Benshreeni Amrut Vani Part 2 Transcripts-Hindi (simplified iso15919 transliteration). Track: 48.

PDF/HTML Page 285 of 1906
single page version

ṭrek-048 (audio) (View topics)

samādhānaḥ- ... gnānasvabhāvakā nirṇay karake, phir usamen ātā hai na? mati- shrutakā upayog jo bāhar jātā hai use andaramen sameṭanā. gnānasvabhāv, ātmā gnānasvabhāv hī hai. aisā pahale vikalpase nirṇay kare. andar svayam apanā svabhāv pahachānakar antarase nirṇay karanā chāhiye ki yah gnānasvabhāv hai vahī main hūn̐, isake atirikta dūsarā kuchh main nahīn hū̃n. yah sab vikalpa jo āte hain, us vikalpase bhī merā svabhāv bhinna hai. vikalpa hai usase main gnānasvabhāv ātmā bhinna hū̃n. yah ekatvabuddhikī dhārā anādi kālase chal rahī hai ki vikalpa so main aur main so vikalpa, aisī jo ekatvabuddhi hai, sharīr to jaḍ hai, kuchh jānatā nahīn, usake sāth ekatvabuddhi hai, vikalpake sāth ekatvabuddhi hai. usase bhinna main gnānasvabhāv hū̃n.

gnān yānī guṇ nahīn, parantu pūrṇa gnāyak hū̃n. us gnāyakako grahaṇ karake gnāyak hī main hūn̐, sab shubhāshubh vikalpa jo āte hain usase main bhinna hū̃n. aisā nirṇay antaramen karake barābar dr̥uḍh karake vah pratīt antarase ānī chāhiye. vikalpase vichār karake nirṇay kare parantu antaramense nirṇay ānā chāhiye ki yah gnāyak hai vahī main hū̃n. barābar gnāyakakā svabhāv pahachānakar, use grahaṇ karake, nirṇay karake phir mati-shrutakā upayog jo bāhar jātā hai, jo vichār kare, bhale ūn̐chese ūn̐che vichār āye, phir bhī merā svabhāv to nirvikalpa hai. aise vichār to shubhabhāv mishrit haĩn. usamen shubhabhāv sāthamen hai. usase bhī (bhinna) main nirvikalpa svabhāv hū̃n. usase bhī main to bhinna hū̃n. shubhabhāv mishrit hai isaliye vah main nahī̃n. sabase bhinna karake svayam apane svarūpamen līn hā jāy, usamen sthir ho jāy, aisā sthir ho jāy, usase virakta hokar sthir ho jāy to usake vikalpa chhūṭ jāya. to usakā gnāyak svabhāv hai (usakī) svānubhūtikī dashā pragaṭ ho. bāhar jātā hai vah sab ākulatā hai.

matikā upayog, shrutakā upayog sab bāhar jātā hai. antaramen sameṭakar antar gnāyakamen līn jāy, gnāyakamen aisā līn ho jāy ki bāharakā use kuchh dhyān hī nahīn ho, aisā gnāyakamen līn ho jāy, to vikalpa chhūṭ jāya. usamen vah ātā hai. antaramen aisā ātmā gnāyak, usakī svānubhūti pragaṭ hotī hai. vah sab ātā hai. svayam sabase bhinna

PDF/HTML Page 286 of 1906
single page version

gnāyak svabhāv ūpar tairatā nirvikalpa svabhāv, aisā gnāyak ātmā bhagavān pragaṭ hotā hai. gnāyak bhagavāna. lekin antaramense bhinna paḍanā chāhiye.

bhedagnānakī dhārā pragaṭ honī chāhiye. phir bāhar āye to-to bhedagnānakī dhārā use chālū rahatī hai. sahaj bhedagnānakī dhārā. jis kṣhaṇ vikalpa utpanna ho, usī kṣhaṇ use gnāyak svabhāv bhinna hī bhāsatā hai. donon dhārā bhinna chalatī hai. antaramen līn ho jāy to bāharakā kuchh dhyān nahīn rahatā. antaramen akelā gnāyak svabhāv, ek gnāyakamen hī svayam aisā līn ho jātā hai, usamen svānubhūtikī dashā pragaṭ hotī hai. aisī līnatā pragaṭ honī chāhiye.

yathārtha gnān-nirṇay karake phir aisī līnatā antaramen pragaṭ honī chāhiye. usase bhinna hokara. gnān, shraddhā aur amuk anshamen līnatā. visheṣh līnatā munioṅko hotī hai, parantu svānubhūtikī dashāmen bhī līnatā hī hotī hai. samyagdarshanakī bhūmikāmen bhī līnatā (hai), jo ānshik svarūpācharaṇ chāritra pragaṭ hotā hai.

... mahimā ākar, gnāyak svabhāvako pahachānakar gnāyakamen hī sabakuchh hai, bāhar kuchh nahīn hai, utanī gnāyakakī mahimā ānī chāhiye, svabhāvako barābar pahachānanā chāhiye aur vibhāvase virakta honī chāhiye. svabhāvamen hī sab hai, vibhāvamen kahīn ras nahīn āye, akele chetanyakā ras baḍh jāy, gnāyakakā ras, gnāyakakī mahimā, bārambār gnāyak..gnāyak, aisī gnāyakadevakī mahimā āye, use antaramense grahaṇ kare aur usamen līn ho to vikalpa chhūṭ jāya.

usakā kram vah hai ki pahale barābar gnānasvabhāvakā nirṇay honā chāhiye. usake bād yathārtha gnān ho to phir yathārtha dhyān ho. gnān aur dhyān is prakār yathārthapane hote haĩn.

muumukṣhuḥ- nirṇay to aise bahut bār hotā hai. chain nahīn paḍatā. rātako jāgate hain, ratajagā nahīn lage. kuchh lage, lekin vah sab vyavahārik bāt hai. lekin jo vastu honī chāhiye..

samādhānaḥ- antaramense grahaṇ honā chāhiye. antaramense grahaṇ honā chāhiye. bārambār usakā abhyās karate rahanā, bārambāra. bhale svādhyāy kare, vichār kare, sab kare, bhale jab tak nahīn hotā tab tak to svādhyāy, vichār ādi hī karanā hotā hai, parantu bārambār usakā abhyās bārambār kare. bhedagnānakā abhyās bārambār (kare).

dravya par dr̥uṣhṭi karake bārambār main isase bhinna hūn̐, is prakār bārambār usakī mahimāpūrvak karatā rahe to hotā hai. bārambār vichār karake amuk nirṇay vikalpase karake phir chhūṭ jāy, bhāvanā rahe ki main bhinna.. bhinna (hūn̐), parantu bārambār usakā abhyās kare to

PDF/HTML Page 287 of 1906
single page version

hotā hai. bārambār kare. bārambār abhyās karate-karate antaramense yathārtha nirṇay āye to hotā hai. bārambār abhyās karanese thakanā nahīn, kaṇṭālanā nahīn, bārambār abhyās karate rahanā.

mumukṣhuḥ- ... lekin bādamen ... shānti bhī lage, lekin usake bād kyā?

samādhānaḥ- yah jānanevālā main hūn̐, jānanevālemen sarvasva hai. jānanevāleko yathārtha grahaṇ karake usamen līn ho jāya. bāhar jāte upayogako, bāhar jātā upayog antaramen ā jāy to hotā hai. bāhar jāte upayogako antaramen jhukāye to hotā hai. pratham sudr̥uṣhṭi kare, pratham is sharīrase bhinna kiyā, is vikalpase bhinna, ... sabase bhinna karake antaramen līn ho jāya. aisā kram nahīn hai, lekin aisā kram liyā hai. jo ekase bhinna huā, vah sabase bhinna ho jātā hai. sthūlase bhinna, andar sūkṣhma vikalpase bhinna, ashubhase bhinna, shubhase bhinna, ... sabase bhinna hokar antaramen līn ho jāya. ashubhabhāvase bachaneko shubhabhāv bīchamen āye. dravya-guṇ-paryāyake vichār āye, sab āye, lekin vah sab ākulatārūp buddhiko antaramen samākar sabase chhūṭ jāya. ūpar tairatā aisā gnāyak bhagavān tujhe pragaṭ hogā. sab shabda (āte hain).

mumukṣhuḥ- lālach honī chāhiye.

samādhānaḥ- parapadārthakī lālach aur tujhe lālasā hotī hai ki yah mujhe chāhiye, yah ṭhīk hai, yah achchhā hai, aisī parapadārthakī or jo lālasā hotī hai, vaise tujhe yahān̐ gnāyak achchhā hai, mujhe gnāyak kaise mile, mujhe gnāyak kaise pragaṭ ho, vaise use lālasā honī chāhiye. lālasā yānī bhāvanā honī chāhiye, usakī ichchhā honī chāhiye. yah gnāyak bhagavān vahī sarvasva hai, yah kuchh sarvasva nahīn hai, yah bāharakī vastuommen kuchh nahīn hai. is gnāyakamen hī sarvasva hai. shubhabhāv sāthamen hain, lekin shubhabhāvakī dishā palaṭatī hai. bīchamen āye binā rahate nahī̃n.

yah gnāyak bhagavān mujhe kaise mile, aise bhāvanā honī chāhiye. yah gnāyak bhagavān vahī sarvashreṣhṭha hai. ananta kālamen sabakuchh mil gayā hai, kuchh bhī nayā nahīn hai. devalokakī r̥uddhiyān̐ ananta bār prāpta huyī hai. usamen koī visheṣhatā nahīn hai. ananta kālamen nahīn milā hai to ek ātmā (aur) samyagdarshanakī prāpti nahīn huyī hai. vahī sarvasva hai. usakī tujhe bhāvanā, usakī mahimā, usakā āshcharya laganā chāhiye. usakā āshcharya kar to tujhe vah pragaṭ hogā. tujhe usakā āshcharya nahīn lagatā hai aur bāharakā āshcharya lagatā hai. bāharakī koī vastu āshcharyakārī nahīn hai. vah to tujhe bahut bār prāpta huyī hai, ananta kālamẽn. devalokake ratna aur ye sab ḍher prāpta hue haĩn. koī rājākī padavī prāpta huyī hai, usamen koī visheṣhatā nahīn hai. visheṣhatā āshcharyakārī vastu ho to ātmā

PDF/HTML Page 288 of 1906
single page version

hai. usakā āshcharya kara. usakī bhāvanā hī nahīn karatā hai, usakā āshcharya lagatā nahī̃n.

mumukṣhuḥ- bahut khushī batāte the ki kaisī sundar rachanā huyī hai nandishvarakī.

samādhānaḥ- pañchameru nandishvar shāshvat jinālay hai. kudaratamen shāshvat hai. yahān̐ to pratiṣhṭhā kī hai. ratnake shāshvat bhagavāna. kudarat bhagavānarūp pariṇamit ho gayī hai. kudaratake sab rajakaṇ, pudagalake skandh bhagavānarūp aur mandirarūp hote haĩn. yah aisā sūchit karatā hai ki jagatamen sarvotkr̥uṣhṭa koī ho to tīrthaṅkar dev bhagavān haĩn. mandir ādi jagatamen sarvotkr̥uṣhṭa hai.

vah sarvotkr̥uṣhṭa hai, ātma bhagavān bhī sarvotkr̥uṣhṭa hai. sab pratimāen̐ ātmāko darshātī hai. tīrthaṅkaradev unakī vāṇī dvārā ātmākā svarūp samajhamen ātā hai. in sabakā āshcharya karanevālā chaitanya ratnākar sabase ūn̐chā hai. bāharamen sarvotkr̥uṣhṭa bhagavān tīrthaṅkar dev aur antaramen sarvotkr̥uṣhṭa ātmā hai. kudarat bhagavānako sarvotkr̥uṣhṭa batā rahī hai ki ham rajakaṇ bhī bhagavānarūp pariṇamit ho jāte haĩn. meru nandishvarake ūpar bhagavān ādikā dikhāv kiyā hai.

mumukṣhuḥ- ... kuchh to mil hī jātā hai.

samādhānaḥ- prayog to svanyako karanā hai. gurudevane spaṣhṭa kar-karake bahut samajhāyā hai. aisā spaṣhṭa kar diyā hai ki kisīko shaṅkā na rahe. itanā taiyār karake diyā. ab prayog karanā to svayaṅko bākī rahatā hai. aisā taiyār karake de diyā hai, sab taiyār karake (diyā), lekin galeke nīche to svayaṅko utāranā paḍatā hai. sab karanā to svayaṅko hai. roṭīkā nivālā taiyār karake, ekadam spaṣhṭa kar-karake, āsān kar-karake jo kaṭhin samajhamen nahīn ātā thā, use ekadam saral kar-karake samajhāyā. shāstrakā rahasya koī khol nahīn sakatā thā. ekadam spaṣhṭa kar diyā. ab karanā svayaṅko hai, svayaṅko prayog karanā bākī rahatā hai.

shāstramen sab ātā hai, gurudevane bahut spaṣhṭa karake kahā hai ki bhedagnān kara. lekin karanā to svayaṅko ho. dravyadr̥uṣhṭi kar, bhedagnān kara. bhedagnānakā prayog to svayaṅko karanā hai. kaise antaramen bhedagnānakī pariṇit pragaṭ karanī? aur gnāyakako grahaṇ karanā, dravya par dr̥uṣhṭi karake bhedagnān karanā, use prayogamen rakhanā vah to svayaṅko karanā hai. mārga batā diyā hai ki bāharamen kahīn bhī mithyā prayatna mat kara. antaramen dravya par dr̥uṣhṭi kar, bhedagnān kara. bhedagnānakā prayog karanā hai, dravya par dr̥uṣhṭi karanī hai, parantu karanā to svayaṅko hai.

abhī bāhar kitane hī dhyānamen chaḍh gaye hain, lekin sachche gnān binākā dhyān mārga kaise prāpta ho? andarase prayojanabhūt gnān to honā chāhiye ki yah gnāyak hai. use

PDF/HTML Page 289 of 1906
single page version

grahaṇ kare, apanā astitva grahaṇ kare to usamen dhyān ho. astitvako grahaṇ kiye binā kahān̐ ekāgra hokar khaḍā rahegā? ekāgratā kis par karanī? gnāyakake grahaṇ kare to usamen ekāgratā hotī hai. nahīn to vikalpakī ekāgratā ho jāyegī. amuk prakārake vikalpa ho jāyeṅge to use aisā lagegā ki main ekāgra ho gayā. sūkṣhma vikalpa hai. gnāyakako grahaṇ kare to ekāgratā ho. gnāyakake grahaṇ kiye binā ekāgratā hotī nahī̃n.

sachche gnān binā sachchī shraddhā hotī nahī̃n. isaliye gnān aur shraddhā donon sāthamen rahe haĩn. muktike mārgamen shraddhān mukhya hai, lekin shraddhāke sāth gnān to kām karatā hī rahatā hai. yathārtha gnān sāthamen honā chāhiye. agnān bhī bādhak hai. kuchh jānatā nahīn, main kaun hūn̐? yah vibhāv kyā? svabhāv kyā? dravya-guṇ-paryāy kuchh jānatā nahī̃n. vah agnān bhī bādhak hai.

shraddhā-svarūpakī shraddhā nahīn hai to bhī bādhak hai. jānā ki yah vastu aisī hai. dravya, guṇ (hai). pratīt ḍagamagātī hai. shraddhān nahīn hai to vah bhī bādhak hai. donon bādhak haĩn.

mumukṣhuḥ- shraddhā svayam samyak hotī hai. gnānakā vikās to dhīre-dhīre hotā jātā hai. ...

samādhānaḥ- shraddhā to jab yathārtha hotī hai tabhī use sachchī shraddhā kahate haĩn. bākī vikalpapūrvakakī shraddhā, usako yathārtha shraddhākā nām nahīn diyā jātā. shraddhā dhīre-dhīre baḍhatī jāy aisā nahīn, sachchī shraddhā to jis kṣhaṇ hotī hai usī kṣhaṇ hotī hai. gnān dhīre-dhīre baḍhatā jāy, vah to prayojanabhūt gnān to sāthamen hotā hai. shraddhāke sāth prayojanabhūt gnān ki main gnāyak hūn̐ aur yah vibhāv hai, sva-parakā bhedavignān, bas, yah prayojanabhūt gnān aur shraddhā donon sāthamen hī hote haĩn. phir gnānakā vistār ho vah alag bāt hai. vistār dhīre-dhīre ho, vah alag bāt hai. prayojanabhūt gnān aur shraddhā donon sāthamen hī rahe haĩn.

mumukṣhuḥ- jis samay shraddhā samyak hotī hai..

samādhānaḥ- usī kṣhaṇ gnān samyak hotā hai. jis kṣhaṇ samyak shraddhā huyī, tab gnān bhī samyak hotā hai. usake pahale gnānako samyak nām nahīn diyā jātā aur usake pahale vikalpapūrvakakī shraddhāko bhī samyak nām nahīn diyā jātā. use vyavahār kahate hain, vyavahār shraddhā kahanemen ātī hai. dev-guru-shāstrakī sachchī shraddhā aur vichārase nakkī kare ki main bhinna hūn̐, yah merā svabhāv nahīn hai, aise vichārase nakkī kare to bhī samyak nām to jab bhedavignānakī pariṇati ho tabhī use samyak nām kah sakate haĩn.

mumukṣhuḥ- ... jab hotā hogā, us vakta shraddhāmen sāth-sāth nahīn chalatā hogā?

PDF/HTML Page 290 of 1906
single page version

samādhānaḥ- use gyārah aṅgakā gnān ho to bhī shraddhā usakī samyak nahīn hai. use sva-parakā bhedavignān nahīn hai, vichār karatā rahe, nakkī karatā rahe ki main bhinna hūn̐, aise shāstrake sab pāṭh paḍh liye, gyārah aṅg paḍh liyā, vah bhī paḍhanese nahīn hotā, bhale andarase (ātā hai), phir bhī vah sab antar pariṇatipūrvak nahīn hai. isaliye use shraddhā sachchī nahīn hai. aise vyavahār shraddhā kahanemen āye. vyavahār shraddhā to aisī hotī hai ki ūparase dev utarakar ḍigāye to bhī ḍige nahīn, aisī usakī shraddhā hotī hai. aisā usakā gnān hotā hai ki koī ḍigāye to ḍige nahī̃n. aise shraddhā-gnān vyavahāramen hote haĩn. parantu antaramen shubharāg aur main bhinna hain, shubharāgase mujhe lābh nahīn hai. shubharāgakī ruchi antaramen rah jātī hai. shubharāg vibhāv hai, aisā bole, parantu antaramen shubharāgakī ruchi rah jātī hai. vah use chhūṭatī nahī̃n. isaliye bhale gyārah aṅg paḍhā, lekin shraddhā sachchī nahīn hai. shraddhā sachchī nahīn hai isaliye gnānako bhī samyak nām nahīn diyā jātā. bhale dravya-guṇ-paryāyakī sab bāten karatā ho, to bhī.

mumukṣhuḥ- gnānamen bhāvakā bhāsan yathārtha..

samādhānaḥ- andar yathārtha bhāsan nahīn hai. jain dharma sachchā, sab sachchā aisā sab nirṇay karatā ho, dūsare mat sachche nahīn hai, jain (mat) sachchā hai, aisā sab usane buddhise nakkī kiyā hotā hai. parantu andar svānubhūtikā panth aur andar svānubhūti kaise ho, vaisī pariṇati use pragaṭ nahīn huyī hai. andar gaharāīmen shubharāgakī ruchi rah jātī hai. andaramen shubharāgakī ruchikī pravr̥utti, aisī pravr̥utti-andar gaharī ruchi rah jātī hai. vah ruchi use chhūṭatī nahī̃n. andarakī ruchi ātmākī or har tarahase jhuk jāy, aisī ruchi ātmākī or gaharāīse (nahīn hotī). yah duḥkhamay sansār hai, yah sab aisā hai, aisā sab use hotā hai. sansāramen bahut duḥkh hai, aisā hotā hai. lekin andar mere ātmāmen sukh hai aur mere ātmākā astitva kyā, yah antaramense use ruchipūrvak nakkī nahīn karatā.

mumukṣhuḥ- ūpar-ūparase... samādhānaḥ- ūpar-ūpar sab vichār āte haĩn. bolanemen use sab ātā hai. bole, parantu andar main bhinna, mujhe bhedagnān karanā hai, main isase bhinna hūn̐, aisī apanī pariṇati pragaṭ nahīn karatā. mainne sab chhoḍā hai aur mujhe to koī rāg hī nahīn hai, mainne to sab tyāg kar diyā hai. ātmā ādi sab mujhe ho gayā hai. aisā svayaṅko sarvasva mān letā hai.

prashamamūrti bhagavatī mātano jay ho! mātājīnī amr̥ut vāṇīno jay ho!