PDF/HTML Page 926 of 1906
single page version
samādhānaḥ- gurudev to mahān ek tīrthaṅkar jaisā kām kiyā. vah to tīrthaṅkarakā dravya thā. gurudevane koī apūrva mārga batāyā hai. jīv kahān̐ the aur kahān̐ rakh diye haĩn. koī kriyāmen aur shubhabhāvamen dharma mānate the. usake bajāy antar dr̥uṣhṭi karanekā gurudevane sīkhāyā hai.
mumukṣhuḥ- bhedagnānakā viṣhay kahīn sunane nahīn milatā thā. vah apane samakṣha lāye.
samādhānaḥ- samakṣha lāye, kitanā saral spaṣhṭa kar diyā hai. jā sakate hain, devamen to jānekī shakti hotī hai. dev to bhagavānake samavasaraṇamen jāte haĩn. .. jāte hain, mandirommen jāte hain, dev sab jagah jāte haĩn.
mumukṣhuḥ- gurudevakā virah hamen satātā hai. yahān̐ āte hain, unakī gun̐j sunāyī detī hai, phoṭoke samakṣha jāte hain to lagatā hai ki sinhanād gun̐jatā thā.
samādhānaḥ- gurudevakā virah to sabako lagatā hai, parantu kuudaratake āge kahān̐ (chalatī hai)? aisā dravya jagatamen shāshvat rahe, shāshvat birāje aisī sabako bhāvanā ho parantu kudaratake āge koī upāy nahīn hai. sabako gurudevakā virah to lagātā hai. gurudev to gurudev the.
mumukṣhuḥ- hān̐ jī, mārga to ve hī darshā rahe haĩn.
samādhānaḥ- mārga to gurudev darshā rahe haĩn. mukhya to gurudev hī sab mārga darshā rahe haĩn. chāron or prachār (huā hai).
mumukṣhuḥ- adhyātmakā pravāh chāron or pahun̐chā hai. gurudevakā aur āpakā mahān upakār hai.
samādhānaḥ- ... andar puruṣhārtha kaise karanā? sabako ek hī prashna utpanna hotā hai. bahut kahā hai, spaṣhṭa kiyā hai. kahīn kisīko prashna utpanna ho aisā nahīn hai, itanā spaṣhṭa kar diyā hai.
mumukṣhuḥ- jab samyagdarshanakā viṣhay dravyadr̥uṣhṭi karanemen ātī hai, tab paryāy dravyase bhinna hai, aisā kahanemen āyā. to dravya aur paryāyakī jo bhinnatā hai, is viṣhayamen gurudevakā kahanekā āshay kyā hai? yah hamen vistārase samajhāiye.
PDF/HTML Page 927 of 1906
single page version
samādhānaḥ- dravyadr̥uṣhṭikī mukhyatāmen paryāy gauṇ ho jātī hai. paryāyakī dravya par jahān̐ dr̥uṣhṭi huyī vahān̐ paryāy lakṣhyamen nahīn ātī. pūrā dravya sāmānya jahān̐ lakṣhyamen āyā, usamen paryāy gauṇ hotī hai. paryāy par lakṣhya nahīn rahatā hai. is apekṣhāse paryāy aur dravya (bhinna kahanemen ātā hai). bākī paryāy hai vah dravyakī paryāy hai. dravyase ūpar- ūpar nahīn hai. dravya par dr̥uṣhṭi karanemen ātī hai, vahān̐ paryāy gauṇ hotī hai. aur vah paryāy par lakṣhya, dr̥uṣhṭikā lakṣhya paryāy par nahīn hotā hai. dr̥uṣhṭikā viṣhay akelā dravya hai.
mumukṣhuḥ- dūsarī bāt yah kī ki, jab paryāyamen rāg hotā hai, tab rāgakī malinatā hai vah bāhar rah jātī hai aur paryāy antarlīn hotī hai, vah paramapāriṇāmikabhāvarūp ho jātī hai. to dhruv hai vah niṣhkriy hai aur paryāyakā jo rāg hai vah rāg bāhar rah jātā hai aur paryāy svayam antarlīn hotī hai-bhūtakālakī paryāy, tab paramapāriṇāmikabhāvarūp ho jātī hai, is viṣhayamen kyā (samajhanā)?
samādhānaḥ- rāg bāhar rah jātā hai arthāt vah rāg to asthiratākā rāg hai. paryāy andar jāy to shuddha paryāy andaramen pragaṭ hotī hai. paryāy shuddharūp hotī hai, paryāy bāhar rah jātī hai arthāt... jahān̐ bhedagnān hotā hai, vahān̐ asthiratā alpa hotī hai. vah alpa asthiratā rahatī hai. bākī bāhar rah jāy, usakā kyā artha hai?
mumukṣhuḥ- paryāyamen jo rāg hotā hai vah rāg bāhar rah jātā hai aur paryāy...
samādhānaḥ- paryāy paramapāriṇāmikarūp huī.... dravya svayam pūrā pāriṇāmikabhāvarūp hī hai. paryāy usamen līn hotī hai arthāt pāriṇāmikabhāvarūp dravya pariṇamatā hai. dravyamen aisī yogyatā hotī hai. bhūt, vartamān, bhaviṣhyakī paryāyako dravya kahanemen ātā hai. vah paryāyarūp nahīn, parantu pāriṇāmikabhāv dravyarūp rahatā hai. pāriṇāmikabhāvarūp rahatī hai. rāg andar nahīn ātā. rāg to malin paryāy hai. dravya svayam shuddhatārūp anādiananta rahatā hai. paramapāriṇāmikabhāvarūp rahatā hai.
mumukṣhuḥ- amuk apekṣhāse bhinnatā batāte hain isaliye samajhanamen thoḍī ulajhan hotī hai.
samādhānaḥ- apekṣhā samajh lenī, usamen koī ulajhan nahīn hai. dravya par dr̥uṣhṭi karanese muktikā mārga shurū hotā hai. muktikā mārga dravya par dr̥uṣhṭi karanese shurū hotā hai aur bhedagnān karanese muktikā (mārga shurū hotā hai). svamen ekatva aur parase vibhakta aisī chaitanyakī pariṇatikī dhārā pragaṭ karanese muktikā mārga shurū hotā hai. shubhāshubh vikalpa so main nahīn hūn̐, main usase bhinna chaitanyatattva hū̃n. kṣhaṇik nahīn hūn̐, parantu main to shāshvat dravya hū̃n. guṇake bhed, paryāyake bhed dr̥uṣhṭimen nahīn āte, parantu gnān sab jānatā hai. aisā
PDF/HTML Page 928 of 1906
single page version
dr̥uṣhṭi viṣhay karake gnān sab jānatā hai. pariṇati svayam svakī or ḍhale. vikalpa toḍakar svānubhūti ho, nirvikalpa dashā ho, muktikā mārga (pragaṭ hotā hai). usamen ulajhan honekā koī savāl nahīn hai. kis apekṣhāse hai, vah apekṣhā samajh lenī. usamen muktikī paryāyako bādhā nahīn pahun̐chatī. apekṣhā samajh lenī. dr̥uṣhṭiko mukhya karake, gnānamen jānakar paryāyakī shuddhatā pragaṭ karanī vahī muktikā mārga hai.
mumukṣhuḥ- ... usamen asamādhān hotā hai. bhinna-bhinna virodhābhāsī vachan dekhakar aisā hotā hai ki yahān̐ to aisā kahā hai aur isase virūddha aisā kahā, punaḥ isase virūddha yah kahā, punaḥ isase virūddha aisā kahā. aise virodhābhās...
samādhānaḥ- usakī apekṣhā samajhamen nahīn ātī hai. kis apekṣhāko mukhya karanī, kaun-sī apekṣhā gauṇ karanī yah samajhamen nahīn ātā, isaliye usīmen rukatā hai. parantu muktikā mārga dravyadr̥uṣhṭise hotā hai aur usamen paryāyakī shuddhatā pragaṭ karanī hai. muktike mārgamen jānā hai aur usīmen gothe khānā, usake bajāy usakī apekṣhā samajh lenī. usakī ulajhanamen rahaneke bajāya.
chaitanya dravya sāmānya tattva hai. usamen guṇake bhed, paryāyake bhedako dr̥uṣhṭi svīkāratī nahīn hai. gnān sabako jānatā hai. dravyamen ananta guṇ hai. gnānamen sab hai. dravya-guṇ- paryāyase bharā tattva hai. use pahachān lenā. aur dr̥uṣhṭi ek sāmānya par karanī. svamen ekatvabuddhi, parase vibhakta aisī bhedagnānakī dhārā, dravya par dr̥uṣhṭi karake vikalpa toḍakar shubhāshubh vikalpajālase bhinna nirvikalpa tattva hai, use pahachānakar svānubhūtike mārga par jānā. phir yah apekṣhābhed kyā hai, usakā vichār karake, samajhakar samādhān karanā.
kisako mukhya karanā aur kisako gauṇ karanā, vah kyā hai? usamen ekānta karake vastukā svarūp kyā hai, yah samajh lanā. dravya akhaṇḍa trikāl hai, paryāy kṣhaṇik hai. use vah sparshatā nahī̃n.
mumukṣhuḥ- guṇabhedako bhī nahīn sparshatā, isaliye jab tak bhed hogā tab tak vikalpa uṭheṅge.
samādhānaḥ- bhed par dr̥uṣhṭi denese vikalpa utpanna hote haĩn. bhed parase dr̥uṣhṭi uṭhā lenī. dravyamen guṇ hī nahīn hai, paryāy bhī nahīn hai, aisā usakā artha nahīn hai. dravyamen guṇ hī na ho aur dravyamen paryāy hī na ho to akelā dravya (ho jātā hai). to vedan kisakā? svānubhūti kisakī? usamen ananta guṇ, gnān aur ānanda kisakā? usakā vedan kisakā? use sparshatā nahīn-chhūtā nahīn, usamen kuchh hai hī nahīn to dravya akelā sāmānya kūṭastha shūnya hai, aisā artha ho jātā hai.
mumukṣhuḥ- arthāt gurudevane kahī bātakī apekṣhā barābar samajhanī.
PDF/HTML Page 929 of 1906
single page version
samādhānaḥ- apekṣhā samajhanī chāhiye.
mumukṣhuḥ- ki kis apekṣhāse bāt hai?
samādhānaḥ- kis apekṣhāse hai? dr̥uṣhṭikā bal batāte haĩn. dr̥uṣhṭike balase āge baḍhā jātā hai. isaliye usamen kuchh hai hī nahīn, aisā usakā artha nahīn hai. siddha bhagavān bhī ananta guṇ aur ananta paryāyamen virājate haĩn. unhen ananta paryāy pragaṭ hotī rahatī hai, samay-samayamen ananta guṇakī ananta paryāyen (pragaṭ hotī hain). agurulaghurūp pariṇamate haĩn. vah vastukā svabhāv hai. lekin tū us bhed par dr̥uṣhṭi mat kara. guṇabhedamen rukanese tū āge nahīn baḍh sakegā. tū ek sāmānya mūl vastu astitva par lakṣhya kar, aisā kahate haĩn. sab nikāl degā to tattva shūnya (ho jāyagā), aisā vastukā svarūp nahīn hai. utpād-vyay-dhruvarūp tattva hai. utpād-vyay-dhruv yuktan dravya. dravyakā svarūp to aisā hai.
mumukṣhuḥ- dravya akelā kūṭastha nahīn hai.
samādhānaḥ- hān̐, kūṭastha kis apekṣhāse? dravyadr̥uṣhṭikī apekṣhāse. parantu pāriṇāmikabhāvarūp dravya hai.
mumukṣhuḥ- ... anubhav karanekā, phir bhī ānanda dūr kyon rahatā hai?
samādhānaḥ- puruṣhārtha nahīn karatā hai, bhāvanā hai phir bhī. jis svabhāvarūp pariṇamit hokar āge baḍhanā hotā hai, us prakārase jātā nahīn hai. isaliye svayaṅko us rūp pariṇaman karanā chāhiye, gnāyak gnāyakarūp, gnātākī dhārā pragaṭ karake, kartābuddhi chhoḍakar gnāyak gnāyakarūp pariṇamit ho to ānanda pragaṭ hotā hai. pariṇamatā nahīn hai. vibhāvakā pariṇaman ekatvabuddhikā hai. ānandarūp kahān̐ pariṇamegā? bhāvanā ho, parantu bhāvanā anusār kārya nahīn karatā hai.
mumukṣhuḥ- bāharamen hī ruk jātā hai.
samādhānaḥ- hān̐, bāharamen rukatā hai. bhāvanā ho, parantu us prakārakā pariṇaman karanā chāhiye na.
mumukṣhuḥ- yathārthatayā dekhe to utanā prayatna karatā nahīn hai.
samādhānaḥ- hān̐, prayatna nahīn karatā hai.
mumukṣhuḥ- saṅkṣhepamen ek hī bāt dījiye na, ..
samādhānaḥ- dravyadr̥uṣhṭi pragaṭ karanī vaha. gnānamen sab bhed jānanā aur ek dravya par dr̥uṣhṭi karanī. aur svamen ekatva karake, vibhakta shubhāshubh bhāvase bhinna..
mumukṣhuḥ- jānanekī bāt āpane phirase kahī, usake bajāy...
samādhānaḥ- main ek chaitanyatattva hūn̐, jān lenā. ananta guṇ aur usamen ananta
PDF/HTML Page 930 of 1906
single page version
paryāy hai. phir adhik apekṣhāmen nahīn rukakar mūl tattvako grahaṇ kar lenā. astitva gnāyaka.
mumukṣhuḥ- āp aisā ek mantra dījiye.
samādhānaḥ- ek gnāyakatattvako grahaṇ kar lenā. usamen ananta guṇ bhare haĩn. gnāyak guṇonse bhinna nahīn hai. gnāyak ananta guṇonse bharapūr hai. usamen ānandādi ananta guṇ haĩn. usakā astitva grahaṇ kar lenā. kṣhaṇ-kṣhaṇamen bhedagnān karake. paryāy par dr̥uṣhṭi nahīn hai, parantu jānatā to hai, paryāyakā vedan hotā hai. svānubhūtimen paryāyakā vedan hotā hai. jāne sab, parantu dr̥uṣhṭi ek dravya par hotī hai.
mumukṣhuḥ- ek samayamen bahinashrī! dr̥uṣhṭi dravya par aur jānapanā, donon ek samayamen?
samādhānaḥ- hān̐, sāthamen jānatā hai. dr̥uṣhṭi sāmānya par hai aur gnān sab jānatā hai. use bhed kar-karake, pratisamay bhed karatā rahatā hai aisā nahīn, sahaj jānatā hai. main is sva-rūp hūn̐ aur par-rūp nahīn hū̃n. aisī anekāntamūrti hai ki main sva-rūp hūn̐ aur par-rūp nahīn hū̃n.
... nayapakṣha chhūṭ jāy to nirvikalpa hotā hai. phir to sahajarūp (hotā hai). dr̥uṣhṭi ek ātmadravya par aur gnān sab jānatā hai, pramāṇarūp sab jānatā hai. dr̥uṣhṭi ek mukhya rahatī hai. svayam svayaṅko jāne. ... dhruv tattva par hai. dravyako samajhakar, dravya par dr̥uṣhṭi karake bhedagnān kare to vahī muktikā mārga hai.
mumukṣhuḥ- ājakī charchāmen mujhe aisā lagatā hai ki pūrā sār (ā gayā). mumukṣhuḥ- dravyadr̥uṣhṭike joramen paryāyako gauṇ karavāneko koī bāt jorase ātī hai to ekānta pakaḍatā hai aur phir usamen aṭak jātā hai.
samādhānaḥ- hān̐, to aisā ho jātā hai. usamen aṭakatā hai ki paryāyako abhinna mānanī yā bhinna mānanī? usamen aṭakatā hai.
mumukṣhuḥ- aisā karatā rahatā aur agnānamen use rāstā sūjhatā nahīn hai aur khyāl nahīn ātā hai.
samādhānaḥ- (dravyadr̥uṣhṭike) joramen vah shuddha paryāy pragaṭ hotī hai. usamen bhinna yā abhinna, usake gnānamen samajhamen ā jāyagā. yathārtha pariṇatimen vah ā jātā hai. usakā vedan hotā hai, usīse samajhamen ātā hai ki vah sarvathā bhinna hai. aisā usamen ā jātā hai. aur pūrā sāmānya dravya hai aur vah nayī pragaṭ hotī hai aur vyay hotī hai. ataḥ vah sarvathā bhinna bhī nahīn hai aur usakā svabhāv kṣhaṇik hai, aisā sāthamen ā jātā hai. vah apekṣhā usamen sāthamen ā hī jātī hai.
dravyakī bhān̐ti shāshvat sāthamen nahīn hai. nayī utpanna hotī hai, vyay hotī hai. aisā
PDF/HTML Page 931 of 1906
single page version
hotā hai aur usakā vedan hotā hai. dravyakī hī vah paryāy hai parantu kṣhaṇik hai. isaliye bhinna yā abhinna jaise gnānakī apekṣhāmen samajhamen āye aisā hai. ... paryāy hai. dravyake āshray binā nahīn hotī hai, ūpar-ūpar nahīn hotī hai. dravyakā svabhāv hai, dravyakī paryāy hai. kṣhaṇik hai, isaliye dravya sāmānya hai usase usakā svabhāv thoḍā alag hai. kṣhaṇik hai.
mumukṣhuḥ- ... koī bhī bāt kahī ho, parantu gauṇ karavāneke liye bāt kahī hai.
samādhānaḥ- gauṇ karaneke liye, nikāl denekī bāt nahīn hai. dr̥uṣhṭike joramen nikāl dī, aisī bāt bhī āye, parantu use samajhanā chāhiye. jaise rāg jaḍ hai aisā kahanemen ātā hai, parantu rāg jaḍ hai aisā hī mān le to vibhāv hī nahīn hai, aisā artha ho jāy na. rāg jaḍ hai. vah apanā svabhāv nahīn hai, isaliye use jaḍ kahanemen ātā hai. to phir puruṣhārtha kis bātakā, bilakūl jaḍ ho to? svayaṅkā svabhāv nahīn hai.
... bhinna, parantu vah dravyake āshrayase hotī hai. jaisā dravya svatantra svataḥsiddha hai, vaise paryāy svataḥsiddha dravyake āshray binā hai, aisī usamen apekṣhā nahīn ātī hai. dravyake āshrayase hī paryāy hotī hai. .. usake bhinna nahīn hai. jaise ek dravyase dūsare dravyake bhinna hai, aise ek dravyase paryāyake (kārak) us prakārase bhinna nahīn hai. use to dravyakā āshray hai.
mumukṣhuḥ- us prakārase bhinna nahīn hai.
mumukṣhuḥ- hān̐, maryādā bāhar (nahīn hai). apanī-apanī maryādā to hai.
samādhānaḥ- use dravyakā āshray hai. usakā-paryāyakā svabhāv alag hai isaliye usake kārak bhinna hai, aise. dravyake āshrayase, jaisā dravya hotā hai us jātakī usakī paryāy hotī hai. usamen to do dravya svatantra hain, bilakūl svatantra haiaĩn. jaise do dravya svatantra hain, vaise paryāy aur dravya us prakārase svatantra nahīn haĩn. jaisī dravyakī dr̥uṣhṭi hotī hai, us prakārakī paryāy hotī hai. dr̥uṣhṭi dravya par jāy to paryāy vaisī hotī hai.
mumukṣhuḥ- .. paryāyako dravyakā āshray hai.
samādhānaḥ- paryāyako dravyakā āshray hai. .. lekin usamen ek jātakā nahīn hai, isaliye ek bhī bāt binā apekṣhāse nakkī nahīn hogī. bhinna hai? abhinna hai? bhinna hai? abhinna hai? ekānta nahīn hai, ataḥ vaise vah nishchit nahīn hogā, usamen apekṣhā ātī hai.
.. sabane bahut sunā hai. gurudev to mūsalādhār vāṇī barasā gaye haĩn. kahīn kisīko koī prashna na rahe, aisā chāron orase gurudevane spaṣhṭa kiyā hai. bahut darshāyā hai. ātmāko gnāyakako pahichānanā. sharīr aur vibhāvaparyāy usakā svabhāv nahīn hai. usase bhinna jānanekā
PDF/HTML Page 932 of 1906
single page version
svabhāv hai. guṇabhed, paryāyabhed parase dr̥uṣhṭi uṭhākar ek gnānamen sab jān lenā. bākī ātmāmen līnatā karake, bhedagnān karake, svānubhūti pragaṭ karanī vahī muktikā mārga hai. svayam gnāyak gnātādhārā antaramense pragaṭ karanī. kartābuddhi chhoḍakar antarase gnāyakatā pragaṭ karanī, vah karanā hai. andar svabhāvamense karanā hai. kalyāṇarūp, hitarūp, maṅgalarūp sab vahī hai.
mumukṣhuḥ- ekatvabuddhi kaise ṭūṭe?
samādhānaḥ- ekatvabuddhi prayatna karanase ṭūṭatī hai. svamen ekatvabuddhi, parase vibhakta. puruṣhārtha karanese ṭūṭe. anādikā jo abhyās hai, usase ekatvabuddhi toḍanī. svabhāvase ātmāko pahichāne ki main chaitanya hūn̐, yah main nahīn hū̃n. is tarah apanā svabhāv pahichāne. ātmā gnāyak svabhāv hī hai. usakā dūsarā svabhāv nahīn hai. gnāyakatā-ananta guṇase bharī gnāyakatākā astitva grahaṇ kare. is tarah svayammen ekatvabuddhi kare. pariṇatiko apanī or lāye. mati aur shrutase yathārtha nirṇay kare. usamen dr̥uṣhṭi sthāpit karake, us or gnān evan līnatā us or kare to hotā hai. puruṣhārtha kare to hotā hai, usakī lagan lagāye to hotā hai. bākī anādikā abhyās hai. pariṇati apanī or, pariṇatikī dauḍ apanī or kare to hotā hai. pariṇati dūsarī or chal rahī hai, use apanī or prayatna kare to hotā hai.
mumukṣhuḥ- pariṇati dūsarī or ho jātī hai. isaliye or lāneke liye... samādhānaḥ- lāneke liye, bas, ek ātmāmen hī sarvasva hai, bāhar kuchh nahīn hai. sarvasva ātmāmen hai. bāharase sukhabuddhi uṭhākar, sarvasva jo kuchh hai sab ātmāmen hai. ātmā koī āshcharyakārī adabhut tattva hai. usamen adabhutatā, māhātmya, mahimā sab usamen lāye to chhūṭ jāya. apanī jarūrat mahesūs ho, bas, vahī kāryakārī hai, vahī kalyāṇarūp hai. ātmākā svarūp hī kalyāṇarūp hai aur kārya karane jaisā hai, aisā nirṇay-pratīt kare to us or puruṣhārtha muḍe binā nahīn rahatā.