PDF/HTML Page 649 of 1906
single page version
mumukṣhuḥ- shuddhanayakā viṣhay trikālī dravya niṣhkriy māne kyā?
samādhānaḥ- shuddhanayakā viṣhay trikālī niṣhkriy yānī usamen ek paramapāriṇāmikabhāv dravya anādiananta hai. us par dr̥uṣhṭi kar, aisā kahanā hai. shuddhanayakā viṣhay paramapāriṇāmikabhāv hai. niṣhkriy arthāt un sabakā ek hī (bhāv) hai, usamense paryāy nikal nahīn jātī. tū ek svarūp ātmā hai, us par dr̥uṣhṭi kar, bas, aisā hī kahanā hai. usamen paryāy hai, parantu tū dravyako pahachānatā nahīn hai. us par dr̥uṣhṭi kara. ek shuddhanayakā viṣhay ek dravyakī mukhyatā hai. niṣhṣhkriy ek dravyadr̥uṣhṭi, usamen kisī bhī prakārakā pheraphār nahīn hai. pheraphār rahit ek dravya anādiananta hai, use tū pahachān, aisā kahanā hai.
isaliye usamen paryāyakī pariṇati athavā usamen koī kārya hī nahīn hotā hai, aisā usakā artha nahīn hotā. siddha bhagavānamen pariṇati hai. siddha bhagavānamen bhī paryāyen hotī haĩn. unamen bhī gnānakī, darshanakī, chāritrakī sab paryāyen siddha bhagavānamen haĩn. usamense nikal nahīn jātī. dravya-guṇ-paryāy vah vastukā svarūp hai.
ek dravyako pahachān, dravya par dr̥uṣhṭi kara. dravyakā ālamban le. dravya par dr̥uṣhṭi karanese, usakā ālamban lenese us par jor ātā hai. jo paryāy palaṭatī hai, us par āshray nahīn liyā jātā. āshray dravya jo anādiananta shāshvat sthir hai, usakā āshray liyā jātā hai. jo palaṭatā rahatā hai, usakā āshray nahīn liyā jātā. lekin usamense paryāy nikal nahīn jātī. siddha bhagavānamen pariṇati hotī hai. kevalagnānakī paryāy, gnān, darshan, chāritra ādi sab paryāy siddha bhagavānamen haĩn. paryāy rahit dravya hai hī nahī̃n. paryāy rahit dravyakā svīkār karatā hai, vah dravyakā svarūp jānatā nahīn hai. paryāy rahit dravya hotā hī nahī̃n.
parantu paryāyako mukhya karake dravyako bhūl jātā hai. anādi kālase paryāyakī mukhyatā karake dravyako bhūl gayā. isaliye jisakā āshray liyā jātā hai, aisā āshrayabhūt jo dravya hai, us dravyako bhūl gayā. isaliye dravyakī mukhyatā karake dravyakā āshray le. paryāyakā āshray nahīn liyā jātā. paryāyako khyālamen rakh, usakā gnān kara.
mumukṣhuḥ- paryāyako gauṇ karatā hai, paryāy kahīn chalī nahīn jātī.
PDF/HTML Page 650 of 1906
single page version
samādhānaḥ- paryāy vastumense chalī nahīn jātī. vibhāv chhūṭ jātā hai. kyoṅki vibhāv apanā svabhāv nahīn hai. parantu shuddha paryāy to svayammen rahatī hai.
mumukṣhuḥ- andar jo ulajhan thī, vah sab nikal gayī. bahut spaṣhṭatā (ho gayī).
samādhānaḥ- usakā svarūp, chaitanyakā vastukā svarūp koī adbhut hai. āshcharyakārī hai. usakā mel karake samajhanā. to hī muktikā mārga yathārthapane sadhatā hai. samajhanemen dūsarā pahalū samajhe hī nahīn aur nikāl de to yathārtha nahīn ātī. kahān̐ jor denā hai, kahān̐ gauṇ karanā hai, vastuke svarūpako nikāl nahīn denā chāhiye. ... hai, parāshrit bhāv hai, ātmākā svabhāv nahīn hai.
dravyakī dr̥uṣhṭise svabhāv sadhatā hai. lekin usamen shuddha paryāyen pragaṭ hotī hain, usakā vedan svayaṅko hotā hai. vah shuddha paryāy chaitanyase bhinna nahīn hai. sarvānshase sarva prakārase vah bhinna rahe athavā dūsare dravyakī bhān̐ti bhinna alag hai, aisā nahīn hai. chaitanyake āshrayase hī vah paryāy pragaṭ hotī hai aur chaitanyako hī usakā-shuddha paryāyakā vedan hotā hai. rāgakī paryāy to vibhāv paryāy hai. kṣhetra to usakā ek hai, vah kahān̐ bhinna hai? vibhāv apanā svabhāv nahīn hai. vah to usakā nimitta jaḍ hai. bākī jo chaitanyamen paryāy hotī hai, vah dūsare kṣhetramen nahīn hotī hai, rāgakī paryāya. apekṣhāse kahanemen ātāaihai.
nimittase hotī hai, jaḍ karmake nimittase hotī hai, isaliye usakā kṣhetra bhinna hai, aisā kahanemen ātā hai. sarva prakārase vah jaḍamen nahīn hotī hai. rāgakī paryāyako vah ṭāl nahīn sake, yadi jaḍamen hotī ho to. svayaṅko rāgakī paryāyakā vedan hotā hai. to vah jaḍ hai kyā? apanā svabhāv nahīn hai, isaliye us apekṣhāse, karmake nimittase huyī isaliye use pudagalamen ḍālakar pudagal kahanemen ātā hai. sarva prakārase vah jaḍake kṣhetramen nahīn hotī hai. vah to apanī pariṇatimen hotī hai. use svayam ṭāl sakatā hai. usakā svabhāvabhed hai. svabhāvabhed hai isaliye use anya kṣhetrakī kahī jātī hai. sarva prakārase vah anya kṣhetrakī nahīn hai. apanī paryāy apanemen vibhāv paryāy hotī hai.
samādhānaḥ- ... gurudevane mārga kahā hai, vah karanekā hai. is pañchamakālamen guruedav padhāre aur muktikā mārga spaṣhṭa kiyā hai. koī jānatā nahīn thā. is pañchamakālaman bāhya dr̥uṣhṭi thī. gurudevane antar dr̥uṣhṭi karavāyī. muktikā mārga, svānubhūtikā mārga, munikī dashā, kevalagnān ityādi sab gurudevane pragaṭ kiyā hai. ātmākī jignāsā, antarase lagan lage, sachamuchamen lagan lage to pragaṭ hue binā nahīn rahatā. parantu jīvako lagan lagānī, antaramen ruchi ho, tattvake vichār karake antaramen gnāyak kaun hai? svayaṅkā svabhāv kyā hai? antaramense nakkī kare ki main jānanevālā gnāyak hī hū̃n. yah jaḍ sharīrādi merā svarūp nahīn hai.
sharīr, man, vachan ādi sab jaḍ padāthāse main bhinna hū̃n. yah vibhāvasvabhāv, shubhāshubh
PDF/HTML Page 651 of 1906
single page version
bhāv bhī merā svarūp nahīn hai. usase bhinna paḍakar, antarase bhinna paḍakar, vikalpase bhāvanā bhāve alag bāt hai, antarase bhinna hokar bhedagnān kare to muktikā mārga pragaṭ hotā hai. bhedagnān karake antarase līn ho, usakī shraddhā, usakā gnān aur līnatā kare to svānubhūti pragaṭ hotī hai. usake liye usakī laganī, jignāsā, bārambār chaitanyakī mahimā āve, chaitanyakī ruchi lage, chaitanyatattvakā yathārtha svarūp pahachāne aur vibhāvase virakti ho to antaramen pariṇati jhuke, to hotā hai. bāharamen dev-guru-shāstrakī mahimā, shubhāshubh bhāv donon vibhāv hain, phir bhī shubhabhāvommen dev-guru-shāstrakī mahimā āye binā nahīn rahatī aur antaramen shuddhātmākī ruchi.
sab vibhāvase ātmā bhinna hai, aisī shuddhātmākī ruchi andar honī chāhiye. usakī lagan aur jignāsā lagāye to hue binā nahīn rahatā. kṣhaṇ-kṣhaṇamen usakī lagan, jignāsā ho to hotā hai. puruṣhārthake binā nahīn hotā. gurudevane puruṣhārtha karaneko kahā hai. chār gatikā abhāv andar svayam puruṣhārtha kare to hotā hai. jīv bāharamen aṭakā hai, antaramen dr̥uṣhṭi nahīn kī hai. antar dr̥uṣhṭi svayaṅko pahachāne to hotī hai.
mumubhuḥ- āpake āshīrvāedase hamārā .. ho jāyagā. samādhānaḥ- svayam andar puruṣhārtha kare to hotā hai. jo bhagavānako pahachāne vah svayaṅko pahachāne, gurudevako pahachāne vah svayaṅko pahachāne. āshīrvād kahān̐ lāgū paḍate hain? svayam taiyārī kare to āshīrvāed lāgū paḍe. parase hotā nahīn, svayam kare to hotā hai.
mumukṣhuḥ- gr̥uhastha dashāmen rahakar apaneko shānti lenī hai to le sakate hai ki nahīn le sakate hain? gr̥uhastha dashāmen rahate hue bhī ātmāmen shānti mile, aisā koī upāy batāīye.
samādhānaḥ- gr̥uhasthāshramamen rahakar bhī ātmākā svarūp pahachānā jātā hai. gr̥uhasthāshramamen rahakar (ho sakatā hai). gr̥uhasthāshram andar ātmāmen ghus nahīn gayā hai. andar shuddhātmākī ruchi lage, usakī lagan lage to gr̥uhasthāshramamen bhī hotā hai. chakravratī, rājā ādi sab gr̥uhasthāshramamen rahakar bhinna rahate the. andarase ātmākī-gnāyakakī dashā pragaṭ karate the, bhedagnānakī dhārā pragaṭ karate the. gr̥uhasthāshramamen rahakar bhī muktikā mārga shurū hotā hai, svānubhūti pragaṭ hotī hai. āge līnatā baḍhāneke liye munidashā ātī hai. bākī samyagdarshan to gr̥uhasthāshramamen bhī hotā hai. andarase bhinna rahe to hotā hai. andar utanī svayaṅko jignāsā lage aur bhedagnān kare to gr̥uhasthāshramamen bhī hotā hai.
mumukṣhuḥ- mātājī! ruchiko kaise baḍhānā chāhiye?
samādhānaḥ- puruṣhārtha kare to hotā hai. ruchi bhī svayaṅko hī baḍhānī hai. tattvagnān svayaṅko karanā hai, ruchi svayaṅko baḍhānī hai, lagan svayaṅko lagānī hai, sab svayaṅko karanā hai. gurudevakī vāṇī prabal nimitta hai, parantu karanā svayaṅko hai. puruṣhārtha svayam
PDF/HTML Page 652 of 1906
single page version
kare to hotā hai.
mumukṣhuḥ- ātmākā chintavan-vichār karate raheṅge to ātmākī laganī lagegī, aise chintan vichār karanese?
samādhānaḥ- chintan, vichār kare lekin antaramen laganī to svayam lagāye to hotā hai.
mumukṣhuḥ- āp kahate ho tab to bahut āsān lagatā hai ki, ātmā main aisā hū̃n. lekin pariṇamanamen kaṭhin lagatā hai.
samādhānaḥ- svayam svabhāv hai isaliye sulabh hai. svayam hī hai, anya nahīn hai. svabhāvase sulabh hai, svabhāv usakā hai. parantu ananta kālase anādikā abhyās hai isaliye kṣhaṇ-kṣhaṇamen pariṇati vibhāvakī or jātī hai, ekatvabuddhi ho rahī hai. isaliye durlabh ho gayā hai. anādise jo vibhāvakā abhyās chal rahā hai, usamense bhinna honā use durlabh lagatā hai. svabhāvase sulabh hai.
mumukṣhuḥ- .. to kalyāṇ ho jāyagā. aisā avasar, aise bhāvi tīrthaṅkar, bhāvi gaṇadhar mile, is pañchamakālamen... janma saphal ho gayā.
samādhānaḥ- pañchamakālamen gurudev padhāre, tīrthaṅkarakā dravya. mahābhāgyakī bāt ki gurudevakā sānnidhya milā. 45-45 sāl vāṇī barasāyī. ... bahut spaṣhṭa kiyā.
mumukṣhuḥ- ... ātmā dikhatā nahīn hai, to ātmā kaise dikhe? aisā pūchhate haĩn.
samādhānaḥ- andherā dikhatā hai,... ātmā jānanevālā gnāyak hai, use pahachāne to andherā yā prakāsh, yah prakāsh bāharakā aur andherā bhī jaḍakā hai. andar gnānamen jānanevālā hai use dekhe to vah andhakār nahīn hai, parantu andar jānanevālā hai, andar jānanevālī jyāti hai, use pahachāne to hotā hai. vah bāharase dekhatā hai. charma chakṣhuse dekhe to andherā dikhatā hai aur prakāsh dikhatā hai. andar dekhe ki gnāyak jānanevālā kaun hai? use pahachāne to vah gnānakī jyoti hai. jo andar jānanevālā hai, yah sab vikalpoṅko jānanevālā, sukh-duḥkhako jānanevālā hai, andaramen jānanevālā hai, vedan hai, us vedanake pīchhe jo jānanevālā hai, vah svayam hai. jānanevālī jyāti andar hai. jānanevālemen sab bharā hai. ananta sukh aur ananta ānanda, gnān sab jānanevālemen ananta guṇ bhare haĩn. andar jānanevālā hai.
samādhānaḥ- ... ashubhase bachaneko shubhabhāv āte hain, parantu andar ātmāko pahachānaneke liye to andar sachchā gnān, sachchā vairāgya, mahimā sab antaramen honā chāhiye. shubhabhāvase puṇya bandhatā hai. parantu ātmāko pahachāne to muktikā mārga pragaṭ hotā hai. ashubhase bachaneko shubhabhāv āve, lekin ādaraṇīy to ek shuddhātmā hai.
mumukṣhuḥ- mātājī! āj sabane nandīshvaramen pūjā kī, darshan kiye, phir sab dekhā.
PDF/HTML Page 653 of 1906
single page version
un logoṅko abhī shurūāt hai, isaliye prashna pūchhā ki akr̥utrim jinālay kaise? manuṣhyane to kiye hī nahīn hai na. shāshvat hai.
samādhānaḥ- pudagalake paramāṇu vaise... kudaratī rachanā ho jātī hai. bhagavānakī mahimā aisī hai. jagatamen jaise bhagavān sarvotkr̥uṣhṭa hain, vaise bhagavānakī pratimā bhī sarvotkr̥uṣhṭa kudarat batā rahī hai. mandiron, pratimāen̐ sab shāshvat haĩn. jaise yah parvat ādi kisīne banāye nahīn hain, vah to kudaratī hai. jaise parvat, samudra ādi kisīne banāyā nahīn hai. vaise mandiron bhī kudaratī haĩn. bhagavān bhī kudaratī hai. pudagalake paramāṇu us prakārase ratnakī pratimārūp pariṇamit hokar (rachanā huyī hai). kudaratamen shāshvat kisīne banāyā nahīn hai.
mumukṣhuḥ- sab ratnamaṇike hote hain na?
samādhānaḥ- hān̐, ratnamaṇike.
mumukṣhuḥ- aur 500 dehamānake.
samādhānaḥ- 500 dehamānake, 108 pratimāen̐.
mumukṣhuḥ- ek mandiramen? ek mandiramen 108?
samādhānaḥ- aisā hai.
mumukṣhuḥ- arthāt unakā kabhī virah nahīn hotā, chāhe jo bhī kāl ho to bhī.
samādhānaḥ- vah to shāshvat haĩn. nandīshvaramen, merumen sab shāshvat haĩn.
mumukṣhuḥ- bhavanavāsīke, ūparake sab...
samādhānaḥ- hān̐, bhavanavāsīmen hai, vyantaramen hai, jyotiṣhīmen, vaimānikamen sabamen hai. usamen koī jaghanya mandir, koī madhyam, koī utkr̥uṣhṭa (hote hain). kisīkā nāp baḍā, koī chhoṭe aise hote haĩn.
mumukṣhuḥ- usakā matalab sarvagnakā kabhī virah nahīn hai, aisā usamense samajhanā?
samādhānaḥ- sākṣhāt tīrthaṅkar to sadā shāshvat haĩn. jo tīrthaṅkar virājate hain, bīs viharamān, ve to videhakṣhetramen virājamān hote hī haĩn. unakā bhī kabhī virah nahīn hotā.
mumukṣhuḥ- unakā kabhī virah nahīn hotā.
samādhānaḥ- hān̐, bīs viharamān bhagavān hote hī rahate haĩn. aur yah kudaratamen jo pratimāen̐ hain, vah bhī shāshvat rahate haĩn. usakā kabhī virah nahīn hotā.
mumukṣhuḥ- ātmākā svarūp bhī shāshvata.
samādhānaḥ- ātmā shāshvat hai. ātmākā svarūp shāshvat hai. use bhī kisīne nahīn banāyā hai. ātmā bhī shāshvat hai. ātmāko kisīne banāyā nahīn hai, bhagavānakī pratimā kisīne nahīn banāyī hai. ātmāko kisīne banāyā nahīn hai. vah bhī shāshvat hai, gnānasvarūp ātmā bhī shāshvat hai. use pahachāne to pragaṭ hotā hai. pahachānatā nahīn hai isaliye pragaṭ
PDF/HTML Page 654 of 1906
single page version
nahīn hotā hai. bhrāntike kāraṇ anādi kālase bhav karatā rahatā hai, bhavakā bhramaṇa. ātmāko pahachāne to bhavakā abhāv hotā hai.
yah ātmā shāshvat hai, use pahachāne, usakā bhedagnān kare, us par dr̥uṣhṭi kare, usakā gnān kare, usamen līnatā kare to vah pragaṭ hotā hai. lekin bāhya dr̥uṣhṭi hai, pratīt bāhar karatā hai, gnānakā upayog sab bāhar jātā hai, līnatā sab bāharamen karatā hai. antaramen jātā nahīn hai, isaliye ātmā pahachānā nahīn jātā.
mumukṣhuḥ- gurudevake pās, āpake pās sune tab to aisā lagatā hai, oho..! ātmā to atyant karīb hai. lekin jaise hī bāhar nikalate hain, ātmā kahān̐ kho jātā hai. hamāremen kyā kṣhati hai use samajhanā chāhiye.
samādhānaḥ- ātmā to apane pās hī hai. anādikā abhyās hai, isaliye upayog bāhar chalā jātā hai. bāharamen ras hai, utanā ātmākā ras nahīn lagā hai. ātmākī mahimā nahīn lagī hai. ātmā sarvotkr̥uṣhṭa hai, aisā lagā nahīn hai. bāharakā ras hai. māno bāharamen sabakuchh rasamay kyon na ho, aisā use lagatā hai. bāharakā sab sukhamay, rasamay lagatā hai. antar ātmā sukhamay aur rasamay lagatā nahīn hai. usakī shraddhā nahīn hotī hai, isaliye bāhar dauḍ jātā hai. shraddhā hotī hai to ūpar-ūparase shraddhā karatā hai, andar gaharāīmen jākar shraddhā kare to antaramen puruṣhārtha hue binā rahatā nahī̃n.
mumukṣhuḥ- vaise to ātmākī upalabdhi sahaj sādhya hai aisā bhī kahanemen ātā hai, prayatna sādhya hai aisā bhī kahanemen ātā hai. to donoṅkā mel kaise hai?
samādhānaḥ- usakā svabhāv hai, isaliye sahaj sādhya hai. vah bāharase nahīn ātā, antaramen sahaj hai. parantu anādikā abhyās bāharakā hai, isaliye prayatna apanī or kare to hotā hai.
mumukṣhuḥ- karanā paḍe.
samādhānaḥ- prayatna kare to hotā hai, aise hī nahīn ho jātā. sahaj hai. apane pās hai, sahaj hai. vah, bāharakā koī sādhan mile (to hotā hai), aisā nahīn hai. svayam sahaj hai, prayatna kare to hotā hai. sādhan bāharake hote hain-dev-guru-shāstra. anādikālase ātmāko pahachānā nahīn hai, isaliye usake sādhan dev-guru-shāstra haĩn. anādise pahachānā nahīn hai, isaliye pahale use ek bār sva sanmukh honemen, samyagdarshan honemen, deshanālabdhi honemen jinendra dev, gurukā pratyakṣha upadesh mile to vah antaramen svayam svayaṅko pahachānatā hai, apanī or jātā hai. parantu puruṣhārtha svayanse karanā hai.
mumukṣhuḥ- lekin aisā nimitta bhī milanā chāhiye na?
samādhānaḥ- hān̐, nimitta-upādānakā sambandha aisā hai. anādi kālamen ek bār
PDF/HTML Page 655 of 1906
single page version
uuse jinendra dev aur guuru mile aur vah antaramen aisī ruchise sune to hotā hai. ruchise shravaṇ kare nahīn to ananta kālamen anek bār mile hain, to bhī andaramen apūrvatā nahīn lagī hai.
mumukṣhuḥ- upayogako bahirmukh rahanekī atishay ādat hai.
samādhānaḥ- ādat, anādikā abhyās hai, bāhar hī jātā hai, bāhar hī dauḍ jātā hai. use bārambār puruṣhārtha kar-karake, bārambār apanī or ānakā (prayatna karanā chāhiye). jaisā bāharamen sahaj jātā hai, vaisā antaramen svayam sahaj kare to apanī or ṭike. bāharamen kaisā dauḍ paḍatā hai. usamen use mahenat nahīn karanī paḍatī. kuchh karanā nahīn paḍatā, sahaj hī dauḍ paḍatā hai. vaise apanī or sahaj honeke bāvajūd jātā nahīn hai. bārambār usakā abhyās kare, usake binā ruche nahīn, usake binā suhāy nahīn, bārambār bāhar jāy to bhī bārambār main jānanevālā gnāyak hūn̐, yah svarūp merā nahīn hai. yah sab vikalpakā svarūp merā nahīn hai. aise bhedagnān karake bārambār us or yadi ādat ḍāle. lekin vah kab paḍatī hai? usakī mahimā lage to paḍatī hai. shuṣhkatāse bolanemātra yā raṭan karane hetu kare to nahīn hotā hai, usakī mahimā lage to hotā hai. use antaramense pahachāne to hotā hai.
mumukṣhuḥ- abhī to sab avasar, aise duṣhamakālamen aise gurudev, aisī vāṇī, āp vidyamān, aisā prabal aur samartha nimitta mile hain, ab kām to hamārī hī hin yogyatāke kāraṇ nahīn ho rahā hai.
samādhānaḥ- apane puruṣhārthakī mandatā hai. aise gurudev mile, itanī vāṇī barasāyī, chāron orase samajhāyā, kuchh bākī nahīn rahā, utanā samajhāyā hai. ātmākā svarūp, tattvakā svarūp spaṣhṭa kar-karake ātmākī svatantratā, dravya-guṇ-paryāyakā svarūp, nimitta- upādānakā svarūp chāron orase sab svarūp gurudevane spaṣhṭa kiyā hai. lekin puruṣhārtha svayaṅko karanā bākī rahatā hai. ātmākī svānubhūti, munidashā, kevalagnān sab spaṣhṭa kiyā hai. lekin svayam puruṣhārtha kare to hotā hai.
mumukṣhuḥ- vachanāmr̥utamen to bhāṣhā aisī hai ki in sabako bhī samajhamen ātā hai. itanā sundara. gurudevane us par utane pravachan diye. sachamuchamen to halavā taiyār ho gayā, hamāre liye.
samādhānaḥ- svayaṅko karanā bākī rahatā hai. utanī lagan lagānī, utanī jignāsā karanī, apanī kṣhati hai.