PDF/HTML Page 278 of 1906
single page version
samādhānaḥ- .. manaphūlābahan hai na? āshramamen sab jagah toraṇ bān̐dhe the. ek manaphūlā hai aur dūsare parṇaphūlā hai. gogīdevīke nāmase thā na. ... kaun jāne kyā huā? kuchh yād nahīn hai. toraṇ bān̐dhe the. sab kamaremen āmake toraṇ bān̐dhe the. yahān̐ hamāre ghar āmake toraṇ bān̐dhe the. kuchh nayā hī lagatā thā.
"māre āṅgaṇiye rūḍā rām rame...' anyamatamen ek gānā ātā hai na? mere āṅganamen chāron or bhagavān dikhate haĩn. vaise yahān̐ gānā gāte the, "māre āṅgaṇiye rūḍā rām rame...' (chāron or) bhagavān dikhate hain, aisā lagatā thā. yahān̐ hai na? bhagavān dikhate hain na? chāron or mānastambha. jahān̐ dekho vahān̐ bhagavān dikhate hain, aisā hote the. aise gurudevake sānnidhyamen āshramamen rahanā vah to kitanā mushkila. bahut jagah āshram hoeṅge, parantu aise gurudevakī vāṇī milatī ho, aise āshram to milane mushkil hai.
.. dhyey rakhanā. jīvanamen ek dhyey rakhanā. dhyey-ātmā kaise pahachānamen āye? gnāyak ātmā. jīvanamen jo nirṇay kiyā hai, us nirṇayakī dr̥uḍhatāse āge baḍhanā. andar puruṣhārtha ho vah puruṣhārtha karanā, bhedagnānakā abhyās karanā. shubhabhāvamen dev-guru-shāstrakī ārādhanā aur andar gnāyakadevakī ārādhanā aur mahimā. bas! bākī sab vibhāvabhāvoṅko gauṇ kar denā aur gnāyakadevako mukhya karake jīvan vyatīt ho. bas! yah ekī dhyeya. isī dhyeyakī dr̥uḍhatā. jo nakkī kiyā ki is prakār jīvan vyatīt karanā hai. usī dhyeyakī dr̥uḍhatāse āge baḍhanā hai.
shāstra svādhyāy, dev-guru-shāstrakī mahimā aur andar shuddhātmā kaise pahachānamen āye? main to bahut bār yah ek hī kahatī hūn̐ aur yah ek hī karanā hai. ek ātmāko pahachāne, bas, usamen sab ā jātā hai. use pahachānanekī bhāvanāmen yah sab kārya- dev-guru-shāstrake sānnidhyamen rahakar unakī ārādhanā aur ātmākī ārādhānā, bas! yah karanekā hai.
laukikake jīvan dekho to kaise jāte haĩn. yah jīvan, yah jīvan jo ātmāke liye vyatīt kiyā vah jīvan hī jīvan hai. bākīke jīvan, sab sansārake jīvan vyartha hai. laukik jīvanamen pūrā dinā khānā, pīnā, yah, vah, vyavahār rakho, yah rakho, vah
PDF/HTML Page 279 of 1906
single page version
rakho, aisā jīvan vah jīvan nahīn hai. is manuṣhya jīvanamen ākar gnāyakakā dhyey aur dev-guru-shāstrakā sānnidhya mile, usamen hī jīvan vyatīt ho vahī jīvan hai. bākī to sab jīvan niṣhphal jīvan, sūkhā jīvan hai, sab tuchchha jīvan hai. vah jīvan ādarane yogya nahīn hai. ek shuddhātmā ādarane yogya hai. vah sab jīvan vyartha hai. jis jīvanamen kuchh kiyā nahīn, shuddhātmākā dhyey rakhā nahīn, ārādhanā kī nahīn, dev-guru-shāstrakī mahimā nahīn kī, vah jīvan vyartha hai.
vah ātā hai na? yah gr̥uhasthāshram kis kāmakā ki jis gr̥uhasthāshramamen guruke pāvan charaṇ nahīn hai, jisamen gurukā āhāradān nahīn hai, jisamen jinendradevake darshan nahīn hai, jisamen shāstrakā svādhyāy nahīn hai, us gr̥uhasthāshramako āchāryadev kahate hain, pānīmen ḍūbo denā. gr̥uhasthoṅko aisā kahate haĩn. vah gr̥uhasthāshram to ādaraṇīy hai hī nahīn, yah ātmā ādaraṇīy hai. dev-guru-shāstrakā sānnidhya ādaraṇīy hai, shuddhātmāke dhyeyapūrvaka. andar mukhya to ātmā ārādhanīy hai. usake sāth dev-guru-shāstrakī ārādhanā.
mumukṣhuḥ- āpake āshrayase hamārā jīvan saphal ho, vahī bhāvanā.
samādhānaḥ- ... yah sab yahān̐ āte hain, kyā karanā? .. kartābuddhi, ekatvabuddhi ṭūṭ gayī aur gnātādhārā pragaṭ ho gayī. main gnāyak hūn̐, aisā vikalpase nirṇay karatā hai vah alag, gnānīko sahaj rahatā hai. gnātādhārā chālu hī hai. do dhārā sāthamen chalatī hai. phir vichār nahīn karanā paḍatā ki yah vikalpa ā gayā, main to gnāyak hū̃n. yah ekatva ho gayā, aisā vichār nahīn karanā paḍatā. vikalpakī dhārā aur gnātākī dhārā do dhārā sāthamen chalatī hai. shubhāshubh koī bhī vikalpa ho, ūn̐chese ūn̐chā vikalpa ho, to bhī usakī donon dhārā chālū hai, pratikṣhaṇ chālū hai. dev-guru-shāstrake shubh vikalpa ho to bhī use gnātādhār to chālū hī hai. usamen ekatva nahīn hotā. use bahut bhāv āye, bahut bhakti āye isaliye usakī dhārā ṭūṭ jāy aur ekatva ho jāy, aisā use nahīn hotā. usakī gnātādhārā to chālū hī rahatī hai. bhāv āye, utsāh āye, chāhe jaise shubh vikalpa ho to bhī usakī gnātādhārā to chālū hī hai.
mumukṣhuḥ- shuddha pariṇatike anukūl aisā shubharāg āne par bhī usamen ekatva hotā nahī̃n.
samādhānaḥ- ekatva nahīn hotā. kartr̥utva to hī chhūṭegā, gnāyakakā bal baḍhanese. main to gnāyak hūn̐, udāsīn gnāyak, basa. kisīkā kuchh nahīn kar sakatā, main to gnāyak hū̃n. juḍ jātā hūn̐, lekin main gnāyak hūn̐, yah merā svabhāv nahīn hai, main to jānanevālā hū̃n. gnātā rahanekā, gnāyak svabhāvakī jise dr̥uḍhatā ho ki main to gnāyak hī hūn̐, aise
PDF/HTML Page 280 of 1906
single page version
udāsīn rahanekī, udāsīnatāmen jise ras ho, jise gnātākā ras ho, vah rah sakatā hai.
jīvako anādise kartābuddhikā itanā ras lagā hai ki main karun̐, yah kiyā, mainne kiyā, mainne kiyā usake rasamen, gnātā hokar nivr̥utta rahanā ki main kuchh nahīn kar sakatā, vah use mushkil lagatā hai. jise gnāyakakā ras ho, jise gnāyakakī mahimā ho, vah andarase mahimāse nirṇay kare, shraddhā kare aur pariṇati pragaṭ kar sake. vikalpamen bhī jise andar gnāyak rahanekā utanā ras ho yā jise andar gnāyakakī nivr̥utta dashā ruchatī ho vah rah sake. jise kartr̥utvabuddhi ruchatī ho vah nahīn rah sakatā.
andarase mahimā laganī chāhiye. usane vichārase nakkī to kiyā ki main kartā nahīn hūn̐, gnātā hū̃n. lekin use gnāyakakā mahimā aur ras ho to use gnāyakakī bārambār bhāvanā aur jignāsā ho, to use pariṇati pragaṭ hotī hai. kuchh karanā nahīn hai, aisī nivr̥utta dashā jise suhātī ho, ruchatī ho vah andar rah sakatā hai.
mumukṣhuḥ- kuchh kiye binā rah sake, aisā?
samādhānaḥ- hā̃n. main kuchh nahīn kar sakatā. main to jānanevālā hū̃n. aisī udāsīnatā aur aisī gnāyakakī mahimā jise lage, vah svayam shraddhā karake vaisī pariṇati kar sakatā hai, to usakī sahaj dashā hotī hai. ... nikammā ho jāy, main kuchh nahīn kar sakatā? shūnya ho jāy? niṣhkriy ho jāy? aisā andar lagatā ho vah nahīn rah sakatā.
mumukṣhuḥ- isamen sab upādhi khatma ho jātī hai, bojā khatma ho jātā hai.
samādhānaḥ- andar ras laganā chāhiye. shraddhā to kare. phir chhūṭe to bādamẽn. pahale aisī shraddhā to kare. andar aisī mahimā, shraddhā kare. pariṇati bādamen pragaṭ hotī hai. pariṇati pragaṭ honeke bād alpa asthiratā rahatī hai. lekin use andar ekatvabuddhi toḍanī mushkil paḍatī hai. siddha bhagavānako kuchh nahīn karanekā hai? pravr̥uttikā utanā ras hotā hai, isaliye aisā lagatā hai ki kuchh nahīn karanekā? yah sab chhūṭ jāyagā to shūnya ho jāyeṅge to? aisā ho jātā hai. parantu andar svabhāvamen sab bharā hai, aisī mahimā andarase ānī chāhiye, utanī shraddhā andarase ānī chāhiye.
mumukṣhuḥ- gnānadhārā bhī nirvikalpapane kām kar rahī hai?
samādhānaḥ- jaise shraddhā kārya karatī hai, vaise gnānadhārā bhī sahaj kām karatī hai. use vikalpa nahīn uṭhānā paḍatā. gnānadhārā bhī nirvikalpapane kām karatī hai aur shraddhā bhī vaise hī kām karatī hai. nirvikalpa yānī svānubhūtikī nirvikalpatā nahī̃n. usakī pariṇati us jātakī hai, pariṇati us jātakī hai. use rāgakā vikalpa kar-karake rahanā paḍatā hai, aisā nahīn hai. sahaj pariṇati (chalatī) hai.
jaise ekatvabuddhikī pariṇati sahaj hai, use vikalpa karake rakhanī nahīn paḍatī, vah
PDF/HTML Page 281 of 1906
single page version
to anādise sahaj ho gayī hai. ekatva (pariṇatiko) vikalpa karake rakhanī nahīn paḍatī. vikalpa juḍe hue hain, vaise hī rahatī hai.
vaise gnānadhārā bhī usakī aisī sahaj ho jātī hai ki use vikalpa karake rakhanī nahīn paḍatī. apanā svabhāv hai isaliye vah to sahaj hī hai. lekin svayam us rūp sahaj pariṇamatā nahīn, isaliye vah sahaj nahīn hotī. kartr̥utvabuddhikā ras lagā hai. isaliye svayam sahaj nahīn pariṇamatā. usakī gnānadhārā sahaj hī hai. jaise ekatvadhārā (chalatī thī), usamense bhedagnānakī dhārā huyī to udayadhārā aur gnānadhārā, donon use chālū ho jātī hai.
mumukṣhuḥ- us prakārakā ras honā chāhiye.
samādhānaḥ- us prakārakā gnātādhārākā ras andarase laganā chāhiye.
mumukṣhuḥ- mujhe dīkṣhā hī lenī hai, aisā bachapanase (lagatā thā). dukān par baiṭhate the tab shāstra hī paḍhate the. chhoṭe the (us vakta) yadi koī bhakti kare, bhajan kare unake pās jāte the. aisā unako bachapanase vairāgya thā. bādamen pālej gaye. unakā janma umarālāmen huā, thoḍe sāl vahān̐ rahe, bādamen pālej gaye. vahān̐ dukān par baiṭhate. unake bhāī ... svayam svādhyāy karate the. 22-23 sālakī umramen guru ḍhūn̐ḍhaneke liye hindustānamen phire ki koī achchhe guru mile. boṭād sampradāyake hirājī mahārāj sthānakavāsī sampradāyamen dīkṣhā lī.
tatpashchāt shāstrakā abhyās bahut (kiyā), sab vichār karake paḍhā, usamense unhen lagā ki sachchā mārga kyā hai. sthānakavāsī, shvetāmbar shāstra aur digambar shāstra, sab shāstra paḍhe. usamense unhen aisā lagā ki mujhe ātmākā karanā hai. yah sharīr bhinna, ātmā bhinna, andar ātmā jānanevālā, yah vikalpajāl ho rahī hai vah merā svabhāv nahīn hai. bas, ek gnāyak ātmā mujhe samajhamen ā gayā. samayasār digambar shāstra (milā), usamense unhen vah andarase samajhamen āyā aur antaramen utar gaye. usamense unhen aisā lagā ki ab mujhe is bhesamen nahīn rahanā hai. isaliye unhonne yahān̐ ākar parivartan kiyā.
sthānakavāsī sampradāyamen ve bahut uchcha koṭike gine jāte the. unakī kriyāen̐ barābar shāstra anusār thī. jo āhār le to barābar unake liye kiyā ho to aisā kuchh nahīn lete the. thoḍā bhī aisā lage ki unake liyā banāyā hai to vāpas chale jāte. itane (kaḍak the). unake pravachanamen hajāron log āte the. subah pān̐ch-pān̐ch bajese sab bichhāvan lagā dete the, jagah rokaneke liye. unakā pravachan ātmā par chalatā, sab sunakar āshcharyachakit ho jāte. pravachanamen koī āvāj nahīn karatā. koī vastu girī ho to āvāj āye, itanī shānti unake pravachanamen hotī thī. utane loga. sthānakavāsīke
PDF/HTML Page 282 of 1906
single page version
bahut uchcha koṭike (gine jāte the). unakī kriyāen̐ itanī sakhta thī. shāstra anusār pālate the.
shāstramen jo likhā ho utane hī kapaḍe rakhe, usī tarah vihār kare, koī chīj lene jāy to unake liye banāyī gayī koī vastu nahīn lete, turanta vāpas chale āte. aisī to unakī kriyāen̐ thī. usamense unhen lagā ki ātmākī bāt digambar shāstramen hai. main yah mānatā hūn̐ to is bhesamen rahakar kyā karun̐? isaliye antaramen to utar gaye, phir parivartan kiyā. muhapattikā tyāg kiyā. logoṅko un par atyant bhakti thī. unhonne parivartan kiyā to bahut logonne virodh bhī kiyā, phir bhī svayam aḍig rahe. yahān̐ ek makān hai vahān̐ parivartan kiyā. phir vaṣhā tak shāstrakā abhyās, svayam andar bahut gnān-dhyān karate the. phir logoṅko dhīre-dhīre lagā ki jo kānajīsvāmī kahate hain vah satya hai. unhonne parivartan kiyā (barābar hai). unakī chhāp logommen itanī ho gayī thī. itanī chhāp ho gayī thī to dhīre-dhīre log unake pīchhe phirase āne lage. thoḍe to unake sāth hī khaḍe the.
sthānakavāsī sampradāyamen itanī chhāp thī ki sab dhīre-dhīre (ā gaye). ve kahate hain vah satya hī hai. kānajīsvāmī binā vichār kiye kuchh nahīn karate. sab log unake pās vāpas āye. tatpashchāt unakā vihār ādi shurū huā. bādamen dhīre-dhīre sab bhakta ikaṭṭhe hone lage. unhonne kisīko kuchh nahīn kahā hai. bhaktonne milakar svādhyāy mandir, mandir, yah samavasaraṇ, mānastambh sabane milakar banāyā. phir dhīre-dhīre unakā vihār (chālū huā). pahale saurāṣhṭramen vihār huā, phir dhīre-dhīre gujarātamen, mumbaīmen har jagah gaye. vyākhyānen itane log āte the. unake pravachanamen itanī ātmākī bāten ātī thī ki log āshcharyachakit hokar sunate the.
phir to unhoenne yātrā kī. hindustānake kitane hī hindībhāṣhī muḍane lage. digambar jo us or hindībhāṣhī hai, vah sab muḍane lage. yahān̐ nānālāl kālīdās derāvāsī hain, vah bhī is or muḍe. ve mukhyarūpase bhāg lete haĩn. sthānakavāsī mukhyapane, koī derāvāsī, digambar is or muḍe. pūrā jīvan unhonne isī tarah vyatīt kiyā. ek ātmākā karanā, ek ātmāke liye sab karate.
mumukṣhuḥ- svargavās huā us vakta kitanī umra thī?
samādhānaḥ- 91.
mumukṣhuḥ- sansār to unhonne bhogā hī nahīn na?
samādhānaḥ- nahī̃n. bāl brahmachārī the. vivāh nahīn kiyā. sabane āgrah kiyā, lekin kahā, mujhe dīkṣhā lenī hai aur mujhe brahmachārī hī rahanā hai. dīkṣhā le lī. 45
PDF/HTML Page 283 of 1906
single page version
varṣhamen sthānakavāsī sampradāyakā parivartan kiyā. 45 varṣhakī umramẽn.
mumukṣhuḥ- unakā vyavasāy kyā thā?
samādhānaḥ- pālejamen unake bhāī chalāte the. ve to nirlep (rahate the). ve to 24 varṣhakī umramen nikal gaye. kirānekā. pālejamen vyāpār bahut achchhā chalatā thā.
mumukṣhuḥ- āp kitane sālase..
samādhānaḥ- main to 17 sālakī umrase ātī-jātī rahatī thī. 19 varṣhakī umrase parichay (huā). merī 19 sālakī umra thī.
mumukṣhuḥ- tabase āpako parichay hai. dhanya hai āpako! itanī chhoṭī umrase āp unake sāth rahakar..
samādhānaḥ- .. abhī to devalokamen haĩn. lekin ve to mahāpuruṣh koī apūrva puruṣh the. uchcha ātmā, mokṣhagāmī. ... vah sab bāharakā hai. bākī unakī ātmākī bāt, ātmā hī alag thā.
mumukṣhuḥ- parantu is or muḍaneke liye kyā karanā?
samādhānaḥ- ātmāko pahachānanekā prayatna karanā chāhiye. pahale to yah sansār duḥkharūp hai, ātmāmen hī sukh hai, aise antaramense ruchi karanī chāhiye. phir usakā vichār, vāñchan sab (karanā). andarase jignāsā karanī chāhiye. ātmā andar ek shāshvat vastu hai. use pahachānaneke liye prayatna karanā chāhiye. yah sharīr bhinna, ātmā bhinna, andar vikalpa hote hain vah nahīn, svayam siddha bhagavān jaisā hai. lekin vah nakkī kab ho? svayam kuchh vichār kare, vāñchan kare, sachchī samajh kare to samajhamen āye aisā hai.
..kyā hai nakkī karanā chāhiye, vāñchan, vichār karanā chāhiye. sat mārga kyā hai, use khojakar satya kyā hai, yah nakkī karanā. satya kyā hai? aur ātmā kyā hai? satya kyā hai yah vichārase nakkī karanā chāhiye, to āge baḍhā jāya. utanī jignāsā honī chāhiye na ki mujhe ātmākā karanā hai. ātmākā karanā hai, aisī laganī lagī ho to satya khojaneko vaisā satsaṅg ḍhūn̐ḍhe, vaise vichār kare, vāñchan kare, satya kahanevāle kaun hai, use khojaneke liye koī satyakī bāt karate ho vahān̐ unakā satsaṅg kare to hotā hai.
mumukṣhuḥ- digambar panthakā ācharaṇ kiyā...
samādhānaḥ- bhes to pahanate the, lekin ve svayam brahmachārī bhesamen rahate the. ek muhapatti chhoḍī, bākī kuchh nahī̃n. koī muni banakar vastra nikālakar digambar (ho) vah alag, koī brahmachārī rahe, anek prakārase rahate hain, usakī koṭi hotī hai. lākhon logoṅko unhonne is or moḍā. unake bhakta vah unake shiṣhya haĩn. bākī unake bād koī shiṣhya
PDF/HTML Page 284 of 1906
single page version
ho, us tarahase shiṣhya nahī̃n. unake lākhon bhakta haĩn. 45-45 sāl tak vāṇī barasāyī. bahut jīv taiyār ho gaye haĩn. har gām̐vamen mumukṣhu maṇḍal chatā hai. sab gām̐vamen vāñchan chalatā hai, har jagaha. yahān̐ bhī vāñchan chalatā hai.
mumukṣhuḥ- unake bād padavī lenevālā koī...? samādhānaḥ- aisī koī padavī ādi nahī̃n. mumukṣhuḥ- aisā jīv ūn̐chā hai na. samādhānaḥ- mārga dikhākar gaye, vāṇī barasākar gaye. shiṣhya hai, aisā kuchh unhonne rakhā nahī̃n.