Benshreeni Amrut Vani Part 2 Transcripts-Hindi (simplified iso15919 transliteration). Track: 56.

PDF/HTML Page 336 of 1906
single page version

ṭrek-056 (audio) (View topics)

mumukṣhuḥ- .. ek mātra upāy āp paramātma puruṣhoṅkā āshray hī pharamāte ho. yah siddhānta hamen hr̥udayagat nahīn ho rahā hai athavā usakā bhāvabhāsan nahīn ho rahā hai.

samādhānaḥ- gurudevane ek hī kahā hai ki paramātmākā āshray karo-ātmākā āshray karo, vahī ek auṣhadhi hai. gurudevane upadeshamen bārambār ek hī bāt kahate the ki yahī ek paramātmākā āshray karo. vah paramātmā kaisā hai? usakā svayam vichār kare. bārambār usakā gnānalakṣhaṇ hai use pahachānakar vichār kare to pahachānamen āye aisā hai. bāharamen hī bāharamen (rahe), sachchā vichār antarase na kare, usakī jignāsā kare, usakī laganī na lagāye to vah samajhamen nahīn ātā. bākī to samajhamen āye aisā hai. svayam hī hai, anya koī nahīn hai ki kisīko pūchhanā paḍe.

gurudevane bahut batāyā hai. vah svayam hī hai. vichār kare to gnānalakṣhaṇase svayam pahachānamen ā sake aisā hai. svayam svayaṅko na pahachāne vah apanī bhūlake kāraṇa. svayaṅko bāharamen ekatvabuddhi ho rahī hai isaliye nahīn pahachān sakatā. pahachānanekā nishchay kare to pahachān sake aisā hai. usakā mārga to gurudevane itanā spaṣhṭa karake batāyā hai ki kahīn bhūl na rahe, aisā batāyā hai.

paramātmākā gnānalakṣhaṇ (hai). usamen ananta guṇ bhare hain, ananta ānanda bharā hai ananta gnān bharā hai, ananta gnān bharā hai. ātmā gupta rahe aisā nahīn hai. parantu anādi kālase svayam bāhar bhaṭakatā hai, isaliye pahachān nahīn sakatā. usakī jignāsā kare, usakī laganī lagāye, bārambār gurudevane kyā kahā hai, usakā vichār kare, usakā bhedagnān kare to pahachān sake aisā hai. yah sharīr bhinna, ātmā bhinna, yah vibhāv hotā hai vah bhī apanā svabhāv nahīn hai, ākulatārūp hai. is prakār svayam pahachānanekā nishchay kare to pahachān sake aisā hai. vah svayam karatā hī nahīn, kahān̐se pahachāne? puruṣhārtha hī nahīn karatā hai.

auṣhadh ek hī hai. yah rog, anādikā vibhāvakā rog hai. usakī auṣhadhi ek paramātmākā āshray karanā-ātmākā āshray karanā. paramātmā arthāt (ātmā). bāhya paramātmāko pahachāne to svayaṅko pahachāne, svayaṅko pahachāne to paramātmāko pahachāne. parantu bāhar jahān̐ upayog jāy, vahān̐ shubhabhāv aur ashubhabhāv, donon bhāv bāhya upayogase

PDF/HTML Page 337 of 1906
single page version

hote haĩn. antar dr̥uṣhṭi kare, shuddhātmāko pahachāne to shubhāshubhabhāvase bhinna ātmā hai. donon bhāv usamen nahīn hai, ākulatāsvarūp hai.

pahachānanekā nishchay kare to pahachān sake aisā hai. lekin pahachānatā hī nahī̃n. svayaṅkī bhūl hai. "nij nayananī āḷase, nirakhyā nahīn harine jarī.' svayam hī hariko pahachānatā nahī̃n. apanī ālasake kāraṇ ananta kāl vyatīt kiyā. yah manuṣhya bhav milā, usamen aise gurudev mile, to svayam puruṣhārtha karake pahachāne to pahachān sake aisā hai. apane puruṣhārthakī kamī hai.

mumukṣhuḥ- shubhāshubh bhāv jaldī hr̥udayagat ho jāte hain, bhāvabhāsanase samajhamen āte haĩn. vaise isakā bhāvabhāsan kaise ho ki yahī paramātmā hai?

samādhānaḥ- shubhāshubh bhāvommen anādise ekatvabuddhi kar rahā hai aur apane vedanamen ā rahe hain, isaliye use khyālamen ātā hai. parantu yah to svayam vichār kare to pahachān sake aisā hai. jo shubhāshubh bhāv hote hain, vah sab to chale jāte hain, usake pīchhe jo jānanevālā hai, vah jānanevālā to vaise hī khaḍā rahatā hai. jānanevālā hai vahī main hū̃n. jānanevāle par dr̥uṣhṭi kare, usamen sūkṣhma upayog karake dekhe to jānanevālā jānanemen āye aisā hai.

jānanevālā svayaṅko kyon nahīn gnāt ho? jānanevālā svayaṅko jān sake aisā hai. parantu pahachānatā nahī̃n. apanī bhūlake kāraṇ laganī lagātā nahīn, jignāsā karatā nahīn, isaliye usakā bhāvabhāsan nahīn ho rahā hai. usake bhāv andar hr̥udayagat ho sake aisā hai, parantu pahachānatā nahīn hai.

anek jīv bhedagnān karake mokṣhamen gaye haiaĩn. ananta jīv usī mārgase jāte haĩn. parantu svayam hī bhedagnān karatā nahī̃n. bhedavignānake abhāvase mokṣhamen jāte nahī̃n. jo jāte hain ve bhedavignānase hī jāte haĩn. ananta gaye haĩn. ananta jīvakā sabakā svabhāv ek hī jātikā hai. siddha bhagavān jaisā sabakā svabhāv hai. vah nahīn ho sake aisā nahīn hai. ananta jīvonne apanā svarūp pahachānakar, svānubhūti karake, chāritra evan kevalagnān pragaṭ kar mokṣhakī sādhan kī. ananta jīvonne. pratyekakā svabhāv ek hī jātikā hai. sab kar sakate hain, na kar sake aisā nahīn hai.

.. ātmā sārabhūt hai, bākī sab niḥsār hai. baḍe rājā aur chakravartīoṅko bhī sansārakā svarūp aisā lagā ki sansār chhoḍakar chale jāte the. antaramen ātmākā kalyāṇ karate the. kyoṅki is sansārakā svarūp to aisā hī hai. chakravartīoṅko koī nahīn bachā sakatā aur devalokake devoṅko bhī koī nahīn bachā sakatā. jalda yā derase, sabakā āyuṣhya to pūrā hī honevālā hai. isaliye is manuṣhya jīvanamen ātmākā kalyāṇ karanā,

PDF/HTML Page 338 of 1906
single page version

vahī shreyabhūt hai.

kisīko kisīke sāth sambandha nahīn hai. mātra pūrvake koī sambandhake kāraṇ jīv kisīke ghar janma letā hai. usakā āyuṣhya parā ho to usakī mr̥utyu hotī hai. kisīkā kisīke sāth koī sambandha nahīn hai. ātmā svayam akelā janmatā hai, akelā maratā hai, usake sāth koī ātā nahī̃n. jīv janma-maraṇ karanevālā, apane puṇya-pāpake kāraṇ janma-maraṇ karanevālā akelā hai aur mokṣha jānevālā bhī akelā hī hai. isaliye puruṣhārtha karake jīvako palaṭakar, pariṇām palaṭakar ātmākā kalyāṇ kaise ho? usakā vichār, vāñchan ādimen chitta lagānā.

main to ek gnāyak shāshvat ātmā, siddha bhagavān jaisā ātmā hū̃n. mujhe kisīke sāth koī sambandha nahīn hai. āyuṣhya pūrā hotā hai, sabakā āyuṣhya pūrā hotā hai. ataḥ shānti aur samādhān rakhanā vahī shreyarūp hai. bāharamen jinendra dev, guru aur shāstramen chitta lagānā. andaramen ātmā kaise prāpta ho? ātmā jānanevālā, usakā bhedagnān kaise ho? yah sharīr bhinna hai aur ātmā bhinna hai. do bhinna-bhinna vastuen̐ haĩn. ātmā shāshvat hai. sharīrake pheraphār hote haĩn. ek bhav chhoḍakar, dūsarā bhav shuru ho jātā hai. dūsarā bhav dhāraṇ karatā hai.

ātmā vahī shāshvat rahatā hai. isaliye shubhabhāv-achchhe bhāv karake ātmākā kalyāṇ kaise ho, vahī karane jaisā hai. vahī sārabhūt hai, bākī sab jagatamen tuchchha hai. koī sārabhūt vastu hī nahīn hai. jīv yah māne ki yah sab achchhā-achchhā hai. vah sab bāhya puṇya-pāpake prakār hai. puṇyakā pheraphār kab ho, vah kisīke hāthakī bāt nahīn hai. isaliye ātmākā kalyāṇ kar lenā vahī sārabhūt hai.

mumukṣhuḥ- ... sansārakī pravr̥utti ho, usake sāth ātmakalyāṇakā sīdhā rāstā kaunasā hai? ātmākā kalyāṇ karanā vah to barābar hai. parantu bāhya pravr̥utti to hotī hai, usamen kis prakār samay..

samādhānaḥ- andar ātmākī ruchi antaramen rakhanī. sansāramen ekatvabuddhi kam karake mujhe ātmākā karanā hai, aisī ruchi andar rakhanī. aur bāharase samay mile tab shāstravāñchan karanā, gurudevane jo samajhāyā hai, gurudevake shāstra, gurudevake pravachan jisamen samajhameen āye vah vāñchan karanā. samay mile to satsaṅg karanā. koī vāñchan karatā ho aise mandiramen jānā. bhagavānake darshan ādimen hī samay vyatīt karanā. sānsārik pravr̥utti chalatī ho to bhī usamense samay mile to shāstra svādhyāy kare. mandir jānekā samay nahīn ho to gharamen baiṭhakar shāstra paḍhanā. usamen samajhamen nahīn āye to shāstra vāñchan āpake yahān̐ mandiramen bhī chalatā hogā, vahān̐ jānā. athavā jahān̐ koī shāstra samajhātā ho, vahān̐

PDF/HTML Page 339 of 1906
single page version

jānā, mandir jānā. usamen samay (vyatīt karanā). devadarshan, pūjā, bhakti, shāstra svādhyāy ādimen samay (vyatīt karanā). jo samay bache usamense usamen samay vyatīt karanā. aur ātmākā kalyāṇ kaise ho? satya mārga kyā hai? in sabakā vichār karanā.

yah sab shubhabhāv hai, parantu usamen ātmākā kalyāṇ kaise ho, usakā vichār karanā usamense. sānsārik pravr̥utti chalatī ho usamense samay nikālakar bhī amuk samay shāstra svādhyāy karanā hai. samay nikālanā. usake vichār (karanā). andar khaṭak rakhanī ki yah sab to sansār hai. manuṣhya jīvan aisī hī sab pravr̥uttimen chalā jātā hai. ātmākā kuchh karen, aisī andar khaṭak, ruchi rakhanī aur shāstra svādhyāy (karanā). dev-guru- shāstrakī mahimā, pūjā, bhakti, shāstra svādhyāyakā samay usamense nikāl lenā.

mumukṣhuḥ- jo sānsārik grup ho usake sāth manakā samādhān kar letī hū̃n.

samādhānaḥ- manakā samādhān kar lenā? manako badal denā ki sansārakā svarūp to aisā hī hai. vah to apane pūrvamen bān̐dhe hue puṇya-pāpake uday hai, vah āte hī rahate haĩn. sansārakā svarūp hī aisā hai. manako badal denā. kisīkā koī kuchh nahīn kar sakatā. vah to puṇya-pāpake uday hai, āte hī rahate haĩn. isaliye manako badalakar ātmākā svarūp kyā hai? ātmā kaisā hai? ātmā koī apūrva chīj hai, anupam hai, vah mujhe kaise prāpta ho? yah sab pheraphār (hote hain). shāshvat kuchh dikhatā nahī̃n. andar shāshvat ātmā hai, vah mujhe kaise pragaṭ ho? usakī ruchi karanī.

sansārik sukh-duḥkh to pūrvake puṇya-pāpake uday haĩn. pūrvamen jo svayanne pāpake pariṇām kiye hon, usakā uday hai. puṇya pariṇām kiye hon to usake uday āte haĩn. bhavakā abhāv kaise ho? usake vichār karanā. ātmā kaun hai? ātmākā svarūp kyā hai? puṇya-pāpake uday sarvako āte haĩn. puṇya-pāpake uday to sansāramen paḍe hī haĩn. chāhe jitane puṇyashālī hon to use bhī pāpake uday to is manuṣhya jīvanamen paḍe hī haĩn. puṇya aur pāp donon sāth juḍe haĩn.

... use kisī bhī prakārakī kamī nahīn thī. akele puṇyakā ḍher thā. jo ichchhā ho usake anusār sab hājir ho. aise chakravartī ho to bhī use rog huā thā. isaliye puṇya aur pāp donon sansāramen hote hī haĩn. usakā rūp dekhaneko ūparase dev āte haĩn. main shrr̥uṅgār sajakar āūn̐ tab dekhanā. dev kahate hain ki abhī āpakā rūp badal gayā hai. āpake sharīramen rogakā pravesh ho gayā hai. chakravartīko aisā vairāgya ātā hai ki vah sab chhoḍakar muni banakar chal dete haĩn. sansāramen yah sab paḍā hī hai.

pahale ekadam puruṣhārtha uṭhatā thā isaliye sab muni ban jāte the. abhī vah chhoḍanese dharma ho jāy (aisā nahīn hai). antaramense svayam nirlep rahakar svarūpako pahachānakar antaramen

PDF/HTML Page 340 of 1906
single page version

ho sakatā hai. gr̥uhasthāshramamen rahakar bhī ho sakatā hai. svayam antarakī ruchi pragaṭ kare. andar sansārakā ras kam kar de. andarase ekatvabuddhi toḍ de. vichār, vāñchanamen chitta joḍ de. to ho sakatāhai.

mumukṣhuḥ- vyavahārik taurase jo sansāramen karanā hai, use adhik mahattā denī yā svayaṅke ātmākī mahattā adhik denī?

samādhānaḥ- ātmāko jyādā mahattva denā. vah to usamen baiṭhā hai isaliye karanā paḍatā hai. bākī mahattva ātmāko denā. vah mahattvapūrṇa vastu nahīn hai-sānsārik kārya mahattvake nahīn hai. vah to svayaṅkā rāg hai isaliye usamen juḍatā hai.

mumukṣhuḥ- .. usake pīchhe jyādā samay dekar.. yā apane ātmāke kalyāṇake liye...

samādhānaḥ- bhalā hotā ho usamen svayaṅko rāg hotā hai. parantu svayam dūsarekā kuchh kar nahīn sakatā. dūsarekā bhalā svayam nahīn kar sakatā. usakā puṇya-pāpakā uday hotā hai us anusār banatā hai. sāmanevālekā bhalā ho, vah svayam nahīn kar sakatā hai. svayaṅko rāg ātā hai. jaisā svayaṅko rāg ātā ho, us rāg anusār vahān̐se chhūṭ jāya. use jo bhāv āte ho, nahīn rah sakatā ho, gr̥uhasthāshramamen hai isaliye. bākī svayaṅko jo karanā hai, use gauṇ nahīn kiyā jā sakatā. kabhī-kabhār samay nahīn mile to svayam andar ruchi rakhe. samay nikālanekā prayatna kare, andar ruchi rakhe. bākī mahattva to ātmākā hī hai, bāhya kāyākā nahīn hai.

mumukṣhuḥ- puṇya upārjan kaise...

samādhānaḥ- ātmākī or ruchi rakhe to puṇya bhī usamen hotā hai, sabakuchh usamen hī hotā hai. dev-guru-shāstrakī mahimā aur ātmākī orakī ruchi, puṇyamen bhī usamen hotā hai. sabakuchh usamen hī hotā hai. jo jīv puṇyako ichchhatā hai, to bhī vah dev- guru-shāstrakī mahimāmen hotā hai. bāharake kāyāse, ātmā mile aise puṇya bāhya kāyāse nahīn hotā. vah sab sāmānya puṇya hotā hai.

jinendra dev, guru, shāstra sarvotkr̥uṣhṭa hai. mokṣha bhī bhagavānane batāyā. bhagavānane, gurune mokṣha batāyā. mokṣha bhī unakī sharaṇamen hotā hai. puṇya bhī unakī sharaṇamen hotā hai aur mokṣha bhī unakī sharaṇamen hī hotā hai, kahīn aur nahīn hai. kisīko pūchhanā hī nahīn paḍe. ātmākī koī alag prakārakī hī anubhūti hotī hai, vah kisīse pūchhanā nahīn paḍe. apanā ātmā hī use javāb detā hai. kisīko pūchhanā nahīn paḍe. abhī to usake liye kitanī taiyārī ho, tab hotā hai.

abhī to ātmā koī apūrva vastu hai, use pahachānaneke liye kitanā prayatna hotā hai tab hotā hai. antaramense kitanā nirālā ho, antaramense kitanī use laganī lagī ho,

PDF/HTML Page 341 of 1906
single page version

ātmā-ātmāke sivā kahīn chain nahīn paḍatī ho. mujhe ātmā hī chāhiye. sansārakī orakī ruchi uṭh jāya. bāharase bhale hī sansāramen baiṭhā ho, parantu sansārakī ruchi uṭh jāya. ātmā.. ātmākī pukār use hotī hai, tab jākar ātmākī anubhūti hotī hai. vaise anubhūti nahīn ho sakatī.

antar laganī lage, use ātmāke binā chain nahīn paḍe. use ātmā bhūlāyā nahīn jātā. mujhe merā ātmā chāhiye, dūsarā kuchh nahīn chāhiye. utanī laganī lage, tab use ātmā prāpta hotā hai. sansāramen kuchh pratikūlatā āyī ho, aisī sab, to vah kaise bhūlāyī nahīn jātī? vaise use ātmā bhūlāyā nahīn jātā. mujhe mere ātmāke sivā kahīn chain nahīn paḍatī. har jagahase usakī ruchi uṭh jāya. kahīn bhī ras nahīn āye. tab use ātmā prāpta hotā hai.

sansārake bāhya kāyāmen juḍatā ho, to use sansār-laukik vyavahār parase ruchi uṭh jātī hai aur ruchi ātmākī or jātī hai. usakā pūrā pariṇaman palaṭ jātā hai. usakī pūrī dishā palaṭ jātī hai.

mumukṣhuḥ- sansāramen rahen, parantu usamen koī bhī vyakti svayam ātmāko pahichānakar mokṣha bhī prāpta kar sake?

samādhānaḥ- sansāramen rahakar ātmākī svānubhūti-ānshik mukti ho sakatī hai. sansāramen rahakara. phir sampūrṇatā prāpta karaneke liye to use bāharase bhī tyāg ho jātā hai. sansāramen rahakar pūrṇa mokṣha nahīn hotā hai. parantu ātmāko pahachān sakatā hai, ātmākī svānubhūti hotī hai, ātmākā gnān prāpta hotā hai. yahān̐ tak hotā hai. bhagavakā abhāv hotā hai. siddha bhagavān jaisī ānshik anubhūti use hotī hai. lekin use mokṣha, pūrṇa mokṣha kevalagnān nahīn hotā. bāharase sab tyāg ho jātā hai, muni ban jātā hai, tab pūrṇa mokṣha hotā hai.

mumukṣhuḥ- ... phir kaī bār main ... karatī hū̃n.

samādhānaḥ- vah sab vyartha hai, niḥsār hai, niṣhphal hai moh rakhanā. jahān̐ jāye vahān̐, devamen gayā ho to devake parichayamen paḍ jāy, manuṣhyamen gayā to manuṣhyake jo parichīt hon usamen paḍ jātā hai. use to kuchh yād nahīn hotā. sab sambandha ṭūṭ jāya. yahān̐ āp rāg rakhate ho, utanā hī. rāg rakhanā bhī mushkil hai.

mumukṣhuḥ- .. kahate hain, devagatimen ..

samādhānaḥ- sabako aisā nahīn hotā. sab dekhe aur sabako rāg ho, aisā sabako nahīn hotā. koī-koīko hotā hai.

mumukṣhuḥ- ..

PDF/HTML Page 342 of 1906
single page version

samādhānaḥ- abhī is pañchamakālamen aisā kuchh hotā hī nahīn hai.

mumukṣhuḥ- pañchendriy jīvako bachānekā bhāv the, gati par to achchhī hī asar paḍatī hai na?

samādhānaḥ- hān̐, usake bhāv achchhe the. use bachānekā bhāv ho, vah bhāv achchhā thā.

mumukṣhuḥ- gati par usakī achchhī asar huī ho.

samādhānaḥ- usaparase kah sake ki achchhī huī ho. bachānekā bhāv thā vah usakā bhāv achchhā thā. bhāv koī burā nahīn thā. achchhā-purā..

mumukṣhuḥ- kisī bhī jīvakī gati hai, vah usake pūre jīvanake kārya par ādhār rakhatī hai yā antim bhāv par ādhār rakhatī hai?

samādhānaḥ- pūre jīvanake kārya par bhī rakhatī hai aur antim bhāv par bhī rakhatī hai. antim bhāv kaise the,... vah to pūre jīvanakā jo hotā hai vah bhāv ant samayamen ākar khaḍe rahate haĩn.

mumukṣhuḥ- pūre jīvanakā ṭoṭal antamen ātā hai.

samādhānaḥ- pūre jīvanakā ṭoṭal antamen ātā hai. pahalese hī bachānekā bhāv thā isaliye use bachānekā bhāv hī āyā na? usakā svabhāv aisā thā ki main bachāne jāūn̐. isaliye use bachānekā bhāv āyā. usake jīvanamen bachāneke bhāv kiye the.

mumukṣhuḥ- dānakā bhāv thā, garībako madad karanekā bhāv thā.

samādhānaḥ- usake jo bhāv hote hain, vah bhāv ākar khaḍe rahate haĩn. us bhāvamen use puṇya ban̐dhatā hai. usakī gati par kuchh asar nahīn hotī. usakī gati achchhī hotī hai. bhāv achchhe ho to gati achchhī hotī hai.

prashamamūrti bhagavatī mātano jay ho!

?? ?

< Previous Page Next Page >