Benshreeni Amrut Vani Part 2 Transcripts-Hindi (simplified iso15919 transliteration). Track: 154.

PDF/HTML Page 973 of 1906
single page version

samādhānaḥ- ... andarase jaldī mil jāy to. kitanī bār samayasār paḍhā, sabhāke bīcha. sab shāstra, bahut shāstra sabhāmen paḍhe. kitane sāla.

mumukṣhuḥ- samayasār dekho na, 19 bāra.

samādhānaḥ- prachār gurudevase hī huā hai. itane sālamen gurudev jitanā adhyātma (prasiddha nahīn huā). ek-ek paṅktike artha karanā. svayam hī ekadam ullās evan ānandase paḍhate the na. unako svayaṅko āshcharya lagatā thā. ataḥ sab shrotā usamen raṅg jāte the. unako svayaṅko aisā lagatā thā ki amr̥ut barasā!

.. kyā bolanā aur kyā nahīn bolanā, aisā hotā hai. aisā sadabhāgya milā ki gurudev yahān̐ padhāre, kitane jīvoṅko lābh milā. yah mahābhāgyakī bāt hai. gurudevane sabako ātma-bhagavān dikhāyā ki ātmā bhagavān hai. nahīn ātmā bhagavān, kaun pahachānatā thā? ātmā bhagavān hai tū. kartābuddhi chhoḍ, gnātāko pragaṭ kara. shāstramen to ātā hai, parantu use sūlajhāyā kisane? tū parako kar nahīn sakatā, par terā nahīn kar sakatā. tū gnāyak-gnātā hai, ye sab shāstramen ātā hai. use kisane sulajhāyā? gurudevane sab sulajhāyā.

sabakī sthūl bāhya dr̥uṣhṭi thī. antar dr̥uṣhṭi karanekā gurudevane kahā. sachchā munipanā batāyā, bhagavānakā svarūp batāyā, samyagdarshanakā batāyā, pūrā muktikā mārga batāyā. munipanā kaun samajhatā thā? kevalagnān antaramen bhagavānako pragaṭ hotā hai aur bhagavān vītarāg dashārūp ātmāmen (pariṇamit hue). bhagavānakā svarūp kaun pahachānatā thā? sab aisā mānate the ki siddha ho unhen janma nahīn hai, maraṇ nahīn hai. siddha shilāmen virājate the. aisā sab sthūl samajhate the.

... sab ātmā samān haĩn. ātmā dravyase sab samān hain, paryāyamen bhed hai. upādānase sab hotā hai, nimittase hotā nahī̃n. nimitta bīchamen hotā hai. ye sab gurudevane spaṣhṭa kiyā. pratyek dravya svatantra hai. koī kisīkā kar nahīn sakatā. guārudevane svatantratā batāyī. .. mārga batāyā. tū ātmā hai, tū ātmāko dekha.

... bahut abhyās karavāyā hai. antarakā abhyās bākī rah gayā hai. dev-guru-

PDF/HTML Page 974 of 1906
single page version

shāstrakā tū jaise smaraṇ karatā hai, unhen hr̥udayamen (rakhatā hai), vaise gnāyakako tū hr̥udayamen rakhanā. usakā sānnidhya to rakhanā. usakā antaramen abhyās ho to jyādā achchhī bāt hai. use hr̥udayamen to rakhanā. dev-guru-shāstrakī jaise mahimā rakhatā hai, vaise gnāyakako tū hr̥udayamen rakhanā. to hotā hai. shāstra mere (hr̥udayamen hai), vaise gnāyak bhī mere hr̥udayamen āo. antaramen to abhī (dūsarī bāt hai), ye to dhokhanerūp hai.

jinendra dev bhagavān.. guru kahate hain na? terā ātmā bhī bhagavān hai. dev-guru- shāstra bhagavān, vaise gnāyak bhī bhagavān hai. svayam bhagavān hai. chaturtha kāl hameshā hotā hai, is bharatakṣhetramen hī aisā hotā hai. pañchamakāl ātā hai. vahān̐ hameshā tīrthaṅkar evan muni ādi vicharate haiaĩn. is pañchamakālamen hī aisā hotā hai, is bharatakṣhetramẽn.

.. anek nayoṅke pahalūse jānanā hai. nayapakṣha pahale ātā hai, lekin phir chhūṭ jātā hai. ātmā baddha hai aur ātmā abaddha hai, ātmā ek hai aur ātmā anek hai, vah sab vikalpa āte haĩn. svabhāvase ek hai aur guṇase anek hai. jānanemen nayapakṣha (ātā hai). lekin phir atikrānt ho jātā hai. dr̥uṣhṭi ek bhī nayapakṣhakā svīkār nahīn karatī. vah to abhed hai. lekin vikalpa chhūṭe tab sab nayapakṣha chhūṭ jāte haĩn. tū tujhe pahachāna. .. itanā spaṣhṭa kar-karake gurudevane mārga spaṣhṭa kar diyā hai.

... har jagah ātmā hī mukhya hai. prashasta kāyāmen ... chalatā hī rahatā hai. sabamen ātmā. ātmākā āshraya. sab prashasta kāyāmen ātmā ... sanyamamen, niyamamen merā ātmā. ātmāmen hī basanā hai. merā ātmā hī samīp hai. ... āshray le to aisā ho jāy ki kaise āshray lūn̐? yah āshray chhūṭatā nahīn aur vah āshray hotā nahī̃n. anādise vibhāvakā āshray ho gayā hai. ātmākā āshray lenā use atyant duṣhkar ho gayā hai. svayam svayanse dūr ho gayā ho, aisā use bhram ho gayā hai. svayam hone par bhī.

.. ātmā samayasār.. ātmā hī usakā prayojan hai. ātmāko sādhe. .. svarūp ātmā, gnāyakabhāvarūp ātmā. sanyam, tap, niyam sab ātmā svayam hī hai. ātmā svabhāvarūp hai. shubh vikalpa āye vah alag, vah to puṇyabandhakā kāraṇ hai. ... khoj lenā, kahīnse bhī ātmāko khoj lenā. .. ātmārthī ho vah ātmākā prayojan sādhe. ātmāko khoj le. ātmākā prayojan aur ātmavastuko khoje. vah usakā kārya hai.

pratham bhūmikā vikaṭ hotī hai. .. prasaṅgommen jo lābh milā, vah sab bhāgyashālī hai. aise gurudev mile aur unakā itanā sānnidhya, vāṇī evan ye sab milā. is pañchamakālamen ye sab milanā bahut mushkil thā. mahābhāgyakī bāt hai ki garudev padhāre. ... pratāpase sabako mile. sabako mile haĩn. unakā jitanā karen utanā kam hai. unakī jitanī sevā karen aur jitanā lābh mile, sab kam hai. usamen ātā hai, "arpaṇatā pūrī nav amane

PDF/HTML Page 975 of 1906
single page version

āvaḍe, ...' chāhe jitanā kiyā, lekin sab kam hī hai.

samādhānaḥ- gnāyak so gnāyak hai, ātā hai na. pramatta bhī nahīn aur apramatta bhī nahīn hai. usamen kyā pūchhanā hai, ki ātmā gnāyak hī hai?

mumukṣhuḥ- kisī bhī avasthāke binā ... ekarūp hai, aisā batānā hai?

samādhānaḥ- koī bhī avasthāmen gnāyak so gnāyak hī hai. sādhak avasthākī koī bhī paryāy ho, pramatta dashā yā apramatta dashā, āchāryadev kahate hain, chhaṭhṭhave-sātaven guṇasthānamen munirāj kahate haĩn. chhaṭhṭhavā-sātavān̐ guṇasthān, apramatta avasthā yā pramatta avasthā, koī bhī dashāmen ātmā to gnāyak so gnāyak hī hai. jo ātmā anādiananta jo gnāyak, gnāyakarūp gnāt huā vah to gnāyak hī hai. donon dashāmen gnāyak hai. use apramatta dashā, sādhak dashākī vr̥uddhi ho, apramatta dashā ho yā pramatta dashā ho, avasthā koī bhī baḍhatī jāy, to bhī usamen gnāyak to gnāyak hī hai.

mumukṣhuḥ- shubhabhāvamen thakān lage to andar jānā ho sakatā hai. shubhabhāvamen bhī thakān lage. āchārya bhagavān kahate hain, "tatprati prītichitten yen vārtāpi hī shrutā', isamen kaise (mel hai)?

samādhānaḥ- āchāryadevakī vah apekṣhā alag hai aur vah apekṣhā alag hai. "tatprati prītichitten yen vārtāpi hī shrutā' arthāt utanī prītise bāt bhī sunī hai arthāt jise utanī antaramen ruchi hai, ātmākī or itanī prīti hai ki mujhe ātmā kaise samajhamen āye? isaliye use ātmā bhī apūrva lage. ye ātmā kaisā apūrva hogā! aisī ātmākī orakī ruchi pragaṭ ho to us or usakī pariṇati jātī hai. yathārtha ruchirūp kāraṇ pragaṭ ho to kārya hotā hai. aisā āchāryadev kahate haĩn. yathārtha kāraṇ ho, yathārtha prīti ho antarase, sunanekī prīti aisī antarase lage ki andar ātmākī or chalā jāy, aisī prīti lage.

isaliye use yathārtha ruchi ho to yathārtha kārya ātā hai. parantu jo shubhabhāvamen aṭakā hai ki shubhabhāvase mujhe dharma hotā hai, shubhake sāth jisakī ekatvabuddhi hai to ātmā to shuddhātmā to shuddhātma svarūp hī hai. shubhabhāv usakā svabhāv nahīn hai. isaliye shubhabhāvamen yadi ekatvabuddhi ho jāy to vah āge nahīn chal sakatā. aur shubhāshubh donon bhāvommen use thakān laganī chāhiye, use ākulatā laganī chāhiye, duḥkh laganā chāhiye. kyoṅki vah merā svabhāv nahīn hai, main usase bhinna hū̃n. aisī use yathārtha pratīt ho, aisā use andarase duḥkh lage, thakān lage to hī vah āge jātā hai.

parantu bīchamen yah ruchi āye, us ruchimen vah shubhabhāvamen grahaṇ nahīn karatā hai, parantu ātmākī apūrvatāko grahaṇ karatā hai. shubhabhāv to bīchamen āte haĩn. jab tak

PDF/HTML Page 976 of 1906
single page version

kevalagnān nahīn hotā, tab tak use bīchamen shubhabhāv (āte hain), jab tak usakī vah dashā hai tab tak āte haĩn. munioṅko bhī shubhabhāv to āte hain, parantu heyabuddhise āte haiain ki vah apanā svabhāv nahīn hai. isaliye usase bhedagnān-bhinna-nyāre rahate haĩn. samyagdr̥uṣhṭi bhī usase nyārā rahatā hai. usakā bhedagnān vartatā hai ki shubhabhāv apanā svabhāv nahī nhai. aisī pratīt na ho tab tak āge nahīn baḍhatā. usamen thakān nahīn lage to āge nahīn baḍhatā.

parantu "tatprati prītichitten' arthāt tū shubhabhāv kar, aisā artha nahīn hai. use apūrvatā lagatī hai. us bātakī apūrvatāke sāth ātmavastukī apūrvatā lagatī hai. arthāt apūrvatā laganese vah svayaṅkī or jātā hai. shubhabhāvase vah āge baḍhatā hai, aisā usakā artha nahīn hai. parantu use apūrvatā (lagatī hai). shubhabhāv to sāth-sāth āte hain, parantu vah ādaraṇīy nahīn hai, lekin use shubhabhāv sāthamen āte haĩn. parantu usakī pariṇati to apūrvatākī or jātī hai. aisī apūrvatā lagatī hai isaliye āge jātā hai. antarase aisī yathārtha ruchi jāgr̥ut hotī hai. shubhabhāvase āge baḍhā aisā usakā artha nahīn hai, apūrvatāse āge jātā hai.

(shubhabhāv) bahut bār kiye, lekin usamen sarvasva mān liyā, isaliye vahān̐ ruk gayā hai. āchārya aisā kahate hain ki shubhabhāv terā svabhāv nahīn hai. lekin terā ātmā koī apūrva hai, use pahichāna. ataḥ apūrvatā lage to āge baḍhatā hai. ūn̐chī dashā pragaṭ ho, apūrvakaraṇ āye ki kevalagnān (pragaṭ ho), koī bhī ūn̐chī-ūn̐chī dashā pragaṭ ho to bhī gnāyak to gnāyak hī hai. vah sab paryāyen, shuddhikī paryāyen pragaṭ hotī hai. isaliye gnāyak anādiananta hai, us par dr̥uṣhṭi kara. kahanekā tātparya yah hai. gnāyak gnāyakarūp hī rahatā hai. gnāyakakī dr̥uṣhṭikī ḍor gnāyakakī or hī hai, to usamen shuddhikī paryāyen pragaṭ hotī jātī hai. (shuddhi) baḍhatī jāy to bhī usakī dr̥uṣhṭi to gnāyak par hī hai.

mumukṣhuḥ- shuddhabhāv adhikāramen bhī vahī bāt kahī hai? ki jivādi sāt tattva hey hai, ātmā grāhya hai?

samādhānaḥ- sab bhāv hey hain, ek ātmā grāhya hai. bākī sab bhāv-kṣhayopashamabhāv, upashamabhāv, udayabhāv, kṣhāyikabhāva. ek pāriṇāmikabhāv hī grahaṇ karane yogya hai. bākī sab hey hai. bīchamen āte haĩn. upashamabhāvakī paryāy pragaṭ hotī hai, kṣhāyikabhāv to ātmākī shuddha nirmal paryāy pragaṭ hotī hai, kṣhayopashamabhāv adhūrī paryāy hai, sab paryāy par dr̥uṣhṭi karake anādiananta pāriṇāmikabhāv hai, use grahaṇ kare. ātmāko grahatā hai. pāriṇāmikabhāv arthāt pūrā ātmā, akhaṇḍa ātmā anādiananta hai use grahaṇ kara. vah sab bhāv to bīchamen paryāyen haĩn.

PDF/HTML Page 977 of 1906
single page version

anādiananta jo ātmā hai, use grahaṇ kara. vah sab to pragaṭ hotī hai. upashamabhāv, kṣhāyikabhāvako grahaṇ nahīn karake ek pāriṇāmikabhāvako grahaṇ kara. to tattvakā mūl asalī svarūp usane grahaṇ kiyā hai. vah to ūparakā hai, asal svarūp nahīn hai, vah to pragaṭ hotā hai. anādiananta svarūp pāriṇāmikabhāv hai, use grahaṇ karanā. use grahaṇ karanese usakā mūl chaitanyatattvakā asalī mūl usane grahaṇ kiyā. asalī svabhāv grahaṇ kiyā. asalī svabhāv grahaṇ kare to usamense nirmalatā pragaṭ hotī hai. asalī svabhāv yadi grahaṇ na kare to usamense nirmalatā pragaṭ nahīn hotī. (niyamasāramen) pāriṇāmikabhāvako bahut hī gāyā hai.

mumukṣhuḥ- .. 320 gāthāmen kahā hai. samādhānaḥ- paramapāriṇāmik? anādiananta paramapāriṇāmik kahanemen ātā hai. .. apekṣhā lāgū nahīn paḍatī. nirapekṣha bhāv hai, anādiananta. upashamabhāv, karmake kṣhayakī apekṣhā, upashamakī apekṣhā, upashamabhāvakī yā karmake kṣhayakī aur udayakī apekṣhā, koī apekṣhā nahīn hai. jo nirapekṣha bhāv hai, anādiananta hai, vah paramapāriṇāmikabhāv hai.

prashamamūrti bhagavatī mātano jay ho! mātājīnī amr̥ut vāṇīno jay ho!