PDF/HTML Page 1497 of 1906
single page version

samādhānaḥ- .. gurudevane bhavakā abhāv kaise ho usakā (mārga batāyā).

mumukṣhuḥ- bharat kṣhetrake jīvoṅko to .. abhī dekhane nahīn milatā, parantu ... dekhane milā hai. ye to mahābhāgya hai. jīvant..

samādhānaḥ- gurudev is bharat kṣhetramen padhāre, bharat kṣhetrake mahābhāgya! aisī vāṇī barasāyī aur chaitanyadevakā svarūp batāyā. dev-guru-shāstra kaise hote hain? chaitanya kaisā hai? ātmā kaisā hai? yah sab batāyā. sachche dev-guru-shāstrakā svarūp batāyā.

samādhānaḥ- ... bhavakā abhāv ho, vah karane jaisā hai. gurudevane mārga batāyā hai, bhavakā abhāv honekā. sansārakā svarūp hī aisā hai. jīvane aise to ananta janma- maraṇ kiye haĩn. ananta janma-maraṇ karate-karate manuṣhya bhav milatā hai. ananta bhav jīvane devake kiye, narkake kiye, nigodake kiye, tiryañchake kiye, manuṣhyake kiye. isamen yah manuṣhya bhav durlabhatā-se milatā hai. usamen gurudev mile to ātmākā kar lene jaisā hai.

ātmā bhinna aur yah sharīr bhinna hai. sharīr aur ātmā, jab usakā āyuṣhya pūrā hotā hai tab bhinna paḍate haĩn. ātmākā kahīn nāsh nahīn hotā hai, ātmā to shāshvat hai. isaliye ātmā bhinna hai, vah bhinna kaise paḍe? bhinna to usakā āyuṣhya pūrā hotā hai tab paḍatā hī hai, parantu pahale-se hī aisā bhedagnān karake ātmā kaise bhinna paḍe, pahale to yah karane jaisā hai.

ātmā bhinna aur antar ātmāmen svānubhūti kaise ho? usakā bhedagnān kaise ho? gurudevane vah mārga batāyā hai, vah karane jaisā hai. jīvako ananta kālamen sab prāpta huā hai, ek samyagdarshan prāpta nahīn huā hai. ek jinavar svāmī nahīn mile haĩn. bhagavān mile to svayanne pahachānā nahīn hai. isaliye bhagavān kaise pahachānamen āye? guru kaise pahachānamen āye? ātmā kaise pahachānamen āye? vah jīvanamen karane jaisā hai. samyagdarshan kaise prāpta ho? svānubhūti kaise ho? us jātakā raṭan, manan vah karane jaisā hai. dev- guru-shāstrakī mahimā aur ātmā kaise pahachānamen āye, vah karane jaisā hai.

bākī janma-maraṇ, janma-maraṇ to sansāramen hote hī rahate haĩn. jo manuṣhya bhav dhāraṇ karatā hai, jo janmatā hai, usakā maraṇ hotā hai. isaliye āyuṣhya pūrā hone par sab

PDF/HTML Page 1498 of 1906
single page version

jīv chale jāte haĩn. ataḥ ātmāko kaise bhinna karanā aur bhedagnān karanā, ātmākā gnān aur ānanda sab ātmāmen hai. use pahachān lenā. karanā vah hai.

samādhānaḥ- ... gurudev rājakoṭ bahut bār padhārate.

mumukṣhuḥ- pūrā lābh lete the, mātushrī hameshā lābh lete the.

samādhānaḥ- deh aur ātmā bhinna paḍate haĩn. dikhatā hai ki ātmā chalā jātā hai, sharīr paḍā rahatā hai. isaliye pratham-se hī ātmākā bhedagnān kar lenā ki andar ātmā bhinna jānanevālā hai, ye vikalpa bhinna hai, usase bhī ātmā bhinna hai, vah kaise jānanemen āye? usakī pahachān kaise ho? usakī svānubhūti kaise ho? aisī bhāvanā karane jaisī hai. jīvanamen yah ek apūrva hai, bākī kuchh apūrva nahīn hai sansāramẽn.

shānti rakhanī. aise janma-maraṇ sansāramen hote haĩn. rāg āye utanā duḥkh hotā hai, parantu manako badal denā, shānti rakhanī. ananta bhavommen kitanoṅko svayam chhoḍakar āyā hai, svayaṅko chhoḍakar dūsare chale jāte haĩn. aisā kitane bhavommen karatā āyā hai, hotā ā rahā hai. isaliye shānti rakhanī. karanekā yah hai.

mumukṣhuḥ- āp kahate ho tab barābar samajhamen ātā hai, .. samajhamen ātā hai. phir ekadam jab āpatti ātī hai yā duḥkh āye, tab badal jātā hai.

samādhānaḥ- karanekā vah hai, bhūlane jaisā nahīn hai. gurudevane kahā hai, vahī karanekā hai. usakā puruṣhārtha karane jaisā hai, bhūlane jaisā nahīn hai. aise prasaṅgommen adhik smaraṇ āye, ātmākī or adhik vairāgya āye aur vah karane jaisā hai. vahī puruṣhārtha karane jaisā hai. gurudevane khūb upadesh de-dekar apūrva mārga batāyā hai.

mumukṣhuḥ- gurudevake pratāp-se...

samādhānaḥ- sabako mr̥utyuke samay shānti rakhatī hai aur sunānevāleko bhī shānti rahatī hai. gurudevake pratāpase chhoṭe-baḍoṅko kitanoṅko aise sanskār paḍ gaye hain ki aisā prasaṅg āve tab shānti rahatī hai.

mumukṣhuḥ- sab bhāīoṅko-bahanoṅko ek sāth bhāv āyā ki apane mātājīke darshan kar āte hain, usake bād sab bichhaḍeṅge.

samādhānaḥ- gurudevakī vāṇī apūrva thī. gurudev ātmā batā rahe the. phir bhī andar jānanevālā bhinna hai. puruṣhārtha yah bhedagnān karanā hai.

mumukṣhuḥ- āp kahate ho, ham samajhate hain, phir bhī..

samādhānaḥ- ātmā bhinna jānanevālā hai usakā svabhāv pahachānanā ki yah jānanevālā hai, vah main hūn̐ aur us jānanevālemen hī sab bharā hai. jānanevālemen ananta shakti aur ananta guṇ aur ānanda sab jānanevālemen bharā hai. ye sab vikalpakī jāl ātī

PDF/HTML Page 1499 of 1906
single page version

hai, jo rāg-dveṣhakī jāl hai, vah main nahīn hūn̐, parantu usake andar jānanevālā jo ātmā hai vah main hū̃n. vah jānanevālā kaise pahachānamen āye? tadartha usakī bhāvanā, raṭan, mahimā, tadartha shāstra svādhyāy, vichār sab usake liye karanā hai. kṣhaṇ-kṣhaṇamen usakā raṭan aur usakī bhāvanā rakhanī ki yah sharīr, vikalpa ādi sabase ātmā andar bhinna hai. chaitanya tattva, chaitanyakā astitva kaise grahaṇ ho? vah karane jaisā hai.

andar shāshvat ātmā chaitanyadev virājatā hai. gurudev kahate hain na? jaise bhagavān hain, vaisā tū hai. aisā ātmā chaitanyadev ananta mahimāvant ātmā hai. vah ātmā andar virājatā hai, use pahachānanekā prayatna karanā. usīkā bārambār vichār, vāñchan, bār-bār vah karane jaisā hai. vismr̥ut ho jāy to bhī bār-bār vah karane jaisā hai. usīkā vichār, vāñchan sab vahī karane jaisā hai. dev-guru-shāstramen kaisā (ātā hai), gurudevane kaisā kahā hai, bhagavānane kaisā (kahā hai), munion kaisī ārādhanā kar rahe hain, kyon, kaise puruṣhārtha karanā, bhedagnān karanā? gurudevane samyagdarshanakā mārga batāyā. vah sab bārambār smaraṇamen lākar ek ātmā kaise pahachānamen āye, vah karane jaisā hai. bārambār ek hī karane jaisā hai. shāstramen ātā hai na? bhedagnān, pragnāchhainī dvārā svayaṅko antaramen bhinna karanā.

chattārī maṅgalan, arihantā maṅgalan, sāhū maṅgalan, kevalipaṇatto dhammo maṅgalan. chattārī loguttamā, arihantā loguttamā, siddhā loguttamā, sāhū loguttamā, kevalipaṇatto dhammo loguttamā.

chattārī sharaṇan pavajjāmi, arihantā sharaṇan pavajjāmi, siddhā sharaṇan pavajjāmi, kevalī paṇatto dhammo sharaṇan pavajjāmi.

chār sharaṇ, chār maṅgal, chār uttam kare je, bhavasāgarathī tare te sakaḷ karmano āṇe anta. mokṣha taṇā sukh le anant, bhāv dharīne je guṇ gāye, te jīv tarīne muktie jāya. sansāramānhī sharaṇ chār, avar sharaṇ nahīn koī. je nar-nārī ādare tene akṣhay avichal pad hoya. aṅgūṭhe amr̥ut varase labdhi taṇā bhaṇḍāra. guru gautamane samarīe to sadāy manavāñchhit phal dātā.

samādhānaḥ- svarūpamen samā gaye. jo chaitanya svarūp hai, ananta guṇase bharapūr, usamen bhagavān aise samā gaye ki phir bāhar hī nahīn āte haĩn. chaturtha guṇasthānamen samyagdarshan ho use shānti ho. antarmuhūrtamen bāhar āve to bāhar upayog jāye. phir use bhedagnānakī dhārā vartatī hai. parantu upayog bāhar jātā hai. bhagavānakā upayog phir bāhar nahīñjātā. munidashā āve, usamen chhaṭhaven-sātaven guṇasthānamen antarmuhūrta-antarmuhūrtamen svānubhūtimen jāte haĩn. antarmuhūrta bāhar āte hain, antarmuhūrtamen antaramen jāte haĩn. bāhar āye, andar jāy, is prakār chhaṭhaven-sātaven guṇasthānamen kṣhaṇ-kṣhaṇamen svānubhūti (hotī hai). kṣhaṇamen bāhar āve,

PDF/HTML Page 1500 of 1906
single page version

kṣhaṇamen antaramen jāte haĩn. aise chhaṭhaven-sātaven guṇasthānamen (chalatā hai). aisā karate-karate shreṇi lagāte haĩn. chhaṭhaven-sātaven guṇasthānamen muni jhulate haĩn. aisā karate-karate jab shreṇi lagāte hain aur kevalagnān hotā hai, phir ātmāmen aise sthir ho jāte hain ki punaḥ bāhar hī nahīn āte. ātmāmeen aise jam jāte haĩn.

ananta ānandakā sāgar jo paḍā hai, ānanda sāgar uchhal rahā hai, usamen bhagavān samā jāte haĩn. aur ananta guṇ hain, usamen lavalīn ho jāte haĩn. ātmākā koī apūrva adabhut ānandakā vedan karate hain aur gnān aisā nirmal pragaṭ ho jātā hai ki ātmā to jānanevālā gnāyak hai. usamen kuchh nahīn jāne, aisā banatā nahī̃n. svayam apanemen jam jāte hain, parantu upayog bāhar (nahīn ātā). jānanekī ichchhā nahīn hai ki ye bāhar kyā hai? kuchh jānanekī ichchhā nahīn hai. ichchhā nahīn hai to bhī antaramen sahaj gnāt ho jātā hai.

mumukṣhuḥ- paryāy to hotī hī hai.

samādhānaḥ- hān̐, paryāy to hotī hai.

mumukṣhuḥ- gnānakī paryāya.

samādhānaḥ- gnānakī paryāy aisī nirmal ho jātī hai ki usamen svayam svayaṅko jāne, svayam apanā vedan kare, ananta ānandakā, ananta guṇako jāne aur bāharamen lokālokako jāne. jo ananta dravya, jo ananta ātmā hai, ananta siddha hai, jo- jo bhūtakālamen ho gaye, vartamānamen ho rahe hain, narkamen, svargamen jahān̐-jahān̐ hai, sabako jānate haĩn. ananta paramāṇuko jāne. bhūtakālamen jīvane ananta bhav kiye use jāne. vartamān jāne. bhaviṣhyamen ananta bhav kaise karegā, vah jāne. aisā bhagavān ek samayamen sab jānate haĩn. unhen vikalpa nahīn karanā paḍatā, upayog rakhanā nahīn paḍe. nij svarūpamen sthir ho gaye hon, phir bhī sahaj gnāt ho. unakā gnān aisā nirmal hai.

mumukṣhuḥ- gnān..

samādhānaḥ- hān̐, gnān utanā vishāl ho jātā hai ki upayog rakhe nahīn, kram paḍe nahīn, khed ho nahīn, vismr̥ut nahīn ho, parantu sahaj jāne.

mumukṣhuḥ- tadartha bahut prayatna karanā paḍe.

samādhānaḥ- hān̐, vah to prayatna kare to jāne.

mumukṣhuḥ- ...

samādhānaḥ- lekin prayojanabhūt gnān ho to vah svarūpako pahachāne ki main chaitanya hūn̐ aur yah bhinna hai. vibhāv merā svabhāv nahīn hai, main to chaitanya gnānasvarūp hū̃n. aise prayojanabhūt jānakar apanemen līn ho to līn hote-hote jo andar svabhāv hai vah

PDF/HTML Page 1501 of 1906
single page version

pragaṭ hote haĩn. use lokālokako jānanekā prayatna nahīn karanā paḍatā, parantu apanemen sthir ho aur svayaṅko pahachāne to sabako (jāne). ek svayaṅko jāne vah sabako jān sakatā hai. svayaṅko jāne. lekin jo dūsaroṅko jānanekā prayatna kare vah svayaṅko bhī nahīn jānatā aur parako bhī nahīn jānatā. lekin jo svayaṅko jāne vah sab jān sakatā hai.

mumukṣhuḥ- kitanā ānanda ātā hai. svarūp thoḍī der sunakar kitanā ānanda ātā hai. sunanā achchhā lagatā hai.

samādhānaḥ- us svarūpakī kyā bāt! adabhut svarūp hai!

mumukṣhuḥ- abhī bahut āvaraṇ haĩn.

samādhānaḥ- abhī āvaraṇ hai. parantu prayojanabhūt gurudevane mārga batāy hai. us mārgako pahachāne ki main chaitanya bhinna hū̃n. us chaitanyamen sthir ho jāy, vikalpa ṭūṭ jāy aur yadi svānubhūtike mārga par jāy aur svānubhūti ho to vah apanemen līnatā karate- karate, shraddhā, gnān aur līnatā karate-karate vah kevalagnānako prāpta karatā hai.

mumukṣhuḥ- pratham to sharīr-se bhinna mānanā.

samādhānaḥ- sharīr-se bhinna, sharīr aur vikalpa-se bhinna. sharīr sthūl hai. yah sharīr to jaḍ hai, kuchh jānatā nahī̃n. usase to bhinna hai. pratham aisā (kare).

mumukṣhuḥ- usase to bhinna mānatā hī nahī̃n.

samādhānaḥ- vah sharīrase bhī (bhinnatā) nahīn mānatā hai to vikalpa-se kahān̐ māne? sharīr aur main ek hūn̐, aisā mānatā hai. sharīrase bhinna main jānanevālā hū̃n. pratham sharīrase bhinna. andar gaharāīmen jāy to vikalpase bhinna. jo-jo anek jātake vikalpa āye, ākulatā ho, vah sab vikalpa āye...

mumukṣhuḥ- vikalpase to abhī bhī jān sakate hain, parantu sharīr-se to bhinnatā nahīn mān sakatā hain, vah kaise?

samādhānaḥ- vikalpa-se bhinna mānanā mushkil hai.

mumukṣhuḥ- sharīr-se to bhinna kahān̐ mānatā hī hai. thoḍā bhī sharīrako kuchh ho to..

samādhānaḥ- rāgake kāraṇa. yah sharīr bhinna hai. kṣhaṇ-kṣhaṇamen apanā bhedagnān taiyār rakhanā chāhiye ki ye jo rog hotā hai, vah merā svarūp nahīn hai, main usase bhinna hū̃n. ek bār dhāraṇā kar lī, vichār kar liyā aur phir chhoḍ de, aisā nahī̃n. jab- jab svayaṅko prasaṅg paḍe tab gnān hājir ho ki yah sharīramen jo hotā hai vah merā svarūp nahīn hai, main bhinna hū̃n. main chaitanya hū̃n. aisī kṣhaṇ-kṣhaṇamen apanī taiyārī rakhe to kṣhaṇ-kṣhaṇamen usase bhedagnān nirantar bhāne jaisā hai.

mumukṣhuḥ- vikalpa-se to aisā māne, itanā sune to aisā lage ki sharīr-se main

PDF/HTML Page 1502 of 1906
single page version

bhinna hūn̐, aisā mānatā hai. kisīkā maraṇ ho to mān letā hai ki yah jaḍ hai aur chetan ātmā hai. vikalpase mān lete hain, parantu sharīrase ekatvabuddhi to bahut hai.

samādhānaḥ- rāgake kāraṇa. sharīrase bhī kahān̐ chhūṭā hai aur vikalpa-se bhī nahīn chhūṭā hai. yathārtha chhūṭe to donon-se chhūṭe. vikalpa-se bhī nahīn chhūṭā hai aur sharīr-se bhī nahīn chhūṭā hai. sharīr so main aur main so sharīr, usamen apanā gnāyak use bhinna nahīn dikhatā hai. parantu usakā prayatna kare ki ye jo jānanevālā hai, jo-jo vikalpa hue sab vikalpa chale gaye, lekin unake bīch jo jānanevālā hai vah jānanevālā main hū̃n. vah jānanevālā sharīramen nahīn ātā hai. sharīr to jaḍ hai, vah kahān̐ jānatā hai. sharīramen rog ho to sharīr kahān̐ jānatā hai ki mujhe rog huā hai ki ye rog achchhā nahīn hai, nirogatā achchhī aur rog kharāb, aisā sharīr nahīn jānatā. jānanevālā andar hai. use rāg ho ki yah rog achchhā nahīn hai, mujhe duḥkharūp hai. ye nirogatā achchhī hai, mujhe sukharūp hai. jānanevālemen svayam rāg-dveṣh karatā hai. sharīr kuchh nahīn jānatā hai, vah to jaḍ hai.

mumukṣhuḥ- duḥkh āve tab isake sāth ekatvabuddhi ho jātī hai.

samādhānaḥ- us vakta taiyārī rakhanī chāhiye. gurudev kahate hain na ki sunā use kahe ki mauke par gnān hājir honā chāhiye. main ātmā bhinna shāshvat hai, yah sharīr bhinna hai. is prakār antaramen-se aisī bhāvanā (ho), yathārtha to bādamen hotā hai, parantu pahale aisī bhāvanā taiyār kare, aisī ruchi taiyār kare, aise vichār kare. yathārtha bhedagnān ho use to kṣhaṇ-kṣhaṇamen hājir hotā hai ki main to bhinna jānanevālā hū̃n. parantu aisā vichār kare, bhāvanā kare to bhī achchhā hai. aisī ruchi kare.

ye sharīr bechārā to kuchh jānatā nahī̃n. jānanevālā andar rāg-dveṣh (karatā hai). usase bhī main (bhinna hūn̐), rāg-dveṣh bhī merā svarūp nahīn hai. parantu jānanevālā rāg- dveṣhamen juḍatā hai. sharīr to kuchh jānatā nahīn, vah to jaḍ hai. lekin vah svayam mān letā hai ki aisā sharīr ho, aisā ho, vaisā ho, vah main hū̃n. aisā chale, bole, vah sab main hūn̐, aisā mānatā hai. aisī bhāṣhā nikale vah main hū̃n. vah sab main-main mānatā hai. bhāṣhā bhī jaḍ hai, sab jaḍ hai, lekin svayam andar ekatvabuddha kar rahā hai. svayam prayatna karake vichār karanā chāhiye ki main to shāshvat hū̃n.

itane sāl bīt gaye, usamen jānanevālā aise hī vidyamān hai, vikalpa ākar chale gaye. lekin main to jānanevālā bhinna hūn̐, main to andar bhinna hū̃n. ye sharīr to jaḍ bechārā kuchh jānatā nahī̃n. vah kuchh nahīn jānatā hai. soyā ho to nindamen anek jātakī jāl ātī hai, sharīr soyā ho to svapnamen main kahīn jātā hūn̐ aur ātā hūn̐, vah

PDF/HTML Page 1503 of 1906
single page version

sab (chalatā hai). andar aise sanskār hai. jānanevālā hai, usamen jo rāg-dveṣh hote hain, usase bhinna paḍanekī jarūrat hai. sharīr to jaḍ hai. ye hāth-pairā kahān̐ kuchh jānate haĩn. jānanevālā andar rāg-dvekhakī kalpanā khaḍī karatā hai.

mumukṣhuḥ- kalpanāmen bhī gnān hī paradravya par..

samādhānaḥ- hān̐, usakā lakṣhya par-or jātā hai, andar ekatvabuddhi hai.

mumukṣhuḥ- tīrthaṅkar bhagavānako hī om dhvani chhūṭatī hai?

samādhānaḥ- hān̐, tīrthaṅkar bhagavānako om dhvani chhūṭatī hai, kevalī bhagavānako om dhvani chhūṭatī hai. jisako kevalagnān ho un sabako om dhvani chhūṭatī hai. koī kevalagnānī bhagavān jise vāṇī ho unhen om dhvani chhūṭe. koī kevalī bhagavānako vāṇī na nikale to na chhūṭe. kevalagnānī bhagavānako om dhvani chhūṭatī hai. tīrthaṅkar bhagavānako om dhvani chhūṭatī hai. tīrthaṅkar bhagavānako samavasaraṇakī rachanā hotī hai, sab hotā hai. kevalī bhagavānako samavasaraṇakī rachanā ho yā na ho, parantu sab sabhā hotī hai. kevalī bhagavānako bhī om dhvani chhūṭatī hai.

mumukṣhuḥ- tīrthaṅkar gotra.. usake bād..

samādhānaḥ- hān̐, jo tīrthaṅkar hote hain, unhen pahale shubhabhāv hotā hai. usamen puṇyabandhatā hai, tīrthaṅkar gotra. vah bhī puṇya hai. lekin vah unhen heyabuddhi-se (hotā hai) ki yah ādaraṇīy nahīn hai. samyagdr̥uṣhṭi ho usako hī tīrthaṅkar gotra bandhatā hai, koī muniko bandhatā hai, koī samyagdr̥uṣhṭiko (bandhatā hai), lekin vah mānatā hai ki yah shubharāg hai, merā svarūp nahīn hai. use bhāvanā ā jātī hai ki aho! aisā dharma! aisā chaitanyakā svarūp koī adabhut! yah svarūp sab kaise samajhe? sarva jīv karu shāsan ... sab jīv yah dharma kaise prāpta kare? aisā karuṇā bhāv utpanna hotā hai, usamen use puṇyabandha ho jātā hai. lekin yah puṇyabhāv ādaraṇīy nahīn hai. aise use heyabuddhi-se puṇya bandha ho jātā hai. tīrthaṅkar gotra bāndhate haiain aur usakā uday ātā hai. bhagavānakā janma hotā hai tab indra āte hain, pañch kalyāṇak hote haĩn. kevalagnān hotā hai tab samavasaraṇakī rachanā hotī hai. bhagavān garbhamen āye, bhagavān janme tab indra ākar unakā janma kalyāṇak karate haĩn. pañch kalyāṇakamen bhagavān janmate haĩn.

mumukṣhuḥ- sādhāraṇ jīv ... to use aisā koī bhāv nahīn hotā. to phir usakā...

samādhānaḥ- sādhāraṇ jīv ho use...?

mumukṣhuḥ- bhavya jīv sādhāraṇ ho, vāṇī sunakar tir jāya. sabako tīrthaṅkar gotrakā shubhabhāv nahīn hotā hai na?

samādhānaḥ- sabako tīrthaṅkar gotra nahīn bandhatā. sādhāraṇ jīv ho to vāṇī sunakar..

PDF/HTML Page 1504 of 1906
single page version

oho..! bhagavānakī aisī vāṇī! ātmākā svarūp samajhamen āye, bhedagnān ho, munidashā ho aur kevalagnān ho jāya. sabako tīrthaṅkar gotra bandhe aisā nahīn hai.

mumukṣhuḥ- munidashāke bād hī..

samādhānaḥ- munidashā avashya ātī hai, muni ho, kevalagnān ho. kevalagnān ho to kisīko vāṇī chhūṭe, kisīko nahīn chhūṭatī. phir mokṣha ho jātā hai. gajasukumāl muni gaye, smashānamen gaye aur sar par agni rakhī. usane agni rakhī, upasarga āyā to antaramen ūtar gaye. kevalagnān ho gayā aur mokṣha ho gayā.

mumukṣhuḥ- apane yahān̐ chaibīsīmen antim mahāvīr bhagavān, ab āgāmī chaubīsīke shreṇik rājā pratham tīrthaṅkar hoṅge. unhen divyadhvani chhūṭegī?

samādhānaḥ- hān̐, unhen divyadhvani chhūṭegī. mahāvīr bhagavānakī jaisī divyadhvani chhūṭatī thī, vaisī shreṇik rājākī divyadhvani chhūṭegī. unhonne tīrthaṅkar gotra bāndhā hai. shreṇik rājāne tīrthaṅkar gotra bāndhā hai. aise chaubīs bhagavān hote haĩn. vartamān chaubīs, bhaviṣhyamen chaubīs, bhūtakālamen chobīs (hue). chaubīs bhagavān, yah bharatakṣhetra, airāvat kṣhetra sabamen chaubīs-chaubīs bhavagān hote haĩn. aur mahāvidehamen bīs viharamān bhagavān haĩn. vahān̐ mahāvidehamen hameshā bhagavān virājate haĩn. achchhā kāl ho us samay videhakṣhetramen har jagah bhagavān hote haĩn.

mumukṣhuḥ- samyagdarshan sabako kyon nahīn ho jātā?

samādhānaḥ- puruṣhārtha kare to ho. karanā svayaṅko hai. pratyek dravya svatantra hai, gurudevane kahā na, jo puruṣhārtha kare use hotā hai. koī kisīko kar nahīn detā. ananta tīrthaṅkar hue, munivar hue, gurudev jaise jāge to gurudev kahate the ki tū kar to hogā. koī kisīko kar nahīn sakatā. koī kisīko jabaran nahīn (karavā detā). svayaṅko ruchi ho aur svayaṅko ruche nahīn ki ye vibhāv achchhā nahīn hai, ye sansār mahimāvant nahīn hai, mahimā to mere ātmāmen hai. sarvasva mere ātmāmen hai, ye sab tuchchha aur niḥsār hai. aisā svayaṅko antaramen lage aur jīv puruṣhārtha kare, bhedagnān kare use samyagdarshan hotā hai.

mumukṣhuḥ- bhavakā duḥkh laganā chāhiye?

samādhānaḥ- hān̐, duḥkh laganā chāhiye ki aise janma-maraṇ karate-karate jīv ananta bār duḥkhī huā. ananta bār narkamen, nigodamen aise janma-maraṇ hote rahate haĩn. main ātmā shāshvat hūn̐, aise svayaṅko pahachāne, vairāgya karake, to samyagdarshan hotā hai.

mumukṣhuḥ- din-rāt usīkā raṭana. samādhānaḥ- vahī raṭana. usakā gaharā besabrī-se raṭan honā chāhiye.