PDF/HTML Page 350 of 1906
single page version
samādhānaḥ- .. jaise honā hogā vaise hogā, vah bāharakā to ṭhīk hai, parantu antaramen yadi antaramen vah svayam puruṣhārthakā bal pragaṭ na kare to aisī kramabaddhakī paryāy bhavakī or jātī hai. yadi svayam bal pragaṭ kare to kramabaddhakī paryāy apanī or, bhavake abhāvakī or jātī hai. bal to svayaṅko hī pragaṭ karanā hai. palaṭanā to svayaṅko hī hai. apanī tākāt svayaṅko hī pragaṭ karanī hai. pūrā jīvan apanī tākat par hai. lekin vah koī kar nahīn detā, svayaṅko hī karanā hai.
bal ānā hogā tab āyegā, aise bal nahīn ātā hai. apane antaramen aisā ho ki ānevālā hogā... vah bal svayam hai aur vah bal svayaṅko hī pragaṭ karanā hai, use koī kar nahīn detā. kramabaddha yānī koī nimitta use kar de, yā koī dūsarā kar detā hai, aisā nahīn hai. vah bal svayaṅko hī pragaṭ karanā paḍatā hai. aur kramabaddhako gaḍhanā sab apane hāthamen hī hai. vah koī nahīn kar detā.
jisake manamen aisā ho ki jaise honā hogā vah hogā. lekin yadi tujhe aisī shraddhā hai to terā sulaṭā kramabaddha hogā hī nahī̃n. aur bhagavānane aisā hī dekhā hai, tū puruṣhārtha nahīn karatā hai to terā kramabaddha aisā hai. kramabaddhako puruṣhārthake balake sāth sambandha hai. puruṣhārthakā bal nahīn pragaṭ karatā hai to terā kramabaddha (vaisā hai). jo puruṣhārtha karake gnāyakadashā pragaṭ karatā hai, to usakā kramabaddha sulaṭā hai.
mumukṣhuḥ- pūjya bahinashrī! ek prashna hai ki dharmakā mūl samyagdarshan hai yā chāritra yā sarvagnadev yā apanā trikālī svabhāv?
samādhānaḥ- dharmakā mūl samyagdarshan hai. dharmakā mūl to samyagdarshan hai. dharma sabako kahate haĩn. chāritra dharma hai, samyagdarshan dharmakā mūl hai. samyagdarshanamen dharmakā āshray hai trikālī svabhāvakā. parantu samyagdarshanako dharmakā mūl kahanemen ātā hai. kyoṅki gurudevane samyagdarshanakā svarūp apūrva rītase batāyā hai. samyagdarshan anādi kālase jīvako prāpta nahīn huā hai. aur samyagdarshan hī jagatamen sarvotkr̥uṣhṭa hai, usase hī bhavakā abhāv hotā hai.
gurudevane atyant spaṣhṭatā karake sūkṣhma-sūkṣhma rītase samyagdarshanakā svarūp bahut batāyā hai. gurudevakā param upakār hai. dharmakā mūl samyagdarshan hai. anādi kālase jīvane samyagdarshan
PDF/HTML Page 351 of 1906
single page version
prāpta nahīn kiyā hai. vah samyagdarshan prāpta karanā jagatamen bahut durlabh hai. jīv anādi kālase bāhya kriyāmen aur bāharamen aṭakā hai. parantu antaramen samyagdarshan kise kahate hain? bhavakā abhāv kaise ho? yah use mālūm nahīn hai. dharmakā mūl samyagdarshan hai. trikālī svabhāv anādiananta hai-gnāyak svabhāva. gnāyak svabhāv anādiananta hai, parantu samyagdarshan jab prāpta hotā hai, tabhī bhavakā abhāv hotā hai.
samyagdarshan hai usamen gnāyak svabhāvakā āshray hotā hai, dravya par dr̥uṣhṭi jātī hai aur samyagdarshan prāpta hotā hai. isaliye samyagdarshan dharmakā mūl hai. sarvagna svabhāva. bhagavān dharmamen nimitta banate haĩn. parantu andarakā upādān svabhāv to apanā hai. svayam prāpta kare to ho sake aisā hai. isaliye samyagdarshan dharmakā mūl hai. bāharakā nimitta hai vah mūl nimitta nahīn kahalātā. mūl kāraṇ to samyagdarshan hai. dharma use kahate haĩn. samyagdarshan anādi kālase prāpta nahīn kiyā hai. aur vah samyagdarshan prāpta karaneke liye gnāyak svabhāvakā āshray hai. gnāyak svabhāvakā āshray liyā aur samyagdarshan prāpta ho, phir trikālī svabhāvake āshrayase chāritra bhī usake āshrayase pragaṭ hotā hai. chāritra bhī dharma hai.
dansaṇ mūlo dhammo aur chāritra khalū dhammo. chāritra dharma hai aur samyagdarshan bhī dharma hai. donon dharma haĩn. dharmakā mūl samyagdarshan hai. isaliye samyagdarshan hī jagatamen sarvotkr̥uṣhṭa hai. parantu vah samyagdarshan ātmākā āshray le to prāpta hotā hai. "je shuddha jāṇe ātmane te shuddha ātma ja meḷave.' ātmāko shuddha jāne. yah vibhāv merā svabhāv nahīn hai, main to shuddha svabhāv ātmā hū̃n. usamen guṇabhed, paryāyabhed sabako gauṇ karake, ek chaitanya par dr̥uṣhṭi rakhe to samyagdarshan prāpta hotā hai. chaitanya svabhāvakā astitva grahaṇ karake, gnāyak svabhāvakā astitva grahaṇ karake par-orake bhedabhāv, vibhāvabhāv, sab parase dr̥uṣhṭi uṭhākar ek chaitanya par dr̥uṣhṭi rakhe aur bhedagnānakā abhyās kare. bārambār-bārambāra. usamen upayogako sthir kare to usamen svānubhūti hotī hai. vahī dharmakā mūl hai.
samyagdarshan hī dharma hai aur vahī dharmakā mūl hai. chāritra bhī dharma hai. abhī samyagdarshan prāpta huā, parantu chāritra prāpta nahīn hotā tabatak pūrā dharma prāpta nahīn huā hai. abhī kamī hai. isaliye chāritra bhī dharma hai. svānubhūti pragaṭ hote-hote, āge baḍhane par svarūpakī līnatā baḍhatī jātī hai, usamen chāritra pragaṭ hotā hai. bāharake shubhabhāv pañch mahāvrat, aṇuvrat shubhabhāv hai, lekin usake sāth svarūpamen līnatā baḍhatī jāy vah chāritra hai. vah chāritra bhī dharma hai. dharma to aise pragaṭ hotā hai. bāharase pragaṭ nahīn hotā. ātmāke āshrayase pragaṭ hotā hai. isaliye vahī pragaṭ karane jaisā hai. sukhakā dhām jo ātmā, shāntikā dhām jo ātmā, gnāyakakā āshray karanese samyagdarshan prāpta hotā hai aur vahī jagatamen sarvotkr̥uṣhṭa hai.
PDF/HTML Page 352 of 1906
single page version
mumukṣhuḥ- vāstavik mūl to trikālī svabhāv lagatā hai. bākī sab to upachārik lagatā hai.
samādhānaḥ- trikālī svabhāv samyagdarshanakā āshray hai. anādi kālase trikālī svabhāv hai, parantu yadi use vah grahaṇ nahīn karatā hai to ananta kāl nikal jātā hai. grahaṇ use karanā hai-trikālī svabhāvako. trikāl svabhāvako jāne. anādiananta main shāshvat hūn̐, aisā jāne. usamen ananta guṇ hain, sab gnānamen jāne. dr̥uṣhṭi ek chaitanya par rakhe. trikālī svabhāv.. samyagdarshanakā āshray trikālī svabhāv hai. isaliye grahaṇ use karanā hai. to hī samyagdarshan prāpta hotā hai. trikālī svabhāvako grahaṇ kare to. lekin dharma to samyagdarshanako kahanemen ātā hai.
dharma use kahanemen ātā hai, anādiananta trikālī svabhāvako bhī (dharma kahanemen ātā hai), parantu vāstavamen jo pragaṭ hotā hai usīko dharma kahanemen ātā hai. samyagdarshan hī dharma hai. samyagdarshan-gnān-chāritrāṇi mokṣhamārgaḥ. mokṣhamārga samyagdarshan ratnatray pragaṭ ho, tab mokṣhamārga pragaṭ hotā hai.
mumukṣhuḥ- to chāritra khalū dhammo, chāritrako bhī khalū shabda lagāyā.
samādhānaḥ- chāritra hai vah dharma hai, vah svarūpamen līnatā baḍhatī hai isaliye. samyagdarshanako bhī dharma kahanemen ātā hai. samyagdarshan dharmakā mūl hai, mūl vah hai. aur chāritra dharma hai. vah ātmākā svabhāv hai. chāritra, līnatā karanī vah chāritra dharma hai. bhale nishchayase chāritra (dharma hai), parantu usakā mūl to samyagdarshan hai. chāritrakā mūl samyagdarshan hai. chāritrakā mūl yānī yathārtha samyagdarshan pragaṭ ho to chāritra pragaṭ hotā hai.
mumukṣhuḥ- is chāramense bāt yahān̐ āyī ki dharmakā mūl samyagdarshan hai. dūsare sab dūsarī-dūsarī apekṣhāse.
samādhānaḥ- hān̐, dharmakā mūl samyagdarshan hai. anādi kālase jīvane samyagdarshan prāpta nahīn kiyā hai. dharmakā mūl samyagdarshan hai. bākī bāharakā bahut kiyā, shubhabhāv kiye, sab kiyā, lekin vah dharmakā mūl nahīn hai. puṇya ban̐dhatā hai. bākī samyagdarshan shuddhātmāko pahachānakar usamen līnatā prāpta kare, svānubhūti prāpta kare vahī dharmakā mūl hai. dharma vahī hai.
chāritrako bhī dharma kahanemen ātā hai. chāritra dharma hai, dharma hai vah sāmya hai. samyagdarshanakā phal chāritra ātā hai. svānubhūtikā phal hai. phir līnatā baḍhatī hai. sarvagna svabhāv kahā na? dūsarā usakā kyā nimitta kahā?
mumukṣhuḥ- hān̐jī, samyagdarshan, chāritra, sarvagnadev aur trikālī svabhāva.
samādhānaḥ- anādi kālase samyagdarshan prāpta nahīn huā hai, isaliye pratham jab
PDF/HTML Page 353 of 1906
single page version
samyagdarshan prāpta hotā hai, vahān̐ sarvagnadev usamen nimitta hote haĩn. guru athavā sarvagnadev nimitta hote hain, parantu upādān apanā hotā hai. mūl kāraṇ to svayam hotā hai. parantu nimitta-naimittik sambandha hai ki nimitta hotā hai. gurune itanā upadesh diyā. guru aur dev sab nimitta haĩn.
anādi kālase anajānā mārga, usamen aisā nimitta-naimittik sambandha hai. ek bār sākṣhāt guru athavā dev mile, tab jīvakī pariṇati apanī or hotī hai. hotī hai apanese. dūsarā koī kar nahīn detā, apane puruṣhārthase hotā hai.
mumukṣhuḥ- dūsarā ek prashna hai, bahinashrī! āsravabhāv jhahar jaisā hai. usamense usakī māranekī shakti nikāl denemen samyagdr̥uṣhṭi jīv samartha hai, ve kaunasī vidyāke balase vaisā kar sakate hain?
samādhānaḥ- āsravabhāv jhahar hai, parantu use gnāyak svabhāv, gnān-vairāgyakī aisī shakti pragaṭ hotī hai, samyagdr̥uṣhṭiko. yah vibhāv hai, merā svabhāv nahīn hai. usase bhinna hokar use antaramense aisī gnān-vairāgyakī shakti pragaṭ hotī hai. isaliye usakā jo jhahar hai vah nikal jātā hai. ekatvabuddhikā jo ras thā, vibhāvake sāth ekatvabuddhikā ras ṭūṭ jātā hai. ananta ras jo anantānubandhīkā thā vah ras ṭūṭ jātā hai. isaliye usakā jo jhahar-ekatvabuddhikā aur anantānubandhīkā ras thā vah jhahar ṭūṭ jātā hai aur svarūpakī or use ananta ras lag jātā hai. aisā ananta ras gnāyak svabhāvako ras grahaṇ karake vah ras aisā lagatā hai ki vah vibhāvase bhinna hī rahatā hai. use vibhāvakā ras- vibhāvakā jhahar use lagatā nahī̃n. use aisī gnāyakakī vidyā, gnāyakakā mantra pragaṭ huā hai ki jis kāraṇase āsravakā jhahar use chaḍhatā nahī̃n.
usane jānā ki yah āsrav hai vah viparīt svabhāv hai, ākulatāvāle hain, merā sukh isamen nahīn hai, sukh meremen hai, aisā andar nishchay huā. merā gnāyak svabhāv hī sukhasvarūp hai. sab kuchh mere gnāyak svabhāvamen hī hai, bāharamen nahīn hai. aisā use nishchay huā aur gnāyakakā ras lagā. vah ras chaḍhā, vah ras use utaratā nahīn isaliye use jhahar lagatā nahī̃n. bhinna hī (rahatā hai), pratikṣhaṇ nyārā hī rahatā hai, usase bhinna hī rahatā hai.
ātmākā ras aisā lagā. kahate hain na, bhagavān! mujhe gnāyakadevakā aisā ras lagā hai ki usake āge mujhe sab tuchchha lagatā hai. jaise jinendra bhagavānakā, āchāryadev kahate hain na, āpakā prabhāvashālī mantra yadi mere hr̥udayamen hai athavā āpake smaraṇarūp mantra hai to mujhe is jagatamen merī chintīt vastu hai, usamen koī vighna nahīn ātā hai. aise gnāyakakā jise ras lagā, gnāyakadevakī vidyā pragaṭ huyī, jahān̐ ho vahān̐ gnāyakakī akhaṇḍa
PDF/HTML Page 354 of 1906
single page version
pariṇati pragaṭ hai. pratikṣhaṇ use gnāyakakī pariṇati maujūd hī hai. gnāyakake prabhāvake kāraṇ gnāyakadevakā aisā mantra usake pās hai ki use vibhāvakā ras nahīn lagatā hai. usase vah bhinna hī rahatā hai.
gnāyakamen sabakuchh hai. gnāyak chintāmaṇi ratna kaho athavā kalpavr̥ukṣha kaho yā jo bhī kaho, sab gnāyakamen hī bharā hai, bāharamen kahīn nahīn hai. itanā use gnāyakadevakā ras lagā hai ki vibhāvakā ras use ṭūṭ gayā hai. isaliye vah usase bhinna hī rahatā hai. usane mokṣhamārgamen prayāṇ kiyā hai. gnāyakakā ras aisā lagā ki use dūsare ras lagate nahīn aur āsravakā jhahar use chaḍhatā nahī̃n.
mumukṣhuḥ- dev-gurukī bhaktiko bhī jhahar kahanā?
samādhānaḥ- shubhabhāvakī apekṣhāse kahanemen ātā hai. āchāryadev kahate hain, amr̥utakumbh aur viṣhakumbh jo pratikramaṇ (adhikāramen) ātā hai. ham to shubhabhāv hain usako bhī hamane tīsarī bhūmikākī apekṣhāse viṣhakumbh kahā, to ashubhabhāv to kahān̐se amr̥ut ho? ham to ūpar chaḍhaneko kahate hain, nīche utaranako nahīn kahate haĩn. ham tīsarī bhūmikāmen jāneke liye kahate hain ki shubhāshubh bhāv donon vibhāv hai. donon ek samān hai. par nimittase honevāle mere svabhāvase bhinna haĩn. isaliye donon ek hī koṭike haĩn. aisā kahate hain, vah tīsarī bhūmikāmen nirvikalpa dashāmen tū jā aur tū aisī sachchā shraddhā kar ki ye donon ākulatāvāle haĩn. sachchī shraddhā, sachchī pariṇati andarase pragaṭ kar aur amr̥utakumbhakī tīsarī bhūmikā pragaṭ karaneke liye ham kahate hain, parantu nīche utaraneke liye nahīn kahate haĩn. tū shubh chhoḍakar ashubhamen jā, to nīche giraneko nahīn kahate hain ki yah sab to shubh hai, ab usakī koī āvashyakatā nahīn hai, isaliye ashubhamen kyā harakat hai? tū shubhamen nahīn khaḍā rahegā to terī pariṇati to bāhar hī hai, ashubhamen to terī gati honevālī hī hai. isaliye tū tīsarī bhūmikākī shraddhā rakha. parantu vah pariṇati tujhe pragaṭ nahīn ho rahī hai to usakī jignāsā kar, shubhabhāvako chhoḍakar tū ashubhamen jā aisā aisā āchāryadevako nahīn kahanā hai.
dev-guru-shāstra, jinhonne muktikā mārga batāyā hai, jinhonne sachchā dharma batāyā hai, jo anādi kālase jānatā nahīn thā, mārga sūjhatā nahīn thā, aisā gurune batāyā, aisā shāstramen āyā, jinendra devane batāyā, jo sādhanā sādh rahe hain, jinhonne pūrṇatā prāpta kī hai, jo sādhanā karate hain, aise guru ātmā kaisā ho, use dekhaneke liye ek ādarsha hain, ek darpaṇarūp hai, shubhabhāvamen svayaṅko un par bhakti āye binā nahīn rahatī. svayam apanese jānatā nahīn hai, parantu jo mārga darshāte hain, unakī apūrva pariṇatiko dekhaneke liye, usake liye ādarsha haĩn. isaliye vah shubhabhāv bīchamen āye binā rahate nahī̃n. isaliye
PDF/HTML Page 355 of 1906
single page version
vivek karake rahane jaisā hai. dr̥uṣhṭimen aisā rakhe ki shuddhabhāv sarvasva hai-shuddhātmā. parantu vah usamen pahun̐ch nahīn sakatā hai isaliye āye binā nahīn rahate. ashubhabhāvase bachaneko shubh ātā hai.
mumukṣhuḥ- vivek karanā hai.
samādhānaḥ- vivek rakhanā chāhiye. ... usamen nahīn khaḍā rahegā to kahān̐ jāyegā? to ashubhamen gati-pariṇatikī gati to chālū hī hai. aise nahīn hogā to yahān̐ jāyegā. isaliye tū shraddhā barābar rakh ki yah sab mere shuddhātmāse bhinna hai. merā svabhāv nahīn hai, sab ākulatārūp hai. pravr̥utti hai, ākulatā hai, parantu usase chhūṭakar is or jāyegā to ashubhamen jānā hogā. sānsārik laukikake liye tū kitanā prayatna karatā hai. shubhabhāvamen aisī bhāvanā tujhe āye binā nahīn rahegī. kyoṅki jo sachchā mārga batānevāle, ātmākā jo svarūp hai use dekhaneke liye ek ādarsharūp hai, ek darpaṇarūp hai, unakā anādar karake isamen jāyegā to tujhe nukasānakā kāraṇ hogā. vyavahārase ātmākī mahimā lāneke liye jo nimittarūp hai, svayam vichār kare to dev-gurukī mahimā, merā ātmā kaisā hai, ve kyā darshāte hain, tere ātmākī or muḍanekā ek kāraṇ hotā hai. parantu shraddhā barābar rakha.