PDF/HTML Page 273 of 1906
single page version
samādhānaḥ- ... main to jānanevālā gnāyak hū̃n. paradravya svataḥ svatantra pariṇamate haĩn. usake dravya-guṇ-paryāy svatantra aur mere dravya-guṇ-paryāy svatantra haĩn. main use kahīn badal nahīn sakatā. jo badal sakatā to koī bār ichchhā anusār hotā hai aur koī bār ichchhā anusār hotā bhī nahīn hai. svayanne nakkī kiyā ho ki aisā kar dūn̐ aur badal dūn̐, to bhī nahīn hotā. vah to jaise honā hotā hai vaise hī hotā hai. usamen koī kachh badal nahīn sakatā.
use kāryamen to apanī shraddhā badalanī hai. andar ākulatā ho, yah kyon nahīn huā, ichchhā anusār kyon nahīn huā? parantu vah hotā hī nahīn hai. svayaṅko andar shraddhā badalakar kartābuddhi antarase chhoḍ denī ki main nahīn kar sakatā. vah rah nahīn sakatā, rāgake kāraṇ sab kārya ho, svayam rāg karatā hai, isaliye rah nahīn sakatā. usakī shraddhā palaṭ de ki main to jānanevālā gnāyak udāsīn hū̃n. udāsīn gnātā ho jāya. shraddhā badal de.
mumukṣhuḥ- vah usakā charitārthapanā hai.
samādhānaḥ- vah charitārthapanā. shraddhā badalakar andar udāsīn ho jā. sachchā udāsīn aur sachchā gnāyakapanā to yathārtha gnāyakakī pariṇati hotī hai tab hotā hai. lekin usake pahale usakī shraddhā aur bhāvanā kar sakatā hai. ekatvabuddhi vāstavik ṭūṭī nahīn ho to bhī main gnāyak hūn̐, main to jānanevālā hū̃n. is prakār usakī bhāvanā, usakī shraddhā, aisī pratīti buddhipūrvak bhī aisā kar sakatā hai. use jo atishay rāg-dveṣh, ekatvabuddhi hotī thī usase bhinna rah sake. vāstavik bhinna to bādamen hotā hai. parantu pahale itanā vah kar sakatā hai. usase udāsīn ho, bhinna ho, pratīt kare. yathārtha udīsanatā, bhinnatā to gnāyakakī pariṇati ho tab kahanemen ātā hai. parantu usake pahale bhī usakī bhāvanāmen yah sab kar sakatā hai.
mumukṣhuḥ- vāstavamen to shraddhā hī nahīn palaṭī hai.
samādhānaḥ- shraddhā palaṭī nahī̃n. ekatvabuddhi hotī rahatī hai. shraddhāko badalanā. pahale to shraddhā palaṭanekī jarūrat hai. jo honevālā hai vah hotā rahatā hai. svayam andar rāg-
PDF/HTML Page 274 of 1906
single page version
dveṣhamen juḍatā hai. dūsarā bāharakā to kuchh nahīn kar sakatā hai.
mumukṣhuḥ- vahī usakā prayog hai.
samādhānaḥ- vahī usakā prayog hai-shraddhā badalanī. main kuchh nahīn kar sakatā. rāgase chhūṭ nahīn sakatā hūn̐, isaliye rāgamen juḍatā hū̃n. bākī rāg-dveṣh bhī merā svabhāv nahīn hai. lekin rāgamen juḍatā hūn̐, itanā maryādā ātī hai. bākī bāhar jaḍakā to kuchh nahīn kar sakatā. dūsare chaitanya aur dūsare pudagalakā kuchh nahīn (kar sakatā). is sharīrakā bhī kuchh nahīn kar sakatā. kisīkā kuchh nahīn kar sakatā. vyāpār-dhandhekā bhī kuchh nahīn kar sakatā. bāharakā koī kārya main nahīn kar sakatā hū̃n. prashasta bhāv aur aprashasta bhāv jo hote hain, shubhāshubh bhāv hote hain, vahān̐ tak hai, isase āge bāhar aur kuchh nahīn hotā hai.
mumukṣhuḥ- phir vahān̐se andar rāg aur gnān kyā hotā hai, use..
samādhānaḥ- rāg aur gnānako andar bhinna karanā vah dūr rah jātā hai. pragnāchhainīse gnān bhinna, rāg bhinna, aise bhedagnān karanā bākī rah jātā hai.
mumukṣhuḥ- ... bārambār āḍe ātā hai, ichchhā hogī to hī āyegā, nahīn to kaise āyegā? aisā nimitta-naimittik..
samādhānaḥ- ichchhā hogī to āyegā, lekin aisā kyon svayaṅko karanā paḍatā hai? ichchhā hogī to āyegā, usake liye mujhe ichchhā karanī paḍe, aisā hai? vah to andar svayaṅko rāg ho to rāg āye binā rahatā nahī̃n. dūsarā kārya karaneke liye rāg karanā paḍe aisā nahīn hai. rāg chhūṭ jātā ho to dūsareke kāryake liye rāgamen khaḍe rahanekī āvashyakatā nahīn hai. antaramense chhūṭakar vītarāg dashā hotī ho to vahān̐ khaḍe rahanekī jarūrat nahīn hai. lekin usakī bhūmikā hotī hai, ashubhabhāvamense shubhabhāvamen ānekī. usakī amuk bhūmikā hotī hai.
shubhāshubh bhāvonse bhedagnān karanā. dūsaroṅke liye kahīn ichchhā karanekī jarūrat nahīn hai. sab vivek karanā paḍatā hai. main dūsarekā kuchh nahīn kar sakatā hū̃n. lekin usamen ashubhase bachaneke liye shubhabhāv āye, vahān̐ aisā kahe ki main kuchh nahīn kar sakatā hūn̐, main kuchh nahīn kar sakatā, shraddhā barābar hai ki bāharakā kuchh (nahīn kar sakatā). shubhabhāvamen bhī bāharakā jo honevālā hai vah nahīn kar sakatā. lekin shubhabhāv to svayaṅko āye binā nahīn rahatā.
mumukṣhuḥ- vah vivek svayaṅko karanā hai.
samādhānaḥ- vah vivek svayaṅko honā chāhiye na.
mumukṣhuḥ- ashubh hai yā shubh hai, aise..
PDF/HTML Page 275 of 1906
single page version
samādhānaḥ- hān̐, utanā karanā paḍatā hai. dev-guru-shāstrake shubhabhāv āte haĩn. bāharake kārya apane hāthamen nahīn hai. bāharake kārya honā, shubhabhāv āye, guru sambandhit, dev sambandhit, shāstra sambandhit sab bhāv āye. bāharakā kārya ho vah svayam (hotā) hai. ashubhabhāvase bachaneko shubhabhāvamen āye, parantu shubh bhī merā svarūp nahīn hai. aisā dhyey honā chāhiye, dhyey honā chāhiye.
mumukṣhuḥ- use kartavya nahīn mānanā.
samādhānaḥ- nahīn, kartavya nahīn, yah sarvasva hai aisā nahīn mānanā.
mumukṣhuḥ- .. ek ulajhan rahā karatī hai ki koī aisā samay nahīn hai ki (rāg nahīn ho).
samādhānaḥ- rāg hotā rahatā hai, binā rāgake dikhatā nahī̃n. rāg rahit ātmā hai, us orakī shraddhā pariṇatirūp nahīn hai na, isaliye aisā hotā hai.
mumukṣhuḥ- mūlamen to shraddhā hī nahīn palaṭī.
samādhānaḥ- shraddhā palaṭī nahī̃n. yathārtha shraddhā antaramense pariṇatirūp shraddhā honī chāhiye vah shraddhā nahīn huyī. pīchhe muḍanā, vivek karanā in sabake liye svayaṅko vichār karanā hai.
mumukṣhuḥ- .. parantu ruchi bāharamen bahut jātī hai, palaṭanī bahut kaṭhin lagatī hai, kyā karanā mārgadarshan dījiye?
samādhānaḥ- sunanā, paḍhanā. yahān̐ to gurudevakī bhūmi hai na, isaliye shānti (hai). andar samajhanā.
mumukṣhuḥ- bahut achchhā lagatā hai. bhāvanagar rahate haĩn.
samādhānaḥ- koī unhen samajhāye to ho sakatā hai. karane jaisā to yahī hai, manuṣhya jīvanamẽn. sārabhūt to ek ātmā hī hai. ātmāko pahachānanā. bākī kuchh sārabhūt nahīn hai. is manuṣhya jīvanake andar to sab chalatā hī rahatā hai. vyāpār ādimen samay jātā hai, bākī sārabhūt karanā to yahī hai. ātmāko pahachānanā. usakī jignāsā, laganī ādi karane jaisā hai.
ātmā sabase bhinna-nyārā hai. sharīrase, vibhāvase bhinna ātmākā svabhāv gnāyak hai, use pahachānanā. ananta guṇonse bharapūr hai. bārambār sunanā, paḍhanā. palanekā svayam prayatna karanā. vichār karanā, karanā to yah ek hī hai. sārabhūt ek ātmā hī hai. ātmāko pahachānanā. bāharamen ruchi jātī ho, bāharamen ras ātā ho, antaramen ruchiko palaṭanekā prayatna karanā. jaisī ruchi, vaisā prayatna-puruṣhārtha hotā hai. ruchi anuyāyī vīrya. ruchi anuyāyī puruṣhārtha hogā. jaisī ruchi, vaisā. vichār karake bārambār prayatna karanā. sukh ātmāmen
PDF/HTML Page 276 of 1906
single page version
hai, sukh bāharamen kahīn nahīn hai. bāharamen sab kāyāmen, andar vikalpamen har jagah duḥkh hai. pratyek kāyāmẽn. andar vikalpamen duḥkh hī hai. ākulatāse bharā yah sansār hai. duḥkh hai. apanā svabhāv ek hī sukharūp hai. isaliye sukharūp svabhāvako grahaṇ karake jānanevālā ātmāmen ānanda, sukh sab bharapūr usamen hī bharā hai. use pahachānanekā prayatna karanā. bāharakā karane jātā hai, vah kuchh nahīn kar sakatā. vah to puṇya-pāpake uday anusār hotā hai. sarva dravyoṅkā pariṇaman svatantra hai. svayam kuchh nahīn kar sakatā hai, mātra abhimān karatā hai ki yah sab mainne kiyā. kisīkā achchhā yā jo bhī ho, achchhā-burā sab kuchh usake puṇya-pāpake uday anusār hotā hai, svayam kuchh nahīn kar sakatā. svayam rāg-dveṣh karatā hai. isaliye andar us vikalpase bhī ātmā bhinna hai, usakā svabhāv bhinna hai, use pahachānanekā prayatna karanā. ruchi palaṭanī. .. mainne kiyā, mainne kiyā mātra abhimān karatā hai. paradravyakā kartā nahīn hai, koī dravyako koī badal nahīn sakatā. apane pariṇāmoṅko svayam badal sakatā hai.
... nirlep rahatā hai. kīchaḍamen aur pānīmen kamal nirlep hī rahatā hai. mumukṣhuḥ- jheranā upayogathī vaidyajan marato nathī, karmodaye gnānī bandhāto nathī. gnānī ban̐dhate nahīn usakā kāraṇ?
samādhānaḥ- jaharake upayogase vaidya maratā nahī̃n. vaidyane jaharamen jo nukasān karanevālā hai use nikāl diyā hai. vaise ātmāmen bhī svayanne ekatvabuddhiko toḍ dī hai. bhinna hī rahatā hai. bāharake kāyāmen juḍane par bhī, bāharamen juḍane par bhī vah nyārā hī hai. vikalpa āye us vikalpase bhī nyārā rahatā hai, isaliye vah ban̐dhatā nahī̃n. andar svayam vartamānamen hī bhinna rahatā hai. apanī pariṇati ekatvabuddhi hokar vartamānamen ban̐dhatī nahīn hai, isaliye vah ban̐dhatā hī nahī̃n. isaliye dravyakarma bhī us prakār nahīn ban̐dhate. apanī pariṇati hī ban̐dhatī nahī̃n. pariṇati ekatvarūpase juḍatī hī nahī̃n. vartamān bhinna hī bhinna rahatā hai. vartamānamen ban̐dhatā hī nahī̃n. jo uday āte hain usase bhinna hī bhinna rahatā hai. judā hī judā rahatā hai.
dravyadr̥uṣhṭise merā gnāyak svabhāv bhinna hī hai. yah vibhāv merā svabhāv nahīn hai. sharīr to main nahīn, bāharake kāyāse, sharīrase sabase main bhinna hūn̐ aur andar vibhāv pariṇāmase bhī main bhinna hū̃n. aise nyārā hī nyārā rahatā hai, isaliye vah svayam andarase ban̐dhatā hī nahīn, virakta rahatā hai. nyārā rahatā hai, isaliye karmase ban̐dhatā nahī̃n. dravyakarma bhī nahīn ban̐dhate. bhāvakarma nahīn ban̐dhate hain, isaliye dravyakarma nahīn ban̐dhate. andarase nyārā hī nyārā, bhinna hī bhinna svayam rahatā hai. anādise bhinna hai, lekin pragaṭarūpase bhinna ho gayā hai. alpa asthiratā hotī hai use gauṇ kar dī hai. vah asthiratā aisī hai ki vah lambe
PDF/HTML Page 277 of 1906
single page version
samay ṭikanevālī nahīn hai. andarase nyārā hī nyārā, bhinna hī bhinna rahatā hai. har samaya. jāgate, sote, svapnamen sabamen vah nyārā hī nyārā, gnāyak hī rahatā hai. aisī gnān- vairāgyakī shakti use pragaṭ huī hai.
gnān-vairāgya shakti. gnān-vairāgyakī aisī adabhut shakti pragaṭ huyī hai ki use lep hī nahīn lagatā. antaramen aisī koī use shakti pragaṭ huyī hai. sab prakārase vah bhinna ho gayā hai. usakā ādar hī nahīn karatā. kisī bhī prakārase yah vibhāv ādaraṇīy nahīn hai, yah sansār ādaraṇīy nahīn hai, man-vachan-kāyāse, kisī bhī prakārase ādaraṇīy nahīn hai. sab prakārase andar bhinna ho gayā hai. dravyadr̥uṣhṭise usakī shraddhāmen, sab prakārase bhinna ho gayā hai, isaliye vah ban̐dhatā nahī̃n. aisī usakī pariṇati hī ho gayī hai. mātra vikalparūp nahīn yā nirṇay karake nirṇay ek or paḍā rahā hai, aisā nahī̃n. usakī pariṇati hī nyārī rahatī hai, nyārī pariṇati (ho gayī hai). isaliye vah ban̐dhatā nahī̃n.
use aisā hotā hai ki yah kuchh ādaraṇīy nahīn hai. kab aisī vairāgyakī pariṇati ho ki yah sab chhūṭakar main mere svarūpamen līn ho jāūn̐ aur pūrṇa līn ho jāūn̐. kab muni banun̐, kab yah sab chhūṭ jāy, aisā bhāvanā use vartatī hai. andarase bhinna rahatā hai. gr̥uhasthāshramamen hone par bhī svānubhūtimen līn hotā hai. bāhar āye to bhinna hī bhinna rahatā hai.
ātā hai na? vr̥ukṣhakā mūl kāṭaneke bād vah vr̥ukṣha panapatā hī nahī̃n. usakā mūl kaṭ gayā hai. sukhabuddhi hī bandhanakā kāraṇ hai. jahān̐ dekho vahān̐ ekatvabuddhi. usane buddhimen nirṇay kiyā ho ki main bhinna hūn̐, to bhī usakī pariṇatimen har vakta ekatvabuddhi hī ho rahī hai. sab pariṇatimen ekatvabuddhi (hotī hai). usase bhinna, usī kṣhaṇ bhinna bhāsanā chāhiye, usī kṣhaṇ bhinna nahīn bhāsatā. vichār kare ki main bhinna hūn̐, bhinna hū̃n. lekin jis kṣhaṇ pariṇati hotī hai, usī kṣhaṇ vah bhinna nahīn rahatā hai.
aur gnānīkī pariṇati sahaj aisī hai ki jis kṣhaṇ vikalpa ātā hai, usī kṣhaṇ vah bhinna rahatā hai. phir use vichār nahīn karanā paḍatā ki main bhinna hūn̐, main bhinna hū̃n. aisā vichār nahīn karanā paḍatā. jis kṣhaṇ vikalpa ātā hai, usī kṣhaṇ vah bhinna rahatā hai. shubhāshubh pratyek bhāvamen jis kṣhaṇ vikalpa hotā hai, usī kṣhaṇ (bhinna rahatā hai).