākī ruci rakhanī vah ek alag bāt hai aur bāharake uday ek alag bāt hai. donoṁ vastu bhinna-bhinna haiṁ. andar duḥkh lage, parantu samādhān kiye binā koī upāy nahīṁ hai.
mumukṣuḥ- unakī ruci to bahut thī. kabhī-kabhī mere sāth bāt karate the. tab kahatī thī, acānak kuch ho jāyagā to naṭavar kaise kareṁge? hameṁ kaun sunāyegā? to aisā kahate the, aisī ḍhīlī bāteṁ kyoṁ karate ho? jāgr̥ti to apanī hai na, aisī ḍhīlī bāteṁ nahīṁ karanī.
samādhānaḥ- aisī bāt karate the?
mumukṣuḥ- hān̐, aisī bāt karate the. maiṁ kabhī kahatī thī..
samādhānaḥ- svayaṁko andar yād ā gayā ho. andar dabāv baḍhatā hai na, isaliye yād ā jāya.
mumukṣuḥ- tattva samajhe, pramodavāle the.
samādhānaḥ- kitane janma-maraṇ kiye. kitanoṁke sāth sambandha bān̐dhe, choḍe. manuṣya jīvanameṁ ātmākā kar lenā. aise prasaṁg dekhakar vairāgya utpanna ho aisā hai. kaise prasaṁg banate haiṁ. vairāgya āye aisī bāt hai. sunakar aisā huā, ye kyā acānak ho gayā?
mumukṣuḥ- māmākā patra āyā..
samādhānaḥ- andar apanī ruci aur saṁskār ho. ātmākī pahacān kaise ho, aisī gaharī ruci huyī ho, utanī aṁtarameṁ gaharī bhāvanā ho, to use bhaviṣyameṁ puruṣārtha utpanna hue binā nahīṁ rahatā. yadi andarameṁ gaharī ruci ho to. śāstrameṁ ātā hai ki tatprati prīti citten vārtāpi hī śrutāḥ. bhāvi nirvāṇ bhājanam, aisā ātā hai. prīti- se yadi is tattvakī bāt sunatā hai to bhaviṣyameṁ nirvāṇakā bhājan hai. prīti-se bāt sunatā hai usakā matalab use andar apūrvatā lage. gurudev aisī bāt batāyī, use apūrva rīte-se sunakar jisane grahaṇ kī ho, use aṁtarameṁ vartamānameṁ puruṣārtha na kar sake to bhī bhaviṣyameṁ usakā puruṣārtha cālū hotā hai. jisane aṁtarameṁ aise saṁskār ḍāle haiṁ ki mujhe ek ātmā hī cāhiye, dūsarā kuch nahīṁ cāhiye. ek ātmā taraphakī hī jise ruci hai. sacce dev-guru-śāstra aur andar ātmā, usakī jise ruci hai, use bhaviṣyameṁ puruṣārtha utpanna hue binā nahīṁ rahatā. sabako ruci hai. āyuṣyake āge kisīkā kuch nahīṁ calatā. samādhān kiye binā koī upāy nahīṁ hai. dev-guru-śāstrako hr̥dayameṁ rakhakar ātmā jñāyakakī pahacān kaise ho, vah karane jaisā hai. cakravartī aur rājā bhī saṁsār choḍakar ātmākā śaraṇ grahaṇ karate haiṁ. ātmākā śaraṇ hī saccā hai.
PDF/HTML Page 1742 of 1906
single page version
cattārī maṁgalaṁ, arihaṁtā maṁgalaṁ, sāhū maṁgalaṁ, kevalipaṇatto dhammo maṁgalaṁ. cattārī loguttamā, arihaṁtā loguttamā, siddhā loguttamā, sāhū loguttamā, kevalipaṇatto dhammo loguttamā.
cattārī śaraṇaṁ pavajjāmi, arihaṁtā śaraṇaṁ pavajjāmi, siddhā śaraṇaṁ pavajjāmi, kevalī paṇatto dhammo śaraṇaṁ pavajjāmi.
cār śaraṇ, cār maṁgal, cār uttam kare je, bhavasāgarathī tare te sakaḷ karmano āṇe aṁta. mokṣa taṇā sukh le anaṁt, bhāv dharīne je guṇ gāye, te jīv tarīne muktie jāya. saṁsāramāṁhī śaraṇ cār, avar śaraṇ nahīṁ koī. je nar-nārī ādare tene akṣay avical pad hoya. aṁgūṭhe amr̥t varase labdhi taṇā bhaṇḍāra. guru gautamane samarīe to sadāy manavāṁchit phal dātā.