PDF/HTML Page 643 of 1906
single page version
samādhānaḥ- .. chhaḥ mahine puruṣhārtha kare, parantu usakā puruṣhārtha kaisā hotā hai? usakī laganī kuchh alag hotī hai. bārambār abhyās kare. kamase kam jānanā chāhiye usakā artha prayojanabhūt dravya-guṇ-paryāyakā svarūp to prayojanabhūt hai. jo jānanemen āye vah sab prayojanabhūt hī hai. dūsarā kuchh na samajhatā ho to usake liye, main gnāyak hū̃n. yah sharīr bhinna hai, yah vibhāv merā svabhāv nahīn hai, main dravya ātmā shāshvat hū̃n. ananta guṇase bharā aur mujhamen paryāy hai. mere dravya-guṇ-paryāy bhinna hai aur dūsareke bhinna hai. mūl prayojanabhūt itanā hī jāne to usamen samyagdarshan hotā hai. parantu jyādā jāne to usamen koī nukasān nahīn hai.
main gnāyak jānanevālā ātmā hū̃n. yah vibhāv merā svabhāv nahīn hai. yah sharīr bhinna hai aur andar jo vibhāv hote hain, vah bhī merā svabhāv nahīn hai. main to shāshvat ātmā gnāyak hū̃n. main kabhī nāsh honevālā nahīn hūn̐, main shāshvat hū̃n. merī paryāy mujhamen mere kāraṇase hī pariṇamatī hai. usamen dūsarā koī kuchh nahīn kar sakatā. mūl prayojanabhūt utanā tattva jāne, usamen samyagdarshan hotā hai. jyādā jāne to usamen nukasān nahīn hai, lābhakā kāraṇ hotā hai. usakā mārga spaṣhṭa hotā hai.
mumukṣhuḥ- prayojanabhūtamen nav tattva, chhaḥ dravya..
samādhānaḥ- hān̐, vah ā jātā hai. nav tattva, chhaḥ dravya saba. tiryañch aise hain ki jinhen nav tattvake nām nahīn āte. chhaḥ dravyake nām nahīn āte. parantu use bhāv sab ā jāte haĩn. tiryañchako shabda nahīn āte. main jīv hūn̐, yah jānanevālā (hūn̐). yah ajīv hai. svayam apanemen puruṣhārtha karatā huā, yah vibhāv nāsh karane yogya hai, vah āsrav hai. vah bhāv usamen ā jātā hai. svayam apanemen sādhanā kare usamen samvar ā jātā hai. svayam visheṣh ugratā karake āge baḍhe usamen nirjarā hotī hai. tiryañchako yah sab bhāv usamen samā jāte haĩn. mokṣha-pūrṇa kevalagnān ho, pūrṇa mokṣha kevalagnān.. pūrṇa svarūpase prāpta... mere svarūpamen samā jāūn̐. yah sab bhāv usamen samā jāte haĩn. lekin vah to tiryañchako shabda nahīn āte hain, bhāv ā jāte haĩn.
parantu jo manuṣhya hai aur kṣhayopasham hai to vah sab jāne, usamen jyādā lābhakā
PDF/HTML Page 644 of 1906
single page version
kāraṇ hotā hai. usamen is pañchamakālamen jahān̐-tahān̐ jīv bhūl khātā hai. isaliye prayojanabhūt tattva jāne usamen bhūl khātā hai. usamen chāron orakā jāne to lābhakā kāraṇ hotā hai. jīv kise kahate hain? ajīv kise kahate hain? āsrav kise kahate hain? samvar kise kahate hain? sab samajhe to lābhakā kāraṇ hotā hai. nirjarā kise kahate hain? bandha, mokṣha ādi sab jāne to lābhakā kāraṇ hotā hai. vah sab prayojanabhūt hai. chhaḥ dravya, nav tattva. dravya-guṇ-paryāy anyake anyamen, mere mujhamẽn. main bhinna hū̃n. paradravya mujhe kuchh nahīn kar sakatā. main dūsarekā kuchh nahīn kar sakatā. main mere chaitanyadravyakī pariṇati karū̃n. dūsarekī kar nahīn sakatā. sab dravya svatantra haĩn. vah sab prayojanabhūt hai.
mumukṣhuḥ- muktikā mārga samajhāyā, phir bhī gurudevakī gairamaujūdagīmen yah sab takarār dikhatī hai, usamen mumukṣhuoṅko bahut duḥkh hotā hai.
samādhānaḥ- kāraṇ to sabakā svatantra kāraṇ hai. is pañcham kālamen sabake abhiprāy bhinna ho gaye haĩn. sabake abhiprāy alag ho gaye hain, isaliye hotā hai. sabake abhiprāy alag ho gaye haĩn. tattva to gurudevane chāron pahalūse samajhāyā hai. sabake abhiprāy alag ho gaye hai. isaliye hotā hai.
mumukṣhuḥ- satpuruṣhakī āgnāmen chalanekā koī vichāratā nahīn hai, usamense yah sab hotā hai. ek āgnāmen chalanā ho to isamen kahān̐ takarār ho aisā hai. satpuruṣhakī āgnā jaisā kuchh honā chāhiye ki nahīn honā chāhiye. kisīko kisīkī sunanī nahīn hai. sab kahate hain main hoshiyār hūn̐, vah kahatā hai, main hoshiyār hū̃n. ...
samādhānaḥ- gurudev virājate the to koī bol nahīn sakatā thā. manamen ho to bhī kuchh nahīn kar sakate the.
mumukṣhuḥ- samājamen dūsare jīvoṅko ruchi hotī ho aur aisā māhol sune to bāharase use aisā lage ki yah kyā hai? ānekā man ho to aṭak jāya.
samādhānaḥ- kyā ho sakatā hai? usakā koī upāy hai kyā? usakā koī upāy nahīn hai. gurudevake pratāpase... is pañchamakālamen gurudev jaise mahāpuruṣh padhāre, vah mahābhāgyakī bāt hai. sabako aisā tattva samajhāyā. phir aise matabhed ho jāy, vah sabakī yogyatākā kāraṇ hai. usamen kyā ho sakatā hai?
mumukṣhuḥ- gurudevakī āgnākā vichār bhī nahīn karate ho, aisī paristhiti hai.
samādhānaḥ- gurudevakā kyā abhiprāy thā, usakā vichār nahīn karatā. gurudevane kyā kahā hai, usakā vichār nahīn karatā aur svayaṅko dimāgamen jaisā lage, jahān̐ apanī ruchi hai, jo svayaṅko ṭhīk lage vah karatā rahatā hai.
mumukṣhuḥ- yogya-ayogyakā koī vichār nahīn hai.
PDF/HTML Page 645 of 1906
single page version
samādhānaḥ- antarakā karanā chhūṭ gayā hai. antaramen ātmākā karanā, bhavakā abhāv kaise ho? ātmāko muktikā mārga andarase kaise pragaṭ ho? andaramen yah karanā hai, usake bajāy bāharamen mānon main kuchh kar lūn̐, dūsarā mānatā hai ki mānon main kuchh kar lūn̐, aisā ho gayā hai.
mumukṣhuḥ- gurudevane jo mārga kahā hai, use chūk gaye. samājamen adhik prasiddhi prāpta karaneke liye... usamen gurudevakā virodh ho jātā hai.
samādhānaḥ- main dharmakī prabhāvanā karun̐ aur main dharmakī prabhāvanā karun̐, aisā ho gayā hai. tattva dr̥uṣhṭise koī kisīko badal nahīn sakatā. sabake abhiprāy bhinna-bhinna haĩn. abhiprāy bhinna ho gaye, vah kaise palaṭe? abhiprāy bhinna-bhinna ho gaye haĩn.
mumukṣhuḥ- abhiprāyamen virūddhatā miṭe nahīn, tab tak kaise vah log ṭhīk kar pāyeṅge? yahān̐ to koī bhī āye, kahān̐ kisīko nā hai.
samādhānaḥ- yah to gurudevakī bhūmi hai, sab ā sakate hain, aisā hai. kisīko pratibandha nahīn hai, koī nahīn āye aisā.
mumukṣhuḥ- yahān̐ aisā kuchh nahīn hai.
samādhānaḥ- aisā hai hī nahī̃n.
mumukṣhuḥ- koī pratibandha nahīn hai.
samādhānaḥ- yahān̐ ākar sab rahe haĩn. bāharagām̐vase gurudevakā lābh lene āye haĩn.
mumukṣhuḥ- anajānase anajān aur parichit sab āte hī haĩn.
samādhānaḥ- jisako ānā hai, vah apanī jignāsāse ā sakate haĩn. koī rokatā nahīn, koī kisīko kuchh kahatā nahī̃n. kuchh nahīn hai. (gurudevashrī) barason tak virāje. is bhūmiko pāvan kī hai. yahān̐kī bāt pūrī alag hai.
mumukṣhuḥ- gurudevakī gun̐j to bahut yād ātā hai.
samādhānaḥ- bhagavān ātmāmen kahān̐ rāg-dveṣh hai? bhagavān ātmā bhinna hai. lekin yah sab abhiprāy evan matabhedake kāraṇ yah sab ho gayā hai. sonagaḍhamen koī kisīko nahīn āne detā hai, aisā thoḍā hī nahai, sab āte haĩn. kisīko ānekā bandhan thoḍā hī hai.
tattva aisā samajhāyā. pahale to sab kriyāmen dharma mānate the. yah kriyā aur andar dr̥uṣhṭi (viparīt). vahān̐se gurudevane kitanā āge-āge jākar samajhāyā. dravya-guṇ-paryāyakī bātamen matabhed ho gaye. (tattva) to kahān̐ dūr paḍā rahā. gurudevane to kahān̐ tak sabako pahun̐chā diye haĩn. andar ātmākā karanekā bākī hai. apanā abhiprāy ho vaisā sab karate haiaĩn.
PDF/HTML Page 646 of 1906
single page version
mumukṣhuḥ- satpuruṣhakī divya vāṇī sunaneke bajāy, usamen matabhed khaḍe karake, rokaṭok karake svayaṅko jo lābh prāpta honā chāhiye, usakī jagah dūsarā sab hone lagā.
samādhānaḥ- .. vah to sthūl thā, gurudevane to sūkṣhma batāyā. usamen (matabhed) ho gaye.
mumukṣhuḥ- vāstavamen to antaramen svayaṅkā karanā thā, use chhoḍ diyā aur bāharamen sab lag gaye. yah karo aur vah karo.
samādhānaḥ- hān̐, bāharamen ā gaye. gurudev svayaṅkā karaneko kahate the.
mumukṣhuḥ- saṅkṣhepamen āpane bahut kah diyā.
samādhānaḥ- gurudev kahate hī the, antarakā grahaṇ kara. sahaj prabhāvanākā bhāv ho, alag bāt hai. phir is prakārakī takarār to nahīn honī chāhiye.
mumukṣhuḥ- yahān̐ kisakā pratibandha hai? yahān̐ āneke liye kaun rokatā hai? abhiprāy bhinna paḍ gaye ho, gurudevane jo kahā hai, vah karanā nahīn hai aur apane-apane abhiprāyase bhinna-bhinna (bāt karake) aisā karo, aisā karo. aise matabhed ho jāte haĩn. koī kyā kare?
samādhānaḥ- ... yah gurudevakī bhūmi hai. jise-jise bhāvanā hotī hai, vah sab āte haĩn. matabhed achchhā nahīn lagatā. shāntise... lekin kyā ho sakatā hai? koī upāy hī nahīn hai.
mumukṣhuḥ- ... bahut mahenat karake nāmamen thoḍā ṭhīk kiyā to phir vāpas...
samādhānaḥ- gurudevashrīkā abhiprāy andar ūtāre to hotā hai.
mumukṣhuḥ- āp sab āīye, ... kuchh kare. ... siddhāntik viṣhay hai.
samādhānaḥ- gurudev gaye hī nahī̃n. ... kitanā prakāsh kiyā, usake sāth dūsarekā mel kahān̐-se ho? gurudevane mārga prakāshit kiyā, usake sāth dūsarekā mel kahān̐se ho? vah pūrā sampradāy judā. unakā mārga to unhonne bhinna hī prakāshit kiyā.
mumukṣhuḥ- āgnā jaisā viṣhay samajhamen nahīn ātā hai, dūsarī kaun-sī bāt samajhamen ātī hogī? ... kisī bhī bātakā vichār karanekā prashna kahān̐ hai? maryādā bināke vichār kahān̐ tak le jāte haĩn.
samādhānaḥ- ... mārga grahaṇ kiyā, aisā mārga milā, gurudevane yah samajhāyā. dharmakī prabhāvanā karaneke liye apanā abhiprāy rakhaneke liye maryādā bāhar pahun̐ch jānā. maryādā chhoḍakar.... jitanī apanī bhāvanā ho... maryādā bāhar chale jānā? kahān̐ jānā hai yah mālūm nahīn paḍatā. virodhamen kahān̐ tak pahun̐ch jānā, vah bhī mālūm nahīn paḍatā. svayam apanā karanā. bāhar sab apane abhiprāy anusār ho jānā chāhiye, us prakārake virodhamen
PDF/HTML Page 647 of 1906
single page version
pahun̐chakar jīv ātmākā karanā bhūl jātā hai aur bāharakā sab ho jātā hai.
mumukṣhuḥ- aisā hī hai.
samādhānaḥ- bāharamen kahān̐ tak pahun̐ch jānā, usakā koī vichār nahīn ātā hai.
mumukṣhuḥ- dravyārthikanay dvārā dekh to tujhe dravya hī gnāt hogā. is viṣhayamen āp thoḍī spaṣhṭatā karẽn.
samādhānaḥ- dravyārthik chakṣhuse dekhe to sab dravya hī dikhatā hai, paryāyārthikako banda kare, us chakṣhuko banda kare. anādi kālase jīvakī paryāy par dr̥uṣhṭi hai. us dr̥uṣhṭiko banda karake dravyako dekhe to dravya hī dikhatā hai. paryāy usamen nahīn hai, aisā usakā artha nahīn hai. dravya par dr̥uṣhṭi jīvane anādi kālase nahīn kī hai. dravyako pahachānā nahīn hai. dravya anādi shāshvat hai. ātmāmen ananta shaktiyān̐ haĩn. ātmā ananta guṇonse bharā dravya shāshvat (hai). kabhī us dravya par dr̥uṣhṭi nahīn kī hai aur paryāy par dr̥uṣhṭi karake hī bhaṭakā hai. isaliye tū dravya par dr̥uṣhṭi kar to dravya hī dikhāī degā. dravyakī dr̥uṣhṭimen dravya dikhāī detā hai. aur dravyadr̥uṣhṭikī mukhyatāse āge baḍhā jātā hai. isaliye usamen paryāy nahīn hai, aisā usakā artha nahīn hai. paryāyakā gnān nahīn karanā, aisā usakā artha nahīn hai.
vastu svarūp jaisā hai vaisā jānanese muktikā mārga yathārtha sādhya hotā hai. jaisā hai vaisā jānanā chāhiye. paryāyamen vibhāv hai, paryāy anādikālase hai hī nahīn, aisā nahīn hai. vibhāv yadi ho hī nahīn to use ṭālanekā prayatna kyon kiyā jātā hai? to karanā hī nahīn rahatā hai. paryāy hai, paryāyamen vibhāv hotā hai, lekin use ṭālaneke liye dravya par dr̥uṣhṭi kare. usakā bhedagnān kare to āge jāyā jātā hai. main chaitanya anādi shāshvat hū̃n. parantu dravyamen paryāy hī nahīn hai (aisā nahīn hai). usamen shuddha paryāyen hotī haĩn. dravya par dr̥uṣhṭi karanese shuddha paryāyen pragaṭ hotī hai. aur andar sādhanā-darshan, gnān, chāritra ratnatray pragaṭ hote haĩn. samyagdarshan dravya par dr̥uṣhṭi karanese hotā hai, lekin usamen gnān sab honā chāhiye.
samyagdr̥uṣhṭike sāth samyaggnān hotā hai. samyaggnānamen sab jānanemen ātā hai. yah dravya hai, yah guṇ hai, yah paryāy hai, yah ashuddha paryāy hai, yah shuddha paryāy hai. dravya par dr̥uṣhṭi kare, isaliye paryāyako nikāl denā aisā usakā artha nahīn hai. dravyārthik chakṣhuse dravya (dikhāī detā hai). phir aisā ātā hai ki, paryāyārthik chakṣhuse dekhā jāy to paryāy dikhāī detī hai. paryāy nahīn hai, aisā usakā artha nahīn hai.
mumukṣhuḥ- barābar hai, param satya.
samādhānaḥ- dravya par dr̥uṣhṭi kar, paryāyakā gnān kara. paryāyamen jo ekatva buddhi
PDF/HTML Page 648 of 1906
single page version
(ho rahī hai), dravyako bhūl gayā hai, us dravyako pahachāna. paryāyako gauṇ karake āge jāya. paryāyakā gnān hotā hai ki main dravya hū̃n. usamen guṇ hai, paryāy hai, vibhāvaparyāy, svabhāv paryāy hai. bhedagnān kare isaliye andar samyagdarshanakī paryāy pragaṭ hotī hai. samyagdarshanakī paryāy bhī paryāy hai. andar chāritrakī paryāy hotī hai, vah bhī paryāy hai. usakā to vedan svayaṅko hotā hai.
isaliye usamense paryāy nikāl denā, aisā artha nahīn hai. parantu usamen sarvasva mānā hai. dravyako bhūl gayā hai, isaliye dravyako pahachān, dravya par dr̥uṣhṭi kar, aisā kahanā hai. dravyako mukhya karake paryāyako gauṇ kara. parantu sādhak dashāmen munidashā pragaṭ hotī hai, chāritra dashā pragaṭ hotī hai, vah sab paryāy hai. dravya par dr̥uṣhṭi karanese shuddha paryāyen pragaṭ hotī hai.
mumukṣhuḥ- koī jagah gurudevane aisā kahā ki, dravyako grahaṇ kara. aur pravachanasāramen aisā kahā ki paryāyachakṣhu banda kar, usamen kyā apekṣhā hai?
samādhānaḥ- gurudevakā kahanā vahī hai. pravachanasāramen hī aisā ātā hai ki dravyārthik dr̥uṣhṭise dekhane par dravya dikhāī detā hai. paryāyachakṣhuko banda kar, matalab paryāyachakṣhukā gnān mat kar, aisā usakā artha nahīn hai. paryāyakī or dekhanā banda kar aur dravya par dr̥uṣhṭi kar, aisā kahanā hai. isaliye use nikāl denā aisā artha nahīn hai. gurudev to sab bāt karate hain, dravya par dr̥uṣhṭi kara. dravyako dekh, paryāyakā gnān kar (ādi) sab gurudevamen to ātā hai. unakī vāṇīmen sab ātā hai.
ekānta karegā to shuṣhka ho jāyagā, aisā bhī gurudevakī vāṇīmen ātā hai. puruṣhārtha kisakā karanā? aisā bhī ātā hai, gurudevakī vāṇīmẽn. sab ātā hai. usakā mel karanā paḍatā hai. anādi kālase paryāy par dr̥uṣhṭi hai, isaliye us chakṣhuko banda kar aur dravyako dekha.
mumukṣhuḥ- paryāyachakṣhu ko banda karate hain to aisā hotā hai, paryāy to hai. samādhānaḥ- paryāy to hai, paryāy nahīn hai, aisā nahīn hai. paryāy nikal nahīn jātī. us par dr̥uṣhṭi kara. dravya par dr̥uṣhṭi karanese dravya dikhatā hai, paryāy par dr̥uṣhṭi karanese paryāy dikhatī hai. usakā mel kara. dravyakā kyā svabhāv hai, paryāyakā kyā svabhāv hai? dravyakī mukhyatā karake paryāyako gauṇ karake gnānamen sab jān aur sādhanā kar, aisā kahanā hai.