PDF/HTML Page 298 of 1906
single page version
mumukṣhuḥ- .. vah to samajhamen ātā hai, parantu dravyako arpit ho jānā, vah kaise karanā?
samādhānaḥ- dravyako arpit ho jānā, dravyako barābar pahachāne ki main chaitanya shāshvat anādi gnāyak dravya hū̃n. gnāyakakā svarūp pahachāne aur gnāyakakī mahimā āye to use arpit huā jātā hai.
jaise jinendra dev, guru aur shāstrakī mahimā ānese vahān̐ arpaṇatā hotī hai. jinendra dev jagatamen sarvotkr̥uṣhṭa hain, guru ki jo ātmākī bārambār sādhanā kar rahe hain aur vāṇī barasāte hain, aisā guru aur shāstra mārga batātā hai. aisī jo unakī mahimā ātī hai, vaise yadi ātmākī mahimā āye to usamen bhī arpit huā jātā hai.
jinendradev, jinhonne sarvotkr̥uṣhṭa ātmā, apanī paryāy chaitanyadevakī pūrṇatā prāpta kī hai. aise jinendra devakī jaise mahimā ātī hai, gurukī, shāstrakī, aise chaitanyako pahachāne to chaitanyakī bhī mahimā ātī hai. gnāyak kaisā hai? ki ananta guṇonse bharapūr anupam tattva aur āshcharyakārī tattva hai. vah tattva anādiananta hai. chāhe jitane bhav kiye to bhī ātmāko kuchh ek ansh bhī, thoḍā bhī vibhāvakā andar pravesh nahīn huā hai yā malinatā nahīn huyī hai.
aisā shāshvat ātmā jo koī adabhut āshcharyakārī hai, koī usakā nāsh nahīn kar sakatā. koī use utpanna nahīn kar sakatā. anādiananta shāshvat aisā anupam āshcharyakārī ananta guṇonse bharapūr (hai) ki jo svānubhūtimen usakī anubhūtimen pakaḍamen ātā hai. aur gnānase usake lakṣhaṇ dvārā pahachānā jātā hai. ātmā kaisā anupam tattva hai, vah usake gnānalakṣhaṇase pahachānamen ātā hai. usakī yadi mahimā āye ki ātmā hī jagatamen sarvotkr̥uṣhṭa hai, to use bhī arpit huā jātā hai. bas, is gnāyakadevake sivā mujhe kuchh nahīn chāhiye. is jagatamen jo kuchh hai vah kuchh bhī sārabhūt nahīn hai, tuchchha hai.
yah gnāyakadev hī jagatamen sarvotkr̥uṣhṭa hai. gnāyakadevakī mahimā āye to usakī bhī arpaṇatā ho jāya. mere gnāyakako kaise pahachānūn̐? use nirakhatā rahūn̐, use arpaṇ ho jāūn̐, usakī mahimā karun̐, usakī pūjan karũn. mahimā āye to gnāyakadevako bhī arpaṇ huā
PDF/HTML Page 299 of 1906
single page version
jātā hai. jaise dev-guru-shāstrako arpaṇ hotā hai, vaise gnāyakadevako arpaṇ hotā hai.
bhagavānane gnāyakadevako pragaṭ kiyā hai, guru gnāyakadevakī svānubhūtikī svānubhūti kar rahe hain, sādhanā kar rahe haiain, shāstra gnāyakadevako batātā hai. aisā gnāyakadev yadi antaramen svayam lakṣhaṇ dvārā pahachāne aur usakī mahimā āye to usamen bhī arpaṇatā ho jātī hai. aur mārga vahī hai. gnāyakadevakī mahimā āye binā muktikā mārga pragaṭ nahīn hotā. gnāyakako pahachāne binā aur use arpaṇ hue binā, muktikā mārga pragaṭ nahīn hotā. use pahachānakar, usakī shraddhā karake usamen līnatā kare to use svānubhūti pragaṭ hotī hai.
ek gnāyakadevako pahachāne binā muktikā mārga pragaṭ nahīn hotā. usakī arpaṇatā āve to hī muktikā mārga prārambh hotā hai. isaliye use pahachānanā. vahī usakā upāy hai. anyase rāg ṭūṭakar virakti ākar antaramen hī arpaṇatā ā jāy, vah ā sake aisā hai. gnāyakadevako pahachāne to arpaṇatā hotī hai.
mumukṣhuḥ- dev-guru-shāstra to sāmane dikhate hain isaliye unakī mahimā ātī hai, parantu āp kahate ho tab to aisā hī lagatā hai ki ekadam āsān hai. parantu jab prayogamen to takalīph hotī hai.
samādhānaḥ- prayatna karanā mushkil paḍatā hai. anādikā abhyās hai. jinendra dev, guru, shāstra sāmane dikhe isaliye unakī mahimā āye, yah dikhatā nahī̃n. parantu gnānalakṣhaṇase pahachānā jāy aisā hai. arūpī hai isaliye dikhatā nahī̃n. parantu svayam hī hai, dūsarā nahīn hai. dūsarā ho to ḍhūn̐ḍhane jānā paḍe. yah to svayam hī hai. use kahīn khojane jānā paḍe aisā nahīn hai. lekin svayaṅkā sthūl upayog ho gayā hai, upayog bāhar jātā hai. upayog bāhar jātā hai use svayam sthūl upayogako sūkṣhma karake svayaṅko gnānalakṣhaṇase pahachāne to svayam hī hai. pakaḍamen āye aisā hai aur usakī anubhūti ho sake aisā hai. ananta jīvonne gnāyakadevako pahachānakar muktike mārgako prāpta hue hain, usakī svānubhūtiko prāpta hue haĩn. pahachānā jāy aisā hai, pakaḍamen āye aisā hai. parantu svayam prayatna kare, usakī jignāsā kare, bhāvanā kare, abhyās kare to vah pakaḍamen āye aisā hai. grahaṇ hue binā nahīn rahe. svayam hī hai, kyon pakaḍamen nahīn āye? apanī bhūlake kāraṇ svayam bāhar aṭakā hai. usakī ruchi bāhar jātī hai, isaliye pakaḍ nahīn sakatā.
mumukṣhuḥ- jīvakā astitva bolanemen athavā sīkhanemen ātā hai. parantu andarase astitvakā jor kyon nahīn ātā hai?
samādhānaḥ- bolanemen to astitva-main hū̃n. parantu antaramen main hūn̐, vah vikalpa hai. lekin main hūn̐ vah kaun hūn̐? usakā astitva svayam gaharāīmen jāy, use-astitvako khoje
PDF/HTML Page 300 of 1906
single page version
to astitvasvarūp hī svayam hai. jo hai vah hai, svayam hī vastu hai, dūsarā koī nahīn hai. svayam gaharāīmen jāy to apanā astitva grahaṇ ho sake aisā hai. yah sab sharīrādi dikhāī detā hai, bāharakī vastuen̐ dikhatī hai, andarake vibhāv pariṇāmakā vedan hot hai, rāg-dveṣhādikā. aise ātmā jānanevālā hai, us jānanevālekā astitva grahaṇ ho sake aisā hai. svayam andar sūkṣhma hokar pragnāchhainī dvārā, pragnāko-gnānako tīkṣhṇa karake antaramen astitvako grahaṇ kare to ho sake aisā hai. parantu vah gaharāīmen jātā nahī̃n. isaliye apanā astitva grahaṇ nahīn ho rahā hai.
apanā astitva maujūd hī hai. kahīn nahīn gayā hai, kahīn gum nahīn gayā hai. astitva maujūd hai, parantu svayam grahaṇ nahīn kar sakatā hai. prayatna kare to grahaṇ ho sake aisā hai. (puruṣhārtha) manda hai isaliye grahaṇ nahīn ho sakatā hai. prayatna svayaṅko karanā rahatā hai. bārambār usīkā prayatna karate rahanā, bārambāra. thakanā nahīn, bārambār usīkā prayatna ho to vah pakaḍamen āye binā, grahaṇ hue binā nahīn rahatā. thakanā nahī̃n. dhīrajase ākulatā kiye binā grahaṇ kare to ho sake aisā hai. apanī bhāvanā ugra ho to puruṣhārtha hue binā rahatā nahī̃n.
mumukṣhuḥ- itane ... liye hain, ab to hue binā chhūṭakārā hī nahīn hai.
samādhānaḥ- gurudevane yah mārga batāyā hai, gurudevane vāṇī barasāyī, apūrva vāṇī barasāyī, use grahaṇ hue binā kaise rahe? svayam puruṣhārtha kare to ho sake aisā hai. grahaṇ karane jaisā hai. gnāyak, main gnāyak hī hūn̐, yah sharīr merā nahīn hai. sharīr paradravya hai, rog sab sharīramen āte haĩn. gnāyakamen nahīn āte haĩn. gnāyak to shāshvat hai. gnāyakakī bhāvanā, jignāsā, gnāyakakī mahimā, main to gnāyak hī hūn̐, gnāyakakī or raṭan rakhanā. usīkā abhyās, usakā chintavan vahī karane jaisā hai. shubh bhāvanāmen dev-guru-shāstrakā smaraṇ aur andar gnāyakakā smaraṇa. main gnāyak hī hūn̐, yah sharīr main nahīn hū̃n. main chaitanyadev gnāyak hū̃n. vah grahaṇ karane jaisā hai.
mumukṣhuḥ- ... kis vidhese andar karanā?
samādhānaḥ- gnān prasiddha hai tau ātmā prasiddha hotā hai. parantu gnān prasiddha hai, use svayam pahachāne. gnānalakṣhaṇ dvārā ātmāko pahachāne to prasiddha ho na. ātmā to prasiddha hī hai, lekin prasiddhimen lānā vah to svayam puruṣhārtha kare to hotā hai. gnān prasiddha lakṣhaṇ hai, us lakṣhaṇ dvārā lakṣhyako pahachāne, dravyako pahachāne. usakī pratīt kare, usamen līnatā kare, usakā yathārtha gnān kare to prasiddhimen āye. svayam puruṣhārtha kare nahīn to kaise prasiddha ho? prasiddha hī hai. usakā lakṣhaṇ to prasiddha hī hai. lekin prasiddhimen lānā vah apane hāthakī bāt hai.
PDF/HTML Page 301 of 1906
single page version
mumukṣhuḥ- shāstra yā āpakā mārgadarshan kuchh... ki is vidhise...?
samādhānaḥ- gurudevane to bahut mārga batāyā hai. puruṣhārtha to svayaṅko karanā hai. gurudevane spaṣhṭa kar-karake, ekadam sūkṣhmarūpase jaisā thā vaisā mārga spaṣhṭa batā diyā hai. bāhar kahīn bhī aṭakanā nahīn, andar ek gnān lakṣhaṇ ātmā gnāyak hai. use pahachān le. gnān dvārā pūre gnāyakako pahachān le. lekin vah karanā to svayaṅko hai.
antaramense utanā nyārā ho, sab vibhāvonse bhinna hokar andar gnāyakake lakṣhaṇako, ekadam usake lakṣhaṇ dvārā pratīt dr̥uḍh kare ki yah gnāyak hai vahī main hū̃n. gnāyakako grahaṇ kare, gnāyakamen līnatā kare to gnāyak prasiddha hotā hai. pariṇati bāhar dauḍe, use gnāyak kaise prasiddha ho? use andar pahachānakar moḍanā ki yah gnāyak hai. gnāyakakī or pariṇatiko moḍe to gnāyak prasiddha hotā hai. pariṇatikī dauḍ sab bāhar ho rahī hai, antarakī or pariṇati jātī nahīn hai, to gnāyak kaise prasiddha ho?
svayam prasiddhimen sab vibhāv lātā hai. sab vibhāv, rāg-dveṣh, saṅkalpa-vikalpakī prasiddhi svayam karatā hai. gnāyakakī prasiddhi andar jāy to svayaṅko prasiddha hotā hai. vah to prasiddha hī hai. dūsarā nahīn hai ki svayam gupta rahe. svayam hī hai. svayam apaneko bhūl gayā vah āshcharyakī bāt hai. svayam svayaṅko bhūl jāy, yah kaisī āshcharyakī bāt hai!
mumukṣhuḥ- baḍā andher ho gayā.
samādhānaḥ- baḍā andher ho gayā. dūsareko bhūle vah dūsarī bāt hai, svayam svayaṅko bhūl gayā, yah to kaisā andher hai! shreṣhṭha anupam aisā svayam, use svayam bhūl gayā.
mumukṣhuḥ- yah baḍī bhūla.
samādhānaḥ- baḍī bhūla.
mumukṣhuḥ- pās-pās hai.
samādhānaḥ- donon samīp hī haĩn. bhagavānako grahaṇ nahīn karatā hai aur vibhāvako dekhatā rahatā hai. vibhāvako grahaṇ karatā hai. vibhāvavālā ho gayā. rāg, dveṣh, saṅkalpa, vikalpavālā main ho gayā. aisī mānyatā ho rahī hai. usase nyārā main to bhinna hū̃n. merā svaghar alag, main svataḥ tattva bhinna hū̃n. vah bhūl gayā bhagavānako.
... ananta kāl usamen gayā. "nij nayananī āḷase re, nirakhyā nahīn harine jarī'. svayam hī hai, apane netrakī ālasake kāraṇ svayam ān̐kh kholakar dekhatā nahīn, bhagavānako nirakhatā nahī̃n. usamen ananta kāl chalā gayā. svayam so rahā hai, jāgatā nahī̃n. gurudevane jāgr̥ut karaneko lalakārake jagāte the. jāganā apane hāthakī bāt hai. tū paramātmā, tū bhagavān, tū jāga.
samādhānaḥ- ... guru mil gaye.
PDF/HTML Page 302 of 1906
single page version
mumukṣhuḥ- 91vīn janma jayanti malāḍamen sīmandhar bhagavānane mujhe..
samādhānaḥ- bhagavānake pās the, vahān̐se yahān̐ bharatakṣhetramen kaise āye?
mumukṣhuḥ- hamen to mātājī! bāharase to .. itanā puṇya lekar āye haĩn.
samādhānaḥ- unhonne kitanī vāṇī barasāyī hai. kuchh bākī nahīn rakhā hai. yah to āpako prashna utpanna hote hain, isaliye javāb detī hū̃n.
mumukṣhuḥ- āp koī-koī bār itanā sundar bolate ho, udāsīnatāmen ras ānā chāhiye, gnātā-dr̥uṣhṭā rahanemen ras ānā chāhiye.
samādhānaḥ- .. ānanda ānā chāhiye. nivr̥uttasvarūp ātmā hai. jo usakā svabhāv hai, usī jātikā svayaṅko ras honā chāhiye. to ātmā us rūp pariṇaman kare, to usakī pariṇati vaisī hotī hai. phir bāharake kāryamen bhale amuk prakārase andar juḍe, parantu andarase usakī ekatvabuddhi ṭūṭ jāya. antaramense aisī pariṇati, nivr̥uttamay pariṇati aisī (ho ki) antaramen use vahī ruche.
mumukṣhuḥ- pravr̥uttimense ras bilakūl uḍ jānā chāhiye.
samādhānaḥ- andarase uḍ jāya. bīchamen shubhabhāv āye vah alag bāt hai, lekin antaramense ānanda, ātmākā jo nivr̥uttamay svabhāv hai, usamen ānanda ānā chāhiye. svabhāv pariṇatimen ānanda ānā chāhiye. gnātā rahanemen ras ānā chāhiye. sab jagah kartā honemen ras chhūṭ jāya. gnātā rahanemen ras āye. main to jānanevālā gnāyak, udāsīn gnāyak hū̃n. par padārthakā main kuchh nahīn kar sakatā. usake kuchh bhī pheraphār nahīn kar sakatā, main to jānanevālā hū̃n. phir bhī rāgake kāraṇ amuk kāryamen juḍe. juḍe to bhī usakī maryādā hotī hai. ekatvabuddhi nahīn ho jātī ki vah svayaṅko bhūlakar usamen juḍe. aisā nahīn hotā. gnāyakatā, udāsīnatāke kāraṇ maryādā ā jātī hai.
jīvako kartābuddhikā utanā ekatva ho gayā hai ki apanī gnāyakatā bhūl gayā hai. aur kartābuddhikī utanī ekatvatā ho gayī hai. kartr̥utvamen utanā ras ā gayā hai. āchārya bhagavānane pūrā kartā-karma adhikār alag likhā hai. gurudev kartā-karma-kriyā par bahut kahate the. kartābuddhikā ras use ekatvabuddhise ātā hai. ... yahān̐ karanemen shūnyatā lage. aisā use ho jāya. vah jīvan kaisā? ki shānt pariṇaman, us jātikī shraddhā karanī bhī mushkil lage. phir kāryamen rakhanā ek or rahā.
mumukṣhuḥ- shraddhā hī mukhya hai. koī pahachāne nahī̃n.
samādhānaḥ- hān̐, koī pahachāne nahī̃n. isamen ek or baiṭh jānā, aisā artha nahīn hai. lekin use aisā ho jātā hai ki aisī shraddhā karanī kaṭhin lagatī hai. use svayaṅko aisā ho jātā hai. kuchh na kare to shūnya ho jāyeṅge. aisā ho jātā hai.
PDF/HTML Page 303 of 1906
single page version
mumukṣhuḥ- ab mujhe koī nahīn pūchhegā.
samādhānaḥ- hā̃n. koī kimat rahe nahīn, koī ginatī nahīn rahegī, aisā use ho jātā hai. .. chhoḍ denekī bāt nahīn hai, parantu andarakī shraddhā, antaramense palaṭanekī bāt hai.
mumukṣhuḥ- .. rakhate hain to kitanā achchhā lagatā hai.
samādhānaḥ- paramātmā hūn̐, gurudev ṭepamen bolate haĩn. trilokanāth paramātmā vītarāg sarvagnadevakī dhvanimen yah āyā hai ki tū paramātmā hai. sau indrakī upasthitike samavasaraṇamen lākhon-kroḍo devoṅkī hājarīmen bhagavānane kahā hai ki tū paramātmā hai. lekin bhagavān! āp paramātmā ho, itanā to nakkī karane do. tū paramātmā hai, aisā nakkī kiye binā yah paramātmā bhagavān tujhe nakkī hoṅge. nishchay nakkī kiye binā vyavahār nakkī hogā nahī̃n. gurudev aise lalakārake bolate haĩn.
mumukṣhuḥ- mānon om dhvani barasī.
samādhānaḥ- hā̃n. .. samavasaraṇamen bhagavānane aisā kahā hai, aisā ākāshamense kahate ho (aisā lagatā hai). yahān̐ virājate the. sonagaḍhake andar kaṇ-kaṇamen gurudevakī smr̥uti hai.
gnāyakako pahachānanā vahī pratham hai. use pahachānaneke liye jignāsā, vichār, vāñchan (karanā). dhyey to sarvapratham gnāyakako hī pahachānanā. mārga ek hī hai. gnāyakakī ruchi karanī, gnāyakakī mahimā karanī, gnāyakakā gnān karanā. gnāyak kyā hai, usake vichār karanā. usake dravya-guṇ-paryāy kyā hai, usakā svarūp kyā hai? lekin vah samajhaneke liye vichār, shāstra aur gurudevane kyā kahā hai, un sabakā vichār karanā. dhyey ek hī-gnāyakako grahaṇ karanā.
grahaṇ ho, grahaṇ karaneke hetuse dev-guru-shāstrakī mahimā ādi sab gnāyak kaise grahaṇ ho, usake liye hai. jīvanamen dev-guru-shāstrakā raṭan rahe vahī sarvotkr̥uṣhṭa hai na. bākī sansār to chalatā hī rahatā hai. sansār to hai hī, parantu gr̥uhasthāshramamen andar ātmākī ruchi rahe, dev-guru-shāstrakī mahimā rahe, jinendra dev, guru aur shāstrakī mahimā rahe aur ātmākī ruchi rahe, vahī manuṣhyajīvanakā kartavya to ek hī hai. gnāyak ātmākī mahimā, usakī ruchi aur vah nahīn ho vahān̐ shubhabhāvamen jinendra dev, guru aur shāstra hr̥udayamen rahe, vahī manuṣhyajīvanakā kartavya hai.
mumukṣhuḥ- ...
samādhānaḥ- gnāyakake alāvā sab para. vibhāvabhāv apanī paryāyamen hote hain, parantu usakā svabhāv bhinna hai. isaliye vikalpa bhī (par). sab usamen le lenā. dravyakarma, bhāvakarma aur nokarma ādi saba.
mumukṣhuḥ- ek samayakī paryāy bhī paramen ātī hai?
PDF/HTML Page 304 of 1906
single page version
samādhānaḥ- mukhyarūpase yah sharīr, dravyakarma aur bhāvakarma, shubhāshubh vikalpa. guṇ aur paryāy to jo shuddha paryāy aur guṇ, koī apekṣhāse use par kahanemen ātā hai. vāstavik rūpase aise paramen nahīn āte haĩn. guṇ apane chaitanyake sāth ekamek haĩn. aur paryāy, chaitanyakī pariṇati pariṇamit hokar paryāy hotī hai, shuddha paryāya. use dravyadr̥uṣhṭike joramen par kahanemen ātā hai. usake bhed paḍe, vikalpake bhedamen aṭakanā nahī̃n. parantu vah vāstavamen apane vedanase bhinna nahīn hai. vah alag hai, usamen vivek karanā paḍatā hai.