PDF/HTML Page 145 of 1906
single page version
mumukṣhuḥ- .. hone par bhī mātra ashuddharūp kyon pariṇamatā hai? parakā saṅg karatā hai tabhī ashuddharūp utpanna hotā hai. usamen kyā kahanā hai?
samādhānaḥ- pāriṇāmik, svabhāv pāriṇāmik hai, lekin vartamān paryāy to ashuddharūp pariṇamatī hai. svayam par or jātā hai, apane puruṣhārthakī mandatā hai, isaliye use jo uday ātā hai, usamen svayam juḍ jātā hai. sabamen puruṣhārthakī mandatā hai. svayaṅkī or muḍatā nahīn, sabamen svayaṅkā hī kāraṇ hai. use kisīkā kāraṇ lāgū nahīn paḍatā. akāraṇ pāriṇāmik dravya hai. use koī rokatā nahīn, karma rokate nahīn, koī nahīn rokate. svayam rukā hai, svayanse. apanī ruchi bāhar jātī hai. nimittakī asar svayaṅko honekā kāraṇ svayaṅkā hai, dūsarekā nahīn hai.
mumukṣhuḥ- parasaṅg kuchh nahīn karavātā hogā?
samādhānaḥ- parasaṅg kuchh nahīn karavātā, svayaṅkī kṣhatike kāraṇ parakī asar svayaṅko hotī hai. parantu svayaṅke puruṣhārthakī mandatā ho to svayam aise nimitta, satsaṅg ādi nimittommen satsaṅg kare. svayaṅkī utanī shakti nahīn ho, nimittase chhūṭakar apanā kar sake aisī, puruṣhārthakī mandatā ho to dev-guru-shāstrakā sānnidhya ho vahān̐ rahanekā vichār, usakī bhāvanā kare. aisā samāgam, yoh nahīn ho to svayam apane puruṣhārthase dr̥uḍh rahe.
mumukṣhuḥ- puruṣhārthakī mandatā ho to aise saṅgase use lābh honekā kāraṇ hai?
samādhānaḥ- puruṣhārthakī mandatā ho to aisā samāgam nimitta hai, taiyārī to svayaṅko karanī hai. jise laganī hotī hai, use svayaṅko asar hotī hai. apanī lagan lagī ho use bhāvanā hotī hī hai ki dev-guru-shāstrakā sānnidhya prāpta ho, samāgam prāpta ho, aise vichār use āte hī hain, jise lagan lagī ho use. dūsaroṅke parichayamen ānekī use ruchi nahīn hotī, jise ātmākī ruchi hai use. phir bāhya sanyogake kāraṇ ā jāye vah alag bāt hai, parantu usako svayaṅko ruchi nahīn hotī.
mumukṣhuḥ- parasaṅg hī karavātā hai.
samādhānaḥ- shāstramen anek prakārakī bāten ātī haĩn. nimittakī orase bāt āye, upādānakī orase bāt āye. sab prakārakī bāt āye, usamen nakkī svayaṅko karanā
PDF/HTML Page 146 of 1906
single page version
hai. gnāyakakī bāt āye. ek dravya dūsare dravyakā kuchh karatā nahīn aisā āye, dravya- guṇ-paryāy apane āpase svatantra hai. dūsareke svatantra hai. kriyā, kartā evan karma sab svayaṅkā hai, aisā bhī āye. aur nimitta karavātā hai, aisā bhī āye. parasaṅg hī karavātā hai, aisā bhī āye. un donoṅkā mel svayaṅko karanā paḍatā hai. tū nimitta chhoḍ, aisā sab āye, usakā mel svayaṅko karanā paḍatā hai.
mumukṣhuḥ- mel kaise karanā? donon shāstrake kathan hai.
samādhānaḥ- sab āchāyāke kathan haĩn. vyavahār shāstramen, tattvārtha sūtra ādimen vyavahārakī bāt āye aur adhyātmamen adhyātmakī bāt āye. un sabakā mel karanā paḍatā hai. vah āchārya bhī chhaṭhṭhe-sātaven guṇasthānamen jhulane vāle the, vyavahārakī bāt karate haĩn. adhyātmakī bāt karate hain, vah bhī chhaṭhṭhe-sātaven guṇasthānamen jhulane vāle the. donon āchārya is prakār kahate hain, isaliye usakā svayaṅko mel karanā paḍatā hai. apekṣhā samajhanī.
āchāryadev kahate hain, koī dravyadr̥uṣhṭikī bāt, koī paryāyakī bāt kare, koī nimittakī bāt kare, koī upādānakī bāt kare, anek jātakī bāt ātī hai. (svayam) mel kar letā hai, vah koī nahīn karavātā. andar lagan lagī ho vahī andar mel kar letā hai. svayam hī. vastu svayam anekāntamay mūrti-anekānta svarūp hai. ananta dharmase bharī anekāntamay mūrti (hai). isaliye usakī sabhī bāten anekāntamay hotī haĩn. dravyadr̥uṣhṭikī, paryāyakī anek prakārakī bāt hotī hai, usamense svayaṅko mel karanā paḍatā hai.
vastu dravya, guṇ aur paryāy vālī hai. akelā dravya hai, guṇ nahīn hai, paryāy nahīn hai aisā nahīn hai. dravya, guṇ, paryāy sab dravyamen hai. bhed apekṣhā āye, abhed apekṣhā āye.
... shāstramen kyā ātā hai, gurudevane kyā batāyā hai, unake pravachan, mūl shāstra samayasār, pravachanasār donommen ātā hai ki ātmākā svarūp kyā hai, jānaneke liye svādhyāy karanā prayojanabhūt hai. vah sab hotā hai, parantu karanā antaramen hai. gurudevane mārga darshāyā, usakā sāthamen dhyey honā chāhiye. nahīn ho tabatak yah sab hotā hai. pūjā, svādhyāy, bhakti. aur sachchā samajh, āge jāneke liye sachchī samajh aur antarakī laganī aur vah sachchī samajh-sachchā gnān honeke liye svādhyāy jarūrī hai. (ātmākā) dhyey rakhanā, usamen sarvasva nahīn mān lenā. karanekā antaramen hai, vah jabatak nahīn hotā tabatak svādhyāy, pūjā, bhakti ādi hotā hai.
.. ananta kālamen bahut huā. sabako aisā (bhāv rahatā hai ki), ātmākā karanā, laganī lagāye, dhyey aisā rahatā hai aur svādhyāy ādi sab karatā hai. darshan, pūjan sab hotā hai. jahān̐ gurudevakā mumukṣhu maṇḍal hai vahān̐ sab hotā hai. sarvasva ātmāmen
PDF/HTML Page 147 of 1906
single page version
hai. kalyāṇ antar dr̥uṣhṭimen hai.
mumukṣhuḥ- ... gnānamen par bhinna hai aur main gnāyak bhinna hūn̐, rāg merā svarūp nahīn hai, vah bhī merese (bhinna hai), aisā bārambār abhyās karanese usake prati virakti bhāv sahaj hī ā jātā hogā?
samādhānaḥ- main gnāyak hūn̐ aur yah bhinna hai, rāg bhinna hai. aisā bārambār karanese virakti bhāv āye, aisā nahī̃n. jise antarameense usakā ras chhūṭ jāye, use bhedagnānakā bārambār abhyās chalatā hai. prayās karanese virakti āye aisā bhī hotā hai aur virakti ho to usase bhedagnānakā abhyās ho. gnāyakamen sab hai, sabakuchh gnāyakamen hai, sab gnāyakamen hai, yah rāg to ākūlatāmay hai. isaprakār rāgase svayam pīchhe haṭe to andar main gnāyak hūn̐, yah main nahīn, main gnāyak hūn̐, yah main nahī̃n. jise rāgakā ras hai vah rāgase bhinna nahīn paḍatā. jise rāgakā ras chhūṭ jātā hai, vah rāgase bhinna hotā hai.
rāgase bhinna paḍanekā prayatna kab kare? ki rāgakā ras chhūṭe to rāgase chhūṭanekā prayatna kare. rāgamen ras, ekatvabuddhi ho vah bhinna nahīn paḍatā. rāgakā ras chhūṭakar antaramen gnāyakakā ras lage, gnāyakakī mahimā lage, gnāyakamen hī sabakuchh hai. gnāyakakā ras lage, usakī ruchi lage aur rāgakā ras chhūṭe to usase bhinna paḍatā hai.
mumukṣhuḥ- rāgakā ras chhūṭe ki rāg ākūlatārūp hai,...
samādhānaḥ- ākūlatārūp hai. sukharūp nahīn hai, ākūlatāmay hai. merā svabhāv nahīn hai. svayaṅko aisā nishchay ho, usakā ras chhūṭe, aisī pratīt āye to usase bhinna paḍanekā prayatna kare. sachchī yathārtha pratīti alag hai, parantu pahale bhī use rāgakā ras chhūṭe, yah merā svabhāv nahīn hai, ākūlatārūp hai, duḥkharūp hai, aisā use lage to usase chhūṭanekā prayatna kare. aur usase bhedagnān karanekā prayatna kare. main gnāyak jānane vālā, main sabase udāsīn, yah merā svarūp nahīn hai, aise bhinna paḍanekā prayatna kare. aur is or gnāyakakī mahimā āye to rāgakā ras chhūṭe. gnāyakakī mahimā āye to hī usakā ras chhūṭe. rāg ākūlatārūp lage. samasta prakārakā vibhāvabhāv ākūlatārūp hai, aisā use antarase lage.
vah āge nahīn baḍh sake aur shubhabhāvamen khaḍā rahe, vah alag bāt hai, parantu use pratītamen aisā lage ki sab ākūlatārūp hī hai. andarase barābar shraddhā honī chāhiye. to use bhinna paḍanekā prayatna (chale).
mumukṣhuḥ- ...
samādhānaḥ- vah to visheṣhatā hī hai. jainadarshan yathārtha hai. ek-ek pakṣha. koī ātmāko ekānta-ekānta kahatā hai. ekānta nitya kahe, koī ekānta anitya kahatā
PDF/HTML Page 148 of 1906
single page version
hai, koī kisīse mukti kahe, koī kisase mukti kahe, usamen to bahut pheraphār hai. jainadarshan to yathārtha hai. ātmāke dravya-guṇ-paryāy sab yathārtha bāt ātī hai. apekṣhāse ātmā nitya shāshvat hai, usakī paryāyamen anityatā hai, bākī vāstavik vastu anitya nahīn hai. bahut prakārakī (bāt) andar (hai). muktikā mārga ātmāko pahachāne to hotā hai. bhedagnān kare. bahut pheraphār hai. svānubhūti kaise ho? jainamen yathārtha mārga hai, aisā mārga kahīn nahīn hai. sabamen pheraphār hai.
mumukṣhuḥ- jainamen ham janme isaliye mān lenā ki jain hī satya hai.
samādhānaḥ- janma huā isaliye mān nahīn lenā, lekin vichār karake mānanā ki yathārtha jainadarshan satya hī hai. vichār kare, yathārtha jignāsā ho to ātmākā karanā hī hai to yathārtha mārga kyā hai, use svayam pahachān sakatā hai. yathārtha satpuruṣhako pahachān le, ātmākā svarūp kaisā, kaun-sā mārga sachchā hai, vah samajh sakatā hai. aur apanī utanī shakti nahīn ho to svayam jo mahāpuruṣh ho gaye, unakī bātakā svayam svīkār karake, svayam vichār karake nirṇay kare. ye vītarāgī mārga hai. anyamen to koī-koī pheraphār hai. gurukā, shāstramen sab alag ātā hai.
svatantratā jo jainadarshanamen ātī hai, aisī dūsaremen ātī nahī̃n. koī kar detā hai, kisīse hotā hai, kisīko koī detā hai, aisī anek jātakī viparītatā hai. aisā nahīn ho sakatā. ātmā svatantra hai.
mumukṣhuḥ- sabhī darshan vāle kahate hain, hamārā bhī satya hai.
samādhānaḥ- pratyek darshan vāle kahe, lekin vichār karake svayaṅko nakkī karanā chāhiye. mukti honeke bād vāpas ātā hai, aisā anek prakārakā ātā hai. sab ātmā ek hai. sab ek ho to pratyekake sukh-duḥkhakā vedan bhinna-bhinna hotā hai, pratyekakī svatantratā (hai). kisīkā vedan anya kisīko nahīn hotā. vichār karake sab nakkī ho sake aisā hai. puruṣhārtha kisake liye karanā? svayaṅke liye. svayam svatantra hai.
mumukṣhuḥ- puruṣhārtha kaise karanā? aur bhedagnānakī rīt kyā hai?
samādhānaḥ- puruṣhārtha ātmāko pahachānanekā (karan). main ek jānane vālā hūn̐, vichār karake nakkī kare ki ye jānane vālā jo andar hai vahī main hū̃n. ye jaḍ kuchh nahīn jānatā. andar saṅkalpa-vikalpa rāg-dveṣh hote hain, vah bhī svayaṅko nahīn jānate. use jānane vālā andar koī alag hī hai. pahale bachapanamen jo-jo bhāv āye vah bhāv to chale gaye, vikalpa (chale gaye) aur jānane vālā aisā hī khaḍā hai. vah jānane vālā sab andar yād karane vālā bhinna hai aur ye saṅkalpa-vikalpa sab bhinna haĩn. sharīr bhī bhinna hai, isaprakār vichār karake nakkī kar sakatā hai. andar jo jānane
PDF/HTML Page 149 of 1906
single page version
vālā hai, vah main hū̃n. mātra dūsareko jāne isaliye jānane vālā hai aise nahīn, parantu jānane vālā svayam jānane vālā hī hai.
jaise yah ek jaḍ vastu svayam hai. vaise ātmā jānane vālā bhī ek svayansiddha vastu hai. jānane vālā main hū̃n. isaprakār jānane vāleko nakkī karake dr̥uḍh nirṇay karanā ki yah jānane vālā hī main hūn̐, usase ye sab bhinna hai. ye jaḍ sharīr bhinna, ātmā bhinna, vikalpa ākar chale jāye vah merā svabhāv nahīn hai. vah sab bhinna, main bhinna. svayaṅko svayanse nakkī karake bhedagnān karanekā prayatna karanā. pahale usakī pratīt dr̥uḍh kare ki ye jānane vālā hai vahī main hūn̐, anya nahī̃n. aisā nakkī karake jānane vālā shāshvat hai, usamen guṇ hai, jānane vālā gnānase bharā, ānandase bharā, ananta guṇase bharā ātmā mahimāvant hai. usakī mahimā lākar, usakī pratīt lākar dr̥uḍh nirṇay kare aur usakā prayās karanekā prayatna kare.
ekatvabuddhi anādise ho rahī hai, use bārambār pratikṣhaṇ bhinna karanekā prayatna kare. vichār karake, nirṇay karake, jab tak nahīn hotā tab tak shāstrakā abhyās kare, svādhyāy kare, vichār kare, vāñchan kare, bārambār usakī laganī lagāye to hotā hai. bhedagnān karanekā prayās kare, main bhinna hū̃n. usase (-parase) bhinna paḍe, saṅkalpa-vikalpa āye usamen ekatva nahīn ho aur ras chhūṭ jāye. jise ātmākī or ras lagā, use manda paḍ jātā hai, sab chhūṭ nahīn jātā, manda paḍ jātā hai. ye jānane vālā gnāyak hai vahī main hū̃n. bhedagnān karanā vahī mārga hai. aur usakā prayās karate-karate yadi antarase sachchā prayatna ho to use svānubhūti bhī usī bhedagnānake mārgase hotī hai. dūsarā koī mārga nahīn hai.
abhī kitane hī samajhe binā dhyān karane baiṭh jāte haĩn. parantu samajh binākā dhyān taraṅgarūp ho jātā hai. pahale mārga jānanā chāhiye, yathārtha gnān karanā chāhiye ki jānane vālā hai vahī main hū̃n. isaprakār jānane vālekī pratīti karake usamen līnatā kare, ekāgra ho to sachchā dhyān hotā hai. nahīn to sachchā dhyān nahīn hotā. dhyānamen baiṭhe to vikalpa manda paḍe, to māno kuchh ho gayā, aisā mān letā hai. yathārtha bhedagnān kare, ātmāko pahachāne aur usamen dhyān ho to yathārtha hotā hai. pahale bhedagnān karanekā prayās kare. dravyako pahachānanekā (prayās kare), dravya par dr̥uṣhṭi sthir kare ki, yah dravya hai vahī main hūn̐, bākī sab mujhase bhinna hai. apane dravyako pahachāne, guṇ aur paryāy, sabakā svarūp pahachāne. yah chaitanyadravya hai vahī main hūn̐, aisī dr̥uḍhatā kare.
pahale mārgako nakkī karanā. svabhāvako barābar vichāre. apane hāthakī bāt hai, jignāsu nakkī karatā hai. ... gurudevane vāṇī barasāyī, sab log kahān̐ the, ye vītarāgī mārga yathārtha hai, kitane hī rītase spaṣhṭa kar-karake samajhāyā hai. kahīn kisīko pūchhane jānā
PDF/HTML Page 150 of 1906
single page version
paḍe aisā nahīn hai. svayaṅko prayatna karanā bākī hai, itanā gurudevane svānubhūtikā mārga darshāyā hai. pahalese samajhā diyā hai. koī shaṅkā hī nahīn rahe. koī dūsare darshan kyā kahate hain, usakī bhī shaṅkā nahīn rahe, aisā unakī vāṇīmen sab spaṣhṭa ātā thā.
mumukṣhuḥ- bhale samyagdarshan prāpta nahīn ho, lekin usake jo sanskār hai, vah kitane pramāṇamen apane sāth āte hain?
samādhānaḥ- gahare sanskār ho to sāth āte haĩn. ūpar-ūparase ho, jaise bākī sab rūḍhigat rūpase dharma karate hain ki dharma karanā chāhiye, aise rūḍhigatarūpase ho to sāth nahīn āte. parantu gahare sanskār ho aur andar sachchī lagan lagī ho ki mujhe ātmā prāpta karanā hī hai, mujhe ātmā kaise prāpta ho, ye vibhāv mujhe nahīn chāhiye, ye sab ākūlatārūp hai, mujhe ātmā kaise mile, aisī andarakī lagan lagī ho to vah sāth āte haĩn.
mumuukṣhuḥ- aisī lagan lagī ho, parantu utanā bhedagnān nahīn kiyā ho to? samādhānaḥ- bhale bhedagnān nahīn kiyā ho, lekin lagan lagī ho to vah laganī, svayaṅkī laganī antarakī ho to vah sāth āte hain, bhedagnān bhale nahīn ho.
mumukṣhuḥ- .. shurūāt karane ke liye bhedagnān visheṣh kaise karanā?
samādhānaḥ- pahale to ātmāko pahachānanā ki ātmā kaun hai? main ek ātmā hūn̐, ye jānane vālā, jānatā hai vah main hūn̐, ye jānatā nahīn hai vah jaḍ hai. andar jo jānane vālā hai, vah main hū̃n. jānane vālā gnān, ānandase bharā ātmā hai. us ātmākā vishvās karanā ki yah ātmā jānane vālā hai vahī main hū̃n. andar jo ākūlatā hotī hai, saṅkalpa-vikalpa, anek prakārake vikalpa hote hain, vah vikalpa bhī merā svabhāv nahīn hai, main usase bhinna hū̃n. aisī andar dr̥uḍhatā kare, bārambār usakā abhyās kare.