PDF/HTML Page 125 of 1906
single page version
samādhānaḥ- ... juḍ rahā hai, isaliye yah sab ho rahā hai. parantu nishchayase vastu svabhāvase jaise siddha bhagavān hain, vaise hī sabakā ātmā hai. koī pharka hī nahīn hai.
mumukṣhuḥ- paryāyakā pahalu atyant gauṇ rahatā hai.
samādhānaḥ- paryāyako gauṇ karake dravyadr̥uṣhṭike balamen āchāryadev bol rahe haĩn. dravyadr̥uṣhṭignake balamen, ātmāko pahachānanā ho to dravyadr̥uṣhṭise dravyase-dravya svarūpase ātmā vaisā hī hai. dravya svarūpase pratyek ātmā vaise hī haĩn. dravyadr̥uṣhṭike balamen paryāy gauṇ ho jātī hai. siddha bhagavān jaise hī sab ātmā haĩn. kis nayase, kuchh pharka nahīn dikhāī detā. tattvake andar tattva dr̥uṣhṭise dekhatā hūn̐, tattvamen koī ātmāmen kuchh pharka nahīn hai. paryāyako gauṇ kar dī hai. paryāy hai hī nahīn, lekin use gauṇ kar dī hai.
anādise ashuddha jīv to mānatā hī āyā hai, shuddha svarūp svayaṅkā pahachānā nahīn, shuddha svarūpako pahachāne to āge jātā hai. lekin shuddha svarūp us prakārase pahachāne ki usamen paryāy aur dravya donoṅko jāne, lekin bal dravyadr̥uṣhṭikā ātā hai. paryāyamen bhī ashuddhatā nahīn hai vaisā artha vahān̐ nahīn hai.
mumukṣhuḥ- paryāyamen ashuddhatā hai to phir use bhrānti kyon kahā?
samādhānaḥ- bhrānti yānī jūṭhā hai, aisā artha nahīn hai. ashuddhatā hai vah usakī bhrānti yānī merā ātmā par svarūp ho gayā aur main par svarūp ho gayā, vah bhrānti hai, vah to bhrānti hī hai na. vastu svarūp jaisā hai vaisā mānatā nahīn hai aur jūṭhī rītase mānatā hai to bhrānti hai. bhrānti hai vah ashuddhatā hai. bhrānti yānī ye sab ekānta hai, shuddha hai bākī sab māyā hai, aisā usakā artha nahīn hai. aisā nahīn hai. bhrānti bhī ashuddhatā hai. bhrāntike kāraṇ sab ashuddhatā, asthiratā aur jūṭhā mān le ki kuchh nahīn hai yānī paryāyamen ashuddhatā... aisā jūṭhā svarūp mān liyā hai isaliye bhrānti hai. dravya jaisā hai vaisā nahīn mānatā, yah usakī bhrānti hai. māno merā dravya par rūp ho gayā, māno par mujhamen ā gaye. vah sab jūṭhā hai. vastu svarūpase viparīt māne isaliye vah bhrānti hai. vastuko yathārtha māne binā muktikā mārga prārambh nahīn hotā. dravya jaisā hai vaisā, paryāy jaisī hai vaisī (māne).
PDF/HTML Page 126 of 1906
single page version
... munidashā hai. svayaṅko hī andar bal vartatā hai, us balamense bolet haĩn. vastu svarūp jaisā hai vaisā bolate hain, dravyadr̥uṣhṭise.
mumukṣhuḥ- sādhanāko adhik veg mile, dravyadr̥uṣhṭikā jor ho to sādhanāko adhik veg mile aisā hai?
samādhānaḥ- bolanese veg mile aisā artha nahīn hai. āchāryako bhāvanā āyī hai isaliye bolate haĩn. bolanese veg (nahīn ātā). veg to andar pariṇatimen hai.
mumukṣhuḥ- pariṇatimen utanā jor ho to...
samādhānaḥ- muktike mārga vāleko dravyadr̥uṣhṭikā bal hotā hai, usakā jor hotā hai. lekin vah jor aisā nahīn hotā ki us jorakā vaisā atirek yā paryāyakā niṣhedh ho jāye. aisā bal nahīn hotā. bal hotā hai. dravyadr̥uṣhṭike balamen āge baḍhatā hai, lekin vah bal aisā bal nahīn hotā. bhāṣhāmen kuchh bhī bole, main kis nayase jānūn̐? kahīn bhed nahīn dikhāī detā, aisā kahe, lekin usakī pariṇatimen to usakā bal jo yathāsthit muktike mārgamen jaisā hotā hai vaisā hī rahatā hai.
mumukṣhuḥ- kathanamen to aisā lage ki māno ekānta (ho gayā).
samādhānaḥ- hān̐, ekānta jaisā lage. muktike mārgamen bal yathāsthit jaisā hai vaisā lete haĩn. aisī koī bhāvanā āye to aisā bole. koī aise prashna karane vāle ho, aisā koī upadeshakā prasaṅg bane, koī shāstra likhate hon, unhen bhāvanā ho aur vaisā kuchh kahe isaliye (gnān nahīn badal jātā). mārga andaramen yathārtha vastutāse hai. bole yānī kuchh ekānta kahanā chāhate hain, aisā artha nahīn hai. dravyadr̥uṣhṭike balake sāth unhen gnān barābar hotā hai. ve bole isaliye usamense koī binā samajhe ekānta khīn̐ch le to vah usakī svayaṅkī yogyatā hai.
dravyadr̥uṣhṭikā bal itanā ho jāye ki paryāy hai hī nahīn aisā mān le to sādhanāko bahut bal milatā hai, aisā usakā artha nahīn hai. līnatāmen bal, āshrayamen bal, usakā bal ātā hai. koī bār āchāryadevako bhāvanā āye to aisā bole, kis nayase bhed jānūn̐? sab shuddha hai.
mumukṣhuḥ- vyavahāranayakā viṣhay hī māno nahīn hai, vyavahāranay hai hī nahīn, kathanamen to aisā lage.
samādhānaḥ- hān̐, kathanamen (aisā lage ki) māno vyavahār hai hī nahī̃n. ek or āchāryadev kahe, are..re..! yah vyavahār nay bhūmikāmen bīchamen hastāvalamban tulya ātā hai, are..re..! khed hai. use lenā paḍatā hai, aisā kahe. aur ek or aisā kahe ki, main shuddha chinmātra mūrti hūn̐, parantu merī pariṇati kalmāṣhit mailī ho rahī hai. isaliye
PDF/HTML Page 127 of 1906
single page version
is ṭīkākī rachanāmen merī pariṇati shuddha hoo. aisā bole. vahān̐ māno khed hotā hai ki, are..! is vyavahāramen kahān̐ ā gaye? phir yahān̐ aisā kahe. māno kathanī karanese merī shuddhi hotī ho, aisā bole. andar shuddhi to unakī pariṇati dravyadr̥uṣhṭi hai, chinmātra mūrti andar jo hai usakī dravyadr̥uṣhṭikā bal hai aur andar līnatā baḍhatī jāye. usase shuddhi hotī hai. to kahate hain, is ṭīkāse merī pariṇati shuddha hoo, aisā bolate haĩn. āchāryadevakā āshay grahaṇ karanā, andar samajhakar āshay karane jaisā hai.
mumukṣhuḥ- kathanako koī ekāntamen khīn̐ch le to nahīn chalatā.
samādhānaḥ- ekāntamen khīn̐ch le to bhūl hotī hai. dūsarī orakā khyāl rakhanā chāhiye. āchāryadevane kyon is par vajan diyā hai.
mumukṣhuḥ- tamām siddha shuddha guṇ-paryāy vāle hain, aisā shabdaprayog kiyā hai.
samādhānaḥ- shuddha guṇ-paryāy vāle haĩn. dravyadr̥uṣhṭimen sabakuchh kah sakate haĩn. kuchh dikhatā hī nahīn, sab shuddha guṇ-paryāy vāle siddha jaise hain, aisā kahanemen āye. yahān̐ gnānamen khyāl hai. pramatta-apramatta nahīn hūn̐, main to ek gnāyak hī hū̃n. har bār gnāyak hī hū̃n. pramatta-apramatta dashā nahīn hai, aisā āchāryadev kahanā nahīn chāhate. bhūmikā to hai, lekin main to ek gnāyak hī hū̃n. bhūmikāmen khaḍe hain, phir bhī main to ek gnāyak hī hūn̐, aisā kahate haĩn.
gnāyak yānī chhaṭhṭhī-sātavīn bhūmikā nahīn hai, aisā nahīn kahanā chāhate. us bhūmikāmen khaḍā hūn̐, phir bhī main gnāyak hī hū̃n. isaliye sādhanākī bhūmikā hī nahīn hai, aisā nahīn kahanā chāhate. dravyadr̥uṣhṭikā bal aisā hai ki andar vah sab ātā hai. paryāyako gauṇ karatā jātā hai. lekin paryāy hai hī nahīn, aisā nahīn kahanā chāhate. svabhāvamen andar ashuddhatākā pravesh nahīn huā hai, aisā kahe. sab shuddha hī hai, shuddha dekhate haĩn. paryāyako ekadam gauṇ kar dete haĩn.
ananta kālase dravya svarūpako nahīn pahachānā, bhrāntike kāraṇ sab parake sāth mishrit hokar mānon main parako karun̐ aur par merā kare, aisī anādi kālase bhrānti (chalatī hai). aisī ashuddhatā, vaisī bhrānti aur ashuddhatā use ho rahī hai. use us prakārakī asthiratā aur bhrānti donon hote haĩn. usamense chhūṭaneke liye ananta kālase chhūṭatā nahī̃n. jīvane dravya-vastuko pahachānā nahīn hai.
dravyadr̥uṣhṭike bal binā vah āge nahīn baḍhatā. isaliye āchāryadev dravyadr̥uṣhṭike balase samajhāte hain ki isakī mahimā to kar, is par tujhe ananta kālase vajan bhī nahīn ātā to tū terā svarūp pahachāna. to usamense terī shuddha paryāy pragaṭ ho. lekin mūl astitvako grahaṇ kiye binā, aise hī tīvra kaṣhāy aur manda kaṣhāy, shubhāshubhamen ghūmatā
PDF/HTML Page 128 of 1906
single page version
rahatā hai. mūl svarūpako to pahachāna. isaliye usake balase, usake jorase kahate haĩn. aur vastu svarūp bhī aisā hī hai ki dravyadr̥uṣhṭike bal binā āge nahīn baḍhatā. bāhar vyavahāramen aise hī karatā rahatā hai, usamen hī sab sāph karatā rahatā hai. tīvramense manda, mandamense tīvra karatā rahatā hai. parantu dravyadr̥uṣhṭike balamen usakā niṣhedh nahīn ho jāye usakā dhyān rakhanā. kyoṅki vah hai.
dravyadr̥uṣhṭi kyon pragaṭ karanī hai? ki svayam bhrāntimen khaḍā hai. usakā dhyān rakhanā hai. usamense sādhanā pragaṭ karanī hai. kisake dvārā, kis mārgase yah pragaṭ hotā hai? ki dravyadr̥uṣhṭike ālambanase, dravyake ālambanase pragaṭ hotā hai. usake ālamban binā pragaṭ nahīn hotā. apanī bāt jīvane anādi kālamen sunī nahīn hai aur usakī ruchi nahīn kī hai, parichayamen āyī nahīn, aisā āchāryadev kahate haĩn. svayam hī hai. svarūpamen ekatva aur parase vibhakta, vibhāvase vibhakta bhinna hai, use pahachāna.
samādhānaḥ- .. vah mithyātvake sāth hote hain, isaliye use baḍā pāp kahā hai.
mumukṣhuḥ- vāstavamen mithyātva baḍā pāp hai.
samādhānaḥ- mithyātva baḍā pāp hai. jisake pariṇām binā aṅkūshake hain, jisamen sāt vyasan ādi aṅkūsh bināke pariṇām hain, use baḍā pāp kahā hai. jise jūṭhī bhrānti hai, mithyātvake sāth ye sāt vyasan hain, usake pariṇāmamen aṅkūsh nahīn hai. isaliye sāt vyasan baḍā pāp hai, aisā kahanemen ātā hai.
samyagdarshan jise hotā hai use vibhāvakā ras ūtar jātā hai. ātmāmen ras lagatā hai, gnāyakakī pariṇati pragaṭ huī, use svarūpakī or pariṇati (pragaṭ huī). svarūpakī maryādāse bāhar nahīn jātā. mithyātva bhrānti hai usake sāth yah sab pāp hai, isaliye use baḍā pāp kahā hai. bākī to mithyātva baḍā pāp hai. usake sāth aise aṅkūsh bināke pariṇām hain, isaliye baḍā pāp hai, aisā kahā hai.
vyavahār mātra, jisakā vyavahār achchhā ho use vyasan nahīn hotā. samyagdarshanakī to bāt hī alag hai, jisakā vyavahār achchhā hai, vyavahārase vyavahār dharmakī shraddhā ho to bhī use sapta vyasan nahīn hote. shrāvakoṅko vah sapta vyasan shobhate nahī̃n. vyavahār dharma jo svīkārate hain, vahān̐ bhī sapta vyasan nahīn hote.
mumukṣhuḥ- prashna to yah kiyā ki, siddhāntamen sapta vyasanase mithyātvako baḍā kahā hai. vah bhī pāp to hai hī, lekin usase baḍā pāp mithyātvakā hai.
samādhānaḥ- hān̐, mithyātva baḍā pāp hai.
mumukṣhuḥ- mithyātvakā sevan ho aur bhale sapta vyasan nahīn ho, to bhī vah baḍā pāp kar rahā hai.
PDF/HTML Page 129 of 1906
single page version
samādhānaḥ- pāp to hai, hān̐, baḍā hai. sapta vyasanase bhī mithyātva baḍā pāp hai. yathārtha vastu svarūpako pahachānatā nahī̃n. jūṭhī bhrāntimen paḍā hai. vastu svarūpako ṭeḍhā- meḍhā, jaise-taise svīkāratā hai, isaliye baḍā pāp hai. andar svarūpakā ghāt karatā hai, baḍā pāp hai.
mumukṣhuḥ- āshcharya to isaliye lage ki bāharamen shikār karatā ho..
samādhānaḥ- bāharase hinsā ādi karatā ho to vah pāpī dikhatā hai ki ye pāp kar rahā hai, aisā dikhe. andaramen jo ho rahā hai, vah use dikhāī nahīn detā. isaliye vah pāp nahīn dikhatā. bāharamen sthūl dikhatā hai na, isaliye vah pāp dikhāī detā hai. ... baḍā pāp hai. yathārtha nahīn hai, vastu svarūpako viparīt rūpase samajhatā hai, svarūpakā ghāt ho rahā hai isaliye baḍā pāp hai. (aisā kahā) isaliye vyasan karanemen koī bādhā nahīn hai, aisā artha nahīn hai. lekin vah vyasan mithyātvake sāth hī sambandha rakhatā hai. isaliye vyasan to mumukṣhuko bhī nahīn hote.
mumukṣhuḥ- nishchay aur vyavahār, donon sāthamen hote hain yā alag-alag hote hain?
samādhānaḥ- donon sāthamen hote haĩn. yathārtha nishchay aur yathārtha vyavahār, donon sāthamen hote haĩn. bākī ye jo vyavahār kahā jātā hai, jo dharmakā vyavahār kahā jātā hai, dharmakā vyavahārase svīkār kiyā, vah vyavahār to nishchayapūrvakakā vyavahār nahīn hai. vah to vyavahāramātra vyavahār hai. use vyavahār nām diyā jātā hai. bākī antaramen yathārtha nishchay-vyavahār sāthamen hoete haĩn. gnāyakakī pariṇati pragaṭ ho, vahān̐ paryāyakā vyavahār, shuddha paryāyake sāth dev-guru-shāstrake pariṇām jo shubhabhāv ādi hote haĩn. antaramen jo pariṇatimen hai, vah nishchay-vyavahār sāthamen hote haĩn. shuddha pariṇatikā vyavahāra. usakī bhūmikā anusār shubhabhāv hote hain, vah sab usake sāth yathārtha rūpase hote haĩn. bākī anādikā jo vyavahār hai, vah rūḍhigatarūpase vyavahār hotā hai. akelā vyavahār hotā hai. vyavahārābhās kahate haĩn.
mumukṣhuḥ- shubhabhāvako vyavahār nām mātra (kahā).
samādhānaḥ- nāmamātra hai. shubhabhāvako vyavahār (kahā). usakī yathārthapane sādhakadashā pragaṭ huyī ho use kahate haĩn. bākī vyavahār nām diyā jātā hai. lekin jab tak nahīn hotā hai tab tak ashuddha bhāvase bachaneko shubhabhāv āte haĩn. jignāsākī bhūmikāmen bhī shubhabhāv hote haĩn. jignāsā ho, jise sachche dev-guru-shāstrakī shraddhā ho, use bhī sapta vyasan nahīn hote. ātmākī jignāsāke sāth dev-guru-shāstrako grahaṇ kare. ātmāko kaise pahachānā jāye? guru kyā kahate hain? dev kyā kahate hain? sabakā āshay samajhanā chāhiye. anādikā anajānā mārga dev-guru-shāstrake binā samajhamen nahīn ātā. aur aisā
PDF/HTML Page 130 of 1906
single page version
nimitta-naimittik sambandha hai. anādikā anajānā mārga, pahale use dev yā guru mile, use upadesh mile, unakī deshanā mile. antaramen koī apūrvatā jāgr̥ut ho to deshanālabdhi hotī hai. to antaramen aisā nimitta-naimittik sambandha hai. bāharase guru yā dev mile, unakā upadesh use apūrva lage ki ye kuchh alag kahate haĩn. andaramen aisī apūrvatā pragaṭ ho, ... aur muktike mārga par muḍatā hai.
mumukṣhuḥ- ..apūrva pragaṭ kare yānī?
samādhānaḥ- use apūrvatā lage ki ye kuchh alag kahate haĩn. andar use aisī deshanā grahaṇ ho jātī hai. andar deshanā labdhi hotī hai. apūrvapane use apūrvatā lag jāye ki kuchh alag hai. aisī koī andaramen apūrvatā pragaṭ ho vah use mālūm nahīn hai, andar deshanā labdhi hotī hai. apragaṭ hotī hai.
mumukṣhuḥ- vah to āpane kahā vah samajhamen āyā ki bāharase apūrvatā lage aur antaramen..
samādhānaḥ- antaramen use apūrvatā lage. aisī usakī pariṇati (ho jātī hai). antaramen ye kuchh alag hai, aisā use laganā chāhiye. deshanā isaprakār grahaṇ honī chāhiye. antarakī bāt hai aur yah svarūp kuchh alag hai, ātmā koī alag kahate hain, ātmā koī apūrva anupam kahate hain, isaliye use dev-guru-shāstrakī mahimāke sāth ātmākī kuchh mahimā, aisī koī apūrvatā antaramen lage. deshanā aisī grahaṇ ho jātī hai, us vakta use pragaṭ nahīn hai, lekin use antaramense usakī pariṇati us or, jab-jab deshanā mile tab use andar kuchh alag kārya karanā hai, aisā antaramense (lagatā hai). deshanā ho to avashya use us or pariṇati (jātī hī hai). kabhī bhī, bhale samay lage parantu apanī or muḍe binā rahe nahī̃n. aisī deshanā grahaṇ ho jātī hai. upadesh mile vah deshanā nahīn hai, antaramen ho to deshanā hai. antaramen grahaṇ kare to deshanā hai. .. laganā chāhiye.