Benshreeni Amrut Vani Part 2 Transcripts-Hindi (simplified iso15919 transliteration). Track: 256.

PDF/HTML Page 1678 of 1906
single page version

mumukṣhuḥ- svarūpakā arthāt dhruvakā bhāvabhāsan jise kahate hain, vah vartamān jo gnān pariṇati hai, usakā bhāv nirvikalpapanā aur svaparaprakāshakapanā .... usake khyālapūrvak jānapanāmātra jo pūrī vastu hai, vah main hūn̐, us prakār-se pahachān to huī, pahale us prakār-se pahachān nahīn hotī thī. ye koī jānanevālī sattā hai ki nahīn? parantu us jānanevālekī sattākā pragaṭ khyāl spaṣhṭarūp-se nahīn ātā thā. is spaṣhṭa khyālapūrvak pūrā dhruv svarūp, usakā lakṣhaṇ-se khyāl kiyā ki aisā aṇūrtik, mūrtik sharīr- se bilakūl bhinna amūrtik gnānamay ātmā main hūn̐, aisā nirṇay karanā hai. vah nirṇay karanā hai vahān̐ tak to barābar hai. parantu vah nirṇay ho nahīn rahā hai, nirṇay ṭikatā nahīn hai, vichāramen main yah hūn̐, aisā kare, phir rāgakā pariṇām ho jāy, usamen ṭhīk- aṭhīkapanā turanta vedanamen ākar usakī adhikatā bhāsit ho jāy, phir nirṇay to jo thā vahī rahatā hai. yahān̐-se bhī āge baḍhanā ho to kis prakār-se karanā chāhiye? aur kyā karanā chāhiye?

samādhānaḥ- antaramen bhāvabhāsan ho ki gnāyak hai vahī main hū̃n. gnāyakakā astitva grahaṇ karake aur bārambār use yathārtha nirṇay ho to use ṭikāye rakhanā chāhiye. vah ṭikātā nahīn aur palaṭ jātā hai. buddhipūrvak nirṇay kiyā ki main bhinna hūn̐, aisā nirṇay kiyā ki merā astitva bhinna hai, ye sab vibhāvabhāv-se main bhinna hū̃n. akelā gnānamātra svabhāv-gnāyak (hūn̐). gnān māne akelā guṇ nahīn, parantu main pūrā gnāyak hū̃n. aise grahaṇ kiyā, buddhimen nakkī kiyā parantu main bhinna hūn̐.. ekatva pariṇati jo svayaṅkī ho rahī hai, us vakta bhī main bhinna gnāyak hūn̐, us vakta bhī main bhinna gnāyak hūn̐, aisī usakī dr̥uḍhatā aur aisī usakī pariṇati bārambār ṭikātā nahīn hai. palaṭakar vah mukhya ho jātā hai aur yah gauṇ ho jātā hai. apane astitvako svayam bhūl jātā hai aur jo vibhāvakā astitva hai, use mukhya (ho jātā hai). merā astitva māno vibhāvamen hai. apanā astitva bhūl jātā hai. ek bār, do bār, tīn bār vah nakkī karatā hai, parantu jo vikalpakī dhārā vartatī hai, usamen ekatva ho jātā hai.

andar svayam bhinna hai, aisā yathārtha nirṇay kiyā ki main bhinna hī hūn̐, aisā nakkī

PDF/HTML Page 1679 of 1906
single page version

kiyā to bhinnatā anusār svayam bhinna kārya karatā nahīn hai. mātra buddhimen nirṇay karatā hai. parantu bhinnatākā abhyās nahīn karatā hai. bārambār use ṭikātā nahīn hai. aur vah buddhipūrvak vikalpa-se karane jāy to upādhi aur ākulatā ho jāy ki ise kaise ṭikānā? ek jātakā prayās vah nahīn kar sakatā hai. parantu vah sahajapane kaise ho, usakī bārambār laganī, abhyās bārambār ṭikāye rakhe.

nirṇay kiyā usakā kārya lātā nahīn hai. main bhinna hūn̐, aisā nakkī kiyā lekin bhinnatārūp kārya nahīn lātā hai. jo-jo pariṇatikā uday ātā hai, usī vakta main bhinna hūn̐, bhinna rahanekā, us prakār-se apanī pratītiko ṭikānekā vah udyam nahīn karatā hai aur kārya lātā nahī̃n. isaliye āge nahīn baḍhatā hai. nirṇay karake chhoḍ detā hai, nirṇay karake chhoḍ detā hai.

mumukṣhuḥ- chhūṭ jātā hai, mātājī!

samādhānaḥ- bhale chhūṭ jātā hai. utanā prayās usakā āge chalatā nahīn hai, chhūṭ jātā hai. chhūṭ jātā hai, bārambār use ṭikatā nahīn hai. parantu vikalparūp-se, abhyās- rūp-se bhī ṭikātā nahīn hai. vikalparūp-se yā abhyāsarūp-se ṭikāye to use āge jākar sahaj honekā avakāsh hai. parantu vah use ṭikatā nahīn hai, chhūṭ jātā hai. isaliye jo pariṇati hai us taraph dauḍā jātā hai. vikalpamen, bhāvamen use ruchimen lage ki main bhinna hū̃n. parantu bhinnakā bhinnarūp kārya to hotā nahī̃n. buddhimen rahatā hai aur kārya hotā nahī̃n.

mumukṣhuḥ- rāgamen ekatā to turanta dikhatī hai ki ekatā yahān̐ ho gayī.

samādhānaḥ- hān̐, ekatā ho jātī hai. bhinna bhinnarūp kāryarūp hotā nahī̃n. isaliye vah kārya nahīn hotā hai. vah dūr jāy to use bhinnatārūp kārya lānekā hai. bhinnatākī pariṇati karake kārya lānekā hai, vah kar nahīn sakatā hai. bārambār aise hī khaḍā rahatā hai. usamen use mahenat paḍatī hai, isaliye vah karatā nahī̃n.

mumukṣhuḥ- usamen mahenat kis prakārakī?

samādhānaḥ- use sahaj (nahīn hotā). vah sahaj hai isaliye vahān̐ dauḍā jātā hai, anādikā abhyās hai vah sahaj ho jātā hai. isamen use dishā palaṭanī hai vah chhūṭ jātā hai. buddhipūrvak karake chhūṭ jātā hai, bārambār chhūṭ jātā hai. isaliye utanī ruchikī mandatā hai, puruṣhārthakī mandatā hai. isaliye vah chhūṭ jātā hai.

utanī lagan lagī ho ki bas, yah chaitanya hī (chāhiye), chaitanya binākī pariṇati mujhe chāhiye hī nahī̃n. mujhe chaitanyakā hī astitva chāhiye. yah astitva mujhe nahīn chāhiye. utanī andar-se lagan, mahimā aur ruchikī ugratā ho to usakā puruṣhārtha ṭikā rahatā

PDF/HTML Page 1680 of 1906
single page version

hai. nahīn to usakā puruṣhārtha bār-bār chhūṭ jātā hai. vah mātra vikalpa-se nahīn ṭikatā. andar-se sachamūchamen lage to vah ṭike. vāstavamen lage to ṭike. to usakā kāryarūp āye. nirṇayakā kārya āye to pratīti pratītirūp kārya lāye.

mumukṣhuḥ- pahale to kyā hotā thā ki korā vikalpa thā. bhāvabhāsan jise kahen aisā nahīn thā. ab itanā khyālamen ātā hai ki is prakār-se yah gnāyak hai, usamen ahampanā karanā. parantu usamen ādhā ghaṇṭā, ek ghaṇṭā, do ghaṇṭā abhyās kiyā ho, parantu dūsarā prasaṅg āye isaliye turanta aisā lage ki rāgamen ekatā ho jātī hai.

samādhānaḥ- abhī sahaj nahīn hai, isaliye usamen phir-se ekatā ho jātī hai. use bārambār abhyās karanā chāhiye to hotā hai. aur rasapūrvak abhyās ho aur usīkī mahimā lage to vah abhyās bārambār ho.

mumukṣhuḥ- isīmen ugra abhyās, ruchi, puruṣhārtha aur mahimā. itanā use baḍhanā chāhiye.

samādhānaḥ- hān̐, vah baḍhanā chāhiye. abhyās, puruṣhārtha, ruchi, mahimā sab baḍhanā chāhiye.

mumukṣhuḥ- .. nirṇay to nirṇay hai. nirṇay ho to phir kyon haṭ jāy?

samādhānaḥ- nirṇayamen itanā ki yah main hūn̐, itanā. parantu yah main hūn̐, isase bhinna hū̃n. parantu bhinna bhinnatārūp kārya kare to pratītine kārya kiyā kahanemen āye. bhinnatārūp kārya nahīn ātā hai, tabatak pratīti jyoṅkī tyon buddhipūrvak rah jātī hai.

mumukṣhuḥ- bhinnatārūp kārya āve to use atīndriy ānandakā āve, aisā kahanā hai?

samādhānaḥ- bhinnatārūp kārya lākar vah yadi sahaj ho to use atīndriy āve.

mumukṣhuḥ- usake pahale bhinnatārūp kārya kis prakār-se?

samādhānaḥ- use bhedagnānakā kārya sahaj honā chāhiye. phir vah kitanī bār ho, vah usake puruṣhārtha (ādhārit hai). kisīko turanta atīndriy nirvikalpa svānubhūti ho, kisīko thoḍī der lage. parantu use sahaj bhedagnānakī dhārā honī chāhiye, to use hotā hai. usakā kāraṇ yathārtha ho to kārya ātā hai.

mumukṣhuḥ- anubhavake pahale bhī aisā koī judā kārya dikhatā hai?

samādhānaḥ- bhinna kārya use ānā chāhiye, bhedagnānakī dhārākā kārya ānā chāhiye. bhedagnānakā kārya... nirvikalpa dashākā jo yathārtha kāraṇ hai vah kāraṇ use yathārtha honā chāhiye.

mumukṣhuḥ- us jātakā kārya...

samādhānaḥ- hān̐, us jātakā kārya. nirvikalpa dashākā kāraṇ hai us jātakā. usake pahale to abhyās karatā rahe. abhyās chhūṭ jāy (to bār-bār kare).

PDF/HTML Page 1681 of 1906
single page version

mumukṣhuḥ- koī bār to aisā lage ki māno sahaj khyāl ātā ho aisā lage. aur kaī bār ghaṇṭon tak baiṭhe hon to sāmānya spaṣhṭatā bhī nahīn rahatī ho, aisā bhī banatā hai.

samādhānaḥ- bhinna-bhinna prakār-se pariṇati kārya kare. koī bār sūkṣhmarūp-se kare, koī bār sthūlarūp-se kare. isaliye usamen usakā prayatna koī bār tīvra ho jāya. sūkṣhma grahaṇ kare, koī bār sthūl (ho jāy), isaliye usamen use pheraphār hotā rahatā hai.

mumukṣhuḥ- .. kāryamen āpane aisā kahā ki vikalpātmak bhedagnān andaramen aise kāryarūp ho ki jisakā phal anubhūtirūp āye. aisī ek sthiti bhī banatī hai.

samādhānaḥ- hān̐, aisī sthiti banatī hai. use sahaj dhārā ho ki jisakā kārya nirvikalpa dashā āve. abhī use, vāstavik nirvikalpatāke bād jo sahaj hotā hai, aisā nahīn kah sakate, parantu nirvikalpa dashā pūrva usakā kāraṇ aisā pragaṭ hotā hai.

mumukṣhuḥ- us jātakā āp īshārā karanā chāhate hain ki is prakārakā honā chāhiye?

samādhānaḥ- hā̃n. ... karate-karate yadi use ugra puruṣhārtha ho to use yathārtha kāraṇ pragaṭ honekā ban jātā hai. andar-se lagā rahe to. chhoḍ to koī avakāsh nahīn hai.

mumukṣhuḥ- ... apaneko dekhane-se aisā to lagatā hai ki puruṣhārthakī mandatā hai. jitanī ugratā chāhiye utanī nahīn hai.

samādhānaḥ- apaneko khyāl āye.

mumukṣhuḥ- .. phir bhī aisā lage ki puruṣhārtha manda hai. aisā khyāl āye to karatā rahe.

samādhānaḥ- bāharamen nivr̥utti ho to bhī antaramen karanā to svayaṅko rahatā hai.

mumukṣhuḥ- ab aisā lagatā hai ki thoḍā-thoḍā bhāvabhāsanamen ātā jātā hai. lekin abhī to bahut ruchi ityādikā puruṣhārtha bākī hai.

samādhānaḥ- bhāvabhāsan hokar usako ṭikānā, us prakārakā abhyās karanā vah bākī rahatā hai.

mumukṣhuḥ- 17vīn gāthāmen āyā ki pahale jānanā aur phir shraddhān karanā, vah kaise jānanā? ātmā to arūpī hai.

samādhānaḥ- arūpī jānanemen ātā hai. arūpī hai parantu koī avastu nahīn hai. vastu hai isaliye gnāt hotī hai. gnānako gnān-se jānā jātā hai, gnāyakako gnān-se jānā jātā hai. gnāyak arūpī aur gnān bhī arūpī. isaliye gnāyak gnān-se gnāt hotā hai. use jānaneke liye rūpī vastukī jarūrat nahīn paḍatī. arūpī arūpī-se gnaāt hotā hai. gnān arūpī aur gnāyak arūpī hai. gnān-se gnāyak gnāt hotā hai. use

PDF/HTML Page 1682 of 1906
single page version

rūpī vastukī madadakī āvashyakatā nahīn hai. bīchamen nimitta hotā hai utanā. bākī svayam usake lakṣhaṇ-se jān sakatā hai. dev-guru-shāstrakā nimitta hotā hai, parantu upādān svayam taiyār karake jāne to svayam apaneko gnān dvārā gnāyak gnāt hotā hai.

mumukṣhuḥ- vikalpa dvārā nahīn?

samādhānaḥ- vikalpa-se gnāt nahīn hotā. vikalpa bīchamen ātā hai, parantu vikalpa- se gnāt nahīn hotā, gnāyak gnān-se gnāt hotā hai.

mumukṣhuḥ- salāh denevālā mithyādr̥uṣhṭi hai use rāgakā hī svabhāv vartatā hai, gnāyakakā gnān nahīn vartatā, to usakā kaise karanā?

samādhānaḥ- nahīn vartatā hai use prayatna karake jānanā chāhiye. rāgakā gnān usase bhinna hokar, puruṣhārtha karake svayam svasanmukh dishā badalanī chāhiye, to gnāt hotā hai. anādikā jo abhyās hai usamen chalā jātā hai. antaramen dekhatā nahīn, isaliye mātra rāgakā gnān vartatā hai. sva taraph upayog karake sva taraph muḍanā chāhiye, to gnāt ho. usakī dishā badalanī chāhiye, use palaṭanā chāhiye to gnāt ho.

dishā badalatā nahīn hai, ek hī dishāmen chalā jātā hai. use palaṭanā chāhiye. mārga par chalatā huā manuṣhya ūlaṭī dishāmen chalatā ho, vah palaṭe to dūsarī dishāmen muḍ sakatā hai. gurudevane to bahut batāyā hai. kaun-sī dishā, kis or muḍanā vah batāyā, parantu muḍanā apane hāthakī bāt hai.

mumukṣhuḥ- koī āsān tarīkā batāīye na.

samādhānaḥ- vah āsān hī hai. āsānamen āsān vah-gnān lakṣhaṇ-se ātmāko pahachānanā. vah saral-se saral hai. usamen bāharakā kuchh karanā nahīn hotā, yā usamen kuchh bāhar-se kaṣhṭa karanā yā dūsarā kuchh nahīn ātā. tere svasanmukh upayog karake, sūkṣhma dr̥uṣhṭi karake antarakī laganī aur mahimā lagākar tū antaramen jā. antaramen dekh, usakā bhedagnān kar ki yah bhinna hai, rāg bhinna aur gnān bhinna hai. aisā bhedagnān kar, antar-se nyārā ho jā, vah saral-se saral upāy hai. usakī lagan lagā, mahimā lagā, vah sab kara. vah saral upāy hai.

bāharakā sab hai vah use saral lagā hai. vah to par padārtha hai. use apanā karaneke liye prayatna kiyā to bhī vah apane hote nahī̃n. us sarva upāy niṣhphal hai. vah use saral lagatā hai vah durlabh hai, aur yah apanā saral hai vah use durlabh ho gayā hai.

mumukṣhuḥ- ..

samādhānaḥ- jānanevālā hai. aisā pūrā jānanevālā main hū̃n. jo jāṇakatattva hai pūrā jānan svabhāv-se bharā hai. jisamen nahīn jānanā aisā kuchh nahīn hai. aisā jānanevālā

PDF/HTML Page 1683 of 1906
single page version

tattva hai vahī main hū̃n. yah jaḍ tattva hai aur yah jānanevālā tattva hai. vah jānanatattva ananta-ananta shakti-se bharā huā, aisā jānanatattva main hū̃n. mātra vartamān jānā utanā nahīn, parantu akhaṇḍa jānanevālā hai vah main hū̃n. pūrṇa jānanevālā vah main hū̃n.

mumukṣhuḥ- .. shraddhāmen nakkī karanā nā?

samādhānaḥ- yah main hī hūn̐, aisā shraddhā-se, vichār-se nakkī karanā. lakṣhaṇ pahichānakar, vichār karake usakī pratīt-shraddhā kare ki yahī main hūn̐, anya kuchh main nahīn hū̃n. aise pratīt to sthūlatā-se kī, parantu antar-se jab pratīt ho tab use andar-se satya grahaṇ hotā hai. pahale buddhipūrvak vichār kare, phir antar-se vichār kare.

mumukṣhuḥ- aisā hokar phir chhūṭ jātā hai.

samādhānaḥ- vichārapūrvak nakkī kare, abhyās kare, parantu antar-se jo honā chāhiye, vah svayam palaṭe to hotā hai.

mumukṣhuḥ- us din āpane .. bāt kahī to do-tīn din-se..

samādhānaḥ- svayam to bhinna hī hai. abhyās karanā, chhūṭ jāy to. anādikā abhyās hai isaliye bārambār usamen chalā jātā hai. chhūṭ jāye to bārambār abhyās karanā. bārambār usakī laganī, mahimā, vichār, bārambār pratīt karanekā abhyās bārambār karanā, chhūṭ jāy to. chhūṭ jāy to bārambār karanā. thakanā nahī̃n. bārambār karanā.

... āchāryadev kahate hain, avichchhinna dhārā-se bhānī. kevalagnān ho tabatak bhedagnānakī dhārā gnānadashāmen sahajapane chalatī hai. to pahale usakā abhyās karanā. vah abhyās chhūṭ jāy to bārambār karanā.

mumukṣhuḥ- thoḍe samayamen kyā karanā?

samādhānaḥ- sabako ek hī karanekā hai. āchāryadev kahate hain na, ābālagopāl sabako ek gnāyak ātmā pahachānanā hai.

mumukṣhuḥ- hamārī to bahut umra ho gayī hai.

samādhānaḥ- bahut sāl sunā hai. bas, vah ek hī karanekā hai. ek gnāyak ātmāko pahichānanā vahī karanekā hai. gnāyak ātmāko pahichānanā. gnāyak judā hai aur sharīr judā hai. sab bhinna hai. vibhāv svabhāv apanā nahīn hai, usase svayam bhinna hai. ātmā shāshvat (hai). ye umra ādi sharīrako lāgū paḍatā hai, ātmāko kuchh lāgū nahīn paḍatā. ātmā to shāshvat hai. ātmāko pahichānanā, ātmā gnāyak hai.

dev-guru-shāstrakī mahimā antaramen aur antaramen shuddhātmāko pahichānanekā prayatna karanā. sabako ek hī karanā hai. ek gnāyak ātmāko pahichānanā. main gnāyakadev bhagavān ātmā hū̃n. mere ātmāmen hī sarvasva hai. main adabhut ātmā, anupam ātmā ānanda-se bharā,

PDF/HTML Page 1684 of 1906
single page version

gnān-se bharā, ananta prabhutā-se bharā main chaitanya hū̃n. aisā adabhut tattva main hū̃n. sabako ek hī karanā hai. main gnāyak ātmā jānanevālā, shāshvat ātmā hū̃n. sharīrakī koī bhī avasthā ho, vah main nahīn hū̃n. main usase bhinna hū̃n. main chaitanya svarūp ātmā shāshvat hū̃n.

prashamamūrti bhagavatī mātano jay ho! mātājīnī amr̥ut vāṇīno jay ho!

< Previous Page Next Page >