PDF/HTML Page 861 of 1906
single page version

samādhānaḥ- ... pahalese .. ho rahā hai, abhī bhī ho rahā hai. gurudev virājate the, sab maṅgalatā chhā gayī hai. isaliye vah sab (ho rahā hai). ek sādhanābhūmi hai na, isaliye sabako sphuratā rahatā hai.

mumukṣhuḥ- ... yah nishchay hai yā yah shraddhāguṇ hai yā sukhaguṇ hai, svānubhūtike samay aisā kuchh khyālamen...

samādhānaḥ- use andar bhāsatā hai.

mumukṣhuḥ- koī guṇakī pariṇati...?

samādhānaḥ- ananta guṇakī pariṇati use khyālamen ātī hai.

mumukṣhuḥ- ... aisā kuchh bhinna-bhinna bhāsit hotā hai?

samādhānaḥ- sab guṇ to ek dravyamen hī haĩn. parantu usamen ananta-ananta bhāv bhare hain, ananta guṇ bhare haĩn. usakā bhāvabhāsan hotā hai. kevalagnānī pratyakṣha jānate hain, parantu svānubhūtimen bhī usakā bhāvakā bhāsan hotā hai.

mumukṣhuḥ- vah to svānubhūtike samay hī khyālamen ātā hai.

samādhānaḥ- hān̐, svānubhūtimen khyālamen ātā hai, usake vedanamen ātā hai.

mumukṣhuḥ- darshanaguṇase dekhe ..

samādhānaḥ- netra rahit... vah to jaḍ hai, ān̐kh to jaḍ hai. ān̐kh kuchh dekhatī nahī̃n. andar dekhanevālā chaitanya hai. ān̐kh to nimitta hai. ye jo bāharakā dikhatā hai, vah ān̐kh nahīn dekhatī, ān̐kh to jaḍ hai, ān̐kh nahīn dekhatī hai. dekhanevālā andar hai. usakī kṣhayopasham shaktike kāraṇ vah sīdhā nahīn dekh sakatā. ān̐khake kāraṇ hī hai. ān̐kh to jaḍ hī hai. chaitanya chalā jātā hai to ān̐kh kahān̐ dekhatī hai? isaliye dekhanevālā to svayam hī hai, chaitanya hī hai.

ab, jo svayam hī dekhanevālā hai, use ālambanakī jarūrat nahīn paḍatī. use ālamban to kṣhayopashamagnān hai isaliye jarūrat paḍatī hai. chaitanya svayam dekhanevālā hai. svānubhūtimen usakā dekhanekā guṇ chalā nahīn jātā hai. svayam dekhanevālā, svayam svayaṅko dekhatā hai. us vakta bāhar upayog nahīn hai, parantu svayam svayaṅko dekhatā hai, svayam svayaṅko vedatā

PDF/HTML Page 862 of 1906
single page version

hai. bhale use pratyakṣha kevalagnānī ho vaisā nahīn hai, parantu usake vedanamen ātā hai. dekhanevālā svayam hai. ye ān̐kh kuchh dekhatī nahī̃n. dekhanekā guṇ hī chaitanyakā hai. ān̐kh to jaḍ hai. chaitanya chalā jātā hai to ān̐kh kahān̐ dekhatī hai? isaliye dekhanevālā chaitanya hai, jānanevālā chaitanya hai. jānanevālā svayam hai, dekhanevālā svayam hai. gnāyak svayam jānanevālā jo-jo bhāv hon, un sabako jānanevālā andar hai. vibhāv ekake bād ek sab vikalpa chale jāy to bhī jānanevālā aise hī khaḍā hai. bachapanase lekar abhī tak kyā-kyā huā, sab gnān jānatā hai. vikalpa to chale gaye hain, kārya chale gaye to bī jānanevālā to vaisākā vaisā hai. jānanevālā aur dekhanevālā vah svayam guṇavālā hai, jānane-dekhanevālā.

ānandaguṇ hai, vah bāharase ānanda mānatā hai, vah kalpit hai. lekin vikalpa ṭūṭ jāy, ākulatā ṭūṭakar jo nirvikalpa dashā āye use svānubhūtimen jo ānandaguṇ vedanamen ātā hai, usake sāth usake ananta guṇoṅkā bhāvakā bhāsan hotā hai.

mumukṣhuḥ- sañchetatā hai aisā jo apane kahate hain, svayam apaneāpako sañchetatā hai, vah bhī ek guṇamense hotā hai?

samādhānaḥ- svayam svayaṅko sañchetatā hai, vah bhī ek jātakā guṇ hai, ek jātakā ... hai. svayam svayaṅko chetatā arthāt svayaṅko chetatā hai, svayam svayaṅko jānatā hai. sañchetanā arthāt jānanā. usamen chetanatā hai. jaḍatā nahīn hai. vikalpa ṭūṭ gaye isaliye shūnya nahīn ho jātā. vikalpa usake chale gaye isaliye usakā jānanā chalā nahīn jātā. vikalpako jānanevālā, jo vikalpa āye use jānanevālā, use vikalpa chhūṭ gaye isaliye vah shūnya nahīn ho jātā. jānanevālā khaḍā rahatā hai. vah jānatā hai, svayam svayaṅko jānatā hai. svayam svayaṅko jānatā hai, svayam svayaṅko dekhatā hai, svayam svayaṅke ānandakā anubhav karatā hai, svayam svayammen līnatā karatā hai. apane ananta guṇakā bhāvakā bhāsan hotā hai.

mumukṣhuḥ- arthāt bhinna-bhinna guṇoṅkā bhī us vakta khyāl ā jātā hai.

samādhānaḥ- hān̐, khyāl ā jātā hai. ... anupam hai, laukik anubhūti hai, usase alaukik anubhūti hai. chaitanya anubhūti. svataḥsiddha chaitanya hai. use kisīne banāyā nahīn hai, parantu svayam jānanevālā, svayam dekhanevālā, svayam ānandarūp, svayam ananta guṇ aur ananta shaktionse bharā hai. vikalpa ṭūṭ gaye isaliye akelā svayam ho gayā isaliye svayaṅko visheṣh apūrva nirvikalpa anubhav hotā hai.

mumukṣhuḥ- ... aur jab paraprakāshak hotā hai, tab vikalpa paramen jātā hai ki nahīn?

samādhānaḥ- phir bāhar āye to bhī, svānubhūtike bād bāhar āye to use bhedagnānakī dhārā khaḍī rahatī hai. upayog bāhar jāy to bhī main gnāyak jānanevālā hūn̐, ye vikalpa

PDF/HTML Page 863 of 1906
single page version

āye usase main bhinna hū̃n. aisā kṣhaṇ-kṣhaṇamen, kṣhaṇ-kṣhaṇamen usakī bhedagnānakī dhārā, aisī gnānakī dhārā use sahaj rahatī hai. phir use dhokhanā nahīn paḍatā. aisī shraddhā aur gnān, amuk prakārakī bhedagnān use vartatī hī rahatī hai. khāte-pīte, kārya karate hue, kabhī bhī nidrāmen, svapnamen bhedagnānakī dhārā-main bhinna chainatya hūn̐, main bhinna hūn̐, bhinna hūn̐, bhinna hūn̐, aisī dhārā use chalatī hī rahatī hai. bāhar upayog jāy to bhī vaisī dhārā use chalatī hī hai. sahaj bhedagnānakī dhārā chalatī hai.

mumukṣhuḥ- svaparaprakāshak jab kahate hain, tab usakā samay bhinna hotā hai?

samādhānaḥ- nahīn, samay bhinna nahīn hai. ek samayamen svayam svayaṅko prakāshatā hai aur svayam (parako bhī prakāshatā hai). kevalagnān hone par svayam svayaṅko jānate hue, dūsarā usamen svayam gnāt ho jātā hai. do samay alag nahīn hai ki parako jāne tab svayaṅko na jāne aur svayaṅko jāne tab parako na jāne. aisā nahīn hai, samay bhinna nahīn hai. aur bāhar upayog ho to bhī use gnāyakakī dhārā-gnāyakakī pariṇati (chalatī hai). chhadmasthako ek samayamen ek upayog hotā hai. parantu gnāyakakī pariṇatikī dhārā use vaise hī chalatī hai. pariṇati to sahaj sva-rūp rahatī hai aur par-rūp hotā nahī̃n. svayam svayaṅko jānatā huā dūsareko jānatā hai. ekamek nahīn hotā, vah chhadmastha bhī ekamek nahīn hotā. bhedagnānakī dhārākī pariṇati rahatī hai. svayam svayaṅko vedatā huā svayaṅko jānatā huā anyako jānatā hai. vedatā huā arthāt anubhūtikī bāt alag hai, ye to amuk anshamen shānti, samādhirūp svayam pariṇamatā huā anyako jānatā hai. svaparaprakāshak is prakār hai.

mumukṣhuḥ- anyako jānate samay bhī usakā vikalpa dūsarekī or jātā hai?

samādhānaḥ- vikalpa jāy to vah vikalpa aur main bhinna haĩn. main jānanevālā bhinna hūn̐, us jātakī usakī pariṇati haṭatī hī nahīn, haṭatī hī nahī̃n.

mumukṣhuḥ- vah chhadmasthamen, phir āge?

samādhānaḥ- āge jāy tab to use nirvikalpa svānubhūti hotī hai tab vikalpa ṭūṭ jātā hai. phir usakī svānubhūti jaise-jaise baḍhatī jātī hai, aise bhedagnānakī dhārā to vaise hī rahatī hai ki main bhinna hūn̐, gnāyak hū̃n. gnāyakapanā usakā baḍhatā jātā hai. vikalpadashā ṭūṭatī jātī hai aur gnāyakakī dhārā baḍhatī jātī hai. aur nirvikalpa svānubhūti baḍhatī jātī hai. svānubhūti baḍhatī jātī hai. gnāyakakā tīkhāpan baḍhate jātā hai isaliye munipanā ātā hai. phir kṣhaṇ-kṣhaṇamen, kṣhaṇ-bhaṇamen ātmākī anubhūti hotī hai. vikalpa kam ho jāte haĩn. svānubhūti hote-hote kevalagnān ho jātā hai isaliye vikalpakā nāsh ho jātā hai.

PDF/HTML Page 864 of 1906
single page version

... usakā ansh, samyak hotā hai tab svānubhūtimen ānshik dashā pragaṭ hotī hai. svānubhūti pragaṭ hotī hai tab muktikā mārga shurū hotā hai. vah kaise ho? vah karane jaisā hai. svānubhūtikā mārga gurudevane batāyā hai, us mārgakī or chale jānā. svānubhūti, chaitanya tattva bhinna gnāyak hai, sharīr tattva bhinna hai, vibhāvaparyāy svayaṅkā svabhāv nahīn hai. usakā gnān, usakī shraddhā, usakī līnatā svānubhūti pragaṭ karanese usīmense kevalagnān pragaṭ hotā hai. kevalagnān kahīn bāharase nahīn ātā hai. antar ātmāmense pragaṭ hotā hai. svānubhūtikī dashā baḍhate-baḍhate kevalagnānakī prāpti hotī hai. aur satya vahī hai, jīvanakā kartavya hī vah hai-svānubhūti pragaṭ karanā.

svānubhūtikā dīpak pragaṭ ho to pūrṇatā pragaṭ ho jāya. kevalagnān sūrya hai aur yah ek chaitanya(kī) svānubhūtikā ansh hai, vah pragaṭ karane jaisā hai. bhedagnānakī dhārā pragaṭ karanese svānubhūti pragaṭ hotī hai. vikalpa ṭūṭakar nirvikalpa dashā kaise pragaṭ ho, usakā puruṣhārtha, usakā prayatna, usakā vichār, manthan, laganī sab karane jaisā hai.

gurudevane mārga batāyā hai. dev-guru-shāstra sab kahate haĩn. dev-gurune to vah prāpta kiyā, devane pūrṇatā kī. guru sādhakadashāmen visheṣh āge baḍhate haĩn. svayaṅko vah karanā hai. dev-guru-shāstra batāte haĩn. jaise bhagavān hain, vaisā apanā svabhāv hai. bhagavānake dravya- guṇ-paryāy jāne, vah svayaṅko jānatā hai. isaliye bhagavānako jāne. svayam kaise pahachānā jāy? aisā svayaṅkī or dhyey rakhane jaisā hai. svayam kaun? chaitanyadravya, usake guṇ, usakī svabhāvaparyāy kaise prāpta ho? vah sab yathārtha gnān karane jaisā hai. bhagavānako pahachāne vah svayaṅko pahachāne, svayaṅko pahachāne vah bhagavānako pahachāne. aisā nimitta- upādānakā sambandha hai. puruṣhārtha kare, andar dr̥uṣhṭi kare to svayammese ātā hai, kahīn bāharase nahīn ātā hai. chaitanyamen sab svabhāv bharā hai, usamense prāpta hotā hai. jo hai usamense pragaṭ hotā hai.

mumukṣhuḥ- kaise pahachān ho?

samādhānaḥ- kaise pahachān ho? svayam svabhāvako pahachāne ki yah gnāyak svabhāv so main hūn̐ aur yah main nahīn hū̃n. yah ākulatālakṣhaṇ hai. vibhāvakā lakṣhaṇ ākulatā hai aur gnāyakakā lakṣhaṇ jānanekā lakṣhaṇ hai. lakṣhaṇ dvārā pahachāne ki yah lakṣhaṇ chaitanyakā aur yah lakṣhaṇ vibhāvakā hai. yah jānanekā lakṣhaṇ aur yah vibhāv bhinna hai. gnāyak lakṣhaṇ pūrā chaitanya dravya gnāyakatāse bharā hai aur (vibhāv) ākulatāse bharā hai. donoṅko bhinna kare. lakṣhaṇ dvārā pahachāne. lakṣhaṇ dvārā lakṣhyako pahachān le. lakṣhaṇ dvārā pahachānā jātā hai. usake svabhāv dvārā pahachānā jātā hai.

antaramen jo sab vikalpa āye use jānanevālā bhinna hai. jānanatattva pūrā bhinna hai.

PDF/HTML Page 865 of 1906
single page version

gurudevane batāyā hai. gnāyakako pahachāna. gnāyakatā usakā lakṣhaṇ hai. vah guṇ usakā asādhāraṇ hai. ānandaguṇ bādamen svānubhūtimen pragaṭ hotā hai, parantu gnāyakatā-gnānalakṣhaṇ to usakā pahachānā jā sake aisā hai. jānanevālā sadā jīvant jāgatā hī hai, use pahachānā jā sake aisā hai. lakṣhaṇase pahachānamen āye. pragnāchhainīse bhinna karanā. use lakṣhaṇase pahachān lenā ki yah lakṣhaṇ merā aur yah lakṣhaṇ vibhāvakā hai. yah shītalatā pānīkī hai aur malinatā kīchaḍakī hai. vaise andar shītal svabhāv ātmā chaitanya shāntasamudra gnāyakatāse bharā huā main hūn̐ aur yah vibhāv hai. (donon) bhinna hai. sab vikalpa ākulatāmay hai. ūn̐chemen ūn̐che bhāv ho, bīchamen vah shubhabhāv āye to vah ākulatāse bhare haĩn. nirākul aur shāntasvarūp ānandasvarūp ātmā hai. jānanasvarūpako pahachān lenā.

mumukṣhuḥ- ākulatā nahīn lagatī hai.

samādhānaḥ- vichār kare to lage. usamen sukh lagā hai isaliye ākulatā nahīn lagatī hai. vah ākulatā hai. jisamen sukh nahīn hai usamen sukh mānā isaliye ākulatā nahīn lagatī hai. ākulatā hī bharī hai. jisamen usakī kartābuddhi (chalatī hai ki) main yah karun̐, vah karun̐, aisā karun̐, vaisā karũn. antaramen sūkṣhma hokar dekhe to ākulatā hī hai. ākulatāke sivā kuchh nahīn hai. sthūl dr̥uṣhṭise use sukhabuddhi lagatī hai. sūkṣhma hokar dekhe to sab ākulatā hī hai. vibhāvakī saṅkalpa-vikalpakī shrr̥uṅkhalā ākulatāse hī bharī hai. akelā nirākul lakṣhaṇ gnānalakṣhaṇ vah shānta svabhāvase bharā hai. yah sab ākulatā lakṣhaṇ hai. (ākulatā) nahīn laganekā kāraṇ svayanne usamen sukhabuddhi mānī hai. anādikī bhrānti ho gayī hai. sūkṣhmatāse dekhe to donon bhinna hī hai. ākulatā hī hai.

.. gnāyakatā, jo samatāsvarūp, ramyasvarūp, gnāyakatāsvarūpa. ... usase vāpas haṭhatā hai ki yah sab bhinna hai aur main bhinna hū̃n. gurudevane vahī kahā hai aur vahī karanā hai. chaitanyamen hī sab maṅgalatā bharī hai aur vahī maṅgalasvarūp ātmā hai.

mumukṣhuḥ- ... pariṇati nahīn hotī hai. usamen kahān̐ aṭakanā hotā hogā?

samādhānaḥ- puruṣhārthakī kṣhati hai isilaye. nirṇayamen ātā hai parantu utanā puruṣhārtha karatā nahīn hai, isaliye puruṣhārthakī kṣhatike kāraṇ vah anubhavamen nahīn ātā hai. nirṇay to buddhise karatā hai, parantu yathārtha jo antaramen svabhāvako pahachānakar nirṇay karake usamen puruṣhārtha karake tadagat pariṇati karanī, usamen puruṣhārthakī kṣhati hai.

pramādake kāraṇ aṭak rahā hai. svayaṅkā pramād hai. antaramen pramād toḍakar puruṣhārtha kare ki yah kuchh nahīn chāhiye, ye sab duḥkhase bharā hai. aise antar ruchikī tīvratā, utanī lagan lage, utanā puruṣhārthakā jor ho to antaramense chaitanyakī svānubhūti pragaṭ hue binā nahīn rahatī. ātmā pūrā ānandase bharā hai aur usakā koī alag hī svabhāv

PDF/HTML Page 866 of 1906
single page version

hai, alaukik adabhut svarūp hai, parantu svayaṅke puruṣhārthakī kṣhati hai. apanī ālasake kāraṇ vah dikhāī nahīn detā. apanī ālasake kāraṇ svayanne itanā kāl vyatīt kiyā hai.

gurudev kahate the na, "nij nayananī āḷase re, nirakhyā nahīn harine jarī'. apane nayanakī ālasake kāraṇ svayam apane chaitanyako pahachānatā nahīn hai, dekhatā nahīn hai, use svānubhavamen letā nahī̃n. puruṣhārtha kare to apane pās hī hai, kahīn dūr nahīn hai, kahīn bāhar lene jānā paḍe aisā nahīn hai yā kahīn dūr hai (aisā nahīn hai), apane pās hī svayam basā hai. svayam hī hai, isaliye svayam dr̥uṣhṭi badale, dishā badale to pūrā chaitanyakā pariṇaman chaitanyamay ho jātā hai. usakī pūrī duniyā alag ho jātī hai.

mumukṣhuḥ- ..

samādhānaḥ- gurudevane kahā hai na dev-guru.. antar ātmāmen prabhāvanā karanī hai.

mumukṣhuḥ- ...

samādhānaḥ- āpako suprabhātakī navīnatā pragaṭ karanekā gurudevane kahā hai.

mumukṣhuḥ- 102vān varṣha chal rahā hai. kitanā āyuṣhya ho vah to bhagavānako mālūm, parantu dhāraṇā anusār 106 hai. gurudevane kahā vah bāt sachchī hai....

samādhānaḥ- lekin karanekā to vahī hai na. prabhāt arthāt ek hī karanekā hai.

mumukṣhuḥ- vah to āpakī bāt barābar hai ki ātma sanmukh hokar apanā kārya kar sakate haĩn. yah bāt to kabūl hai. parantu kaise sanmukh honā? gharake kāmamense, dūsaremense ... ho tab ho na?

samādhānaḥ- kāmakāj kuchh nahīn, antarakī pariṇati apane puruṣhārthase pragaṭ hotī hai. kām koī rokatā nahīn hai.

mumukṣhuḥ- ... jitanā kare, utanā apane puruṣhārthase karatā hai. vah bāt to sau pratishat sachchī hai. usamen koī shaṅkā nahīn hai.

mumukṣhuḥ- isaliye chār baje baṅkimako kahā ki mujhe jānā hī hai.

samādhānaḥ- svānubhūti pragaṭ kare to hotā hai. parantu andarase svayaṅko karanā hai.

mumukṣhuḥ- lekin pahale hamane abhedagnān kiyā hai aisā sābit ho, bādamen bhedagnān hogā na?

samādhānaḥ- abhed dr̥uṣhṭi karake bhed, donon sāthamen hote haĩn.

mumukṣhuḥ- usake pahale abhedagnān hī kiyā hai, itanā do dikhāī denā chāhiye na.

samādhānaḥ- ekatvabuddhi ekatva aur vibhakta. apanā ekatva aur anyase vibhakta.

PDF/HTML Page 867 of 1906
single page version

mumukṣhuḥ- svayam hī svayaṅko samajhātā hai, svayam hī apanā sachchā guru hai, yah to mahārāj sāhabane ḍaṅkekī choṭ par kahā hai, parantu bāharamen vyavahārase guru hote to hain na!

samādhānaḥ- dev-guru-shāstrakī mahimā rakhakar apanī mahimā karake puruṣhārtha kare to hotā hai. bahut sunā hai, āpako kyā kahanā? gurune bahut upadesh diyā hai. sab samajhāyā hai. gurune sab samajhāyā hai.

mumukṣhuḥ- alpa buddhivāleko bārambār sunanekā man hotā hai. mumukṣhuḥ- sirpha samajhāyā hai utanā nahīn, unakī to anahad kr̥upā thī. samādhānaḥ- kr̥upā kitanī thī! mumukṣhuḥ- bhāī kyā kahate hain? kuchh bhī ho to bhāī kyā kahate hain?