Benshreeni Amrut Vani Part 2 Transcripts-Hindi (simplified iso15919 transliteration). Track: 105.

PDF/HTML Page 656 of 1906
single page version

mumukṣhuḥ- jānanekā jo svabhāv kahā hai, vah bhī rāgakā kāraṇ hai, to usase visheṣh kyā?

samādhānaḥ- ... hone par bhī, anādise parakī or, parakī or ekatvabuddhi kī hai. isaliye par or jātā hai. jānanekā svabhāv hai, lekin svayam jānatā kahān̐ hai? gnāyak rahakar jānatā nahīn hai. jānanekā svabhāv hone par bhī svayaṅko pahachānatā nahīn hai. isaliye use mushkil ho gayā hai. rāgamen aṭak gayā hai. anādi kālase svayam gnāyak hone par bhī, svayam chaitanya hone par bhī vibhāvakī or ekatvabuddhi karake bhrāntimen paḍā hai. svayam svayaṅko bhūl gayā hai.

yah ek āshcharyakī bāt hai ki svayam svayaṅko chhoḍakar bāhar jātā hai. isaliye svayam svayaṅko jāne. gnāyak honeke bāvajūd udāsīn rahakar jānatā nahīn hai aur kartā hokar dūsareko main karatā hūn̐, karatā hūn̐, aisī kartr̥utvabuddhimen paḍā rahatā hai, gnāyak nahīn hotā hai. usakī svayaṅkī bhūl hai, bhrāntimen paḍā hai. jānaneke bāvajūd, svayam svayaṅko jānatā nahīn hai, yah ek āshcharyakī bāt hai. jānanekā puruṣhārtha kare to jān sake aisā hai.

mumukṣhuḥ- gnānako rāgake sāth ekamek kar letā hai.

samādhānaḥ- ekatvabuddhi, rāgamishrit gnān (hai). rāg bhinna hai aur main gnān bhinna hūn̐, aise bhinnatā kare to hotā hai. rāgake vikalpa āye, us vikalpake sāth rāgamishrit gnān (chalatā hai). rāg so main nahīn hūn̐, main gnān hū̃n. gnān so main, main pūrṇa gnāyak hū̃n. ekatvabuddhi chhūṭatī nahīn, gnāyak hotā nahī̃n. gnātā... kare so karatārā, jāne so jānanahārā. gnātā hotā nahīn aur kartābuddhi chhūṭatī nahī̃n. gnātā ho jā to kartābuddhi chhūṭe. kartāūbuddhi chhūṭe to gnāyak hotā hai. donon ekasāth rahe haĩn.

mumukṣhuḥ- ... sādhakakī paryāy, samayasārakī 15vīn gāthāmẽn. dravya evan bhāv jinashāsan sakal dekhe. vah gnānīkā bhāvashrut hai na?

samādhānaḥ- bhāvashruta. te jinashāsan dekhe khare. dravya temaj bhāv jinashāsan sakal dekhe kare. usakī pratham paṅkti kyā hai? dravya temaj bhāv jinashāsan sakal dekhe khare.

PDF/HTML Page 657 of 1906
single page version

bas, usamen pūre ātmākā svarūp ā gayā. abaddhaspr̥uṣhṭa-ātmā bandhā nahīn hai, sparshit nahīn hai. ātmā sāmānyase visheṣh ho nahīn jātā. ātmā niyat hai, aniyatarūp nahīn hai. samudrakā dr̥uṣhṭānta diyā. is vr̥uddhi-hānirūp ātmā mūl svabhāvase hotā nahī̃n. ātmā visheṣharūp anya-anya hotā nahī̃n. ātmā ananya (hai). anya-anya hotā nahīn, ekarūp hai. sab guṇoṅke bhed honeke bāvajūd abhed hai. aisā samānya hai. vibhāvake sāth (hone par bhī) vibhāvarūp hotā nahī̃n. aisā ātmā hai. aise ātmāko pahachāne to jinashāsan sakal dekhe khare. pūrā jinashāsan usamen ā jātā hai.

jaisā ātmākā svarūp hai, ātmā bandhā nahīn hai, ātmā sparshit nahīn huā hai, ātmā visheṣharūp hotā nahīn, ātmā anya-anya hotā nahīn, ātmā vr̥uddhi-hānirūp hotā nahī̃n. jaise agnike (sanyogase jal) uṣhṇarūp hotā hai. vaise ātmā shītalarūp hai. vibhāvakī uṣhṇatā usamen nahīn hai. sarva prakārase ātmākā svarūp pahachāne. dravyako (pahachāne) aur mūl dravya par dr̥uṣhṭi kare aur paryāyakā svarūp sāthamen pahachāne. vah jinashāsan sakal dekhe khare. aisā ātmākā svarūp yathārthapane pahachāne, usamen sab ā jātā hai. aisā sab honeke bāvajūd bhī svayam aisā abaddhaspr̥uṣhṭa hai.

usamen ātā hai na? kamalinīkā patra hai, vah jalase nirlep hai. usake samīp jākar dekhe to vah bandhā huā, sparshit huā dikhāī de. andar dekhe to bandhā huā, sparshit huā nahīn hai. bhūtārtha dr̥uṣhṭise dekhe to bandhā huā, sparshit nahīn huā hai. aur abhūtārthase dekhe to vah bandhā huā, sparshit huā dikhāī detā hai. isaliye use mūl vastu svarūpase dekh aur abhūtārtha dr̥uṣhṭise us rūp paryāyamen hai, lekin dravyadr̥uṣhṭise us rūp nahīn hai.

mumukṣhuḥ- aise ātmākā anubhav kara.

samādhānaḥ- aise ātmākā anubhav kara.

mumukṣhuḥ- vah jinashāsana.

samādhānaḥ- usamen samasta jinashāsan ā gayā. mūl vastuko jānī to samasta jinashāsan (ā gayā). pūrā muktikā mārga, svānubhūti sab ā gayā.

mumukṣhuḥ- .. munioṅko nahīn mān rahe hain, usakā javāb denā hamen nahīn ātā. dravyaliṅgī mithyādr̥uṣhṭi muni aur dravyaliṅgī samyagdr̥uṣhṭi, isake bāremen ābap khulāsā kar deṅge to merī shaṅkā miṭ jāyegī.

samādhānaḥ- dravyaliṅgī mithyādr̥uṣhṭi muni aur samyagdr̥uṣhṭi dravyaliṅgī muni to usamen kyā pūchhanā hai?

mumukṣhuḥ- jaise ājake jo muni hain, hamako dikhe to hamen vandanā karanā yā nahīn

PDF/HTML Page 658 of 1906
single page version

karanā, kaise..?

mumukṣhuḥ- vah āpake ūpar nirbhar hai. usakā tattva kyā hai vah... mumukṣhuḥ- shaṅkā jo hai, log bolate hain, hamako javāb denā nahīn ātā. mumukṣhuḥ- bolane do, javāb kyon de? apanā adhikār nahīn hai javāb denekā, apaneko samajh lenā.

samādhānaḥ- ... mithyādr̥uṣhṭi to ātmāko jānatā hī nahīn hai. sva-parakī ekatvabuddhi hai. ātmā bhinna hai, sharīr bhinna hai, vibhāv merā svabhāv nahīn hai. sabamen ekatvabuddhi mithyādr̥uṣhṭiko ho rahī hai.

sachche muni to chhaṭhṭhe-sātaven guṇasthānamen jhulanevāle haĩn. antarmuhūrta-antarmuhūrtamen svānubhūti hotī hai. yathārtha muni ho to. usako svānubhūti to hai nahī̃n. mātra bāharase veṣh dhāraṇ kar liyā. aur vartamānamen to pañch mahāvrat ādi jo shāstramen kahe hain, aisī kriyā bhī vartamānamen to nahīn hai. jo shāstramen (ātā hai ki) āhār kaise lenā, aisī kriyā bhī bāharamen nahīn hai, vartamān munimen to.

pahale chaturtha kālamen dravyaliṅgī muni to sab kriyā pāle, sab kare to bhī bhītaramen to ekatvabuddhi ho rahī hai. shubhabhāvase merā kalyāṇ ho jāyagā, shubhabhāvamen ruchi rahatī hai, aise muni hote hain to bhī vah muni to nahīn hai. vāstavik munikī dashā nahīn hai to vah muni nahīn hai. aur samyagdr̥uṣhṭi muni dravyaliṅgī bāharamen vesh dhāraṇ kar liyā aur samyagdarshan ho gayā. to samyagdarshan to hai, parantu use munikī dashā nahīn hai. munidashā nahīn hai, bāharamen vesh to hai, use munikī dashā nahīn hai. usako samyagdarshan to huā hai. bāharamen kaisā vyavahār karanā vah to apane itanā samajhanā ki vandan vyavahār kisako hotā hai? bhītaramen yathārtha dashā pragaṭ huyī ho, use vandan vyavahār hotā hai. sachche muniko ho sakatā hai.

mumukṣhuḥ- shāstrommen bhī aisā ātā hai, bahinashrī! kahate hain na ki pañchamakālake ākharī tak chaturvidh saṅgh rahegā, to?

samādhānaḥ- ākhīr tak rahegā, parantu vartamānamen to koī dikhāī nahīn dete. vah to apaneko parīkṣhā karanī paḍatī hai. vartamānamen koī dikhāī nahīn dete. hote hain, hote hain to kabhī-kabhī... koī hote ho to bhī vartamānamen dikhāī nahīn dete. aisā niṣhedh nahīn hai. hote hain, koī muni hote hain, lekin vartamānamen aiese dikhāī nahīn dete. usamen aisā koī kāl ā jātā hai to vartamānamen muni dikhāī nahīn dete. sachche muni nahīn dikhāī dete. pahale ho gaye, sab āchārya ho gaye, parantu vartamānamen koī dekhanemen nahīn āte. niṣhedh nahīn hai, pañchamakālake ākhir tak muni hote rahate hain, parantu bīchamen koī

PDF/HTML Page 659 of 1906
single page version

bār nahīn bhī hote hain, vartamānamen dikhāī nahīn dete. mārga batānevāle gurudev hue, unhonne mārga sachchā batāyā. parantu muni to vartamānamen koī dikhāī nahīn dete. kahān̐ ho, dikhāī nahīn dete.

mumukṣhuḥ- ho sakate hain, lekin dekhanemen nahīn āte.

samādhānaḥ- vartamān dekhanemen nahīn āte. vartamān koī kāl aisā ā jātā hai. abhī dekhanemen nahīn āte. ho sakate haĩn. pañchamakālake... hote haĩn.

mumukṣhuḥ- likhā huā hai vah bhī ṭhīk hai, parantu.. samādānaḥ- likā huā hai, barābar hai. vartamānamen koī-koī kāl aisā ā jātā hai. hote hain, nahīn hote hain, hote hain, nahīn hote haĩn. niṣhedh nahīn hai.

mumukṣhuḥ- namostu..

samādhānaḥ- namostu lekin kisako karanā? sachche dev-guruko namaskār karane hain na. bāharamen veṣh dhāraṇ kar liyā to kyā veṣhako namaskār hotā hai? aṣhṭapāhuḍamen kyā ātā hai? muni āchāryadev kahate hain, sachche muniko namaskār hote haĩn. kaise karanā, nahīn karanā, apane bhāv par ādhārit hai. lekin lābh to sachche muniko namaskār (karanese hotā hai). aṣhṭapāhuḍ shāstramen kundakundāchārya likhate hain, sachche muniko namaskār karanā. parīkṣhā karanā. parīkṣhā to karanī paḍatī hai.

mumukṣhuko jisako mokṣhakī ichchhā hove, jisako mokṣha, apanā kalyāṇ karanā hai, usako sab parīkṣhā karake grahaṇ karanā chāhiye. binā parīkṣhā kiye,... mokṣhakā svarūp kaisā hai? ātmākā svarūp samajhanā. yah sharīr merā nahīn hai, vibhāvasvabhāv merā nahīn hai. main gnāyak hū̃n. yah sab vichār karake parīkṣhā karake sab nakkī karatā hai. phir bāharamen sachche dev, sachche guru, sachche shāstra, sabakī parīkṣhā kare. jisako mokṣhakī ichchhā hove, vah parīkṣhā (karatā hai). itanā to kṣhayopasham milā hai. ātmārthī ho, ātmākā prayojan ho to itanī parīkṣhā to ho sakatī hai.

mumukṣhuḥ- munikī ... āchār koī bilakul pālate nahī̃n. jo aisā ho to .. ā jāte haĩn. bāhya .. to parīkṣhāmen kyā dikkat hai? ... usamen kyā .. ek bhī sachche batāo.

mumukṣhuḥ- .. usako to muni māneṅge ki nahīn māneṅge? mumukṣhuḥ- to usako praṇām nahīn karanā chāhiye. jo bāhya āchār ... ṭoḍaramalajīne kahā hai, samājamen kuchh virodh nahīn hove, isaliye koī dravyaliṅgī muni dravyaliṅgakā āchār barābar pālate ho, to...

samādhānaḥ- .. apane ūpar hai. bāharakī bāt hai na. kalyāṇ to apane svarūpako

PDF/HTML Page 660 of 1906
single page version

pahachāne tab hotā hai. main gnāyak hūn̐, main jānanevālā hūn̐, yah sab merā svarūp nahīn hai. shubhāshubh bhāvase main bhinna hū̃n. yah sharīr jaḍatattva hai, main jānanevālā ātmā hū̃n. yah kaise samajhamen āve? usakī jignāsā, usakī ruchi sab honā chāhiye. ashubhabhāvase bachaneke liye shubhabhāv sachche dev-guru-shāstrakī mahimā ātī hai, parantu mujhe shuddhātmā kaise khyālamen āve? main shuddhātmākā svarūp kaise pīchhānun̐? aisī pratīt, aisā gnān (karanā).

samyagdarshan ātmāmen hotā hai, samyaggnān ātmāmen hotā hai, samyakachāritra ātmāmen hotā hai. sab ātmāmen hotā hai. bāharase kuchh nahīn hotā, sab ātmāmen hotā hai. sāthamen shubhabhāvakā vyavahār hotā hai. pañch mahāvrat, aṇuvrat sab shubhabhāv hote haĩn. bhītaramen chāritra to svarūpamen svānubhūti hove tab chāritra hotā hai. samyagdarshan, svarūpakī shraddhā, gnān sab ātmāke āshrayamen hotā hai. usakī ruchi, jignāsā, bhāvanā sab karanā. usakī ruchi, tattvakā vichār ādi sab karanā. aise bhavakā abhāv ho sakatā hai. phir bāhar kyā karanā, nahīn karanā, vah sab samajhamen ā jāyegā. pahale bhavakā abhāv kaise ho, usakī laganī lagānī. tattvakā vichār karanā. yah sab to bāharakā hai. praṇām, nahīn praṇām sab bāharakā hai.

mumukṣhuḥ- .. samajhamen ā jāyagā to yah apaneāp ..

samādhānaḥ- ā jāyagā, sab ā jāyagā. usako vichār karanā chāhiye.

mumukṣhuḥ- ... vah to sochanā chāhiye na.

samādhānaḥ- .. to vichār karanā chāhiye. aisā paḍhanemen āyā, mokṣhamārga prakāshakamen sab ātā hai. gurudevane bahut samajhāyā hai. sabakā vichār karake nakkī karanā.

mumukṣhuḥ- dravyaliṅgī jaise mithyādr̥uṣhṭi hotā hai, bahinashrī! to samyagdr̥uṣhṭi bhī ho sakatā hai kyā?

samādhānaḥ- samyagdr̥uṣhṭi ho sakatā hai, lekin vartamānamen aisā nahīn hai. dravyaliṅgī samyagdr̥uṣhṭi hote haĩn.

mumukṣhuḥ- samyagdr̥uṣhṭi dravyaliṅgake sāthamen hotā nahīn hai..

samādhānaḥ- .. sab kriyā karate hain bāharakī.

mumukṣhuḥ- chhaṭhṭhe-sātaven guṇasthānavāle munirāj bhī hāthamen hī lete hain?

samādhānaḥ- hāthamen lete haĩn. bhītarakī dashā koī usakī adbhut rahatī hai. dashā adbhut rahatī hai. muni to hāthamen āhār lete haĩn. bāhar hāthamen āhār liyā isaliye bhītaramen aisī dashā ho gayī, aisā nahīn hotā. vah to koī ajab hote hain, bhāvaliṅgī muni to. chhaṭhṭhe-sātaven guṇasthānamen sharīr kahān̐ hai? ātmā kahān̐ hai? bhītaramen chale jāte hain, antarmuhūrta-antarmuhūrtamẽn. chalate-chalate bhī bhītaramen chale jāte haĩn. āhār lete-lete nirvikalpa

PDF/HTML Page 661 of 1906
single page version

ho jāte haĩn. nirvikalpa dashā ho jātī hai.

mumukṣhuḥ- yah to bhāvaliṅgīko, aur dravyaliṅgīko?

mumukṣhuḥ- mithyādr̥uṣhṭi hove to kuchh nahī̃n.

mumukṣhuḥ- aur samyagdr̥uṣhṭi hove to?

samādhānaḥ- samyagdr̥uṣhṭiko kṣhaṇ-kṣhaṇamen (nirvikalpatā nahīn hotī). muniko to kṣhaṇ- kṣhaṇamen hotī hai. aisī dashā hai. kṣhaṇ-kṣhaṇamen muniko svānubhūti hotī hai. samyagdr̥uṣhṭiko koī bār hotī hai, koī-koī bār samyagdr̥uṣhṭiko hotī hai. ye to kṣhaṇ-kṣhaṇamen chalate-chalate, khāte-pīte, nidrā thoḍī lete hain, phir nidrāmen jāge to svānubhūtimẽn. kṣhaṇamen svānubhūti (hotī hai). aisī munikī dashā hotī hai.

yah (bāharakī) to shubhabhāvakī kriyā hai. ashubhabhāv chhoḍakar tyāg le liyā. tyāg lekar aise pachchakhāṇ le liyā ki aise āhār lenā. vah shubhabhāvakī kriyā hai. lekin bhītarakī dashā koī kuchh alag hai. vah to shubhabhāvakī kriyā hai. jaise koī upavās kar lete hain, koī tyāg karatā hai. vaise munikī kriyā dhāraṇ kar le. hāthamen āhār liyā, tyāg kar diyā ki main aise āhār nahīn lūn̐gā, aise āhār lūn̐gā. vah sab to bāharakī kriyā hai. kriyā hai, isaliye bhītaramen dashā ho gayī aisā to nahīn hai.

(gr̥uhasthāshramamen) bhī samyagdarshan to hotā hai. chakravartīko bhī hotā hai. .. vah to koī ajab hotī hai. aise muni nahīn ho sakate.

prashamamūrti bhagavatī mātano jay ho! mātājīnī amr̥ut vāṇīno jay ho!

 

< Previous Page Next Page >