PDF/HTML Page 912 of 1906
single page version
mumukṣhuḥ- bār-bār jo hai, is jīvako viṣhay aur kaṣhāyoṅkī taraph kyon dhyān baṭ jātā hai? kyon jā rahā hai vahān̐?
samādhānaḥ- ananta kālamen vah pariṇati, abhyās aisā ho gayā hai. ananta kālase aisā abhyās ho rahā hai. us orakī ruchi ho rahī hai, us or sukh lag rahā hai. ātmāke sukhakī or dhyān nahīn hai. sukh mere ātmāmen hai, main sukhakā dhām hūn̐, us or utanā pūrā dr̥uḍh vishvās nahīn hai aur paramen sukhabuddhi ho rahī hai. bāharamen jātā hai na, isaliye sukhabuddhi ho rahī hai. ātmāmen sukh hai, ātmā gnānasvarūp hai, gnāyak hai, jānanevālā hai, ātmāmense gnān pragaṭatā hai, ātmāmen ānanda pragaṭatā hai, ātmā koī adabhut vastu hai, aisī jo dr̥uḍh pratīti usako bhītaramense honī chāhiye vah bhītaramense dr̥uḍh pratīti nahīn hai. pratīti buddhise to karatā hai, parantuu bhītaramen chaitanyadravyako pahachānakarake bhītaramense jo dr̥uḍh pratīti nahīn hai, isaliye bār-bār bāhar jātā hai aur anādi kālase aisā paramen jānekā abhyās hai, puruṣhārtha manda hai aur ruchi bāharamen lag rahī hai. bāharamen yadi sukh nahīn lage, ruchi nahīn lage, chain nahīn paḍe.
yah to ākulatārūp hai, duḥkhakā kāraṇ hai, duḥkh svarūp hai, aisā yadi vishvās hove ki mere ātmāmen sukh hai, sukhakā kāraṇ, sukhakā svarūp ātmāmen hai, aisī dr̥uḍh pratīti bhītaramense āye to ūdharase vāpas muḍe aur bhītaramen jāya. parantu dr̥uḍh pratīti jo antaramense ānī chāhiye aisī antaramen pratīti nahīn hai aur bāharamen ruchi lagī hai, isaliye bār-bār vahān̐ jātā hai. isaliye usakī dr̥uḍh pratīti bhītaramense puruṣhārtha karake karanī chāhiye. vah nahīn hove tab tak bār-bār vahī karanā, nahīn hove tabataka. shāntipūrvak dhairyase karanā chāhiye. aise ākulatā karanese nahīn hotā, parantu shāntise, jignāsāse, bhītaramen lagan laganī chāhiye ki bhītamense sukh kaise pragaṭ ho? aisī laganapūrvak shāntise, dhairyase usake svabhāvako pahachānakarake karanā chāhiye.
mumukṣhuḥ- ... abhī tak jo hai sukh ātmāmen nahīn mānā hai aur bāharase buddhigat dvārā to mān liyā. lekin antarase jo hai vishvās nahīn hai. antaramen sukhakā anubhav nahīn hotā. is kāraṇase bār-bār jo hai jin sukhoṅko anādi kālase isane bhog
PDF/HTML Page 913 of 1906
single page version
rakhā hai, usakī taraph usakā dhyān baṭatā rahatā hai. aur usake kāraṇ hī usamen sukh mānatā hai. yahī (kāraṇ hai)?
samādhānaḥ- hān̐, is kāraṇase. sukhakī dr̥uḍh pratīti nahīn hai bha bhītaramen isaliye bāhar jātā hai. aur usako duḥkh lage ki ye to duḥkhasvarūp hai, ākulatā lage, shubh aur ashubh donon bhāv ākulatārūp hai aur shuddhātmā hai vah sukharūp hai. shubhabhāv hai vah puṇyabandhakā kāraṇ hai to bhī us shubhabhāvamen bhī ākulatā hai, ātmākā svarūp to nahīn hai. jo siddha bhagavānakā svarūp (hai), siddha bhagavānamen koī shubh yā ashubhabhāv nahīn hai, aise ātmāmen koī isakā svabhāv nahīn hai. shubhabhāvamen bhī ākulatā hai. in donon bhāvase main bhinna shuddhātmā nirvikalpa tattva hūn̐, aisī dr̥uḍh pratīti bhītaramense ānī chāhiye to pariṇati svakī or jāy aur parase haṭe. usase virakti hove, usamen shānti nahīn lage, ātmāmen shānti, sukh lage to svabhāvamen jāya. aisī dr̥uḍh pratīti karanī chāhiye.
mumukṣhuḥ- dr̥uḍh pratīti kam hai.
samādhānaḥ- pratīti kam hai, bārambār abhyās nahīn hai, puruṣhārtha kam hai isaliye.
mumukṣhuḥ- puruṣhārtha bhī nahīn hai, dr̥uḍh pratīti bhī nahīn hai. bahut sundar, ati sundara.
samādhānaḥ- bārambār main gnāyak hūn̐, aise gnāyakakī mahimā ānī chāhiye. gnāyakamen ananta guṇ, ānanda sab gnāyak svabhāvamen hai, aisī mahimā ānī chāhiye. phir kṣhaṇ- kṣhaṇ bhedagnān kare. gnāyakamen ekatvabuddhi kare, main parase vibhakta (hūn̐). kṣhaṇ-kṣhaṇamen jo vikalpa ātā hai, vah main nahīn hū̃n. main to chaitanyatattva hūn̐, yah main nahīn hūn̐, main to chaitanya hū̃n. main parapadārtha, vah tattva main nahīn hūn̐, main to chaitanya padārtha hū̃n. aise bārambār bhedagnānakī pariṇati karanī chāhiye. sva gnāyakamen ekatvabuddhi aur parase bhedagnān karanā chāhiye. aisī bhedagnānakī pariṇati pragaṭ hove tab bhītaramense svānubhūtikā mārga ho sakatā hai. bhedagnān pragaṭ kare aur gnāyakakī pratīti kare, bhedagnān kare to ho sakatā hai.
mumukṣhuḥ- gnāyakakī pratīti antarase..
samādhānaḥ- antarase honī chāhiye.
mumukṣhuḥ- shabdoṅkā, akṣharoṅkā...
samādhānaḥ- nahīn, shabdonse nahīn, bhītarase (honī chāhiye).
mumukṣhuḥ- bhāvonse aisā āve, aisī sthiti bhāvoṅke andar ā jāve to kām bane.
samādhānaḥ- hān̐, to kām bane. bhāvamen (ānā chāhiye).
mumukṣhuḥ- abhī to bahut dūr hai. satya svīkār karanemen jo ... apan to ṭhīk mārga par āye haĩn. kyā ānandakā anubhav huā! ājakā prasaṅg baḍā ṭhīk lagā, maṅgalakārī
PDF/HTML Page 914 of 1906
single page version
lagā. lekin antarakī taraph ... ātmāmen sanskār baḍā kaṭhin lagatā hai. pratīti nahīn hai, vishvās nahīn hai, ātmākā sukh pratibhāsit nahīn hotā. ātmākā sukh shabdonse jarūr bhāsatā hai.
samādhānaḥ- gurudev kahate the ki tujhase na ho sake, puruṣhārtha manda hove, na ho sake to shraddhā to yathārtha karanā ki mārga to yah hai. pratīt to aisī dr̥uḍh rakhanā ki shubhāshubh bhāvase bhinna main chaitanyatattva gnāyakatattva hū̃n. aisī shraddhā to yathārtha karanā. shraddhā karake phir puruṣhārtha dhīre-dhīre hove, parantu pratīti to yathārtha karanā. kisīko jaldī puruṣhārtha hotā hai, kisīko dhīre hotā hai, parantu shraddhā to bhītaramense yathārtha karanā.
mumukṣhuḥ- vishvās to āyā hai, vishvāsamen to kuchh (gaḍabaḍī nahīn hai. vishvās to barābar mahesus hotā hai ki mārga to sachchā yahī hai. mārga jo hai, satya mārga to yahī hai. lekin is mārga par chalanemen bār-bār anukūlatā-sukhānubhav ... baḍī kamajorīsī lag rahī hai. bār-bār anya taraph jo hai dhyān baṭatā hai. parivāramen, gharamen, bāharamen, arthamen, yah sārī kamajorī hai.
samādhānaḥ- kamajorīkā kāraṇ hai. ruchi, puruṣhārtha, pratīti bhītaramense dr̥uḍh karanā. pratīti dr̥uḍh hove to vikalpa ṭūṭe to svānubhūti hove. pahale to antaramense karanā chāhiye.
mumukṣhuḥ- vishvāsakī dr̥uṣhṭise to barābar hai, bākī abhī pariṇatikī dr̥uṣhṭise (kamajorī lag rahī hai.)
mumukṣhuḥ- ātmāmen gnānaguṇ hai, to gnānaguṇakī paryāy to barābar jānanemen ātī hai, sukhaguṇ bhī ātmāmen hai, to sukhaguṇakī paryāy to jānanemen nahīn ātī.
samādhānaḥ- sukhaguṇ hai. gnānasvabhāv aisā asādhāraṇ guṇ hai. vah asādhāraṇ hai isaliye gnān to jānanemen ātā hai, parantu sukhaguṇ hai (use) bāharamen sukhakī kalpanā ho rahī hai. sukhaguṇ to jab svānubhūti hotī hai, vikalpa ṭūṭe tab sukhakā anubhav hotā hai. to usako ānanda pragaṭ hotā hai. sukhakā svabhāv aisā hai, gnānakā svabhāv aisā hai ki asādhāraṇ guṇ hai to gnān to jānanemen ātā hai. sukhakā svabhāv aisā hai.
gnān to aisā asādhāraṇ visheṣh guṇ hai, isaliye vah jānanemen ātā hai ki yah gnān hai, main gnāyak hū̃n. bhedagnān karake... ānshik shānti (pragaṭ ho), parantu yathārtha ānandakā anubhav to vikalpa ṭūṭe tab ātā hai. svānubhūtimen ānanda ātā hai. usakā svabhāv aisā hai. ānandaguṇ aur gnānaguṇamen pharka hai. gnān to asādhāraṇ guṇ hai.
mumukṣhuḥ- visheṣh guṇamen bhī taphāvat hai.
samādhānaḥ- hān̐, taphāvat hai. ātmāmen ananta guṇ hai. usamen gnānaguṇ mukhya asādhāraṇ
PDF/HTML Page 915 of 1906
single page version
guṇ hai. visheṣh guṇ hai. chetan-chetanāguṇ asādhāraṇ hai. donon tattva bhinna paḍe-jaḍ tattva aur chaitanyatattva. jaḍ kuchh jānatā nahīn hai. chaitanyatattva jānanevālā hai. vah usakā asādhāraṇ guṇ hai. pudagalakā jaḍ hai, jānatā nahīn hai. asādhāraṇ guṇ hai, gnān svabhāv hai. visheṣh guṇ hai.
mumukṣhuḥ- sukhaguṇ visheṣh guṇ hai?
samādhānaḥ- gnānasvabhāv visheṣh guṇ hai, ātmākā mukhya guṇ hai. gnānaguṇ mukhya hai. sukhaguṇ mukhya hai, parantu vah vikalpa ṭūṭe binā anubhavamen nahīn ātā. jab vikalpa ṭūṭe tab vah anubhavamen ātā hai. sukhaguṇa. aur gnānasvabhāv to aise jānanemen ātā hai ki main jānanevālā hū̃n. gnānasvabhāvako lakṣhaṇase pahachān letā hai.
mumukṣhuḥ- vikalpa ṭūṭe to sukhaguṇ anubhavamen āye.
samādhānaḥ- sukhaguṇ pragaṭ hotā hai.
mumukṣhuḥ- ...vikalpa ṭūṭanā aur vikalpātīt avasthā prāpta karanā, ye to...
samādhānaḥ- anumānase pratīti kar sakatā hai ki gnānamen sukh hai, gnānamen ānanda hai, ātmāmen (sukh hai, aisī) pratīti to ho sakatī hai. parantu anubhav ānandakā vikalpa ṭūṭe tab ātā hai. ho sakatā hai. vikalpātīt avasthā, nirvikalpa dashā svānubhūti (ho sakatī hai). samyagdarshan usako kahate hain, jisako svānubhūti hotī hai usako samyagdarshan kahate haĩn. svānubhūti ho sakatī hai. gr̥uhasthāshramamen svānubhūti (hotī hai). samyagdarshan pragaṭ (hotā hai). vikalpātīt vikalpase atīt nirvikalpa dashā ho sakatī hai. muniko visheṣh hotī hai. kṣhaṇ.. kṣhaṇ.. kṣhaṇamen nirvikalpa dashā vikalpa (ṭūṭakar) kṣhaṇ-kṣhaṇamen svānubhūti hotī hai. gr̥uhasthāshramamen aisī nahīn hotī, kam hotī hai, parantu ho sakatī hai. vikalpātīt avasthā ho sakatī hai. samyagdarshan is pañchamakālamen ho sakatā hai. svānubhūti nirvikalpa dashā pañcham kālamen ho sakatī hai.
mumukṣhuḥ- santoṅkā to lag rahā hai, mainne ek-do din apanā thoḍāsā sthagitasā rakh liyā aur itavār takake liye (ruk gayā), bākī parivāravāloṅko āj (bhej diyā). unako thoḍī kam-sī ruchi thī to unako pālītāṇā vagairah (gaye).
samādhānaḥ- parapadārthamen ruchi lagī hai, ātmāmen ruchi kam hai. ātmāmen ruchi lage, bas, ātmāmen sab hai, bāharamen nahīn hai. ātmāmen sukh hai, ānanda hai, ananta guṇase (bharapūr) ātmā adabhut vastu hai. aise ātmākī mahimā āve, ātmākī ruchi lage tab ātmākī (mukhyatā) ho.
mumukṣhuḥ- ye bhī usīkā ānanda huā na, jo chaitanyakā ānanda hai usako chaitanyakī prāpti samajhamen ā jāy ki main chaitanya hūn̐, to usakā man bhī lagane lagegā.
PDF/HTML Page 916 of 1906
single page version
samādhānaḥ- to man bhī lage. paramārthakā panth ek hī hotā hai.
mumukṣhuḥ- ek hī hai, vah chaitanyakā.
samādhānaḥ- chaitanyakā. usakī ruchi, usakā gnān, usakī shraddhā, usamen līnatā, basa.
mumukṣhuḥ- kyoṅki main jo hūn̐, mandir jātā hūn̐ to minaṭ lagatī hai. ... main roj hū̃n. lekin main do ghaṇṭe nahīn baiṭhatā. do minaṭamen bhī agar ham koshiṣh karate hain ki kisī tarahase man jo hai chalāyamān na ho, to vah utanī der bhī sthir nahīn ho pātā.
samādhānaḥ- jinendra bhagavānane sab kuchh pragaṭ kar diyā, bhagavān to ātmāmen līn ho gaye. bhagavān ātmākī svānubhūtimen līn haĩn. to merā bhī ātmā aisā hai. main chetan hūn̐, aisā chetanakā dhyān kare to bhī ho. usakī mahimā honī chāhiye, usakā puruṣhārtha honā chāhiye.
mumukṣhuḥ- itanā samajhamen ātā hai. isake bād bhī kamī hai ham logomme.
samādhānaḥ- .. apanā astitva gnāyakakā grahaṇ kare, usakā bārambār abhyās kare ki main gnāyak hūn̐, gnāyak hū̃n. kṣhaṇ-kṣhaṇamen dhokhanerūp alag hai, parantu antaramense kare to yathārtha hotā hai. dhokhanerūp usakā nirṇay kare vah alag bāt hai. parantu antaramense main gnāyak hūn̐, yah main nahīn hū̃n. apanā astitva grahaṇ kare.
mumukṣhuḥ- antaramense isaliye nirvikalpatāse?
samādhānaḥ- nahīn, nirvikalpa to bādamen hotā hai, pahale abhyās hotā hai. nirvikalpa to use vikalpa ṭūṭakar svānubhūti hotī hai. vah to svānubhūtirūp hai. vah to abhyās kare usakā phal hai. usakā phal ātā hai. svānubhūti vikalpa ṭūṭakar (hotī hai). ye to use vikalpa āne par bhī, vikalpa so main nahīn hūn̐, aisī pratīti, aisā gnān aur pariṇati antaramen aisā abhyās kare. bhale gaharāīse nahīn ho, parantu gaharāīse, yathārtha gaharāīse kare to-to usakā phal yathārtha ātā hai. bārambār main gnāyak hūn̐, antar svabhāv pahichānakar kare. jise hotā hai use svānubhūti antarmuhūrtamen hotī hai. jise na ho, vah bārambār abhyās kare. bārambār chhāchhakā manthan karanese usamense makkhan nikalatā hai. main gnāyak hūn̐, gnāyak hūn̐, (aisā kare to) makkhan ūpar āye. vaise nirālā gnāyak pragaṭ ho, svayaṅko anādise vibhāvakā abhyās hai, apanā abhyās kare to pragaṭ hotā hai.
mumukṣhuḥ- upayogamen upayog, ātā hai.
samādhānaḥ- upayogamen upayog, krodhamen krodha. bhedagnān kare ki main chaitanyarūp hūn̐, yah main nahīn hū̃n. svamen ekatva aur parase vibhakta. apanemen ekatvabuddhi kare, parase vibhaktabuddhi
PDF/HTML Page 917 of 1906
single page version
kare. buddhimen grahaṇ kare, parantu antarase grahaṇ kare to yathārtha hotā hai.
mumukṣhuḥ- vachanāmr̥utamen hai, ghoḍā jaise chhalaṅg lagāye, vaise kisīko..
samādhānaḥ- kisīko jaldī hotā hai. ghoḍā chhalaṅg lagāye aise ekadam antarmuhūrtamen hotā hai aur kisīko dhīre-dhīre hotā hai. vah to usakī jaisī puruṣhārthakī gati.
mumukṣhuḥ- usake pahale to puruṣhārtha sab vikalpakā hī hotā hai na?
samādhānaḥ- sāthamen vikalpa hote hain, parantu main vikalpa nahīn hū̃n. aisī pratīti usake sāth honī chāhiye. vikalpa āye, phir bhī main vikalpa nahīn hū̃n. vikalpase main bhinna hūn̐, main bhinna hū̃n. us prakārakā antarase abhyās, aisī pariṇati pragaṭ kare. vikalpa āne par bhī main vikalpa nahīn hūn̐, aisā bhedagnān kare, aisī shraddhā kare. jo chhūṭe vah to.. vikalpa to pahale hotā hī hai, anādikālase vikalpamen to paḍā hī hai. usase chhūṭanekā prayatna kare ki vikalpa main nahīn hū̃n.
mumukṣhuḥ- gnāyakamen ananta guṇ lene?
samādhānaḥ- hā̃n. ek gnāyakakā astitva grahaṇ kiyā usamen ananta guṇ ā jāte haĩn. use gnānamen sab āye, parantu dr̥uṣhṭi to koī bhed nahīn karatī hai. vah to abhedako ek sāmānyako grahaṇ kar letī hai, apanā gnāyakakā astitva. usamen usakī ananta shaktiyān̐, ananta guṇ ā jāte haĩn.
mumukṣhuḥ- aur vedanamen bhī ananta guṇ āte hain?
samādhānaḥ- vah to use svānubhūtimen āte haĩn. ananta guṇoṅkī paryāy hotī hai. ananta guṇakī paryāy use vedanamen (ātī hai). lekin usake koī bhinna-bhinna nām nahīn hote. usake vedanamen ātī hai.
mumukṣhuḥ- svānubhūtike vedanakī kaisī shānti aur kaisā atīndriy ras hotā hai, usakā thoḍā varṇan....
samādhānaḥ- vah to koī vachanamen nahīn ātā. jagatase bhinna hai, jagatase bhinna hī hai. jo use vibhāvakā ānanda aur vibhāvakā ras hai vah to alag hai. ye to nirvikalpa ānanda hai. chaitanyake āshrayamense... chaitanyarūp hai, chaitanyamense pragaṭ huā ānanda hai. use kisīkā āshray nahīn hai. svayam apane āshrayamense pragaṭ huā hai. jaise barpha hai, aise svayam ananta shānti, ananta ṭhaṇḍakase bharā hai, ananta ānandase bharā hai. shānti ek alag chīj hai, ye to ananta ānandase bharā hai, ananta gnānase bharā hai. vah to usakā guṇ hī hai. jo apane guṇ hain, un guṇoṅkī paryāy pragaṭ hotī hai. use koī vikalpakā āshray nahīn hai. jahān̐ ākulatā nahīn hai. shānti to hai, parantu ānanda pragaṭ hotā hai.
PDF/HTML Page 918 of 1906
single page version
mumukṣhuḥ- lakṣhya to dravyakā aur vedan paryāyakā.
samādhānaḥ- hān̐, vedan paryāyakā. lakṣhya dravyakā, vedan paryāyakā.
mumukṣhuḥ- paryāyamen to jaise kaṣhāyase bhedagnān ho, tab ek kaṣhāyake abhāv jitanā svānubhūtike kālamen vedan hotā hai na? prathamamen to.
samādhānaḥ- kaṣhāyakā abhāv hokar jo...
mumukṣhuḥ- anantānubandhīke abhāvakā.
samādhānaḥ- anantānubandhīke abhāvakā.... pahale to vah bhedagnān karatā hai ki main yah nahīn hū̃n. vah to bhedagnān hai. vikalpa ṭūṭakar jo ātā hai, vah to usake chaitanyamense (ātā hai), vah to usamense ātā hai. bhedagnān kare to amuk anshamen use shānti lagatī hai. ānanda to, savikalpamen use ānanda nahīn hai, parantu shānti aur samādhi jaisā lagatā hai. bākī vikalpa ṭūṭakar to ānanda uchhalatā hai, vah alag hai. vah savikalpamen nahīn hotā hai, vah nirvikalpamen hī hotā hai.
mumukṣhuḥ- vah ānanda kaisā?
samādhānaḥ- kaisā vah koī kah sakatā hai? ghī kaisā hai? ghīkā svād kaisā hai? chīnī kaisī hai? mīṭhī. to kaisā mīṭhā, vah bolanekī bāt nahīn hai.
mumukṣhuḥ- dr̥uṣhṭāntake rūpamen? samādhānaḥ- dr̥uṣhṭānta... vah to anupam hai, use kisīkī upamā nahīn lāgū paḍatī.