Benshreeni Amrut Vani Part 2 Transcripts-Hindi (simplified iso15919 transliteration). Track: 21.

PDF/HTML Page 113 of 1906
single page version

ṭrek-021 (audio) (View topics)

samādhānaḥ- ... yahān̐ bahut rahate the. karane jaisā yah ek hī hai. (pratikūl) sanyogamen shānti rakhanī.

... gnāyak kaise pahachānamen āye? bāhar shubhabhāvamen dev, guru aur shāstra usake hr̥udayamen hone chāhiye aur andaramen shuddhātmā sarvase bhinna hai use pahachāne to yah karane jaisā hai. gurudevake pratāpase, pīchhese koī rog āye to shānti (rakhe).

bārambār-bārambār andaramen gaharāīmen aisā ho ki ātmā hī grahaṇ karanā hai, ātmāke sivā aur kuchh nahīn chāhiye. aisī antarakī bhāvanā ho aur bārambār main gnāyak hūn̐, aisī bhāvanā rahe. abhī yathārtha grahaṇ nahīn huā hai, parantu bārambār usakā vichār, usīke bārambār vichār karatā rahe, usakā manthan karatā rahe, laganī lagāye. aisā kare to andar sanskār paḍate haĩn. andarase gaharāīse ho to. ūpar-ūparase ho to nahīn paḍate. andar gaharāīse (honā chāhiye).

mumukṣhuḥ- svayaṅko mālūm paḍatā hai?

samādhānaḥ- svayaṅko mālūm paḍe yā nahīn paḍe. gaharāīse ho to svayaṅko mālūm paḍe bhī aur nahīn bhī paḍe. mālūm paḍe hī aisā kuchh nahīn hai.

mumukṣhuḥ- svayaṅko ek hī lagan ho to hī paḍe?

samādhānaḥ- to hī paḍe. laganī andarakī gaharāīse honī chāhiye. dūsarā kuchh bhī ruche nahīn, ek ātmā hī ruche. aise andarakī gaharāīse sanskār ho to paḍe, gaharī ruchi ho to paḍate haĩn. andarase use ruchi jāgr̥ut ho jātī hai. aise koī prasaṅg bane to use aisā lagatā hai ki, mujhe yah nahīn chāhiye, mujhe kuchh aur chāhiye. mujhe ātmā chāhiye. aisī antarase use sphuraṇā hotī hai. antarake gahare sanskār ho to. aise koī prasaṅg dekhe, dev-guru-shāstrakā sānnidhya prāpta ho, use andarase sphuraṇā ho ki mujhe yah chāhiye. andarase ruchi jāgr̥ut ho jāye. puruṣhārtha kare to hotā hai, lekin ruchi jāgr̥ut ho jāye.

ātā hai na? "krodhādi taramyatā sarpādikanī mānhi, pūrva janma sanskār...' pūrvake sanskār ho vah amuk bhavamen sphurit ho jāte haĩn. amuk prakārakī jo svayaṅkī lāyakāt

PDF/HTML Page 114 of 1906
single page version

ho, vah svayam hī antarase sphurit hotī hai. aise shubhabhāv ho, aisā puṇya bandhe ki dev-guru-shāstrake sānnidhyamen (jāye). andarase svayaṅkī ruchi jāgr̥ut ho jāye ki mujhe to yahī chāhiye, mujhe aur kuchh nahīn chāhiye.

mumukṣhuḥ- aisā sab honekā kāraṇ pūrvake sanskār?

samādhānaḥ- pūrvake sanskār (kāraṇ) hai. use dravyadr̥uṣhṭise nahīn kahanemen ātā, lekin aise ek jātake sanskār paḍate haĩn. amuk jātake jo vibhāvake sanskār chale ā rahe hain, pūrvamen jo hote hain, phirase jo bhav dhāraṇ kare usamen us jātake sanskār, us jātake shubhabhāv, kaṣhāy ādi sab hote hain, aisā dikhanamen ātā hai. isaprakār antaramen jo svayaṅkī ruchi ho, vah ruchi use jāgr̥ut honekā kāraṇ hotī hai. phir use baḍhāneke liye svayaṅkā vartamān puruṣhārtha kām karatā hai. jyādā kārya karaneke liye.

mumukṣhuḥ- vartamānamen jise sukh hī nahīn hai, use..

samādhānaḥ- kisīko pūrvake sanskār ho to .. kisīko nahīn bhī ho. vartamān jīvakī aisī koī yogyatāke kāraṇ baiṭh jāye. vaisī usakī yogyatā, koī prakārakī komalatā lekar āyā ho use baiṭh jātā hai. bākī kisīko sanskār hotā hai aur kisīko nahīn bhī ho. sabhīko sanskār hī ho, aisā nahīn hotā. to-to jīvako pahalī bār ho to use pahaleke sanskār.. nigodamense nikalakar pahalī bār hotā hai. sanskār hī ho, aisā nahīn hotā. lekin kisīko sanskār hote hain, kisīko sanskār nahīn hote.

svayam vartamānamen taiyārī kare ki mujhe ātmā hī chāhiye. bārambār usakā raṭan, laganī, jignāsā, vichār, usīke vichār, vāñchan ātmāke liye karatā ho. dhyey ek ātmākā, ātmākā prayojan hotā hai, dūsarā koī prayojan nahīn hotā. bāharakā kisī bhī prakārakā prayojan nahīn hai. sabakuchh ātmārthake liye hai. antarase aisā ho to use sanskār (paḍate hain). usake ātmāko vahī ruche, vahī posāy, dūsarā kuchh antarase nahīn ruche, dūsarā kuchh posātā nahīn, aisā ātmākā jīvan ho jāye ki dūsarā kuchh posāy nahī̃n. ek satakī ruchi, ek sat ātmā kaise prāpta ho? aisā use posātā ho to use dūsare bhavamen bhī vah sanskār sphurit hue binā nahīn rahate. aisā honā chāhiye. use vahī posāy, dūsarā kuchh nahīn, dūsarā kuchh antaramen ruche nahī̃n. antaramen us jātakī ruchi aur laganī ho to vah sanskār use rahate hain aur sphurāyamān bhī hote haĩn.

mumukṣhuḥ- vah sanskār sphure binā nahīn rahe.

samādhānaḥ- sphure binā nahīn rahate. sphure yānī use aisā lage, kahīn bhī ras nahīn āye. ātmākī bātamen hī ras āye. aisā antaramense us jātakā ho jātā hai. sahaj hī svayam aisā raṭan vah lekar āyā hai, ghūṭan karake āyā hai.

PDF/HTML Page 115 of 1906
single page version

mumukṣhuḥ- ... nahīn ho to sanskār paḍe to bhī use..

samādhānaḥ- to bhī achchhā hai. samyagdarshan jitanā puruṣhārtha ho jāye to uttam hai, lekin nahīn ho to usakī bārambār laganī lagātā ho, usīkā raṭan karatā ho, sanskār paḍe to bhī achchhā hai. "tatprati prītichitten yen vārtāpi hi shrutā.' vārtā bhī antarakī prītise sunī hai to bhāvi nirvāṇ bhājanan. usamen usakī antarakī prīti, andarakī ruchi aur prīti hī kām karatī hai. bhaviṣhyamen vah use sphure binā nahīn rahatī. pariṇati pragaṭ hue binā nahīn rahatī. antarakī prītise bāt sunī hai aur apūrvatā lagī hai to antarase lagī apūrvatā phir jātī nahī̃n. āye binā nahīn rahatī.

deshanālabdhi hotī hai, vah use kahān̐.. hotā nahī̃n. bhagavānakī vāṇī yā gurudevakī vāṇī sunakar antaramense koī apūrvatā lagī aur antaramense ātmā kuchh alag hai aur ye kuchh alag hī kahate hain, aisī deshanā antaramen grahaṇ ho gayī to vah deshanā bhī kām karatī hai, svayaṅko kuchh mālūm nahīn hotā. vah sab sanskār hī kām karate haĩn. dravyadr̥uṣhṭise use nahīn kahanemen ātā, phir bhī nishchay-vyavahārakī sandhi hai. vaise vah sanskār bhī hai. deshanālabdhi antaramen hotī hai, vah bhī pragaṭ hotī hai. us vakta use mālūm nahīn hotā, apragaṭarūpase apūrvatā lagatī hai. antaramen jo pariṇati muḍī hai vah apragaṭ hai. ye kuchh alag apūrva hai. apūrvatākā poṣhaṇ andarase ho gayā, vah use āye binā nahīn rahatā.

mumukṣhuḥ- sanskārase mithyātva galatā hogā?

samādhānaḥ- mithyātvakā ras, darshanamohanīy manda paḍatā hai. darshanamohanīy to manda hai. lekin darshanamohanīy chalā nahīn jātā. vah to darshanamohanīyakī mandatā hai. mithyātvakā ras manda paḍatā hai. apanī orakī apūrvatā lagatī hai to. sachche dev-guru-shāstrako grahaṇ karatā hai to bhī darshanamohanīy manda hai. parantu andar ātmākī apūrvatā lage, us pūrvak jo darshanamohanīy manda paḍatā hai, vah alag rītase paḍatā hai. jo jūṭhe dev-guru-shāstrako grahaṇ kare, usase to jo sachche dev-guru-shāstrako grahaṇ karatā hai, usakā darshanamohanīy manda hai. parantu andarase apūrvatā lagakar grahaṇ ho, vah darshanamohanīy alag prakārase (manda) paḍatā hai. ab ātmākī or hī muḍegā.

mumukṣhuḥ- andarakī bhakti ādi ... karate hue, ātmākī orake muḍe jo sanskār hain, usamen mithyātvakā jyādā galanā hotā hai?

samādhānaḥ- vah alag prakārase (hotā hai). dev-guru-shāstrakī shraddhā bhī aisī ho, apūrva rītase ho to usamen bhī darshanamohanīy alag rītase manda paḍatā hai. dev-guru- shāstrakī shraddhā bhī use apūrva prakārase (hotī hai). ye guru kuchh alag kahate hain, dev

PDF/HTML Page 116 of 1906
single page version

kuchh (alag hai), shāstramen kuchh alag ātā hai, isaprakār alag rītase grahaṇ huā to vah alag rītase hī hai. lekin rūḍhigatarūpase grahaṇ huā ho vah alag hai. andar apūrva rītase dev-guru-shāstrakī shraddhā grahaṇ ho, apūrva rītase, to usamen darshanamohanīy manda paḍatā hai. ab, apanī or hī usakī pariṇati āyegī, us prakārase manda paḍatā hai.

mumukṣhuḥ- mātājī! dev-guru-shāstrakī bhakti aur ātmākī or vr̥utti, usakā mel hai?

samādhānaḥ- hān̐, mel hai. ātmākī bhakti, gnāyakakī bhakti use shubhabhāvamen dev- guru-shāstrakī bhakti bhī sāthamen hī hotī hai. donoṅkā mel hai. gnāyakakī bhakti ho to dev-guru-shāstrakī bhakti nahīn hotī, aisā nahīn hotā. jise gnāyakakī bhakti ho use dev-guru-shāstrakī bhakti, shubhabhāv hotā hai. ashubhabhāv chhūṭakar, ashubhabhāvase shubhabhāvamen ātā hai. ashubhabhāvakā nāsh nahīn hotā. lekin vah shubhabhāvamen khaḍā rahatā hai. sāthamen bhakti āye binā nahīn rahatī.

gnāyakakī ruchi huyī. gnāyakakī yathārtha shraddhā hotī hai use bhī dev-guru-shāstrakī bhakti (hotī hai). samyagdarshan ho, bhedagnānakī dhārā pragaṭ ho, svānubhūti ho to bhī use bāhar āye tab dev-guru-shāstrakī bhakti hotī hai. to ruchi vāleko to hogī hī. muni hote hain, chhaṭhṭhe-sātaven guṇasthānamen jhulate hain, aise munirāj, jo bārambār svarūpamen līn hote hain, svānubhūtimen, ve bhī bāhar āye to unhen bhī dev-guru-shāstrakī unakī bhūmikā anusār bhakti hotī hai, unhen shubhabhāv hote haĩn. unhen pūjā ādi kārya nahīn hote. paranta unhen shāstrakā vāñchan, shāstra likhe, bhaktike stotra rache, aisī sab bhakti hotī hai. padmanandi āchāryane bhaktike stotra rache haĩn.

mumukṣhuḥ- sukhake liye mithyā prayatna karate hain, phir bhī sukhī nahīn hote, usakā kyā upāy hai?

samādhānaḥ- sukhake liye mithyā prayatna karatā hai. sukh antaramen hai, bāhar nahīn hai. bāhar ḍhūṇḍhatā rahe, bāharase sukh nahīn ātā. sukh to antaramen hai. gurudevane mārga batāyā ki jo tattva ho us tattvake andar sukh (hotā hai). sukh ātmākā svabhāv hai, bāharase nahīn milatā. sukhase bharā ātmā jānane vālā, sukhase bharā, ānandase bharā ātmā hai. ātmāko pahachāne to sukh prāpta hotā hai. aur pahachānaneke liye usake vichār, vāñchan ādi kare. andar laganī lagāye, jignāsā kare to ātmā pahachānamen ātā hai. ātmā kaise pahachānamen āye, usakī antarase laganī lagānī chāhiye ki sukh kaise mile?

bāharase to ananta kālase sukhake liye bahut vyartha prayatna kiyā, sukh milatā nahī̃n. sukh jahān̐ hai, vahān̐ milatā hai. mr̥ug vanamen ghūmatā hai. usakī kastūrīse van sugandhit

PDF/HTML Page 117 of 1906
single page version

ho jātā hai, lekin kastūrī to usake pās hī hai. andar hai. aise ānandaguṇ svayaṅkā hai aur svayam bāhar ḍhūṇḍhatā hai. svayammen ānanda bharā hai. antar dr̥uṣhṭi kare to mile aisā hai. bhedagnān kare ki yah sharīr bhinna hai aur ātmatattva bhinna hai. ātmāke dravya-guṇ- paryāy bhinna hai, sharīrake bhinna haĩn. andar vibhāv hotā hai vah sab ākūlatā hai, apanā svabhāv nahīn hai. apanā svabhāv ek jānane vālā ātmā hai. us jānane vālekā svabhāv pahachānakar andarase pahachānanā chāhiye. usakā bhedagnān karanā chāhiye. bhedagnān karaneke liye antarakī laganī lagāye, jignāsā lagāye, vichār, vāñchan (kare). jab tak nahīn hotā tab tak vichār, vāñchan, dev-guru-shāstrakī mahimā shubhabhāvamen hotī hai. antaramen shuddhātmāko pahachānanekī laganī lagāye to vah pahachānā jāye aisā hai. bākī ananta kālase janma-maraṇ kiye, bhavakā abhāv honekā yah ek hī upāy hai. ātmāko pahachānanā, bhedagnān karanā, andar laganī lagānī, jignāsā lagānī. usake liye vichār, vāñchan ādi karanā.

mumukṣhuḥ- ..lekin andaramen jaisā honā chāhiye, chāhe kuchh bhī kare andaramen ..

samādhānaḥ- vidhi to yahī hai, svayaṅko pahachānanā, bhedagnān karanā, vahī rīt hai. mārga to ek hī hai. parantu puruṣhārtha svayaṅko karanā hai. puruṣhārtha kare nahīn to hotā nahī̃n. kāraṇ de nahīn to kārya kahān̐-se āye? kāraṇ svayaṅko denā hai, puruṣhārthakī mandatā hai, āge jā nahīn sakatā. andarakī gaharāīse ruchi lagānī chāhiye, puruṣhārtha andarase tīvra karanā chāhiye, to hotā hai. puruṣhārthakī mandatā hai, bāhar dauḍatā rahatā hai aur antar dr̥uṣhṭi karatā nahīn, to kahān̐-se ho? use din-rāt laganī laganī chāhiye. kahīn chain nahīn paḍe. ek ātmā.. ātmāke sivā kuchh ruche nahī̃n. aisī andarase laganī lage to svayaṅkī or puruṣhārtha kare to hotā hai.

prashamamūrti bhagavatī mātano jay ho!

?? ?