PDF/HTML Page 291 of 1906
single page version

mumukṣhuḥ- sab prakārase ruchi chhūṭakar, āpane kahā ki sab prakārase ruchi chhūṭī nahī̃n. sab prakārase ruchi nahīn chhūṭī hai, usamen kyā samajhanā?

samādhānaḥ- andar shubharāgamen ruchi rah gayī hai. shubhabhāvamen gaharāīmen use ruchi hai.

mumukṣhuḥ- bolatā to aisā hai ki shubharāg vikār hai, doṣh hai.

samādhānaḥ- hān̐, vah sab bole. lekin antaramen usakī pariṇatimen akelā andar nivr̥uttamay ātmā hī sukharūp hai, ātmāmen hī sab hai, aisā bole, lekin antaramen shubharāg itanā to hotā hai na, chāhe jaise bhī use gaharāīmen rah jātā hai. kyā rah jātā hai? shāstramen ātā hai ki vah kevalagnānī jāne. parantu gaharāīmen use ruchi rah jātī hai. par padārthakī or gaharāīmen ruchi rah jātī hai.

mumukṣhuḥ- pravr̥uttikī ruchi rah jāya.

samādhānaḥ- andar pravr̥uttikī gaharī ruchi hai. parāshrayavālī andar ruchi hai. parakī ora. shubharāgamen kuchh ṭhīk hai, shubharāg mainne bahut kiyā isaliye mainne bahut kiyā hai, mainne bahut dharma kiyā hai, sab tyāg kiyā hai, dev-gurukī bhakti aur yah sab bahut kiyā hai, sab shāstroṅkā abhyās kiyā hai. dravya-guṇ-paryāy main to sab jānatā hū̃n. yah sab ṭhīk hai, aisā antaramen mainne bahut kar liyā hai, antaramen santuṣhṭa ho gayā hai aur bāharakī ruchi andar paḍī hai. antaramen santoṣh ā gayā hai. is vikalpase bhī merā svarūp bhinna hai. ūchchatam vikalpase bhī main bhinna hūn̐, andaramen jo isakī ruchi honī chāhiye, vah ruchi antaramense use hotī nahī̃n.

mumukṣhuḥ- mātājī! bahut kaṭhin kām hai.

samādhānaḥ- apanā svabhāv hai isaliye āsān hai. aur anādikā abhyās hai isaliye kaṭhin hai. chhūṭatā hai use ek kṣhaṇamen chhūṭ jātā hai, antarmuhūrtamen chhūṭ jātā hai aur jise nahīn chhūṭatā hai use lākhon kroḍo bhav paryant kriyāen̐ karatā rahe to bhī chhūṭatā nahī̃n. agnānī jo karma lākh-kroḍ bhavamen kṣhay karatā hai, vah gnānī ek shvāsamātramen kṣhay karatā hai. svayaṅkā svabhāv hai isaliye sahaj hai, saral hai aur sugam hai. lekin bāharamakī ruchi lage to use chhoḍanā mushkil hai. ātmākā svabhāv hī nahīn hai, paramen

PDF/HTML Page 292 of 1906
single page version

rukanā vah ātmākā svabhāv hī nahī̃n. par or jānā, usamen use sukh hī nahīn lage. vah usakā svabhāv hī nahīn hai. jise yathārtha ātmārthītā ho use bāharamen, antaramen gaharāīmen ātmāke alāvā kahīn sukh lage hī nahīn, kyoṅki vah usakā svabhāv hī nahī̃n. sachche ātmārthīko andar sab duḥkh aur ākulatā hī lagatī hai. sachche ātmārthīko. kyoṅki vah usakā svabhāv nahīn hai, isaliye use usamen aṭakanā posātā nahī̃n. parantu jise gaharāīmen utanā ātmākā prayojan nahīn hai to vah usamen ruk jātā hai. kahīn- kahīn aṭak jātā hai.

usane mokṣha kise mān liyā hai? mainne sab chhoḍ diyā hai. munikī jo kriyāen̐ hain, vah sab main pālatā hū̃n. chhakāyakī rakṣhā, pañch mahāvrat pālatā hūn̐, barābar shāstrakā abhyās karatā hūn̐ aur barābar jaisā hai vaisā pālatā hū̃n. usakī sab āvashyak kriyāen̐ karatā hū̃n. merā mokṣha honevālā hī hai. mokṣha yahīn hai. main antarase bhinna ho jāun̐, yah sab kriyāke vikalpase bhinna ho jāūn̐, aisī ruchi antaramen hotī nahī̃n. mokṣhake liye hī karatā hai. mokṣhakā svarūp yahīn hai, aisā antaramen use gaharāīmen yah laganā chāhiye. main mokṣhasvarūp hī hūn̐ aur vibhāv pariṇatimen rukā hūn̐, isaliye bandhan hai. isaliye mujhe vibhāvase chhūṭanā hai. antaramen use ānā chāhiye, to sachchā mokṣha ho. ... ashubh pariṇām gauṇ hokar, ashubh pariṇāmase mokṣha hogā. shubhamen aṭakā hai.

mumukṣhuḥ- ashubhase mokṣha hogā.

samādhānaḥ- ashubhase mokṣha hogā.

mumukṣhuḥ- antaramen bhinna hūn̐ aur bhinna honā hai, donon bāt use...

samādhānaḥ- antaramen laganā chāhiye, main bhinna hī hū̃n. dravya merā bhinna hī hai, vibhāvamen aṭakā hai vahān̐se chhūṭanā hai. aisā antaramen laganā chāhiye. lekin jo ekase nahīn chhūṭā shubhase, vah vāstavikarūpase ashubhase nahīn chhūṭā hai.

mumukṣhuḥ- sab palaṭ jāyegā.

samādhānaḥ- palaṭ jāyegā. ... (mālūm) paḍe, svayaṅko mālūm paḍe lekin use andar khojanekī vr̥utti, khojanekī lagī ho to (mālūm) paḍe na. santuṣhṭa ho gayā ho to kahān̐se paḍe? santuṣhṭa ho gayā ho use kahān̐se mile? mainne to sab kar liyā hai, aise santoṣh ā gayā ho to kahān̐se ḍhūn̐ḍhe. jise santoṣh nahīn hai, shāstramen yah sab ātā hai ki munipanā pālā to bhī dravyaliṅgī muni ananta bār graiveyak upajāyo, to bhī mokṣha nahīn huā, vah kyā hogā? is prakār svayaṅko vichār karanekā, svayaṅko apanī pariṇatiko khojanekī paḍī ho to svayam ḍhūn̐ḍh sakatā hai. parantu svayaṅko apanī paḍī nahīn, santoṣh ā gayā ho to kahān̐se ḍhūn̐ḍhe? (santoṣh) ho hī gayā hai.

PDF/HTML Page 293 of 1906
single page version

bahut log bhes lekar nahīn kahate hain? apane to samyagdarshan hotā hī hai. samyagdarshan nahīn hai? jain dharmako mānate hain, itanā tyāg liyā to samyagdarshan hai hī, aisā bahut log mān lete haĩn.

mumukṣhuḥ- ... main samyagdr̥uṣhṭiko vandan karatā hū̃n. munirāj vaise to samyagdr̥uṣhṭiko vandan kare nahīn, parantu samyagdarshanakī mahimā batāyī...

samādhānaḥ- samyagdr̥uṣhṭiko vandan karatā hūn̐ arthāt vandan karatā hūn̐, aisī bhāvanā kare, parantu vandan-namaskār nahīn hotā. aisā vyavahār nahīn karate. jisane kāraṇ tattva jānā, ātmāko jānā, us kāraṇ par dr̥uṣhṭi rakhanese jisamen kārya ātā hai, aisā kāraṇ tattva jisane grahaṇ kiyā, jisane bhedagnān aur svānubhūti pragaṭ kī, use main vandan karatā hū̃n. jagatamen sarvotkr̥uṣhṭa ho to ātmā chaitanya dravya hai, use jisane lakṣhyamen liyā use vandan karatā hū̃n. aisā kahakar svayaṅko mahimā ātī hai. bākī use namaskārakā vyavahār muni nahīn karate.

mumukṣhuḥ- samyagdarshanakī mahimā darshāte haĩn.

samādhānaḥ- samyagdarshanakī mahimā darshāte haĩn. mokṣhamārga jo pragaṭ hotā hai, usake anshase lekar pūrṇatā paryant sab ādar karane yogya hai, aisā kahanā chāhate haĩn. chaitanyatattva mahimāvant hai, usakā ek ansh bhī pragaṭ ho, anshase lekar munidashā paryant sab ādarane yogya, sab mahimāvant, sab namaskār karane yogya hai, aisā kahanā chāhate haĩn.

ṇamo arihantāṇan ādi ātā hai na? pañch parameṣhṭhī namaskāra. usamen sab āchārya, upādhyāy, munirāj jo baḍe muni hote hain, chhoṭe muni sab ā jāte hain, un sabako main namaskār karatā hū̃n. aise navakār bole usamen sab ā jātā hai. lekin namaskārakā vyavahār nahīn karate. ṇamo loe savva sāhūṇan, sab muniko namaskār karatā hū̃n. navakār bole isaliye usamen sab muni ā jāte haĩn. lekin baḍe muni hon, ve chhoṭe muniko namaskārako vyavahār nahīn karate.

mumukṣhuḥ- hamen adhikase adhik kitane bhavamen samyagdarshan prāpta ho sakatā hai? yā vartamān bhavamen bhī ho sakatā hai?

samādhānaḥ- kitane bhavamen ho sakatā hai? vartamān bhavamen bhī ho sakatā hai, puruṣhārtha kare to is bhavamen bhī ho sakatā hai. aur dūsare bhavamen bhī ho sakatā hai. jab puruṣhārtha kare tab ho sakatā hai. use kahīn kāl nahīn lāgū paḍatā. jo puruṣhārtha kare, apanī yogyatā taiyār kare aur chaitanyatattvako grahaṇ kare to is bhavamen bhī kar sakatā hai aur dūsare bhavamen bhī kar sakatā hai. jab taiyārī kare tab ho sakatā hai.

mumukṣhuḥ- samayakī maryādā nahīn hai?

PDF/HTML Page 294 of 1906
single page version

samādhānaḥ- samayakī maryādā nahīn hai. gurudevane aisā mārga batāyā, use svayam grahaṇ karake puruṣhārtha kare, ek gnāyak tattva hī grahaṇ karane jaisā hai. usakī pariṇati abhī bhī pragaṭ kar sakate hain aur bhaviṣhyamen bhī kar sakate haĩn. abhī karate-karate utanā puruṣhārtha nahīn chale to bārambār usakā abhyās kare, bārambār jignāsā kare, bhāvanā kare ki gnāyak hī ādaraṇīy hai, gurudevane kahā vahī mārga ādarane yogya hai. chaitanyakā dravya- guṇ-paryāy kyā hai, use pahachānanekā prayatna kare. yah vibhāv kyā hai? svabhāv kyā hai? sabako pahachānanekā prayatna kare. ek chaitanya hī ādaraṇīy hai, dūsarā kuchh ādaraṇīy nahīn hai. aisī bārambār bhāvanā kare. aisā karate-karate usamen gahare sanskār paḍe to dūsare bhavamen bhī kar sakatā hai. use kālakī maryādā nahīn hai. apanī mandatāke kāraṇ aṭakatā hai. svayam puruṣhārtha kare to hotā hai. aisā anajānā mārga milanā mushkil, gurudevane batāyā. vah mārga koī apūrva mārga hai. usakī mahimā āye, ātmākā svarūp koī apūrva hai, anupam hai, vah kaise prāpta ho, gaharī ruchi kare to ho sakatā hai.

mumukṣhuḥ- bāharake viṣhayamen itane ekamek ho jāte hain ki isamen ruchi sthir honemen bahut .. lagatā hai.

samādhānaḥ- der lagatī hai. usamense bhī bārambār prayatna karatā rahe. vahān̐se ruchi svayaṅkī or lānekā bārambār prayatna karatā rahe. karane jaisā yahī hai, aisā nirṇay kare, shraddhā kare, bārambār prayatna karake palaṭe. palaṭe binā chhūṭakārā nahīn hai. vah ek upāy hai. svayam palaṭe binā shāntikā dūsarā koī upāy nahīn hai. shāntikā upāy svayaṅko hī palaṭanā hai. koī nahīn kar detā, svayaṅko hī palaṭanā hai. gurudevane mārga darshāyā. dev-guru-shāstra sab nimitta banate haiaĩn. karanā svayaṅko hī hai. sarva dravyakī svatantratā batāyī hai. tū kar to ho sake aisā hai. tujhe koī rokatā nahī̃n. karmakā uday tuje jabarajastī rokatā nahī̃n. tū kar to ho sake aisā hai.

mumukṣhuḥ- karmakā bahānā nikāle vah bhī galat hai.

samādhānaḥ- galat hai. karma rokatā nahīn, karma to nimitta hai. svayam puruṣhārtha kare to karma use āḍe nahīn āte. karma bhī badal jāte hain, svayam puruṣhārtha kare to.

mumukṣhuḥ- kramabaddhakā bahut shikṣhaṇ diyā hai. ... bahut parichay thā na, isaliye kramabaddhake pustakake ādhārase .. hai.

samādhānaḥ- kramabaddhako puruṣhārthake sāth sambandha hai. puruṣhārtha binākā kramabaddha hotā nahī̃n. svayam ruchi palaṭe, puruṣhārtha kare, apanī or āye, usakā kramabaddha us prakārakā hotā hai. lekin svayam palaṭatā nahīn aur bāharamen ruchi karake baiṭhā hai, to usakā kramabaddha us prakārakā hotā hai. jise bāharakī ruchi hai usakā kramabaddha us prakārakā hai. apanī

PDF/HTML Page 295 of 1906
single page version

or ruchi kare use us prakārakā kramabaddha hotā hai. apanī ruchiko koī kramabaddha rokatā nahī̃n.

jignāsu, jise antaramen lagī hai, antaramen mujhe kahīn chain nahīn paḍatī, mujhe ātmā hī chāhiye, aisī jise antaramense lagī ho, use aisā (nahīn) hotā ki main kyā karun̐, mujhe antaramen to jānā hai, lekin yah kramabaddha mujhe rok rahā hai. use andar bhāvanā hotī hī nahī̃n. main aisā puruṣhārtha karu ki merā kramabaddha aisā hī ho. merā puruṣhārthake kāraṇ,... mujhe yah chāhiye hī nahīn, kramabaddha jo bhī ho, parantu mujhe to palaṭanā hī hai. apanī ruchi is or jāgr̥ut huyī to usakā kramabaddha us prakārakā hā hī hotā hai. puruṣhārthake sāth kramabaddhakā sambandha juḍā hai.

jignāsuko kramabaddhakā bahānā aur bachāv ātā hī nahī̃n. jise lagī hai ki mujhe merā hī karanā hai, kahīn nahīn aṭakanā hai, use kramabaddhakā vichār nahīn ātā. merā kramabaddha aisā hai ki main apanī or jhuku. mujhe kramabaddha nahīn rokatā. kyā karun̐, kaise karun̐, mujhase hotā nahīn, aisā kramabaddha hogā to main kyā karun̐gā? gurudevane svatantratā kahī hai.

kramabaddha to kartābuddhi chhuḍāneke liye hai. tū gnāyak ho jā, aisā gurudev kahate haĩn. tū kuchh nahīn kar sakatā, tū gnāyak ho jā. gnāyak ho jā. kartābuddhi chhoḍ de, gnātāpanā pragaṭ kara. phir jaise honā hogā vaise hotā hai. gnāyak ho jā. gnāyakamen sab ā jātā hai. gnāyak ho jā, usamen apanā puruṣhārtha ā gayā. gnāyak honevāleko apanā puruṣhārtha ā jātā hai.

mumukṣhuḥ- kevalī bhagavānane ananta bhav dekhe hoṅge vaisā hogā, aise nahīn dekhatā.

samādhānaḥ- bhagavānane ananta bhav dekhe hoṅge to? tū puruṣhārtha kar to bhagavānane tere bhav dekhe hī nahī̃n. tū puruṣhārtha karatā nahīn, tujhe karanā nahīn hai to terā aisā hī dekhā hai. tū puruṣhārtha kar to bhagavān aisā hī dekhe kī puruṣhārtha karanevāleko bhav hote hī nahī̃n. tū karatā nahīn isaliye bhagavānake gnānamen aisā ātā hai, tū kar to bhagavānake gnānamen aisā hī āye ki terā mokṣha hai. tujhe hī karanā hai.

mumukṣhuḥ- ananta bhav dekhe hoṅge to kyā ek bhī kam hogā? āpake dekhe hoṅge, mere nahīn dekhe haĩn. aisī shraddhā? mujhe āpake sāth nahīn rahanā hai. bhāg gaye. phir shrāvak le āye, mahārāj! chaliye! aisī shraddhāvāloṅke sāth mujhe rahanā hī nahīn hai.

samādhānaḥ- gurudevakā kramabaddha kahanekā āshay alag hī thā. gurudev, jaisā honā hogā vaisā hogā, aisā kuchh mānate hī nahīn the ki bhagavānane dekhā hogā vaisā hogā. bhagavānane aise bhav dekhe hoṅge to? puruṣhārtha kare usake bhav aise dekhe nahīn hai bhagavānane.

PDF/HTML Page 296 of 1906
single page version

gurudevako kramabaddhamen aisā nahīn kahanā thā. unakā kartābuddhi chhuḍānekā abhiprāy thā. tū gnāyak ho jā, aisā kahanā thā.

tū paradravyakā kuchh badal nahīn sakatā. tū kartābuddhi chhoḍ de, gnāyak ho jā, aisā kahanā thā. sahaj pariṇati terī apanī pragaṭ kar le. kartr̥utvabuddhi chhoḍ de, aisā kahanā thā. kramabaddhako puruṣhārthake sāth sambandha hai. akelā kramabaddha nahīn hotā. usamen svabhāv, kāl ityādi sab sāthamen hai. akelā kramabaddha nahīn hotā. puruṣhārthake sāth sambandha rakhatā hai. jaisā jisakā puruṣhārtha vaisā usakā kramabaddha. puruṣhārthakī gati kaisī hai? svayam puruṣhārtha karanevāleko main karun̐, aisā ātā hai. jaisā honā hogā vaisā hogā. aisā use santoṣh hī nahīn hotā. jise ātmākī lagī hai, usamen vah santoṣh mān hī nahīn sakatā. jise ātmākī lagī ho, vah aisā nahīn mānatā hai ki kramabaddha hogā to kaise hogā? use santoṣh hī nahīn hotā.

ātmārthīko andarase aisā hotā hai ki main karun̐, kaise samajhu? kaise gnāyak pahachānamen āye? aisī hī bhāvanā use hotī rahe. kramabaddhake sāmane dekhatā hī nahī̃n. merī aisī bhāvanā hai to merā kramabaddha sulaṭā hī hai. mokṣhakī orakā hai. aisī hī use shraddhā hotī hai. kramabaddhase svayaṅko santoṣh hī nahīn hotā.

mumukṣhuḥ- use aisā hotā hai ki abhī kar lūn̐, jaldī ho jāy to karun̐, abhī hotā ho to mujhe thoḍī bhī rāh nahīn dekhanī hai, aisī bhāvanā hotī hai.

samādhānaḥ- aisī bhāvanā andar honī chāhiye. phir hove kitanā vah dūsarī bāt hai, lekin bhāvanā aisī honī chāhiye.

mumukṣhuḥ- gurudev sau jahājakā dr̥uṣhṭānt dete the. seṭhane sunā, sau jahāj āte the, usamense 99 ḍūb gaye hain, ek bachā hai. vah merā hī hogā. utanī puṇyamen shraddhā.

samādhānaḥ- yahān̐ to puruṣhārtha hai. mujhe ātmā prāpta hue binā santoṣh nahīn hai. aisā jise ho, use aisā hī hotā hai ki merā kramabaddha to mokṣhakī or, ātmākī orakā hai.

bāharake uday jaise hone hote hain, vaise hote haĩn. use svayam badal nahīn sakatā. antarakī gnāyakadashā pragaṭ karanī vah apane puruṣhārthakī bāt hai. gnāyakadashā, usakī gnātādhārā hotī hai. isaliye vibhāvakī pariṇati andar hai use uday kahate hain, udayadhārā. usakī kartābuddhi chhūṭ gayī isaliye usakā artha aisā nahīn hai ki vah svataḥ hotī hai. mere puruṣhārthakī mandatāse hotī hai. use andar gnān hai. jaise honā hogā vaisā hogā, aise gnānīkī gnātādhārāmen aisā nahīn hai. antaramense koī achintya gnān-vairāgyakī shakti pragaṭ huyī hai. isaliye puruṣhārtha binākā kramabaddha vahān̐ bhī nahīn liyā jātā. vibhāvadhārāmen bhī. usake puruṣhārthakī mandatā

PDF/HTML Page 297 of 1906
single page version

hai. puruṣhārthakī kṣhati har jagah juḍī hotī hai.

mumukṣhuḥ- gnānīko gnātādhārā pragaṭ huyī hai, usakā artha aisā nahīn hai ki udayamen vah vivek nahīn karatā hai. aisā āpako kahanā hai?

samādhānaḥ- hān̐, vah udayakā vivek nahīn karatā hai, aisā artha nahīn hai. matalab bāharakā kramabaddha aur udayadhārākā kramabaddha, usamen puruṣhārthakā sambandha hai, aisā vahān̐ artha nahīn hai. use vivek hai ki mere puruṣhārthakī mandatāse yah hotā hai.

mumukṣhuḥ- vahān̐ bhī ashubh chhoḍakar pravartatā hai aur use bhān bhī hai ki sab kramabaddha hai.

samādhānaḥ- .. aur puruṣhārtha uṭhatā ho to mujhe yah kuchh nahīn chāhiye. mere puruṣhārthakī mandatāse khaḍā hū̃n. uday hai, uday hai, aisā nahīn hai use.